ߡߊ߬ߟߌ ߣߊ߲߬ߕߌ߰ ߝߊ߲ߞߊ ߟߊ߫ ߛߊ߲ߡߊ߫ ߦߙߍߞߍߟߌ ߞߍ߫ ߘߊ߫ ߕߙߎ߬ ߘߌ߫ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߆ ߡߊ߬߸ ߞߊ߬ ߛߋ߫ ߓߊ߰ߓߊ߰ߟߌ߬ߟߊ ߘߏ߫ ߟߎ߫ ߖߤߊ߬ߘߌ߬ ߟߊ߫߸ ߞߵߊ߬ߟߎ߬ ߟߊߘߛߍ߫ ߡߙߊ߬ ߟߊ߫ ߖߋ߬ߣߌ߲߬ߕߊ߬ ߡߊ߬ߘߏ߬ߣߌ߲߬ ߕߐ߲ߕߐ߲ ߘߏ߫ ߡߊ߬ ߓߎ߰ߣߌ߲߫ ߕߌ߲߬ߞߎߘߎ߲ ߘߐ߫.
ߡߊ߬ߟߌ ߣߊ߲߬ߕߌ߰ ߝߊ߲ߞߊ ߘߊ߯ߘߐ ߞߎ߲߬ߕߌ߮ ߟߊ߫ ߟߊ߬ߛߋ߬ߟߌ߬ ߛߓߍ ߘߏ߫ ߓߘߴߊ߬ ߦߌ߬ߘߊ߬߸ ߞߏ߫ ߊ߬ߟߎ߬ ߟߊߛߏ߬ߓߌ߬ߣߍ߲ ߞߐ߫ ߟߌ߬ߤߟߊ߬ ߖߐ߲ߖߐ߲߫ ߠߊ߫߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߦߋ߫ ߘߎ߰ߞߣߍ ߟߊߞߊ߲ߘߊ ߗߋߦߊߟߌ ߞߊ߲߬߸ ߊ߬ߟߎ߫ ߞߊ߬ ߕߌߢߍߟߌ ߘߏ߫ ߓߊ߬ߟߌ߬ ߞߍߟߌ ߡߊ߬، ߓߊߏ߬߸ ߊ߬ߟߎ߫ ߞߊ߬ ߡߙߊ߬ߒ߬ߡߊ߬ߝߋ߲߬ߕߌ߮ ߘߏ߫ ߟߎ߫ ߟߋ߬ ߛߎߡߊ߲߫ ߖߐ߲ߖߐ߲߲ ߞߍ߫ ߞߐ߬ߟߐ߲߬ߖߍ߬ߓߊ߫߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߦߋ߫ ߓߟߏߘߐߓߍ߲ ߞߊ߲߬ ߞߏ߫ ߊ߬ߟߎ߬ ߥߊߕߐ߫ ߊ߬ߟߎ߬ ߞߍ߫ ߟߊ߫ ߖߋ߬ߣߌ߲߬ߕߊ߬ ߡߊ߬ߘߏ߬ߣߌ߲߬ ߕߐ߲ߕߐ߲ ߘߏ߫ ߞߊ߲߬.
ߦߙߍߞߍߟߌ ߢߌ߲߬ ߠߋ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߡߊ߬ߟߌ ߣߊ߲߬ߕߌ߮ ߟߎ߬ ߓߘߴߊ߫ ߓߟߏߘߐߓߍ߲߫ ߖߐ߲ߖߐ߲ ߠߎ߬ ߞߍ߫߸ ߛߊ߫ ߖߋ߬ߣߌ߲߬ߕߊ߬ ߞߏ ߝߙߋߞߋ ߘߌ߫ ߝߎߟߋ߲߫߸ ߞߊ߬ ߖߐ߬ߘߐ ߓߊ߲߫ ߡߙߊ߬ߒ߬ߡߊ߬ߟߌ߬ ߞߏ ߘߐ߫، ߏ߬ ߟߋ ߘߐ߫߸ ߊ߬ ߕߴߊ߬ߟߎ߬ ߓߟߏ߫ ߕߏߟߏ߲߫ ߞߏ߫ ߘߌ߫ ߡߎ߬ߕߎ߲߬. ߊ߬ߟߎ߫ ߞߵߊ߬ ߦߌ߬ߘߊ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫ ߏ߬ ߟߋ ߘߐ߫߸ ߞߏ߫ ߊ߬ߟߎ߬ ߦߴߊ߬ߟߎ߬ ߟߊ߫ ߓߊ߯ߙߊ ߟߎ߬ ߞߍ߫ ߢߊߟߐ߲ ߠߋ߬ ߟߊ߫߸ ߊ߬ ߣߌ߫ ߦߟߌߡߊߟߐ ߘߐ߫.
ߘߊ߯ߘߐ ߞߊ߲߫ ߞߏ߫ ߊ߬ߟߎ߬ ߦߴߊ߬ߟߎ߬ ߟߊ߫ ߣߊ߲߬ߕߌ߮ ߟߎ߫ ߝߏ߬ ߟߊ߫߸ ߞߵߊ߬ߟߎ߬ ߟߊ߫ ߕߏ߲ߕߊ ߞߏߛߐ߲߬ ߓߊ߰ߓߊ߰ߟߌ ߞߍ߬ߟߍ ߘߐ߫߸ ߊ߬ ߣߌ߫ ߛߊ߫ ߖߐ ߘߌ߫ ߘߏ߲߬ ߡߊ߬ߟߌ ߞߣߐ߫߸ ߞߊ߬ ߖߛߎ߬ߜߊ ߣߌ߫ ߞߣߐ߬ߜߊ ߓߊ߲߫.
ߊ߬ߟߎ߬ ߟߊ߫ ߞߎߡߊ ߞߎ߲߭ߘߏ߲߬ ߞߊ߲ ߠߋ߬ ߞߘߊߎ߫߸ ߞߏ߫: <<ߣߴߊ߲ ߞߵߊ߲ ߠߊߘߍ߬߸ ߊ߲ ߘߌ߫ ߛߋ߫ ߞߏ߫ ߟߊ߫.>> ߏ߬ ߟߋ ߞߍ߫ ߘߊ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߎ߲߬ߘߏ߲ ߘߌ߫߸ ߏ߬ ߡߍ߲ ߞߍ߫ ߘߴߊ߬ߟߎ߬ ߓߟߏ߫ ߓߡߊ߬ߞߐ߫߸ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߇ ߣߌ߲߬ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.