ߡߐ߱ ߟߎ߬ ߓߐߣߍ߲߫ ߖߡߊ߬ߣߊ߫ ߞߐ߬ߣߐ߲߬ߘߐ߫ ߟߋ߬ ߞߣߐ߫ ߝߘߊ߬ߝߌ߲߬ߠߊ߬ ߢߊߝߍ߬߸ ߡߍ߲ ߠߎ߬ ߕߊ߯ߣߍ߲߫ ߓߙߎߞߌߣߊ߫ ߊ߬ߟߎ߬ ߟߊߞߐ߯ ߞߊ߲ߡߊ߬: ߞߵߊ߬ߟߎ߬ ߛߋߞߏߦߊ ߡߊߞߊ߬ߝߏ߬ ߣߊ߲߬ߕߌ߰ߦߊ ߡߎ߬ߙߊ߲ ߠ߬ߎ ߟߊߘߊ߬ߙߏ߬ ߞߏ߬ߢߌߡߊ ߣߴߊ߬ߟߎ߬ ߟߊߕߊ߯ߡߊ߫ ߢߊ߫ ߢߌߡߊ ߟߎ߬ ߟߊ߫.
ߛߏ߬ߝߊ߬ ߘߎ߯ߟߊ ߘߏ߫ ߟߎ߫ ߟߋ߬ ߣߊ߬ߣߍ߲߫ ߞߊ߬ ߓߐ߫ ߝߘߊ߬ߝߌ߲߬ ߖߡߊߣߊ߫ ߉ ߘߐ߫߸ ߜ߭ߊߓߐ߲߫߸ ߞߊߡߋߙߎߣ߸ ߝߘߊ߬ߝߌ߲߬ߠߊ߬ ߕߊ߲ߓߊ߲߸ ߞߏ߲߬ߞߏ߫߸ ߖߌ߬ߣߍ߬߸ ߡߊ߬ߟߌ߸ ߖߋ߬ߟߌ߬ߓߊ߬ߘߎ߯߸ ߛߣߍ߬ߜ߭ߊߟߌ߫߸ ߊ߬ ߣߌ߫ ߓߙߎߞߌߣߊ߫ ߝߊ߬ߛߏ߬߸ ߏ߬ ߟߎ߫ ߟߋ߬ ߣߐ߬ ߞߎ߲߬ߢߐ߲߰ ߈ ߟߊ߬ߞߐ߰ߟߌ߬ ߞߍ߫ ߟߊ߫ ߥߊ߱ߘߎ߰ ߞߣߍߞߘߐߓߌ߲ߓߌ߲ߠߌ߲ ߘߋ߬ߙߌ߬ߘߊ߬ ߛߊ߲ߘߐ ߟߊ߫߸ ߏ߬ ߡߍ߲ ߝߐ߫ ߘߊ߫ ߓߙߎߞߌߣߊ߫ ߣߊ߲߬ߕߌ߰ ߘߊ߯ߘߐ ߓߟߏ߫ ߟߊ߬ߛߋ߬ߟߌ߬ ߛߓߍ ߘߏ߫ ߞߣߐ߫.
ߘߏߝߊ߮ ߣߌ߲߬ ߦߋ߫ ߡߊ߬ߛߐ߬ߟߌ ߣߌ߫ ߡߎ߬ߙߊ߲ ߠߎ߬ ߡߊߡߊ߬ ߛߋߒߞߏߟߊ ߖߐ߲ߓߐ߲ ߞߊ߬ߙߌ߬ߡߘߊ߬ ߁߃߲ ߠߋ߬ ߘߌ߫߸ ߡߍ߲ ߠߎ߬ ߦߋ߫ ߞߊ߬ߙߊ߲ ߞߍ߫ ߟߊ߫ ߘߊߞߎ߲߫ ߛߌߦߊߡߊ߲߫ ߞߊ߲߬ ߤߊ߲ߞߟߌߦߊ ߣߌ߫ ߓߟߏߦߊ ߘߐ߫، ߊ߬ ߕߘߍ߬ߒ߬ߘߐ߬ߓߊ߮ ߟߎ߬ ߞߊ߬ߙߊ߲߬ ߘߊ߫ ߞߟߍ߬ߡߎߙߊ߲ ߠߎ߬ ߡߊߡߙߊ߬ ߢߊ ߟߊ߫߸ ߖߊ߲߬ߕߏ߬ ߞߍߢߊ ߗߍ߬ߘߋ߲ ߠߎ߬ ߣߌ߫ ߖߐ߯ߙߊ߲ ߠߎ߬ ߘߐ߫߸ߊ߬ ߣߌ߫ ߡߊ߬ߛߐ߬ߟߌ߬ ߝߋ߲ ߓߍ߯ ߟߊߘߍ߬ߣߍ߲ ߞߐߘߍ߫.
ߟߊ߬ߞߐ߰ߟߌ ߣߌ߲߬ ߞߎ߲߬ߝߊ߮ ߘߐ߫߸ ߝߊߙߌ߲ ߓߊߔߌߦߏ ߣߊߙߑߛߌ߬ߛߋ߫ ߓߊ߬ߛߌ߲ߜ߭ߊ߫ ߡߍ߲ ߦߋ߫ ߓߙߎߞߌߣߊ߫ ߣߊ߲߬ߕߌ߮ ߟߎ߬ ߟߊ߫ ߞߙߎߡߘߊ߫ ߕߊ߲ߓߊ߲ ߡߙߊ߬ߓߊ߮ ߘߌ߫߸ ߏ߬ ߞߊ߬ ߘߏߝߊ߯ߘߋ߲ ߠߎ߬ ߞߟߊߓߎߘߏ߲߬ ߞߵߊ߬ߟߎ߫ ߟߐ߬ ߊ߬ߟߎ߬ ߟߊ߫ ߟߐ߲ߠߌ߲߫ ߛߐ߬ߘߐ߲߬ߣߍ߲ ߠߎ߬ ߓߟߏߦߊ ߟߊ߫߸ ߞߵߊ߬ߟߎ߬ ߞߍ߫ ߊ߬ ߢߊ ߡߍ߲ ߞߣߍ ߞߊ߲߬ ߦߏ߫ ߊ߬ߟߎ߫ ߞߊ߬ߙߊ߲߬ ߘߴߊ߬ ߟߊ߫ ߢߊ ߡߍ߲ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.