ߕߊ߯ߡߊߘߋ߲߫ ߡߐ߰ ߁߈ ߠߋ߬ ߕߏߣߍ߲߫ ߖߌ ߘߐ߫߸ ߡߍ߲ ߠߎ߬ ߕߍ߬ߘߍ߫ ߘߏ߲߬ ߓߟߏ ߡߊ߬ ߊߛߌߔߊ߲߫ ߞߣߐ߫߸ ߞߊ߬ ߓߐ߫ ߡߊ߬ߙߐߞߎ߬ ߝߍ߬ ߞߵߊ߬ߟߎ߫ ߞߎ߲߬ߟߊ߫ ߞߋ߳ߕߊ߫ ߞߊ߲߬، ߊߛߌߔߊ߲߫ ߝߊ߰ߡߊ ߟߎ߫ ߣߐ߬ ߟߊ߬ߛߋ߬ߟߌ ߡߍ߲ ߞߍ߫ ߟߊ߫ ߓߌ߬ ߛߌ߬ߣߌ߲߬ߟߏ߲ ߢߌ߲߬ ߡߊ߬ ߏ߬ ߘߐ߫߸ ߂߀߂߆ ߞߊ߬ߙߌ߬ߝߐ ߕߟߋ߬ ߃߁߸ ߏ߬ ߟߋ ߣߐ߬ ߡߐ߰ ߁߈ ߕߏ߫ ߞߏ ߝߐ߫ ߟߊ߫ ߖߌ ߘߐ߫.

ߡߊ߬ߛߎߓߊ ߣߌ߲߬ ߞߍߣߍ߲߫ ߠߋ߬ ߕߋ߲߬߸ ߞߵߊ߬ ߛߐ߬ߘߐ߲߬ ߡߐ߰ ߃߀߀߀ ߖߊ߬ߕߋ߬ ߓߘߊ߫ ߘߏ߲߬ ߊߛߌߔߊ߲߫ ߞߣߐ߫ ߕߟߋ߬ ߘߊ߲ߘߐ ߣߌ߲߬ ߞߣߐ߫، ߝߊߦߌߘߊ߫߸ ߞߵߊ߬ ߕߊ߬ ߂߀߂߁ ߡߊ߬ ߤߊ߲߯ ߕߋ߲߬߸ ߊ߬ ߢߐ߲߰ ߖߡߊ߬ ߡߊ߫ ߘߏ߲߬ ߞߋ߳ߕߊ߫ ߝߍ߬ ߡߎߣߎ߲߬، ߓߌߟߏ߲߸ ߡߐ߰ ߛߌߦߊߡߊ߲߫ ߠߋ߬ ߞߊ߬ ߓߐߕߏ߲ ߞߐߛߊ߬ߥߏ߬߸ ߘߏ߫ ߟߎ߫ ߦߴߊ߬ߟߎ߫ ߛߋ߲߭ߡߊ߬߸ ߘߏ߫ ߟߎ߫ ߦߋ߫ ߘߎ߰ߞߎߟߎ߲ ߞߣߐ߫.

ߖߊ߬ߕߋ߬ߡߌߣߊ߫ ߞߎ߲߬ߝߟߐ ߟߎ߬ ߘߐ߫߸ ߡߐ߰ ߂ ߀߀߀ ߤߊ߲߯ ߃ ߀߀߀ ߖߊ߬ߕߋ߫ ߟߋ߬ ߓߘߊ߫ ߛߋ߫ ߛߎߘߊ߲߫ ߠߊ߫ ߞߊ߬ ߘߏ߲߬ ߊߛߌߔߊ߲߫ ߘߎ߰ߞߟߏ ߞߊ߲߬، ߘߏ߫ ߟߎ߫ ߞߵߊ߬ߟߎ߬ ߣߊߥߎ߲߫ ߠߋ߬ ߖߌ ߞߊ߲߬ ߤߊ߲߯ ߞߊ߬ ߛߋ߫ ߕߊ߬ߙߊߖ߭ߊ߬ߟ ߞߌ߬ߢߍ ߞߊ߲߬߸ ߘߏ߫ ߟߎ߫ ߝߣߊ߫ ߞߵߊ߬ߟߎ߬ ߛߐߙߐ߲߫ ߣߍ߰ ߢߊ߲ߛߊ߲ ߠߋ߬ ߞߘߐ߫ ߡߊ߬ߙߐߞߎ߬ ߣߌ߫ ߞߋ߳ߕߊ߫ ߕߍߟߊ ߘߐ߫.

ߖߌ߬ߦߊ߬ߖߟߎ ߡߍ߲ ߠߎ߬ ߟߊߖߍ߲ߛߍ߲ߣߍ߲ ߦߋ߫ ߘߴߊ߲ ߓߟߏ߫߸ ߊ߬ ߞߏ ߞߟߊߡߊ߲߫ ߠߋ߬ ߕߘߍ߬ ߞߘߏߞߘߏ߫߸ ߘߏ߫ ߟߎ߫ ߦߋ߫ ߛߌߟߊ ߞߊ߲߬߸ ߘߏ߫ ߟߎ߫ ߦߋ߫ ߖߌߘߊ ߟߊ߫، ߘߋ߲ߣߍ߲ ߠߎ߬ ߦߴߊ߬ ߘߐ߫߸ ߘߏ߫ ߟߎ߫ ߝߣߊ߫ ߣߴߊ߬ߟߎ߬ ߘߋ߲ ߠߎ߬ ߦߋ߫، ߊ߬ߟߎ߬ ߦߙߌߞߊ߫ ߞߋߟߋ߲߫ ߡߊ߫ ߟߊߕߍ߰߸ ߊ߬ߟߎ߬ ߓߐ߫ ߦߙߐ߫ ߖߐ߲ߖߐ߲߫ ߝߣߊ߫ ߡߊ߫ ߟߊߕߍ߰.

ߌ ߓߊ߯ ߡߊ߲߬ߞߊ߲ ߏ߬ ߥߟߌ߬ߣߍ߲ ߦߋ߫ ߞߊ߬ ߡߐ߰ ߛߌߦߊߡߊ߲߫ ߥߎ߬ߝߊ߲߬ ߢߊ ߏ߬ ߡߊ߬߸ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߟߋ߬ ߖߍ߲ߛߍ߲ߣߍ߲߫ ߞߏ߫ ߓߐߕߏ߲ ߦߙߐ ߏ߬ ߘߊ ߓߘߊ߫ ߟߊߞߊ߬، ߘߋ߲ߡߌߛߍ߲ ߠߎ߬ ߝߣߊ߫ ߞߊ߬ ߛߌߟߊ߫ ߝߌߟߊߣߊ߲ ߓߐ߫ ߏ߬ ߟߋ ߘߐ߫߸ ߞߊ߬ ߡߊ߬ߙߐߞߎ߬ ߞߟߍ߬ߡߐ߮ ߟߎ߬ ߟߊ߫ ߓߊ߬ߟߊ߲ ߡߟߊ߫.

ߗߍ߬ ߛߊ߲߬ ߃߂ ߘߏ߫ ߕߟߊߣߍ߲߫ ߊ߬ ߞߏ ߖߐ߭ ߟߊ߫߸ ߏ߬ ߞߊ߲߫ ߞߏ߫ ߊ߬ ߞߊ߬ ߞߎߘߍ߫ ߁߄ ߠߋ߬ ߕߊ߯ߡߊ߫ ߊ߬ ߛߋ߲߭ ߡߊ߬߸ ߞߣߊ߬ߕߏ߫ ߊ߬ ߕߋ߬ ߟߊ߫ ߖߌ ߞߊ߲߬، ߟߊ߲߬ߓߏ߲ ߞߵߊ߬ߟߋ ߡߊߛߍ߰ ߏ߬ ߢߊ ߟߋ߬ ߡߊ߬߸ ߞߏ߫ ߊ߬ ߖߍ߬ߘߍ ߢߊߞߌߛߍ߫ ߝߌ߬ߟߊ ߢߣߊ߫߸ ߞߊ߲ߡߋߙߋ߲߫ ߝߌ߬ߟߊ߬ ߕߏ߫ ߘߊ߫ ߖߌ ߘߐ߫، ߊ߬ ߝߣߊ߫ ߕߐ߰ߘߐߝߊ߰ ߢߊ ߟߋ߬ ߞߍߣߴߏ߬ ߘߌ߫߸ ߞߵߊ߬ ߞߐߛߊ߬ߦߌ߲߬.

ߞߋ߳ߕߊ߫ ߞߣߐ߫ ߕߋ߲߬߸ ߘߋ߲ߣߍ߲ ߠߎ߬߸ ߡߐ߰ߓߊ ߟߎ߬߸ ߊ߬ߟߎ߬ ߛߌߦߊߡߊ߲߫ ߞߢߊ߬ߣߍ߲߫ ߦߋ߲߬ ߕߋ߲߬، ߝ߰ߣߌ߲ ߠߎ߬ ߣߌ߫ ߛߊ߬ߡߘߊ ߟߎ߬ ߦߋ߫ ߞߐ߰ߖߌ ߞߊ߲߬ ߝߊ߲߭ ߓߍ߯ ߘߐ߫.

ߟߊ߬ߛߣߍ߬ߟߌ߬ ߦߙߐ ߡߍ߲ ߦߋ߲߬߸ ߏ߬ ߓߘߊ߫ ߝߊ߫ ߞߵߊ߬ ߘߡߊߛߙߊߓߊ ߟߊ߫، ߊ߬ ߞߋ߳ߕߊ߫ ߞߊ߲ߕߌ߮߸ ߗ߭ߎߥߊ߲ ߝ߭ߌߝ߭ߊߛ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬، ߡߊߘߙߌߘ ߓߘߴߊ߬ ߟߊߛߋ߫ ߞߏ߫ ߊ߬ ߓߍߣߊ߬ ߣߊ߲߬ߕߌ߮ ߟߎ߬ ߟߊߖߌ߰ ߊ߬ߟߎ߬ ߞߊ߲ߡߊ߬ ߦߋ߲߬߸ ߊ߬ ߣߌ߫ ߣߊߥߎ߲ߠߌ߲ߠߊ ߟߎ߬߸ ߞߵߏ߬ ߟߊ߫ ߞߎߟߎ߲ ߠߎ߬ ߞߊ߲߬߸ ߊ߬ ߣߌ߫ ߞߊ߬ ߣߊ߲߬ߕߌ߰ ߇߀ ߝߊ߬ߙߴߊ߬ߟߎ߫ ߞߊ߲߬، ߊ߬ ߞߎߡߊ ߟߋ߬ ߜߊ߬ߣߌ߲߫ ߕߋ߲߬ ߞߏߛߓߍ߫߸ ߊߛߌߔߊ߲߲߲߫ ߣߌ߫ ߡߊ߬ߙߐߞߎ߬ ߕߍ߫߸ ߞߊ߬ ߓߍ߲߬ ߡߐ߰ ߘߏ߲߬ߣߍ߲ ߠߎ߬ ߡߊ߬ ߛߊ߬ߙߌ߬ߦߊ߬ ߞߊ߲ߞߕߐߡߊ߬.