ߞߎߣߎ߲߬ ߣߍߣߍߓߊ ߕߟߋ߬ ߁߀ ߡߊ߬߸ ߡߊ߬ߟߌ ߣߊ߲߬ߕߌ߰ ߝߊ߲ߞߊ ߞߊ߬ ߛߊ߲ߡߊ߫ ߦߙߍߞߍߟߌ߫ ߖߐ߲ߖߐ߲ߦߊߣߍ߲ ߘߏ߫ ߛߌ߰ ߛߋ߲߬ߠߊ߫ ߓߊ߰ߓߊ߰ߟߌ߬ߟߊ ߟߎ߬ ߡߊߞߍ߫ ߦߌߟߊ ߞߊ߲ߡߊ߬ ߞߌ߬ߕߊ߫ ߕߌ߲߬ߞߎߘߎ߲ ߘߐ߫، ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߟߊ߫ ߝߐߟߌ߫ ߘߐ߫߸ ߣߊ߲߬ߕߌ߮ ߟߎ߬ ߟߊ߫ ߣߊ߬ߟߌ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߓߊ߰ߓߊ߰ߟߌ߬ߟߊ ߟߎ߬ ߘߊ߯ߡߊߞߍ ߏ߬ ߟߊߥߎ߬ߦߊ߬߸ ߞߊ߬ ߓߊ߲߫ ߞߵߊ߬ߟߋ߬ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߖߐ߯ߙߊ߲߫ ߛߌߦߊߡߊ߲߫ ߕߊ߬.

ߟߊ߬ߛߋ߬ߟߌ ߘߏ߫ ߟߋ߬ ߞߍߣߍ߲߫ ߡߊ߬ߟߌ ߣߊ߲߬ߕߌ߰ ߝߊ߲ߞߊ (ߝߊ߰ߡߊ) ߓߟߏ߫ ߂߀߂߅ ߣߍߣߍߓߊ ߕߟߋ߬ ߁߁ ߣߌ߲߬ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߞߊ߬ ߥߊ߬ߟߏ߲߬ߠߌ߲߬ ߛߎߡߊ߲߫ ߖߐ߲ߖߐ߲ ߘߏ߫ ߞߍ߫ ߛߏ߬ߙߌ߬ߓߜ߭ߎ߫߸ ߘߌ߲߬ߞߌߙߊ ߏ߬ ߦߋ߫ ߞߌ߬ߕߊ߫ ߕߌ߲߬ߞߎߘߎ߲ ߠߋ߬ ߘߐ߫߸ ߡߊ߬ߟߌ ߥߙߏ߬ߘߎ߰ ߕߟߋߓߋ ߘߐ߫.

ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫߸ ߊ߬ ߦߌ߬ߘߊ߬ߣߍ߲߬ ߞߏ߫ ߥߊ߬ߟߏ߲߬ߠߌ߲ ߡߍ߲ ߞߍ߫ ߘߊ߫߸ ߏ߬ ߞߍ߫ ߛߊ߲ߡߊ߫ ߜߍ߲ߜߍ߲ߠߊ߲ ߠߋ߬ ߓߟߏ߫߸ ߡߍ߲ ߞߎ߲߬ߛߌ߲߬ߣߍ߲߫ ߕߍ߬ߘߍ߫ ߓߊ߰ߓߊ߰ߟߌ߬ ߞߙߎ  ߘߏ߫ ߟߎ߫ ߡߊ߬.

<<ߘߟߊߞߢߊߟߌ ߡߍ߲ ߞߍ߫ ߘߊ߫ ߦߋ߲߬߸ ߡߊ߬ߙߌ߬ߝߊ߬ ߕߋ߬ ߛߌߦߊߡߊ߲ ߠߎ߬ ߞߐߝߍ߬߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߵߊ߬ߟߋ߬ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߘߊ߯ߡߊߞߍ ߥߦߊ߬߸ ߞߊ߬ ߕߍ߮ ߞߍ߫ ߊ߬ߟߎ߬ ߟߊ߫ ߔߏߔߏ߫ ߣߊ߯ߣߌ߲߫ ߘߐ߫߸ ߞߋߟߋ߲߫ ߖߋ߬ߣߌ߲߬ ߘߴߏ߬ ߡߍ߲ ߘߐ߫߸ ߊ߬ ߣߌ߫ ߕߊߟߑߞߌ߫ ߥߍߟߑߞߌ߫ (ߜߋߟߋ߲ߜߋߟߋ߲) ߝߌ߬ߟߊ߬ ߣߌ߫ ߕߟߎ ߕߏ߲ߜߊ߫ ߂߀ ߘߎ߲߫ ߡߎ߬ߥߊ߲߬.>> ߟߊ߬ߛߋ߬ߟߌ ߣߌ߲߬ ߞߵߏ߬ ߔߘߋߔߘߋߟߊߕߍ߰.

ߣߊ߲߬ߕߌ߮ ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߬ ߟߊ߫ ߦߙߐ߫ ߘߐߥߎ߯ߙߌ ߞߍ߫ ߘߊ߫ ߕߙߎ߬ ߘߌ߫߸ ߊ߬ߟߎ߫ ߞߊ߬ ߞߊ߲ߓߋ߲ ߘߏ߫ ߡߌ߬ߘߊ߬߸ ߞߕߊ߬ߞߕߊ߬ߣߍ߲߫ ߛߋ߲߬ߛߓߊ߬ߡߊ߬ ߄߀ ߕߘߍ߬ ߡߍ߲ ߞߣߐ߫߸ ߞߐ߬ߣߐ߲߬ߘߐ߬ ߦߋ߫ ߞߊ߲߬ߞߌߙߊ ߘߐ߫߸ ߊ߬ ߞߍߣߍ߲߫ ߦߏ߫ ߏ߬ ߟߎ߬ ߝߣߊ߫ ߕߊ߯ߕߐ߫ ߕߍ߬ߘߍ߫ ߝߊ߲߬ ߜߘߍ߫ ߟߋ߬ ߘߐ߫.

ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫ ߊ߬ ߘߌ߫ ߕߡߊ߬ߖߌ ߓߐ߫ ߖߡߊ߬ߣߊ߬ߘߋ߲ ߠߎ߬ ߘߐ߫߸ ߊ߬ߟߎ߬ ߦߴߊ߬ ߟߐ߲߫ ߞߏ߫ ߣߊ߲߬ߕߌ߮ ߟߎ߬ ߓߌߣߍ߲߫ ߠߋ߬ ߛߎ ߣߌ߫ ߕߋ߬ߟߋ߸ <<ߞߊ߬ ߡߐ߱ ߟߎ߬ ߣߴߊ߬ߟߎ߬ ߓߟߏߝߋ߲ ߠߎ߬ ߟߊߞߊ߲ߘߊ߫ ߖߡߊ߬ߣߊ ߝߊ߲߭ ߓߍ߯ ߘߐ߫.>>

ߦߙߍߞߍߟߌ ߣߌ߲߬ ߦߴߊ߬ߟߎ߬ ߟߊ߫ ߞߍߞߌߦߊ ߘߏ߫ ߟߋ߬ ߘߌ߫߸ ߊ߬ ߝߐ߫ ߟߊ߫ ߡߍ߲ ߡߵߊ߬ߟߎ߬ ߓߟߏ߫ ߞߏ߫ ߣߊ߲߬ߕߌ߰ߦߊ ߕߊߢߐ߲߯ߓߐ߫ ߝߊ߲߬ߞߊߘߏ߲߬ߣߍ߲߸ ߏ߬ ߡߍ߲ ߛߌ߰ߣߍ߲߫ ߛߋ߲߬ߠߊ߫ ߓߡߊ߬ߞߐ߬ ߓߟߏ߫ ߜߘߋߜߘߋߦߟߊ߫ ߘߌ߯ߣߝߊߕߐ ߟߎ߬ ߞߊ߲ߡߊ߬ ߖߡߊ߬ߣߊ ߥߙߏ߬ߘߎ߮ ߕߟߋ߬ߓߋ ߘߐ߫، ߞߊߙߏ߫ ߟߊߓߊ߲ ߣߌ߲߬ ߞߣߐ߫߸ ߣߊ߲߬ߕߌ߮ ߟߎ߬ ߣߴߊ߬ߟߎ߫ ߘߍ߬ߒ߬ߞߏ߬ߡߊ߬ߢߐ߲߯ ߙߎ߬ߛߌ߬ߞߊ ߟߎ߬ ߓߘߊ߫ ߥߊ߬ߟߏ߲߬ߠߌ߲ ߛߐ߲ߛߐ߲߫ ߢߐ߲߮ ߞߊ߲߬ ߖߘߐ߬ߡߊ߬ ߦߙߐ ߟߎ߬ ߘߐ߫߸ ߣߊߙߊ߬ ߣߌ߫ ߡߐߔߑߕߌ߬ ߣߌ߫ ߢߣߐ߫ ߟߊߡߌߣߌ߲ ߘߐ߫.

ߞߘߊߎ߫߸ ߊ߬ߟߎ߬ ߟߊ߫ ߟߊ߬ߛߋ߬ߟߌ ߟߎ߬ ߟߊߓߊ߲ ߠߋ߬ ߞߏ߫: <<ߣߴߊ߲ ߧߴߊ߲ ߠߊߘߍ߬߸ ߊ߲ ߘߌ߫ ߛߋ߫>>.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.

Image d'une annonce officielle sur les opérations militaires, avec un fond vert et des éléments graphiques liés aux Forces Armées Maliennes. Le texte informe sur des frappes aériennes à Soribougou contre des cibles terroristes, ainsi que des récupérations d'équipement. Date mentionnée : Bamako, le 11 novembre 2025.