ߊߓߌߖߊ߲߬ ߞߣߐ߫߸ ߕߐ߲ߓߟߏߡߊ ߘߏ߫ ߟߋ߬ ߣߐ߬ ߊ߬ ߖߋ߬ߕߌ߰ߡߛߏ߬ ߞߘߐ ߖߋ߬ߕߌ߰ߗߍ߫ ߓߏ߲߫ ߠߊ߫ ߞߵߊ߬ ߝߊ߰߸ ߘߋ߲߫ ߞߋߟߋ߲߫ ߦߴߊ߬ ߣߌ ߘߋ߲ߡߛߏ ߏ߬ ߕߍ߫ ߞߘߐ߬ߡߊ߲߬߸ ߏ߬ ߛߊ߲߬ ߣߊ߯ߣߌ߲ ߠߋ߬ ߕߋ߲߬، ߣߌ߲߬ ߞߏ ߞߍ߫ ߘߊ߫ ߘߓߊ߬ߓߌߟߊ ߕߟߋ߬ ߁߄ ߛߎ ߟߋ߬ ߘߐ߫߸ ߊߕߋߞߎߓߋ߫.
ߡߊ߬ߛߎ߬ߓߊ߬ ߞߏ ߣߌ߲߬ ߞߍ߫ ߘߊ߫ ߊߓߌߖߊ߲߬ ߂߀߂߅ ߘߓߊ߬ߓߌߟߊ ߕߟߋ߬ ߁߄ ߠߋ߬ ߡߊ߬ ߏߔߋߙߊ߫ ߞߌ߲߬ߘߊ ߟߊ߫߸ ߊߕߋߞߎߓߋ߫߸ ߂߃ߙߋ߲߂߀، ߕߐ߲ߓߟߏߡߊߗߍ ߘߏ߫ ߟߋ߬ ߕߋ߲߬߸ ߞߊ߬ ߝߘߊ߫ ߞߏߞߏߘߌ߫ ߕߐ߲ߓߟߏߡߘߊ ߘߏ߫ ߟߊ߫، ߏ߬ ߟߋ ߣߐ߬ ߓߏߤߛߎ߫ ߖ߭ߏ߬ߙߍߛ ߝߊߡߌߦߍ߲߫ ߓߏ߲߫ ߠߊ߫߸ ߊ߬ ߖߋ߬ߕߌ߰ߡߛߏ߬ ߞߘߐ ߖߋ߬ߕߌ߰ߗߍ߫ ߟߵߏ߬ ߘߌ߫߸ ߘߋ߲ߡߛߏ ߏ߬ ߡߍ߲ ߕߐ߯ ߞߏ߫ ߞߎߥߊߡߋ ߊߖߎߥߊ߫ ߔߊߙߑߝߍߕ߸ ߊ߬ ߛߊ߲߭ ߂߇ ߟߋ߬ ߕߋ߲߬߸ ߊ߬ ߓߘߊ߫ ߓߊ߲߫ ߞߊ߬ߙߊ߲ ߠߊ߫߸ ߓߊ߬ߙߌ߬ ߓߊ߯ߙߊ߫ ߕߴߊ߬ ߓߟߏ߫.
ߊ߲ ߠߊ߫ ߟߌ߬ߤߟߊ߫ ߞߎ߲߬ߝߟߐ ߡߍ߲ ߠߎ߬ ߛߐ߬ߘߐ߲߬ ߠߊ߫߸ ߊ߬ ߝߐ߫ ߘߴߊ߲ ߧߋ߫ ߟߋ߬ ߞߏ߫ ߕߐ߲ߓߟߏߡߊߗߍ ߣߌ߲߬ ߥߊߕߐ߫ ߕߘߍ߬ ߘߋ߲ߡߛߏ ߟߎ߬ ߟߊ߫ ߟߎ ߡߊ߬ ߟߋ߬߸ ߘߋ߲ߡߛߏߣߍ߲߫ ߞߋߟߋ߲߫ ߦߴߊ߬ ߣߴߏ߬ ߡߍ߲ ߕߍ߫߸ ߏ߬ ߛߊ߲߬ ߣߊ߯ߣߌ߲ ߠߋ߬ ߕߋ߲߬، ߓߌ߬ ߕߎ߲߬ ߡߴߊ߬ߟߎ߫ ߓߌ߬ߟߊ߬ ߢߐ߲߯ ߝߍ߬، ߒ߬ߓߊ߬߸ ߊ߬ ߥߊ߫ ߘߊ߫ ߓߐ߫ ߞߊ߲ ߠߋ߬ ߡߊ߬ ߘߋ߲ߡߛߏ ߡߵߊ߬ߟߎ߬ ߟߊ߫ ߟߎ ߡߊ߬ ߂߃ߙߋ߲߂߀ ߡߊ߬߸ ߊ߬ ߥߊ߫ ߘߊ߫ ߗߍ߭ ߘߏ߫ ߛߐ߬ߘߐ߲߬ ߘߋ߲ߡߛߏ ߝߍ߬ ߟߎ ߞߣߐ߫ ߦߋ߲߬߸ ߏ߬ ߕߐ߯ ߞߏ߫ ߓߏߤߛߎ ߖ߭ߏ߬ߙߍߛ ߝߊߡߌߦߍ߲߫، ߡߊ߲߬ߞߊ߲ ߥߟߌ߬ ߘߴߊ߬ ߣߴߏ߬ ߕߍ߫߸ ߞߟߋ߬ߦߊ ߞߏߛߐ߲߬، ߕߐ߲ߓߟߏߡߊߗߍ ߡߊ߫ ߛߴߊ߬ ߖߎ߬ߛߎ ߟߊ߫ ߡߎ߬ߕߎ߲߬߸ ߊ߬ ߞߵߊ߬ ߟߊ߫ ߕߟߏߞߘߐ ߟߊߓߐ߫ ߊ߬ ߞߎ߲߬ ߌߞߘߐ߫ ߞߊ߬ ߞߊ߲ߡߋߙߋ߲ ߓߏ߲߫߸ ߏ߬ ߝߊ߰ ߘߊ߫ ߦߙߐ ߏ߬ ߟߋ ߘߐ߫ ߦߋ߲߬ ߤߊߟߵߊ߬ ߡߊ߫ ߓߐ߫ ߦߋ߲߬. ߊ߬ ߛߎ߭ ߕߊ߬ ߘߊ߫ ߞߊ߬ ߥߴߊ߬ ߘߌ߫ ߌߝ߭ߏߛߍߔ ߛߎ߬ߓߏ߲ ߠߊ߫ ߊߖߊߡߋ߬.
ߏ߬ ߟߋ ߞߍ߫ ߘߊ߫ ߘߖ߭ߌߦߍߡ ߊߙߐ߲ߘߌߛߋߡߊ߲ ߕߐ߲ߓߟߏߡߘߊ ߟߊߟߐ߲ߠߌ߲߫ ߢߊ ߘߌ߫߸ ߏ߬ ߟߎ߫ ߣߊ߬ ߘߊ߫ ߌߞߘߐ߫߸ ߞߊ߬ ߘߋ߲ߡߛߏ ߕߊ߬ ߞߊ߬ ߥߴߊ߬ ߘߴߊ߬ߟߎ߬ ߓߟߏ߫߸ ߛߴߊ߬ ߘߌ߫ ߓߌ߬ߟߊ߫ ߟߊ߬ߞߊ߲߬ߘߊ߬ߟߌ ߞߣߐ߫߸ ߞߵߏ߬ ߞߎ߲߭ ߞߍ߫ ߊ߬ ߞߏ ߡߊ߲߬ߞߊ߲ ߥߊ߬ߙߊ ߘߌ߫ ߦߋ߲߬.
ߘߋ߲ߡߛߏ ߘߊߘߐߢߌ߬ߣߌ߲߬ߞߊ ߡߍ߲ ߞߍ߫ ߘߊ߫߸ ߞߎߥߊߡߋ ߊߖߎߥߊ ߔߊߙߑߝߍߕ ߞߵߊ߬ ߦߌ߬ߘߊ߬ ߞߏ߫ ߕߐ߲ߓߟߏߡߊߗߍ ߡߊ߬ߞߏ߫ ߕߎ߲߬ ߕߴߊ߬ߟߋ ߟߊ߫߸ ߊ߬ ߡߊ߬ߞߏ߫ ߕߎ߲߬ ߕߴߊ߬ߟߎ߬ ߘߋ߲ߡߛߏߣߍ߲ ߠߊ߫߸ ߏ߬ ߟߋ ߞߵߊ߬ ߟߐ߬ ߗߍ߭ ߦߋ߫ ߟߊ߫ ߞߵߊ߬ ߕߏ߫ ߦߋ߲߬.
ߢߊߢߌߣߌ߲ߠߌ߲ ߘߏ߫ ߓߘߊ߫ ߛߌ߰ ߛߋ߲߬ߠߊ߫߸ ߊ߬ ߞߏ ߢߊߘߐߜߍ ߟߐ߲߫ ߞߊ߲ߡߊ߬߸ ߞߵߊ߬ ߟߐ߲߫ ߡߊ߬ߛߎ߬ߓߊ߬ ߞߏ ߣߌ߲߬ ߛߓߊߓߎ ߞߍߣߍ߲߫ ߡߍ߲ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.