ߕߊ ߟߋ߬ ߥߟߌ߬ߣߍ߲߫ ߕߎ ߟߊ߫ ߍߛߑߔߊߢߌ߲߬ ߞߣߐ߫߸ ߟߐߛ ߜߟߊߙߑߘߐߛ ߕߌ߲߬ߞߎߘߎ߲ ߘߐ߫߸ ߊߟߑߡߋߙߊ߫ ߘߊߝߍ߬، ߕߌ߲߬ߞߎߘߎ߲ ߝߊ߰ߡߊ ߟߎ߬ ߟߊ߫ ߘߊ߲߬ߕߍ߰ߟߌ߬ ߘߐ߫ ߟߊ߬ߛߋ߬ߟߌ߬ ߛߓߍ ߘߏ߫ ߞߣߐ߫߸ ߊ߬ ߦߌ߬ߘߊ߬ߣߍ߲߫ ߞߏ߫ ߡߐ߰ ߁߁ ߠߋ߬ ߝߊ߰ߣߍ߲߫ ߕߊߓߐ ߣߌ߲߬ ߘߐ߫ ߡߎߣߎ߲߬، ߞߌ߬ߓߊ߬ߙ߬ߏߘߊ߬ ߛߌߦߊߡߊ߲߫ ߦߴߊ߬ ߟߊߞߊ߬ߟߌ߬ ߟߊ߫ ߞߏ߫ ߝߊ߰ߓߊ߰ߕߐ ߕߊ߲ߣߝߌߟߊߣߊ߲ ߝߣߊ߫ ߟߊ߫ ߞߏ ߢߊߢߌߣߌ߲ ߦߴߌߘߐ߫.
ߕߊ ߣߌ߲߬ ߥߟߌ߬ ߘߊ߫ ߓߌߟߏ߲ ߠߋ߬ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߉ ߡߊ߬߸ ߞߣߊ߬ߕߏ߫ ߖߊߡߊ߲߫ ߠߊ߫ ߞߊ߬ ߦߟߌ߬ ߓߋߘߊߙ ߝߊ߲߭ ߝߍ߬߸ ߌߞߏߡߌ߲߬ ߦߋ߲߬ ߠߎ߬ ߖߊ߬ߣߍ߲߫ ߠߋ߬ ߕߟߋ߬ߡߊ߬ߜߍ ߓߟߏ߫ ߕߋ߲߬߸ ߏ߬ ߟߋ ߕߊ߬ߡߌ߲߬ ߘߊ߫ ߝߊ߲߬ߞߊ߬ ߘߌ߫ ߟߊ߫ ߕߊ ߡߊ߬߸ ߝߢߐ߸ ߞߟߊߦߊ߫ ߘߊ߲߬ߠߊߕߊ߬ߡߌ߲߬ߣߍ߲߸ ߏ߬ ߓߍ߯ ߕߊ߬ߡߌ߲߬ ߘߊ߫ ߕߊ ߣߌ߲߬ ߖߎ߯ߦߊ߫ ߟߊ߫، ߡߞߊ߬ߘߊ߲߬ߠߌ߲߬ߠߊ߫ ߡߐ߰ ߁߅߀ ߟߋ߬ ߟߊߥߟߌ߬ߣߍ߲߫ ߕߋ߲߬ ߞߊ߬ ߛߋ߫ ߦߋ߲߬، ߊ߬ ߖߍ߬ߘߍ ߦߌ߬ߘߊ߬ߣߍ߲߫ ߞߏ߫ ߣߊ߲߬ߕߌ߮ ߡߍ߲ ߦߋ߲߬ ߕߋ߲߬߸ ߊ߬ ߘߌ߫ ߂߂߀ ߢߐ߲߰ ߓߐ߫߸ ߘߏ߫ ߟߎ߫ ߦߋ߫ ߛߊ߲ߡߕߊ ߟߎ߬ ߘߌ߫߸ ߓߍ߯ ߦߴߊ߬ ߞߊ߲߬ ߞߊ߬ ߕߊ ߟߊߛߊ߬ ߞߏ ߢߊߢߌߣߌ߲߫.
ߊ߲ߕߏߣߌߦߏ ߛߊ߲ߖ߭ ߟߊ߫ ߝߐߟߌ߫ ߘߐ߫߸ ߊ߬ߟߋ ߡߍ߲ ߦߋ߫ ߊ߲ߘߊߟߎߖ߭ߌ߫ ߕߌ߲߬ߞߎߘߎ߲ ߖߋ߬ߓߌ߬ߦߊ߬ߟߊ ߘߏ߫ ߘߌ߫߸ ߞߏ߫ ߕߊ ߥߊߣߍ߲߫ ߓߙߊ߬ ߟߊ߫ ߡߐ߱ ߟߎ߬ ߘߐ߫ ߟߋ߬ <<ߞߊ߬ ߓߙߊ߬ ߕߊ ߖߊߡߊ߲߫ ߠߊ߫ ߕߋ߲߬ ߌߞߘߐ߫>> ߞߵߊ߬ ߛߐ߬ߘߐ߲߬ ߡߐ߱ ߟߎ߬ ߦߋ߫ ߦߙߐ ߏ߬ ߓߌ߬ߟߊ ߞߊ߲߬߸ ߞߊ߬ ߓߍ߲߬ ߞߎ߲߬ߠߊ߬ߛߌ߮ ߟߊ߫ ߦߙߐ߫ ߕߐ߰ߡߊ߬ߛߙߋ߬ߣߍ߲ ߠߎ߬ ߡߊ߬߸ ߡߐ߱ ߟߎ߬ ߞߊ߫ ߞߊ߲߫ ߞߊ߬ ߥߊ߫ ߦߙߐ ߡߍ߲ ߠߎ߬ ߘߐ߫. ߛߎ߬ ߛߌߦߊߡߊ߲߫ ߠߋ߬ ߦߋ߫ ߘߊ߫ ߘߎ߰ߞߎߟߎ߲߫ ߖߋ߬ߣߌ߲߬ߣߍ߲ ߠߎ߬ ߞߣߐ߫.
ߡߐ߰ ߆߀߀ ߖߊ߬ߕߋ߫ ߟߋ߬ ߓߘߊ߫ ߟߊߓߐ߫ ߦߋ߲߬ ߕߋ߲߬߸ ߡߐ߰ ߓߌ߫ ߦߙߌߞߊ߫ ߝߣߊ߫ ߓߍ߫߸ ߏ߬ ߟߎ߬ ߦߋߣߍ߲߫ ߕߍ߫ ߡߎߣߎ߲߬، ߊ߬ߟߎ߬ ߘߊ߫ ߦߙߐ߫ ߟߊߘߊ߲߫߸ ߡߍ߲ ߠߎ߬ ߓߐߣߍ߲߫ ߕߊߓߐ ߣߌ߲߬ ߘߐ߫߸ ߏ߬ ߟߎ߬ ߘߌ߫ ߟߊߕߊ߯ ߝߊ߲߭ ߡߍ߲ ߘߐ߫߸ ߞߵߊ߬ߟߎ߬ ߓߊߛߌ߰߸ߞߵߊ߬ߟߎ߫ ߖߌ߱ߕߎ߲߰، ߝߊ߰ߡߊ ߟߎ߬ ߞߊ߲߫ ߞߏ߫ ߕߊߓߐ ߣߌ߲߬ ߛߓߊߓߎ ߞߍߣߍ߲߫ ߢߎߡߍߖߟߎ ߘߏ߫ ߟߋ߬ ߓߋ߭ ߘߌ߫ ߘߎ߱ ߡߊ߬߸ ߝߊߦߌߘߊ߫ ߕߊߓߐ ߣߌ߲߬ ߞߎ߲߭ ߟߊߣߍ߲߫ ߏ߬ ߟߋ ߞߎ߲߬، ߊ߬ ߞߏ ߞߏ߬ߣߌ߲ ߢߊߢߌߣߌ߲ ߦߴߌߘߐ߫.
Aucun commentaire pour le moment.