ߔߊߟߍߛߑߕߌߣ ߞߣߐ߫߸ ߞߐ߲ߞߐ ߣߌ߫ ߓߊߟߞߏߖߎ߯ߦߊ ߦߋ߫ ߡߍ߲ ߠߎ߬ ߞߊ߲߬߸ ߏ߬ ߟߎ߬ ߦߙߌߞߊ ߓߘߊ߫ ߛߌߦߊߦߊ߫ ߞߏߛߓߍ߫߸ ߘߋ߲ߣߍ߲߫ ߞߋߟߋ߲߫ ߖߍ߬ߘߍ ߦߋ߫ ߛߊ߬ߓߊ߰ߕߐ ߟߎ߬ ߘߐ߫، ߦߙߌߞߊ ߏ߬ ߔߘߋߔߘߋߟߊߕߍ߰ߣߴߊ߬ߟߎ߬ ߟߊ߫ ߜߋߙߋ߲ߜߋߙߋ߲ߧߊ ߞߏߕߌ߯ߘߊ ߟߋ߬ ߓߟߏ߫.
ߡߐ߰ ߞߎ߬ߘߊ߬ ߥߐߙߐ߲ߝߌ߬ߟߊ߫ ߟߋ߬ ߓߘߊ߫ ߟߊ߫ ߔߊߟߍߟߑߕߌߣߌ߲ߞߊ߫ ߝߊ߰ߓߊ߰ߕߐ ߟߎ߬ ߞߊ߲߬ ߕߋ߲߬߸ ߡߍ߲ ߠߎ߬ ߛߕߊ ߞߍߣߍ߲߫ ߞߐ߲ߞߐ ߘߌ߫ ߜ߭ߊ߯ߖ߭ߊ߬ ߞߣߐ߫، ߞߊ߬ ߝߘߴߊ߬ߟߎ߬ ߟߊ߫ ߜߋߙߋ߲ߜߋߙߋ߲ߧߊ ߞߏߕߌ߯ߘߊ ߟߊ߫.
ߛߊ߬ߓߊ߰ߕߐ߬ ߞߎߘߊ ߡߍ߲ ߠߎ߬ ߦߋ߫ ߣߌ߲߬߸ ߏ߬ ߟߎ߫ ߝߊ߰ߣߍ߲߫ ߕߎ߬ߡߊ߬ߙߋ߲߫ ߂߄ ߢߌ߲߬ ߠߋ߬ ߞߣߐ߫߸ ߞߊ߬ ߝߊ߰ߓߊ߰ߕߐ ߟߎ߬ ߦߙߌߞߊ ߟߊߛߋ߫ ߡߐ߰ ߁߆߉ ߘߐ߫߸ ߞߵߊ߬ ߕߊ߬ ߂߀߂߃ ߞߏ߲ߓߌߕߌ߮ ߡߊ߬ ߞߵߊ߬ ߛߌ߰ ߛߌߛߍ߲߬ ߠߊ߫، ߣߴߌ ߘߏ߲߬ ߞߵߏ߬ ߡߊߝߟߍ߫߸ ߘߋ߲ߣߍ߲߫ ߡߐ߰ ߉߃ ߟߋ߬ ߦߴߏ߬ ߘߐ߫߸ ߞߏߕߌ߯ߘߊ ߟߊ߫ ߝߐߟߌ߫ ߘߐ߫ ߟߊ߬ߛߋ߬ߟߌ߬ ߛߓߍ ߘߏ߫ ߞߣߐ߫.
ߊ߬ߟߎ߬ ߟߊ߫ ߞߏߕߌ߯ߘߊ߫ ߞߋߟߋ߲ ߣߌ߲߬ ߞߵߊ߬ ߟߊߛߋ߫ ߝߣߊ߫߸ ߞߏ߫ ߞߐ߲ߞߐ ߣߌ߫ ߜߟߍ߬ߦߊ ߓߘߊ߫ ߘߏ߲߬ ߜ߭ߊ߯ߖ߭ߊ߬ ߞߣߐ߫ ߟߋ߬ ߕߋ߲߬ ߝߋߝߋ߫߸ ߊ߬ ߘߏ߲߬ ߦߋ߫ ߕߊ߬ߡߌ߲߬ ߠߊ߫ ߟߋ߬ ߖߎ߯ߦߊ߫ ߟߊ߫ ߞߏߛߓߍ߫، ߌߛߌ߬ߙߊ߬ߌߟߊ߫ ߓߘߊ߫ ߓߊߟߏ ߣߌ߫ ߓߊߛߌ ߟߎ߬ ߓߟߏߕߍ߰ ߊ߬ߟߎ߫ ߡߊ߬ ߛߊ߲߬ ߦߙߌߞߊ ߣߌ߲߬ ߞߣߐ߫߸ <<ߡߍ߲ ߓߘߊ߫ ߕߊ߬ߡߌ߲߬ ߜߟߍ߬ߦߊ߬ ߟߊ߫>> ߏ߬ ߟߋ ߘߐ߫߸ ߞߏ߫ ߊ߬ߟߎ߬ ߟߊ߫ ߞߟߌߟߌ ߦߋ߫ ߛߋ߫ ߟߊ߫ ߡߊ߲߬ߕߏ߲߬ߕߍ߬ ߛߌ߲ߝߏ߲ߘߊ ߟߎ߫ ߡߊ߬߸ ߞߵߏ߬ ߟߊ߫ ߡߐ߰ߦߊ ߡߞߊߘߊ߲߫ ߛߌ߲ߝߏ߲ߘߊ ߟߎ߫ ߞߊ߲߬߸ ߊ߬ߟߎ߬ ߦߴߊ߬ߟߎ߬ ߢߊ߫ ߞߍ߫ ߊ߬ߟߎ߬ ߢߊ߫ ߘߌ߫ ߖߏߣߊ߫߸ ߞߊ߬ ߘߊ߲߭ߛߌ߰ ߜߟߍ߬ߦߊ ߢߌ߲߬ ߠߊ߫߸ ߞߊ߬ ߣߊ߬ ߘߍ߬ߡߍ߲ ߘߌ߫ ߞߊߟߌߦߊ߫ ߘߐ߫.
ߞߊ߬ߦߌ߯ ߕߙߊߓߊ ߕߋ߬ߟߋ߫ ߂ ߡߊ߬߸ ߌߛߌ߬ߙߊ߬ߌߟߊ߫ ߝߊ߰ߡߊ ߟߎ߫ ߞߊ߬ ߕߊ߬ߡߌ߲߬ ߛߌߟߊ ߓߍ߯ ߕߍ߰ ߓߐߕߏ߲ ߠߎ߬ ߟߊ߫߸ ߞߊ߬ ߕߊ߬ߡߌ߲߬ ߞߐ߲ߞߐ ߟߊߥߙߊ߬ ߟߊ߫، ߓߊߏ߬߸ ߓߊߟߏ ߟߎ߬ ߣߌ߫ ߓߊߛߌ ߟߎ߬ ߘߌ߫ ߕߊ߬ߡߌ߲߬ ߛߌߟߊ ߡߍ߲ ߠߎ߬ ߝߍ߬߸ ߏ߬ ߟߎ߬ ߓߍ߯ ߕߍ߰ߣߍ߲߫ ߠߋ߬.
ߌߛߌ߬ߙߊ߬ߌߟߊ߫ ߓߘߴߊ߬ ߓߊ߲߬ ߞߟߍ߬ߟߊ߬ߟߐ ߓߍ߲߬ߞߊ߲ ߡߊ߬ ߝߊߦߌ߲߫߸ ߞߵߊ߬ ߕߊ߬ ߂߀߂߃ ߞߏ߲ߓߌߕߌ߮ ߕߟߋ߬ ߇ ߡߊ߬ ߤߊ߲߯ ߕߋ߲߬߸ ߊ߬ߟߎ߬ ߦߋ߫ ߖߋ߬ߟߌ߬ ߟߊ߬ߓߐ߲ ߞߊ߲߬ ߜ߭ߊ߯ߖ߭ߊ߬ ߞߣߐ߫߸ ߝߏ߫ ߡߐ߰ ߆߀ ߀߀߀ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫ ߔߊߟߌߛߑߕߌߣߌ߲ߞߊ ߟߎ߬ ߘߐ߫߸ ߡߍ߲ ߝߊ߲߬ߓߊ ߦߋ߫ ߘߋ߲ߣߍ߲ ߠߎ߬ ߣߌ߫ ߡߏ߬ߛߏ ߟߎ߬ ߘߌ߫، ߘߐ߬ߝߏ߬ߘߏ߲߬ߠߌ߲ ߠߎ߬ ߦߴߌߘߐ߫ ߕߎ߲߫߸ ߞߏ ߟߎ߬ ߓߘߊ߫ ߜߟߍ߬ߦߊ߬߸ ߞߐ߲ߞߐ ߦߋ߫ ߕߊ߬ߡߌ߲߬ ߠߊ߫ ߥߙߊ߬ ߟߊ߫ ߟߏ߲߫ ߓߍ߯.
ߣߍߣߍߓߊ߫ ߕߊ߬ߡߌ߲߬ߣߍ߲ ߠߊ߫߸ ߞߌߢߍ߲߫ ߡߊ߲߬ߕߏ߲߬ߕߍ߬ ߞߕߌߖߌ߲ ߞߊ߬ ߡߌ߬ߘߊ߬ߟߌ߬ ߛߓߍ ߓߌ߬ߟߊ߬ ߌߛߌ߬ߙߊ߬ߌߟߊ߫ ߞߏߕߌ߯ ߝߟߐ ߓߍ߲ߖ߭ߊߡߍ߲ ߣߋߕߦߊߤߎ߫ ߞߐ߫߸ ߊ߬ ߣߴߊ߬ߟߎ߬ ߟߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߯ ߝߟߐ߸ ߦߏߊߝ߭ ߜ߭ߊߟߊ߲߫߸ ߞߵߏ߬ ߞߎ߲߭ ߞߍ߫ ߞߍ߬ߟߍ ߞߎ߲߬ߞߏ߬ߓߊ߬ߕߐ߬ߦߊ ߘߌ߫ ߡߐ߰ߦߊ ߞߊ߲ߡߊ߬ ߜ߭ߊ߯ߖ߭ߊ߬ ߞߣߐ߫.
ߊ߲ ߧߋ߫ ߘߊߞߎ߲ ߡߍ߲ ߘߐ߫ ߕߋ߲߬߸ ߌߛߌ߬ߙߊ߬ߌߟߊ߫ ߓߘߊ߫ ߡߊߝߌ߲߬ ߞߌߢߍ߲߫ ߕߋߟߋ߲ߓߊ߯ߦߊ ߞߕߌߖߌ߲ ߓߟߏ߫ ߛߌߟߊߓߊ߲ ߣߌ߫ ߛߌߟߛߊߟߌ߫ ߞߏ ߘߐ߫߸ ߊ߬ߟߎ߬ ߟߊ߫ ߘߟߊߛߌ߯ߟߌ߫ ߞߟߍ ߞߏߛߐ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.