ߘߋ߲߫ ߢߊߘߊ߲߫ ߡߛߏ߬ߡߊ߲߬ߣߍ߲߫ ߛߐ߬ߘߐ߲ ߞߊߙߏ߫ ߞߋߟߋ߲ ߘߏ߫ ߟߋ߬ ߛߊ߬ߣߍ߲߫ ߊ߬ ߟߊߖߌ߱ ߞߐߝߍ߬߸ ߞߵߊ߬ ߛߐ߬ߘߐ߲߬ ߡߛߏ߬ߡߊ߲߬ߣߍ߲ ߠߎ߬ ߟߊ߫ ߞߘߐ߬ߓߌߟߊ ߦߋ߫ ߞߏ߫ ߟߊߕߐ߲ߣߍ߲ ߠߋ߬ ߘߌ߫ ߜ߭ߊ߲ߓߌ߫ ߞߣߐ߫߸ ߏ߬ ߘߌ߫ ߛߊ߲߬ ߕߊ߲߫ ߓߐ߫ ߕߋ߲߬.

ߞߎߣߎ߲߬ ߞߐ߬ߓߊ߬ߟߏ߲߸ ߖߋ߬ߟߌ߬ߓߐ߫ ߘߊ߲߬ߠߊߕߊ߬ߡߌ߲߬ߣߍ߲ ߞߍ߫ ߘߊ߫ ߘߋ߲ߣߍ߲߫ ߡߛߏ߬ߡߊ߲߬ߣߍ߲ ߘߏ߫ ߟߋ߬ ߟߊ߫ ߛߊ߬ߦߊ ߛߓߊߓߎ ߘߌ߫ ߞߏ߲ߓߏ߫ ߣߐߙ، ߖߋ߬ߟߌ߬ߓߐ ߏ߬ ߘߊߡߌ߬ߣߊ߬ ߘߊ߫ ߟߊ߬ߖߌ߰ߟߌ ߞߐ ߟߋ߬ ߘߐ߫߸ ߡߍ߲ ߡߊ߫ ߓߟߏߕߍ߰߸ ߝߏ߫ ߞߵߊ߬ ߟߊߓߊ߲߫ ߘߋ߲ߣߍ߲ ߠߊ߫ ߛߊ߬ߦߊ ߡߊ߬، ߊ߬ߟߎ߫ ߞߵߊ߬ ߕߊ߬ ߞߊ߬ ߥߴߊ߬ ߘߌ߫ ߘߊ߲ߘߊߛߏ ߟߊ߫ ߝߛߊߦߌ߫߸ ߓߊ߬ߙߵߊ߬ ߡߊ߫ ߛߋ߫ ߓߐ߫ ߟߴߊ߬ ߘߐ߫، ߡߊ߬ߛߎ߬ߓߊ߬ ߞߏ ߣߌ߲߬ ߛߊ߫߸ ߏ߬ ߟߋ ߡߊ߲߬ߞߊ߲ ߓߘߊ߫ ߕߋ߬ ߖߡߊ߬ߣߊ ߟߊ߫، ߊ߬ ߘߏ߲߬߸ ߞߊ߬ߦߌ߯ ߂߀߁߅ ߟߋ߬ ߟߊ߫߸ ߜ߭ߊ߲ߓߌ߫ ߞߊ߬ ߡߛߏ߬ߡߊ߲߬ߣߍ߲ ߠߎ߬ ߟߊ߫ ߞߘߐ߬ߓߌߟߊ ߟߊߕߐ߲߫߸ ߒ߬ߞߵߊ߬ ߞߍߟߌ ߡߊ߫ ߟߊߟߐ߬ ߏ߬ ߛߌ߫ ߘߐ߫ ߡߎߣߎ߲߬، ߊ߬ ߘߏ߲߬߸ ߛߊ߬ߙߌ߬ߦߊ߫ ߞߵߊ߬ ߝߐ߫ ߟߋ߬߸ ߞߏ߫ ߣߴߌ߫ ߛߊ߬ߦߊ ߓߐ߫ ߘߊ߫ ߟߊ߬ߖߌ߬ߟߌ ߘߐ߫ ߡߍ߲߫ ߕߊ߫ ߓߟߏ߫ ߡߊ߬߸ ߏ߬ ߕߌ߰ ߘߌ߫ ߛߋ߫ ߓߌ߬ߟߊ߬ ߟߊ߫ ߥߛߎ߫ ߘߎߡߊߣߍ߲ ߠߊ߫.

ߟߊ߬ߕߐ߲߬ߠߌ߲ ߏ߬ ߓߍ߯ ߣߴߊ߬ ߕߊ߫߸ ߟߊ߬ߖߌ߰ߟߌ ߡߍ߲ ߦߋ߫ ߞߍ߫ ߟߊ߫ ߜ߭ߊ߲ߓߌ߫߸ ߏ߬ ߞߊ߫ ߛߌߦߊ߫ ߞߏߛߓߍ߫، ߓߊߏ߬߸ ߎ߳ߣߌߛߍߝ ߟߊ߫ ߖߊ߬ߕߋ߬ߛߎ߬ߓߐ ߟߎ߬ ߞߐߝߟߌ ߘߐ߫߸ ߜ߭ߊ߲ߓߌ߫ ߡߛߏ߬ߡߊ߲߬ߣߍ߲ ߡߍ߲ ߠߎ߬ ߦߋ߫ ߛߊ߲߬ ߁߅ ߤߊ߲߯ ߄߉ ߘߐ߫߸ ߏ߬ %߇߃ ߓߍ߯ ߓߌ߬ߟߊ߬ߣߍ߲߫ ߠߋ߬ ߞߐ߬ ߘߐ߫، ߏ߬ ߟߵߊ߬ ߦߌ߬ߘߊ߬ ߟߊ߫߸ ߞߏ߫ ߟߐ߲ߠߌ߲ߦߊ ߥߟߊ߫ ߞߘߐ߬ߡߊ߲ ߠ߬ߎ ߟߊߘߌߦߊߢߍ ߓߘߊ߫ ߝߊ߲߬ߞߊ߫ ߛߐ߬ߘߐ߲߫ ߛߊ߬ߙߌ߬ߦߊ ߡߊ߬߸ ߞߵߊ߬ ߛߐ߬ߘߐ߲߬ ߜߎ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲ ߠߎ߬ ߦ߫ߋ ߞߍ߫ ߟߊ߫ ߕߎ߬ߡߊ߬ ߓߍ߯߸ ߓߌ߲߬ߓߊߥߏ ߝߣߊ߫ ߦߴߊ߬ ߘߊ ߝߍ߬ ߛߊ߬ߙߌ߬ߦߊ߬ ߟߊ߫.

ߛߊ߲߬ ߠߊ߬ߓߊ߲ ߢߌ߲߬ ߠߎ߬ ߞߘߐ߫߸ ߊ߬ ߞߏ ߞߎߡߊ ߓߘߊ߫ ߥߙߊ߬ ߓߊߟߋ߬، ߂߀߂߄ ߞߊ߬ߙߌ߬ߝߐ ߟߊ߫߸ ߖߡߊ߬ߣߊ ߟߐ߲ߠߌ߲ߦߊ߫ ߞߏ ߛߍ߬ߘߏ߲ߠߊ ߟߎ߬ ߞߵߊ߬ߟߎ߬ ߡߊߞߊ߬ߛߌ߬߸ ߞߏ߫ ߞߊ߬ ߟߊ߬ߕߐ߲߬ߠߌ߲߬ ߞߏ߬ ߞߎߡߊ ߣߌ߲߬ ߓߐ߫ ߊ߬ ߘߐ߫ ߝߋߎ߫، ߓߊ߬ߙߌ߬ ߖߡߊ߬߬ߣߊ ߥߛߊ߬ߘߋ߲ ߠߎ߬ ߡߊ߫ ߛߐ߲߬ ߏ߬ ߡߊ߬ ߡߎ߰ߡߍ߫.

ߣߴߌ ߞߊ߬ ߝߘߊ߬ߝߌ߲߬ߠߊ߬ ߜߙߋ ߕߊ߬߸ ߓߌߙߑߡߌ߲ߜ߭ߊߡ ߖߊ߯ߓߘߊ ߓߘߴߊ߬ ߦߌ߬ߘߊ߬ ߞߏ߫ ߡߏ߬ߛߏ ߟߎ߬ ߟߊ߫ ߞߘߐ߬ߓߌߟߊ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߡߐ߰ ߄߄ ߀߀߀ ߠߋ߬ ߓߐ߬ߣߐ߫ ߊ߬ ߣߌ ߘߐ߫ ߂߀߂߃ ߟߊ߫ ߝߘߊ߬ߝߌ߲߬ ߖߡߊߣߊ߫ ߂߈ ߞߣߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.