ߊ߬ߟߌ ߓߊߘߊ߬ߙߊ ߞߐ߲ߘߍ߫ ߞߍߕߐ߫ ߟߊ߬ߞߐ߰ߟߋ߬ ߓߟߋߓߟߋ߫ ߛߌ߰ ߟߊ߫ ߛߋ߲߬ߠߊ߫ ߘߋ߲ߡߌߛߍ߲ ߠߎ߬ ߦߋ߫ ߞߊ߲ߞߊ߲߫ ߓߊ߬ߕߏ߲߬ߓߊ ߟߊ߫، ߡߐ߰ ߅߀߀ ߟߋ߬ ߝߐߣߍ߲߫ ߕߘߍ߬߸ ߏ߬ ߝߊߣߍ߲ ߞߐ ߘߐ߫߸ ߊ߬ ߓߘߴߊ߬ ߦߌ߬ߘߊ߬ ߞߏ߫ ߊ߬ ߘߌ߫ ߛߋ߫ ߘߏ߫ ߜߘߍ߫ ߟߎ߫ ߝߣߊ߫ ߟߊ߫ ߟߴߊ߬ ߞߊ߲߬߸ ߣߌ߫ ߡߍ߲ ߠߎ߬ ߦߴߊ߬ ߝߍ߬ ߞߊ߬ ߛߐ߬ߘߐ߲߫ ߊ߬ ߘߐ߫.
ߊ߬ߟߌ ߓߊߘߊ߬ߙߊ ߞߊ߬ ߞߟߌߟߌ ߡߍ߲ ߠߊߛߋ߫ ߞߊ߲ߞߊ߲ߞߊ ߟߎ߫ ߡߊ߬߸ ߏ߬ ߟߊߡߌ߬ߘߊ߬ ߘߊ߫ ߟߋ߬ ߝߛߊߦߌ߫، ߓߊߏ߬߸ ߕߋ߬ߟߋ߫ ߛߊ߬ߓߊ ߞߣߐ߫߸ ߡߐ߰ ߅߀߀ ߛߋ߫ ߘߴߊ߬ ߕߐ߮ ߟߊߘߏ߲߬ ߠߊ߫ ߟߊ߬ߞߐ߰ߟߌ߬ ߞߏ ߘߐ߫، ߟߊ߬ߞߐ߰ߟߌ ߣߌ߲߬ ߟߐ߯ߟߊߣߍ߲߫ ߞߵߊ߬ ߕߏ߫ ߞߐ߬ߓߊ߬ߟߏ߲ ߠߋ߬ ߟߊ߫߸ ߘߓߊ߬ߓߌߟߊ ߕߟߋ߬ ߁߈߸ ߊ߬ ߣߌ߫ ߞߐ߬ߟߏ߲߸ ߊ߬ ߕߟߋ߬ ߁߉، ߡߐ߰ ߅߀߀ ߟߋ߬ ߝߐߣߍ߲߫ ߕߘߍ߬ ߝߛߊߦߌ߫߸ ߓߊ߬ߙߌ߬ ߌߞߏߡߌ߲߬ ߡߐ߰ ߛߌߦߊߡߊ߲߫ ߠߎ߫ ߦߋ߫ ߦߋ߲߬߸ ߡߍ߲ ߦߴߊ߬ ߝߍ߬ ߞߊ߬ ߛߐ߬ߘߐ߲߬ ߟߊ߬ߞߐ߰ߟߌ ߣߌ߲߬ ߘߐ߫߸ ߏ߬ ߟߎ߬ ߘߌ߫ ߛߴߊ߬ߟߎ߬ ߕߐ߮ ߟߊߘߏ߲߬ ߠߊ߫ ߡߎߣߎ߲߬ ߤߊߟߌ߬ߛߊ߫߸ ߞߵߏ߬ ߞߎ߲߭ ߞߍ߫ ߊ߬ߟߌ ߓߊߘߊ߬ߙߊ ߟߊ߫ ߞߣߐߘߐߘߌߦߊ ߘߌ߫.
ߟߊ߬ߞߐ߰ߟߌ ߡߍ߲ ߦߋ߫ ߣߌ߲߬߸ ߥߊߘߌ߫ ߕߍ߫ ߓߐ߫ ߟߊ߫ ߡߐ߰ ߞߎ߲߬߸ ߊ߬ ߞߍߕߐ߫ ߕߋ߬ߟߋ߫ ߝߌ߬ߟߊ߫ ߟߋ߬ ߞߣߐ߫߸ ߟߊ߬ߞߐ߰ߟߌ߬ ߛߙߋߓߍ ߝߣߊ߫ ߓߍߣߊ߬ ߘߌ߫ ߟߊ߬ߞߐ߰ߟߌ ߞߎ߲߬ߝߊ߮ ߘߐ߫، ߊ߬ ߞߏ ߓߎ߲ߓߎ߲ߣߍ߲߫ ߞߏߓߊ߫ ߣߊ߯ߣߌ߲߫ ߠߋ߬ ߡߊ߬: ߥߣߊ߬ߦߊ߸ ߖߘߍ߬ ߟߊ߬ߥߙߎߞߌ߸ ߥߊߟߌߘߊ߫ ߛߌ߲ߘߌ ߣߌ߫ ߥߊߟߌߘߊ߫ ߡߊߡߙߊ. ߊ߬ ߞߍߕߐ߫ ߞߊ߲ߞߊ߲߫ ߓߊ߬ߕߏ߲߬ߓߊ ߟߋ߬ ߟߊ߫߸ ߞߏ߫ ߛߌߦߊߡߊ߲߫ ߦߋ߫ ߡߍ߲ ߞߣߐ߫.
ߟߊ߬ߞߐ߰ߟߌ ߣߌ߲߬ ߘߐ߫߸ ߣߴߌ ߡߊ߫ ߢߊ߬ ߛߐ߬ߘߐ߲ ߞߐ߫ ߊ߬ ߘߐ߫߸ ߝߏ߫ ߊ߬ ߦߋ߫ ߛߐ߬ߘߐ߲߬ ߌ ߞߊ߬ ߘߏߣߍ߲߫ ߟߐ߲߫ ߛߓߍߟߌ ߘߐ߫߸ ߊ߬ ߣߴߊ߬ ߦߴߊ߬ ߛߐ߬ߘߐ߲߬ ߥߙߎߞߌ ߣߌ߫ ߛߓߊ߬ߕߌ ߟߐ߮ ߦߴߌ ߟߊ߫.
ߡߍ߲ ߠߎ߬ ߓߊ߯ ߛߐ߬ߘߐ߲߫ ߟߊ߬ߞߐ߰ߟߌ ߣߌ߲߬ ߘߐ߫߸ ߏ߬ ߟߎ߬ ߘߌ߫ ߟߊ߬ߞߐ߰ߟߌ߬ ߛߙߋߓߍ ߘߏ߫ ߛߐ߬ߘߐ߲߬߸ ߡߍ߲ ߘߌߕߐ߫ ߟߊ߬ߞߐ߬ߟߌ߬ ߞߎߓߋߘߐ ߓߟߏ߫߸ ߞߟߊ߬ߡߊ߬ߓߊ߮ ߡߍ߲ ߠߊߞߐ߯ߣߍ߲߫ ߝߊ߬ߙߊ߲߬ߛߌ߬، ߓߊ߬ߙߌ߬߸ ߛߙߋߓߍ ߦߋ߫ ߘߌ߫ ߟߊ߫ ߡߐ߰ ߟߎ߫ ߟߋ߬ ߡߊ߬߸ ߡߍ߲ ߠߎ߬ ߓߊ߯ ߛߐ߬ߘߐ߲߫ ߟߊ߬ߞߐ߰ߟߌ ߕߋ߬ߟߋ߫ ߝߌ߬ߟߊ ߓߍ߯ ߘߐ߫، ߣߌ߫ ߡߍ߲ ߞߊ߬ ߞߋߟߋ߲߫ ߖߊ߲߬߸ ߌߟߋ ߕߍߣߊ߬ ߛߙߋߓߍ ߛߐ߬ߘߐ߲߬ ߠߊ߫.
ߞߊ߲ߞߊ߲߫ ߕߊ ߓߊ߯ ߓߊ߲߫߸ ߊ߬ߟߌ ߓߊߘߊ߬ߙߊ ߞߐ߲ߘߍ߫ ߞߊ߲߫ ߞߏ߫ ߊ߬ ߓߍߣߊ߬ ߕߊ߯ ߞߐߣߊߞߙߌ߫߸ ߞߊ߬ ߡߐ߰ ߂߀߀ ߟߊߞߐ߯ ߦߋ߲߬߸ ߞߊ߬ ߥߊ߫ ߟߊߓߋ߬߸ ߞߊ߬ ߡߐ߰ ߁߅߀ ߟߊߞߐ߯ ߦߋ߲߬߸ ߡߍ߲ ߠߎ߬ ߓߍ߯ ߦߋ߫ ߘߋ߲ߡߌߛߍ߲ ߠߎ߬ ߘߌ߫، ߊ߬ ߓߍ߯ ߘߏ߲߬ ߞߍߕߐ߫ ߢߊ߫ ߞߋߟߋ߲߫ ߠߋ߬ ߡߊ߬.
ߏ߬ ߞߐߝߍ߬ ߝߣߊ߫߸ ߜߊ߬ߛߊ ߘߏ߫ ߓߍߣߊ߬ ߛߌ߰ ߛߋ߲߬ߠߊ߫ ߖߌ߬ߣߍ߫ ߛߌ߬ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߞߊ߲߬، ߏ߬ ߡߍ߲ ߘߌ߫ ߞߍ߫ ߛߊߓߎ߫ ߘߌ߫ ߝߣߊ߫߸ ߞߊ߬ ߘߋ߲ߡߌߛߍ߲ ߠߎ߬ ߘߐߛߎ߫ ߞߊ߬ߙߊ߲ ߡߊ߬߸ ߞߵߊ߬ߟߎ߫ ߟߐ߬ ߛߓߍ߫ ߞߊߙߊ߲ ߠߊ߫، ߒ߬ߓߊ߬߸ ߣߌ߫ ߡߍ߲ ߠߎ߬ ߛߋ߫ ߘߊ߫ ߛߌ߰ߞߊ߲ ߢߊߝߐ߫ ߟߊ߫߸ ߞߊ߬ ߟߊ߬ߞߎ߬ߘߦߊ߬ߟߌ ߟߎ߬ ߞߏߝߐ߫ ߊ߬ ߞߣߐ߫ ߛߙߋ ߟߎ߬ ߣߌ߫ ߞߕߌߕߍ߯ߟߊ ߟߎ߬ ߢߣߊ߫، ߡߍ߲ ߓߊ߯ ߛߎߘߊ߲߫ ߏ߬ ߞߏ ߘߐ߫߸ ߔߏߔߏ߫ ߞߋߟߋ߲߫ ߠߋ߬ ߘߌߕߐ߫ ߏ߬ ߡߐ߰ ߝߟߐ ߡߊ߬، ߔߏߔߏ ߓߊ߯ ߘߌ߫߸ ߌ ߦߴߏ߬ ߞߍ߫ ߟߊ߫ ߥߊߟߌߥߊߟߌ ߟߋ߬ ߘߌ߫߸ ߞߵߏ߬ ߞߴߌ ߟߊ߫ ߥߊߟߌߝߦߊ ߘߊߡߌ߬ߣߊ߬ߣߍ߲ ߘߌ߫، ߊ߬ߟߌ ߓߊߘߊ߬ߙߊ ߣߴߊ߬ ߟߊ߫ ߡߐ߱ ߟߎ߬ ߘߴߌ ߜߍ߲߬ߜߍ߲߫ ߏ߬ ߞߏ ߘߐ߫߸ ߤߊ߲߯ ߞߊߙߏ߫ ߥߐ߯ߙߐ߫ ߢߐ߲߰߸ ߞߊ߬ ߛߴߌ ߡߊߘߍ߬ߡߍ߲߬ ߠߴߊ߬ ߞߏ ߟߊߥߙߎߞߌ߫ ߟߴߊ߬ ߢߊ ߡߊ߬، ߣߴߊ߬ߟߎ߫ ߞߵߊ߬ ߦߋ߫ ߊ߬ ߥߊ߫ ߢߊ ߞߊ߫ ߢߌ߲߬߸ ߊ߬ߟߎ߬ ߘߴ ߌ ߟߊ߫ ߔߏߔߏ ߘߝߊ߫ ߝߌ߬ߟߊ߬ ߟߊ߫ ߞߵߊ߬ ߕߏ߫ ߌ ߞߋߟߋ߲߫ ߡߊ߬ ߛߍߣߍ߲߬، ߏ߬ ߓߍ߯ ߟߊߥߟߌ߬ߣߍ߲߫ ߖߡߊ߬ߣߊ ߘߋ߲ߡߌߛߍ߲ ߠߎ߬ ߡߊߘߍ߬ߡߍ߲ ߠߋ߬ ߡߊ߬ ߊߡ ߜ߭ߙߎߔ ߗߋߕߌ߯ߓߊ ߓߟߏ߫.
ߒ߬ߓߊ߬߸ ߖߌ߬ߣߍ߬ ߘߋ߲ߡߌߛߍ߲ ߠߎ߬߸ ߊߟߎ߫ ߟߊ߫ ߕߋ߬ߟߋ ߓߘߊ߫ ߓߘߐ߫߸ ߊߟߎ߫ ߦߴߟߎ߫ ߡߊߘߏ߲߬ ߟߊ߬ߞߐ߰ߟߌ߬ ߘߊߞߎ߲ ߢߌ߲߬ ߘߐ߫ ߖߏߣߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.