ߝߊߕߎߥߊ ߘߏ߲߬ߞߏ ߟߎ߬ ߟߊ߫ ߜߙߊ߬ ߖߊ߯ߡߓߊ ߁߀߲ ߘߊߦߟߍߟߌ ߛߋ߲߭ߝߍ߬߸ ߞߊ߬ߙߊ߲߬ߝߊ ߡߎߛߑߕߝߊ߬ ߞߕߎߓߎ߫ ߛߊ߰ߣߐ߫ ߡߍ߲ ߦߋ߫ ߛߌ߬ߟߡߊ߬ߦߊ ߢߊߦߋߟߌ ߘߎ߲ߓߎ߫ ߖߊ߯ߓߟߊߞߊ ߝߘߏ߬ߓߊ߬ ߞߟߊ߬ߕߌ߮ ߘߌ߫߸ ߊ߬ ߞߵߊ߬ ߦߌ߬ߘߊ߫ ߜߙߊ߬ ߘߊߞߎ߲ ߘߐ߫߸ ߞߏ߫ ߡߎߝߑߕߌ ߟߎ߬ ߞߊ߫ ߞߊ߲߫ ߠߋ߬ ߞߊ߬ ߘߐߓߍ߲߬߸ ߞߵߊ߬ߟߎ߬ ߟߊߞߐ߯ ߜߊߟߌߜߊߟߌ߫߸ ߖߐ߲߰ߛߊ߫ ߡߎߝߑߕߌ߫ ߞߏ߲ߓߏ ߟߎ߬ ߣߴߊ߬ ߕߋߟߋ߲ߣߍ߲ ߠߎ߬ ߘߌ߫ ߛߐ߬ߘߐ߲߬، ߊ߬ ߘߏ߲߬߸ ߏ߬ ߦߋ߫ ߞߏ߫ ߟߋ߬ ߘߌ߫ (ߞߕߎߓߎ߫ ߟߊ߫ ߝߐߟߌ߫ ߘߐ߫)߸ ߘߌ߯ߣߊ ߞߊ߬ ߡߍ߲ ߞߍ߫ ߘߌߦߊߜߏߦߊ ߘߌ߫، ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߏ߬ ߟߊ߬ߞߐ߰ߟߌ ߞߍ ߦߋ߫ ߘߌߦߊߜߏߦߊ ߟߋ߬ ߘߌ߫ ߞߊߟߌߦߊ߫ ߓߟߏ ߡߊ߬ ߕߋ߲߬߸ ߞߵߏ߬ ߟߊߥߌ߬ߟߌ߫ ߛߌ߬ߟߡߊ߬ߦߊ ߛߣߐ߬ߡߍ߬ߘߐ߬ߦߊ ߟߊߕߊ߲߬ߞߊ ߡߊ߬߸ ߊ߬ ߣߌ߫ ߛߊ߫ ߛߌ߬ߟߡߊ߬ߦߊ ߛߊ߬ߙߌ߬ߦߊ ߟߎ߬ ߘߌ߫ ߦߟߍ߬ ߛߊ߲ߝߍ߬ ߞߎߟߋߞߎߟߋ߫.

ߞߕߎߓߎ߫ ߞߵߊ߬ ߦߌ߬ߘߊ߬߸ ߞߏ߫ ߡߊ߬ߞߏ ߓߘߊ߫ ߛߋ߫ ߦߟߍ߬ߡߊ߲ ߘߏ߫ ߟߎ߫ ߡߊ߬߸ ߦߙߐ߫ ߞߎ߲ߞߎߘߎ߲ߣߍ߲߫ ߕߍ߫ ߘߋ߬߸ ߦߙߐ߫ ߛߌߦߊߡߊ߲߫، ߞߵߊ߬ ߘߊߡߌ߬ߣߊ߬ ߘߌ߯ߣߊ ߞߊ߬ߙߊ߲ ߢߍߥߟߊ ߟߎ߫ ߡߊ߬ ߡߎߣߎ߲߬߸ ߊߘߡߦߊ ߘߐ߫߸ ߊ߬ ߣߌ߫ ߟߐ߲ߞߏ ߣߌ߫ ߡߐ߰ߦߊ߬ ߞߏ ߕߐ߭ ߟߎ߬߸ ߞߵߏ߬ ߟߎ߫ ߞߊ߬ߙߊ߲ ߞߍߢߊ ߟߎ߬ ߡߊߝߊ߬ߟߋ߲߬، ߏ߬ ߞߎ߲߭ ߠߋ߬߸ ߛߊ߫ ߘߎߢߊ߫ ߦߋ߫ ߥߊ ߞߊ߲߬ ߝߊ߬ߘߌ ߡߍ߲ ߘߐ߫ ߣߌ߲߬߸ ߘߌ߯ߣߊ ߦߋ߫ ߛߴߊ߬ ߓߍ߲߬ ߣߴߏ߬ ߟߎ߫ ߡߊ߬߸ ߞߊ߬ ߛߋ߫ ߞߊ߬ߞߎ߬ߘߊ߬ ߕߟߋ ߣߌ߲߬ ߜߟߍ߬ߦߊ ߟߎ߬ ߞߘߐߞߊ߬ ߟߊ߫، ߞߊ߬ߙߊ߲߬ߝߊ ߞߕߎߓߎ߫ ߛߊ߰ߣߐ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߝߏ߫ ߞߎ߬ߙߊ߬ߣߊ ߣߌ߫ ߤߊ߬ߘߌ߬ߛߌ ߞߊ߬ߙߊ߲߬ ߢߊ ߟߎ߬ ߦߋ߫ ߘߐߘߎ߲߬ߧߊ߫ ߟߋ߬ ߡߎ߬ߕߎ߲߬߸ ߞߊ߬ ߞߎ߬ߙߊ߬ߣߊ ߣߌ߫ ߛߙߊ߬ߣߎ߲ ߘߏ߲߬ ߢߐ߲߮ ߘߐ߫ ߟߐ߲ߞߏ ߢߊߝߐߟߌ ߘߐ߫ ߝߛߊߦߌ߫، ߊߘߡߊߘߋ߲ ߠߎ߬ ߟߊ߫ ߟߐ߲ߠߌ߲߫ ߠߊߘߊ߲ߣߍ߲ ߠߎ߬߸ ߟߐ߲ߞߏ߸ ߛߋߒߞߏߟߦߊ߸ ߊ߬ ߣߴߏ߬ ߢߐ߲߰ ߘߐ ߟߎ߬ ߓߍ߯ ߦߋ߫ ߛߋ߫ ߕߣߐ߬ߓߐ߬ ߟߊ߫ ߢߊ߫ ߢߌߡߊ߫ ߡߊ߬، ߏ߬ ߘߏ߫ ߟߋ߬ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߘߌ߫߸ ߞߏ߫ ߝߏ߫ ߛߌ߬ߟߡߊ߬ߦߊ ߦߋ߫ ߛߴߊ߬ ߢߊ ߡߊߖߌ߰ ߟߴߏ߬ ߞߘߐ߫߸ ߞߊ߬ ߛߴߏ߬ ߞߊ߬ߙߊ߲߬ ߠߊ߫ ߕߐ߬ߣߐ ߛߐ߬ߘߐ߲߬ ߞߊ߲߲ߡߊ߬ ߊ߬ ߟߊ߫߸ ߛߴߊ߬ ߘߌ߫ ߛߋ߫ ߞߏ߫ ߢߊ߬ ߟߊ߫ ߡߐ߰ߦߊ ߡߊ߬ ߘߌ߯ߣߊ ߛߌߟߊ߫ ߜߍ ߞߊ߲߬.

ߞߊ߬ߙߊ߲߬ߝߊ ߞߕߎߓߎ߫ ߞߵߊ߬ ߢߌߣߌ߲߫ ߘߎߢߊ߫ ߛߌ߬ߟߡߊ߬ ߖߡߊߣߊ ߟߎ߫ ߝߍ߬ ߝߣߊ߫߸ ߊ߬ ߣߌ߫ ߘߎߢߊ߫ ߘߎ߰ߡߍ߸ ߞߏ߫ ߓߍ߯ ߟߊߘߍ߬ߣߍ߲ ߦߴߊ߬ ߛߋ߲߭ߘߏ߲߬ ߥߏ߬ ߞߋߟߋ߲߫ ߠߊ߫߸ ߞߊ߬ ߜߟߍ߬ߦߊ ߟߊߥߌ߬ߟߌ߫ ߞߵߊ߬ ߓߐ߫ ߔߊߟߍߛߑߕߌߣߌ߲ߞߊ ߟߎ߫ ߞߊ߲߬߸ ߊ߬ ߕߌ߯ߕߌ߯ ߜ߭ߊ߯ߖ߭ߊ߬ ߞߣߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߔߊߟߍߛߑߕߌߣߌ߲߬ ߡߊߘߍ߬ߡߍ߲ ߕߍ߫ ߛߘߊߞߊߓߐ߫ ߘߌ߫ ߘߋ߬߸ ߘߌ߯ߣߊ ߦߋ߫ ߟߐ߬ ߞߍ߫ ߟߴߊ߬ ߟߊ߫߸ ߡߐ߰ߦߊ ߦߋ߫ ߟߐ߬ ߞߍ߫ ߟߴߊ߬ ߟߊ߫، ߏ߬ ߘߐ߫߸ ߔߊߟߍߛߑߕߌߣߌ߲߬ ߡߊߘߍ߬ߡߍ߲ ߦߋ߫ ߞߏ߫ ߞߍߕߊ ߟߋ߬ ߘߌ߫ ߝߋߎ߫. ߊ߬ ߖߍ߬ߘߍ ߘߊߘߐߞߊ߲ ߝߟߍ߫: <<ߔߊߟߍߛߑߕߌߣߌ߲߬ ߞߐߡߊߓߌ߲ߓߌ߲߸ ߊ߬ߟߎ߬ ߟߓߊߟߏ ߞߵߊ߬ߟߎ߬ ߓߐ߫ ߞߐ߲ߞߐ ߘߐ߫߸ ߏ߬ ߕߍ߫ ߛߘߊߞߊ߫ ߘߌ߫ ߘߋ߬߸ ߊ߬ ߦߋ߫ ߘߌߦߊߜߏߦߊ ߟߋ߬ ߜߎ ߘߌ߫ ߡߐ߰ߦߊ ߞߣߐ߫߸ ߘߌ߯ߣߊ ߞߣߐ߫.>> ߞߕߎߓߎ߫ ߞߵߏ߬ ߟߋ ߝߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.