ߞߎߣߎ߲߬ ߛߌ߬ߣߌ߲߬ߟߏ߲ ߡߊ߬ ߂߀߂߅ ߥߊ߬ߛߌ߬ߥߙߊ ߕߋ߬ߟߋ߫ ߂߇ ߡߊ߬߸ ߓߌ߬ߟߊ߬ߒ߬ߘߐ߬ߖߎ߰ߓߊ߫ ߟߋ߬ ߞߍ߫ ߘߊ߫ ߘߍߟߑߕߊ߫ ߘߎ߳ ߣߌߟ߸ ߡߌߛߌ߬ߙߊ߲߫ ߖߡߊ߬ߣߊ ߞߊ߲߬߸ ߏ߬ ߡߍ߲ ߞߍ߫ ߘߊ߫ ߡߐ߰ ߁߉ ߓߐ߬ߣߐ ߛߓߊߓߎ ߘߌ߫ ߊ߬ߟߎ߬ ߣߌ ߘߐ߫، ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߘߊ߫ ߊߛ߭ߑߡߎߣ ߘߎ߱ ߕߌ߲߬ߞߎߘߎ߲ ߛߌߟߓߊ ߘߏ߫ ߟߋ߬ ߞߊ߲߬߸ ߡߋߣߎߝߌߦߊ߫ ߞߎ߲߬ߠߊ߬ߛߌ߰ߟߊ ߞߣߐ߫، ߞߊ߲ߓߋ߲ ߘߏ߫ ߟߋ߬ ߣߌ߫ ߛߏߝߍߞߎߟߎ߲ ߘߏ߫ ߞߵߊ߬ ߛߌ߰ ߢߐ߲߮ ߞߎ߲߬߸ ߓߊ߯ߙߊߘߋ߲߫ ߜߊ߲߰ߛߊ߲߫ ߠߋ߬ ߕߘߍ߬ ߛߏߝߍߞߎߟߎ߲ ߏ߬ ߞߣߐ߫߸ ߡߍ߲ ߠߎ߬ ߕߊ߯ߕߐ߫ ߕߍ߬ߘߍ߫ ߊ߬ߟߎ߬ ߟߊ߫ ߓߊ߯ߙߊ߫ ߦߌߟߊ ߘߐ߫.

ߡߌߛߌ߬ߙߊ߲߬ ߓߊ߯ߙߊ ߞߏߕߌ߮ ߟߊ߫ ߟߊ߬ߛߋ߬ߟߌ߬ ߛߓߍ ߘߏ߫ ߞߣߐ߫߸ ߊ߬ ߦߌ߬ߘߊ߬ߣߍ߲߫ ߦߋ߲߬ ߞߏ߫ ߡߐ߰ ߛߓߊ߬ ߘߐߙߐ߲߫ ߠߋ߬ ߛߋ߫ ߘߊ߫ ߓߐ߫ ߟߴߊ߬ ߘߐ߫߸ ߊ߬ߟߎ߬ ߟߊ߫ ߛߏߝߍߞߎߟߎ߲ ߞߏ߬ߣߌ߲ ߘߐߥߦߊ߬ ߘߊ߫ ߟߋ߬ ߝߋߝߋ߫، ߖߐߞߌߓߊ߯ߕߐ ߟߎ߬ ߣߌ߫ ߛߊ߬ߓߊ߰ߕߐ ߟߎ߬ ߓߍ߯ ߕߊ߬ ߘߊ߫ ߞߊ߬ ߥߴߊ߬ߟߎ߬ ߘߌ߫ ߊߛ߭ߑߡߎߣ ߘߊ߲ߘߊߛߏ ߟߋ߬ ߟߊ߫߸ ߏ߬ ߡߍ߲ ߝߣߊ߫ ߟߊߛߙߋߦߊ߫ ߘߊ߫ ߘߌ߲߬ߞߌߙߊ ߝߐ߰ߓߍ߬ߘߊ߬ ߛߌߦߊߡߊ߲߫ ߓߟߏ߫.

ߓߊ߯ߙߊ ߞߏߕߌ߮ ߡߏ߬ߤߊ߬ߡߍ߬ߘ ߖ߭ߋߓߑߙߊ߲߫ ߡߊ߫ ߕߏ߫ ߡߊ߬ߞߎ߲߬ ߘߐ߫ ߣߌ߲߬ ߞߏ ߘߐ߫߸ ߊ߬ ߞߊ߬ ߖߊ߬ߡߊߙߌ ߘߌ߫ ߟߋ߬ ߌߞߘߐ߫߸ ߞߏ߫ ߞߊ߬ ߡߌߛߌ߬ߙߊ߲߬ ߟߌߝ߭ߙ ߥߊߘߌ ߂߀߀ ߀߀߀ ߘߌ߫ ߛߊ߬ߓߊ߰ߕߐ ߟߎ߬ ߞߐߙߍ ߞߋ߬ߟߋ߲߬ߞߋ߬ߟߋ߲߬ߠߊ ߡߊ߬ (ߏ߬ ߡߍ߲ ߦߋ߫ ߓߍ߲߬ ߠߊ߫ ߘߟߊ߫ ߥߊߘߌ ߄ ߀߁߀ ߡߊ߬߸ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߃߄ ߇߀߆ ߅߅߀ ߡߊ߬)، ߞߊ߬ ߓߊ߲߫ ߝߣߊ߫߸ ߞߏ߫ ߞߊ߬ ߟߌߝ߭ߙ ߂߀ ߀߀߀ ߘߌ߫ ߖߐߞߌߓߊ߯ߕߐ ߟߎ߬ ߞߐߙߍ ߞߋ߬ߟߋ߲߬ߞߋ߬ߟߋ߲߬ߠߊ ߡߊ߬ (ߏ߬ ߡߍ߲ ߝߣߊ߫ ߦߋ߫ ߓߍ߲߬ ߠߊ߫ ߘߟߊ߫ ߥߊߘߌ ߄߀߀ ߡߊ߬߸ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߫ ߃ ߄߆߂ ߀߀߀)، ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬߸ ߞߏ߫ ߡߍ߲ ߠߎ߬ ߣߌ߫ ߡߊ߬ߘߍ߬ߡߍ߲߬ߠߌ߲ ߞߊ߫ ߞߊ߲߫ ߞߎ߲߬ߠߊ߬ߛߌ߮ ߟߊ߫ ߞߎ߲߬ߠߊ߫߸ ߞߏ߫ ߞߵߏ߬ ߟߎ߬ ߝߣߊ߫ ߡߊߘߍ߬ߡߍ߲߬.

ߡߋߣߎߝߌߦߊ߫ ߞߎ߲߬ߠߊ߬ߛߌ߰ߟߊ ߌߓߙߊߤߌߡ ߊߓߎ߫ ߟߋߦߌߡߐߣ ߞߵߊ߬ ߟߊߛߋ߫߸ ߞߏ߫ ߞߊ߬ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫ ߞߊߟߌߦߊ߫ ߓߟߏ ߡߊ߬ ߌߞߘߐ߫߸ ߞߊ߬ ߓߌ߬ߟߊ߬ߒ߬ߘߐ߬ߖߎ߮ ߞߍߢߊ߫ ߖߐ߲ߖߐ߲ ߟߐ߲߫، ߊ߬ ߓߊ߲߫ ߘߊ߫ ߞߵߊ߬ ߢߌߣߌ߲߫ ߡߊ߬ߘߏ߬ߣߌ߲߬ߠߌ߲ ߞߏߕߌ߮ ߝߍ߬߸ ߞߏ߫ ߊ߬ ߦߋ߫ ߢߊ߫ ߖߐ߲ߖߐ߲߫ ߢߌߣߌ߲߫ ߟߊ߬ߞߊ߲߬ߘߊ߬ߟߌ߬ ߞߏ ߡߊ߬ ߛߌߟߊ ߞߊ߲߬߸ ߊ߬ ߕߌ߯ߕߌ߯ ߓߌ߬ߟߊ߬ߒ߬ߘߐ߬ߖߎ߮ ߞߍߣߍ߲߫ ߦߙߐ ߡߍ߲ ߘߐ߫ ߣߌ߲߬.

ߣߌ߫ ߡߐ߰ ߞߏ߬ߣߌ߲ ߞߊ߬ ߡߌߛߌ߬ߙߊ߲߬ ߡߊߝߟߍ߫߸ ߡߐ߱ ߥߊ߯ ߦߙߌߞߊ߫ ߟߋ߬ ߣߌ ߦߋ߫ ߕߏ߫ ߟߴߊ߬ ߘߐ߫ ߛߊ߲߭ ߞߣߐ߫ ߦߋ߲߬ ߓߌ߬ߟߊ߬ߒ߬ߘߐ߬ߖߎ߮ ߛߊߓߎ߫ ߟߊ߫، ߊ߬ ߘߏ߲߬߸ ߊ߬ߟߎ߬ ߟߊ߫ ߓߌ߬ߟߊ߬ߒ߬ߘߐ߬ߖߎ߮ ߝߊ߲߬ߓߊ ߛߓߊߓߎ ߦߋ߫ ߞߍ߫ ߟߊ߫ ߓߏ߬ߙߌ߬ ߞߏ߬ߖߎ߰ߦߊ ߟߋ߬ ߘߌ߫߸ ߊ߬ ߣߌ߫ ߛߌߟߊ ߦߙߐ ߘߏ߫ ߟߎ߫ ߕߌߢߍ߸ ߞߵߏ߬ ߟߊ߫ ߛߌߟߊ߫ ߞߊ߲߫ ߓߏߙߌ ߛߊ߬ߙߌ߬ߦߊ ߟߎ߬ ߡߝߊߓߊߟߌߦߊ ߞߊ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫