ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߣߐ߬ ߖߊ߬ߕߋ߬ߛߎ ߘߏ߫ ߟߋ߬ ߟߊߓߐ߫ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߂߀߂߄ ߠߊ߫߸ ߡߏ߬ߛߏ ߅߀ ߀߀߀ ߟߋ߬ ߝߊ߰ ߘߊ߫߸ ߥߟߊ߫ ߡߐ߰ ߘߴߊ߬ ߝߐ߫ ߞߏ߫ ߡߌ߬ߛߍ߲߬ ߁߀ ߡߌ߬ߛߍ߲߬ ߁߀߸ ߡߐ߰ ߞߋߟߋ߲߫ ߠߋ߬ ߝߊ߰ ߟߊ߫ ߡߏ߬ߛߏ ߟߎ߬ ߘߐ߫߸ ߊ߬ߟߎ߫ ߗߍ߬ ߟߎ߬ ߓߟߏ߫ ߥߟߴߊ߬ߟߎ߬ ߟߊ߫ ߘߋ߲ߓߦߊ ߡߐ߰ ߜߘߍ߫߸ ߊ߬ ߞߏ߬ߣߌ߲߸ ߊ߬ ߞߙߍ߬ߝߍ߬ ߡߐ߮ ߘߏ߫ ߓߟߏ߫.

ߊߟߎ߫ ߦߴߊ߬ ߟߐ߲߫߸ ߓߋ߲߬ߒ߬ߞߊ߲߬ߠߌ߲ ߡߍ߲ ߦߋ߫ ߟߊ߫ ߟߊ߫ ߡߏ߬ߛߏ ߟߎ߫ ߞߊ߲߬߸ ߣߍߣߍߓߊ ߕߋ߬ߟߋ߫ ߂߅ ߟߋ߬ ߞߙߍߞߙߍߣߍ߲߫ ߏ߬ ߞߍ߬ߟߍ ߣߴߊ߬ ߟߊߟߐ߭ ߟߏ߲ߓߊ ߘߌ߫، ߒ߬ߓߊ߬߸ ߢߌ߬ߣߊ߲߬ ߕߊ ߣߌ߲߬ ߞߍߣߍ߲߫ ߖߊ߬ߕߋ ߘߏ߫ ߟߋ߬ ߦߌ߬ߘߊ ߘߌ߫ ߘߎߢߊ߫ ߟߊ߫: ߞߵߊ߬ ߦߌ߬ߘߊ߬ ߞߏ߫ ߓߋ߬ߒ߬ߞߊ߲߬ߠߌ߲ ߡߍ߲ ߠߎ߬ ߦߋ߫ ߞߍ߫ ߟߊ߫ ߟߎ ߟߎ߬ ߞߣߐ߫߸ ߏ߬ ߦߋ߫ ߞߊ߬ߛߙߊ ߞߍ߫ ߟߊ߫ ߞߏߛߓߍ߫، ߓߊߏ߬߸ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߛߓߍߘߊ ߡߍ ߘߐ߱ߘߏ߲߬ߣߍ߲߫ ߓߌ߲߬ߘߌߓߊ߲߬ߘߊ ߣߌ߫ ߕߋ߰ߙߋ߬ߦߊ ߟߎ߫ ߞߍ߬ߟߍ ߟߊ߫߸ ߊ߬ ߣߌ߫ ߡߊ߲߬ߕߏ߲߬ ߠߊߘߍ߬ߣߍ߲ ߛߓߍߘߊ ߡߍ߲ ߘߐ߱ߘߏ߲߬ߣߍ߲߫ ߡߏ߬ߛߏ ߟߎ߬ ߟߊ߫ ߞߏ ߟߊ߫߸ ߏ߬ ߟߎ߬ ߟߊ߫ ߂߀߂߅ ߞߊ߲߬ߞߎߡߊ ߞߵߊ߬ ߦߌ߬ߘߊ߬ ߞߏ߫ ߡߏ߬ߛߏ ߣߌ߫ ߡߛߏ߬ߡߊ߲߬ߣߍ߲߫ ߈߃ ߀߀߀ ߟߋ߬ ߝߊ߰ ߘߊ߫ ߂߀߂߄ ߠߊ߫ ߟߊ߬ߥߟߌ߬ߡߊ߬ ߓߟߏ ߡߊ߬߸ ߏ߬ %߆߀ (ߥߟߊ߫ ߅߀ ߀߀߀) ߓߍ߯ ߞߍ߫ ߘߴߊ߬ߟߎ߬ ߘߌߦߊߣߊ߲ߡߐ߮ ߟߋ߬ ߓߟߏ߫ ߥߟߴߊ߬ߟߎ߬ ߟߊ߫ ߞߐߙߍ ߘߏ߲߬ߞߏ ߘߏ߫.

ߟߎ߫ ߞߣߐߟߊ ߡߍ߲ ߞߊ߫ ߞߊ߲߫ ߞߊ߬ ߞߍ߫ ߟߊ߬ߞߊ߲߬ߘߊ߬ߟߌ߬ ߦߙߐ ߘߌ߫߸ ߏ߬ ߡߍ߲ ߞߊ߫ ߞߊ߲߫ ߞߊ߬ ߓߍ߯ ߟߊߞߢߊ߫ ߞߎ߲߬ߠߊ߬ߝߎߟߋ߲ ߘߐ߫߸ ߏ߬ ߓߘߊ߫ ߞߍ߫ ߦߙߐ߫ ߡߊߛߌߟߊ߲ߣߍ߲ ߘߌ߫ ߘߎߢߊ߫ ߞߣߐ߫ ߓߌ߬، ߞߊ߬ߕߎ߲߯߸ ߖߐ߲ߣ ߓߑߙߊ߲ߘߏߟߌߣߏ߫ ߡߍ߲ ߦߋ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߓߌ߲߬ߘߌ߬ߓߊ߲߬ߘߊ߬ ߞߏ ߣߌ߫ ߕߋ߰ߙߋ߬ߦߊ ߞߍ߬ߟߍ ߛߓߍߘߊ ߗߋߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߝߘߎߛߏ ߟߎ߬ ߓߘߊ߫ ߞߍ߫ ߦߙߐ߫ ߡߊߛߌߟߊ߲ߣߍ߲ ߘߌ߫߸ ߝߊߦߌߘߊ߫ ߝߊ߰ߟߌ߬ ߜߘߋ ߘߌ߫߸ ߡߛߏ߬ ߛߌߦߊߡߊ߲߫ ߣߌ߫ ߘߋ߲ߡߛߏߣߍ߲߫ ߛߌߦߊߡߊ߲߫ ߠߵߏ߬ ߕߙߐߦߊ߫ ߡߊߜߙߏ ߘߐ߫ ߘߎߢߊ߫ ߞߣߐ߫ ߕߋ߲߬.>>

ߊ߬ ߖߊ߬ߕߋ ߘߌ߫ ߡߐ߰ ߢߊߖߌ ߓߐ߫: ߡߏ߬ߛߏ ߥߟߊ߫ ߘߋ߲ߡߛߏߣߍ߲߫ ߞߋߟߋ߲߫ ߠߋ߬ ߝߊ߰ ߟߊ߫ ߡߌ߬ߛߍ߲߬ ߁߀ ߓߍ߯ ߞߘߐ߫߸ ߊ߬ ߞߙߍ߬ߝߍ߬ ߡߐ߮ ߘߏ߫ ߓߟߏ߫، ߞߵߊ߬ ߛߐ߬ߘߐ߲߬߸ ߗߍ߭ ߟߎ߬ ߟߊ߫ ߞߎ߲߬ߠߊ߫߸ %߁߁ ߘߐߙߐ߲߫ ߠߋ߬ ߞߍߣߍ߲߫ ߢߊ ߏ߬ ߡߊ߬، ߓߋ߬ߒ߬ߞߊ߲߬ߠߌ߲ ߡߍ߲ ߦߋ߫ ߞߍ߫ ߟߊ߫ ߡߏ߬ߛߏ ߟߎ߬ ߟߊ߫߸ ߏ߬ ߦߋ߫ ߘߊߡߌ߬ߣߊ߬ ߟߊ߫ ߟߋ߬ ߞߊ߬ ߞߐ߲߰ ߛߊ߬ߦߊ ߢߍ߫߸ ߏ߬ ߘߊߡߌߣߊ ߦߋ߫ ߜߋ߬ߟߎ߲߬ߠߌ߲߬ ߓߊ߲ߓߊߟߌ ߟߋ߬ ߘߌ߫߸ ߡߊ߬ߛߌ߬ߟߊ߲߬ߠߌ߲ ߠߋ߬ ߘߌ߫߸ ߘߐ߬ߜߍ߬ߘߍ߲߬ߠߌ߲ ߠߋ߬ ߘߌ߫߸ ߊ߬ ߣߌ߫ ߛߌߦߊߡߊ߲߫ ߜߘߍ߫ ߟߎ߫.

ߛߊߙߊ ߤߊ߲ߘߙߌߞ ߡߍ߲ ߦߋ߫ ߓߐ߬ߟߐ߲߬ߞߊ߬ ߘߌ߫߸ ߣߴߊ߬ ߦߌ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߛߓߍߘߊ ߘߏ߫ ߓߘߍ߬ߓߘߍ߬ߟߌ ߕߟߊߟߌ ߗߋߕߌ߮ ߘߌ߫ ߡߍ߲ ߘߐ߱ߘߏ߲߬ߣߍ߲߫ ߡߏ߬ߛߏ ߟߎ߬ ߟߊ߫ ߞߏ ߟߊ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߓߋ߲߬ߒ߬ߞߊ߲߬ߠߌ߲ ߠߎ߬ ߘߏ߲߬ ߦߋ߫ ߥߊ ߟߋ߬ ߞߊ߲߬ ߊ߬ ߡߊ߬، <<ߊ߬ߟߎ߬ ߓߊ߯ ߞߍ߫ ߞߏ߫ ߞߍ߫ ߟߊ߫ ߡߏ߬ߛߏ ߟߎ߬ ߟߊ߫ ߖߐ߫߸ ߊ߬ ߦߋ߫ ߘߊߡߌ߬ߣߊ߬ ߟߊ߫ ߜߋ߬ߟߎ߲߬ߠߌ߲߬ ߓߊ߲ߓߊߟߌ ߟߋ߬ ߡߊ߬ ߡߎߣߎ߲߬߸ ߤߊ߲߯ ߏ߬ ߘߌ߫ ߟߊߓߊ߲߫ ߛߊ߬ߦߊ ߡߊ߬،>>

ߊ߬ߟߎ߬ ߟߊ߫ ߞߊ߲߬ߞߎߡߊ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߝߘߊ߬ߝߌ߲߬ߠߊ߫ ߟߋ߬ ߛߎ߯ ߕߍ߫ ߣߌ߲߬ ߞߏ ߘߐ߫، ߓߊߏ߬߸ ߝߘߊ߬ߝߌ߲߬ߠߊ߫ ߕߊ ߓߏ߲߬ߓߊ߫ ߘߎߢߊ߫ ߜߙߋ ߕߐ߭ ߟߎ߬ ߕߊ ߘߌ߫ ߛߋ߲߬ߢߊ߬ ߥߐ߯ߙߐ߫ ߢߐ߲߰ ߠߊ߫.

ߞߵߊ߬ ߓߍ߲߬ ߓߋ߬ߒ߬ߞߊ߲߬ߠߌ߲߬ ߞߏ ߣߌ߲߬ ߡߊ߬ ߛߊ߫߸ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߣߌ߫ ߘߎߢߊ߫ ߖߡߊ߬ߣߊ ߟߎ߬ ߓߍߣߊ߬ ߓߊ߯ߙߊ߫߸ ߞߊ߬ ߛߋ߫ ߖߊ߬ߕߋ ߟߎ߬ ߟߊߘߍ߬ ߟߊ߫، ߊ߬ߟߎ߫ ߞߵߏ߬ ߡߍ߲ ߓߊ߯ߙߊ ߘߊߡߌ߬ߣߊ߫ ߞߊ߬ߦߌ߯ ߂߀߂߂ ߟߊ߫، ߊ߬ߟߎ߬ ߞߊ߲߫ ߞߏ߫ ߟߊ߬ߢߌߣߌ߲ ߡߍ߲ ߦߴߊ߬ߟߎ߬ ߟߊ߫߸ ߏ߬ ߡߏ߬ߛߏ ߟߎ߬ ߟߊ߫ ߛߦߊ߬ ߞߏ ߖߊ߬ߕߋ ߟߐ߲ ߘߌ߫߸ ߞߵߊ߬ߟߎ߬ ߓߍ߯ ߟߊߞߎ߲߬ߘߎ߬߸ ߞߊ߬ ߛߴߊ߬ߟߎ߬ ߡߊߘߍ߬ߡߍ߲߬ ߠߊ߫ ߞߕߌ߫ ߞߏ ߛߌߟߊ ߝߍ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.