ߞߍ߲ߘߍߟߏ߲ ߂߀߂߅ ߣߍߣߍߓߊ ߕߟߋ߬ ߁߭ ߡߊ߬߸ ߡߌߛߌ߬ߙߊ߲߫  ߞߊ߬ ߘߎߢߊ߫ ߗߍߓߏ߲ߓߊ ߘߏ߫ ߘߊߦߟߍ߬߸ ߡߍ߲ ߕߐ߯ ߊ߬ߟߎ߬ ߓߟߏ߫ ߞߏ߫ ߡߌߛߌ߬ߙߊ߲߬ ߗߍߓߏ߲߫ ߓߟߋ߬ߓߟߋ (ߡߗߓ)߸ ߟߐ߲ߠߌ߲ߦߊ ߟߎ߬ ߟߊߕߊ߲߬ߞߊ߬ ߦߙߐ߬ߓߊ߫ ߟߋ߬ ߦߴߏ߬ ߘߌ߫ ߖ߭ߌߖߍ߬، ߏ߬ ߦߋ߫ ߝߙߎߕߎ߫ ߞߏ ߖߊ߬ߕߋ߬ߘߐ߬ߛߌ߰ߓߊ߫ ߟߋ߬ ߘߌ߫߸ ߡߍ߲ ߦߋ߫ ߞߎ߲ߝߊ߲ߓߐߟߌߟߊ ߟߎ߬ ߟߊ߫ ߞߎ߲ߝߊ߲ߓߐ߫ ߦߙߐߓߊ ߘߏ߫ ߘߌ߫ ߗߍ߫ ߞߘߐ߬ߡߊ߲ ߠߎ߬ ߟߊ߫ ߞߏ ߘߐ߫.

ߡߌߛߌ߬ߙߊ߲߬ ߖߏ߬ ߞߘߐ߬ߓߊ ߟߎ߬ ߣߴߊ߬ ߞߌߙߌ߲ߓߏ߲ߓߊ ߡߍ߲ ߠߎ߬ ߦߋ߫ ߖ߭ߌߖߍ߬߸ ߏ߬ ߟߎ߬ ߓߘߊ߫ ߟߊߦߋߟߋ߲ߧߊ߫ ߞߏߞߎߘߊ߫، ߊ߬ ߓߊ߯ߙߊ ߘߊߡߌ߬ߣߊ ߣߌ߫ ߛߌߛߍ߲߬ ߕߍ ߘߌ߫ ߛߊ߲߭ ߡߎ߬ߥߊ߫ ߢߐ߲߰ ߓߐ߫، ߊ߬ߟߎ߬ ߟߊ߫ ߞߊ߲ߕߌ߮ ߊߓߑߘߍߟ ߝߕߊ ߊ߬ߟ ߛߌߛߌ߫ ߣߌ߫ ߞߊ߬ߝߏ߬ ߞߎ߲߬ߕߌ߰ ߛߌߦߊߡߊ߲߫ ߠߋ߬ ߕߘߍ߬ ߞߣߍ ߣߌ߲߬ ߞߊ߲߬߸ ߊ߬ ߣߌ߫ ߡߊ߲߬ߛߊ߬ߓߏ߲ ߞߣߐ߫ ߡߐ߮ ߘߏ߫ ߟߎ߫ ߞߊ߬ ߝߘߊ߫ ߋߙߐߔߎ߬ ߣߌ߫ ߊߙߊߓߎߘߎ߯ ߟߊ߫، ߏ߬ ߟߎ߬ ߡߍ߲ ߠ߬ߎ ߓߍ߯ ߞߊ߬ ߣߌ߲߬ ߞߏ ߕߊ߲߬ߘߏ߫ ߕߊ߲߬ߘߏ߬ߟߌ߬ߓߊ ߟߊ߫߸ ߞߵߊ߬ ߦߌ߬ߘߊ߬ ߞߏ߫ <<ߡߐ߰ ߛߌ߫ ߞߊ߬ ߡߐ߰ߦߊ ߕߐ߬ߣߐ ߟߐ߲߫߸ ߊ߬ ߣߌ߫ ߢߣߊߡߦߊ ߘߌߡߊ߲߫ ߡߐ߰ ߛߌ߫ ߦߋ߫߸ (ߗߍߓߏ߲) ߣߌ߲߬ ߓߘߊ߫ ߞߍ߫ ߏ߬ ߟߎ߬ ߓߍ߯ ߟߊ߫ ߦߙߐߓߊ ߘߏ߫ ߘߌ߫.>>

ߞߎߘߍ߫ ߘߊ߲ߘߐ߫ ߟߋ߬ ߗߍߓߏ߲ ߣߌ߲߬ ߘߌ߲ߞߌߙߊ ߣߌ߫ ߛߑߝߍ߲ߞߛ ߕߍ߫߸ ߊ߬ ߣߌ߫ ߞߌߙߌ߲ߓߏ߲ ߠߎ߬߸ ߊ߬ ߢߐ߲߰ ߕߐ߬ߞߘߐ߬ߟߐ߲߬ߘߐ߬ߦߊ ߗߍߓߏ߲߫ ߓߟߋߓߟߋ߫ ߕߍ߫ ߘߎߢߊ߫ ߞߣߐ߫ ߕߋ߲߬߸ ߡߍ߲ ߠߊߘߊ߲ߣߍ߲߫ ߞߊ߬ߞߘߐ ߞߏ ߟߎ߬ ߟߊߡߙߊ߬ ߞߊ߲ߡߊ߬، ߊ߬ ߟߐ߬ ߢߊ ߞߊ߬ߞߎ߬ߘߦߊ߬ ߝߊߘߌ ߘߐ߫߸ ߊ߬ ߣߴߊ߬ ߟߊߡߎߣߎ߲ߧߊ߫ ߢߊ ߝߙߊ߬ߥߎ߬ߣߊ߬ ߟߎ߬ ߟߊ߫߸ ߏ߬ ߕߊ߬ߣߍ߲߫ ߞߎ߲ߝߊ߲ߓߐߟߌߟߊ ߟߎ߬ ߟߊ߫ ߞߎ߲ߝߊ߲ ߡߝߊ ߟߋ߬ ߡߊ߬߸ ߏ߬ ߡߍ߲ ߦߋ߫ ߡߌߛߌ߬ߙߊ߲߬ ߠߊ߫ ߛߐ߬ߘߐ߲ ߕߍߡߊ߫ߞߟߏ ߘߏ߫ ߘߌ߫ ߞߊ߬ߣߌ߲߬.

ߗߍߓߏ߲ ߣߌ߲߬ ߟߐ߭ ߖߐ߰ߣߍ ߘߌ߫ ߘߟߊ ߥߟߎ߬ߡߊ߬ ߞߋߟߋ߲߫ ߓߐ߫߸ ߊ߬ ߓߊ߯ߙߊ ߘߊߡߌ߬ߣߊ߬ ߘߊ߫ ߂߀߀߅ ߟߋ߬ ߟߊ߫߸ ߤߐߛߑߣߌ ߡߎߓߊ߯ߙߊߞ ߕߋ߬ߟߋ ߘߐ߫، ߊ߬ ߟߊߣߐ߯ ߘߊ߫ ߕߎ߬ߡߊ߬ ߛߌߦߊߡߊ߲߫ ߞߵߏ߬ ߞߎ߲߭ ߞߍ߫ ߓߘߍ߬ߓߘߍ߬ߟߌ߬ ߡߊ߲ߞߊ߲ ߠߎ߬ ߘߌ߫، ߏ߬ ߟߋ ߓߊ߯ߙߊ ߓߘߊ߫ ߣߊ߬ ߞߎ߲߭ߘߏ߲߬ ߣߌ߲߬ ߛߍߣߍ߲߬، ߞߊ߬ߕߎ߲߯߸ ߡߌߛߌ߬ߙߊ߲߬ ߦߴߊ߬ ߝߍ߬߸ ߊ߬ߟߋ ߟߋ߬ ߦߋ߫ ߞߍ߫ ߟߐ߲ߠߌ߲ߦߊ ߟߎ߬ ߓߍ߲߬ߕߍ ߘߌ߫ ߝߘߊ߬ߝߌ߲߬ߠߊ߬ ߞߣߐ߫߸ ߊ߬ ߣߌ߫ ߊߙߊߓߎߘߎ߯ ߣߌ߫ ߕߎ߬ߓߊ߬ߓߎ߬ߘߎߎ߯ ߟߎ߫ ߓߍ߯ ߞߣߐ߫ ߞߐߘߍ߫.

ߡߌߛߌ߬ߙߊ߲߬ ߞߎ߲ߝߊ߲ߓߐߟߌ ߞߏߕߌ߮ ߛ߭ߋ߬ߙߌߝ ߝߊߕߌ߫ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ߟߋ߬ ߗߍߓߏ߲ ߘߌ߫ ߛߋ߫ ߡߐ߰ ߞߋ߲߬ߥߟߎ߬ ߟߏ߯ߟߎ߫ ߟߊߛߣߍ߫ ߟߊ߫ ߞߎ߲ߝߊ߲ߓߐߟߌߟߊ ߘߐ߫ ߛߊ߲߭ ߞߣߐ߫، ߖߊ߬ߕߋ ߡߍ߲ ߏ߬ ߘߌ߫߸ ߏ߬ ߦߋ߫ ߘߎߢߊ߫ ߗߍߓߏ߲ߓߊ ߟߎ߬ ߟߋ߬ ߞߊ߲߬ ߝߛߊߦߌ߫߸ ߣߴߌ ߞߊ߬ ߟߎߝ߭ߙ ߕߊ߬ ߔߊ߬ߙߌ߬ ߞߣߐ߫߸ ߊ߬ ߣߌ߫ ߓߙߌߕߌߛ ߡߎ߳ߖ߭ߍߡ ߟߐ߲ߘߙ ߞߣߐ߫߸ ߞߵߏ߬ ߟߊ߫ ߡߋߕߙߏߔߏߟߌߕߊ߲ ߡߎ߳ߖ߭ߍߡ ߞߊ߲߬ ߣߌߦߐߙߑߞߎ߬߸ ߊ߬ ߞߊ߫ ߓߏ߲߬ ߏ߬ ߟߎ߬ ߓߍ߯ ߘߌ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.