ߗߍ߭ ߣߌ߲߬ ߕߐ߯ ߟߋ߬ ߞߏ߫ ߋߝ߭ߊ߲ ߋߛ߭ߎ߳ߡ߸ ߡߍ߲ ߞߊ߲߬ߕߐ߮ ߦߋ߫ ߞߏ߫ ߋߓߏ߫ ߣߏ߬ߥߊ، ߊ߬ߟߋ ߡߍ߲ ߞߊ߬ ߘߎߢߊ߫ ߓߊ߲߫ ߞߏ ߝߐ߫ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߅ ߡߊ߬߸ ߏ߬ ߡߌ߬ߣߊ߬ ߘߊ߫ ߕߐ߲ߓߟߏߡߊ ߟߎ߬ ߓߟߏ߫ ߞߎߣߎ߲߬ ߞߏߟߌ߲ߞߏߟߌ߲ ߕߟߋ߬ ߃߁ ߡߊ߬߸ ߜ߭ߊ߯ߣߊ߬ ߕߐ߲ߓߟߏߡߊ ߟߎ߫ ߟߋ߬ ߞߵߊ߬ߟߎ߬ ߕߍ߯ ߞߍ߫ ߊ߬ ߘߐ߫߸ ߞߏ߫ ߊ߬ ߓߘߊ߫ ߛߌߟߊ߲ ߣߌ߫ ߕߊ߬ߘߌ߬ߓߊ߬ߕߊߘߌߓߊ ߟߊߘߏ߲߬ ߡߐ߱ ߟߎ߬ ߡߙߌ ߘߐ߫߸ ߟߊ߬ߝߐ߬ ߞߊ߲߫ ߠߊ߫߸ ߡߍ߲ ߡߊ߫ ߞߍ߫ ߡߎ߰ߡߍ߫.

ߘߎߢߊ߫ ߟߊߓߊ߲߫ ߞߏ ߡߍ߲ ߝߐ߫ ߘߊ߫߸ ߏ߬ ߡߊ߫ ߓߐ߫ ߘߋ߬، ߗߍ߭ ߡߍ߲ ߣߐ߬ ߊ߬ ߖߘߍ߬ ߞߍ߫ ߟߊ߫ ߟߊ߬ߝߐ߬ߓߊ߯ ߛߌߣߌ߲߫ ߞߏ ߟߎ߬ ߦߋߓߊ߯ ߘߌ߫߸ ߣߴߊ߬ ߕߐ߯ ߞߏ߫ ߋߝ߭ߊ߲ ߋߛ߭ߎ߳ߡ߸ ߣߴߊ߬ ߦߋ߫ ߞߟߌ߫ ߟߊ߫ ߓߍ߯ ߓߟߏ߫ ߞߏ߫ ߋߓߏ ߣߏ߬ߥߊ߸ ߕߍ߮ ߞߍ߫ ߘߴߊ߬ ߘߐ߫ ߂߀߂߅ ߞߏߟߌ߲ߞߏߟߌ߲ ߕߟߋ߬ ߃߁ ߡߊ߬߸ ߜ߭ߊ߯ߣߊ߬ ߕߐ߲ߓߟߏߡߊ ߟߎ߬ ߟߊ߫ ߓߟߐߟߐߕߋ߯ߙߋߦߊ ߞߣߐ߬ߜߍ߲߬ ߓߏ߲ߘߋ߲ ߠߋ߬ ߞߵߊ߬ߟߎ߬ ߕߍ߯ ߞߍ߫ ߊ߬ ߘߐ߫، ߓߌ߬ߟߊ߬ ߞߍߣߴߊ߬ ߞߐ߫ ߟߋ߬߸ ߞߏ߫ ߊ߬ ߓߘߊ߫ ߞߏ߫ ߟߊߦߟߍ߬ ߓߟߐߟߐ ߞߊ߲߬߸ ߡߍ߲ ߞߊ߬ ߛߌߟߊ߲ ߠߊߘߏ߲߬ ߡߐ߱ ߟߎ߬ ߘߐ߫߸ ߞߊ߬ ߖߊ߬ߡߊ ߟߊ߫ ߖߛߎ߬ߛߎߡߊ ߝߛߏ߬ߝߛߊ߬.

ߣߌ߲߬ ߞߏ ߓߍ߯ ߘߊߡߌ߬ߣߊ߬ ߘߊ߫ ߂߀߂߅ ߘߓߊ߬ߓߌߟߊ ߟߋ߬ ߟߊ߫، ߋߛ߭ߎߡ ߞߵߊ߬ ߝߐ߫ ߏ߬ ߕߎ߬ߡߊ ߟߋ߬ ߟߊ߫߸ ߞߏ߫ ߊ߬ ߓߘߊ߫ ߓߌ߬ߟߊ߬ߒ߬ߞߣߐ߬ ߟߐ߲ߠߌ߲߫ ߞߏ ߘߏ߫ ߟߊ߫: ߞߏ߫ ߥߊߡߍ ߘߏ߫ ߣߊ߬ߕߐ߫ ߘߎ߱ ߡߌ߬ߣߊ߬ ߟߊ߫ ߞߏߟߌ߲ߞߏߟߌ߲ ߕߋ߬ߟߋ߫ ߂߅ ߡߊ߬߸ ߞߊ߬ ߘߎߢߊ߫ ߣߴߊ߬ ߘߐߞߍ ߞߍ߫ ߟߋߎ߫، ߊ߬ ߞߵߊ߬ ߟߊߓߊ߬ߕߏ߬ߓߊ߮ ߟߎ߬ ߞߟߌ߫߸ ߞߏ߫ ߞߊ߬ ߞߎߟߎ߲ ߘߏ߫ ߓߐ߫߸ ߛߊ߫ ߏ߬ ߘߌ߫ ߓߍ߯ ߟߊߞߛߌ߫ ߥߊߡߍ ߡߊ߲߬ߕߙߐ ߡߊ߬، ߖߌ߬ߦߊ߬ߖߟߎ ߏ߬ ߟߋ ߞߊ߬ ߦߙߐ ߓߍ߯ ߟߊߝߏ߬߸ ߡߐ߱ ߟߎ߫ ߕߎ߲߬ ߡߴߊ߬ ߕߊ߬ ߓߊ߫ ߘߐ߫߸ ߝߏ߫ ߞߏߟߌ߲ߞߏߟߌ߲ ߂߅ ߛߎ߬ߘߎ߲߬ߧߊ ߡߍ߲ ߞߍ߫ ߘߊ߫߸ ߊ߬ ߞߏ ߞߍ߫ ߘߊ߫ ߟߊ߲߬ߓߏ߲ ߘߌ߫ ߝߊ߲߭ ߓߍ߯ ߘߐ߫.

ߒ߬ߓߊ߬߸ ߞߏߟߌ߲ߞߏߟߌ߲ ߂߅ ߏ߬ ߟߋ ߛߋߣߍ߲߫߸ ߞߊ߬ ߓߊ߲߫ ߞߊ߬ ߕߊ߬ߡߌ߲߬߸ ߞߏ߫ ߡߊ߫ ߓߐ߫ ߊ߬ ߘߐ߫، ߥߊߡߍ߫ ߡߊ߫ ߣߊ߬߸ ߥߊ߬ߥߎ߬ߟߋ߬ ߡߊ߫ ߣߊ߬߸ ߘߎߢߊ߫ ߦߴߊ߬ ߢߊ ߡߊ߬، ߌߞߏߡߌ߲߬ ߡߐ߱ ߟߎ߬ ߖߌ߰ ߘߴߊ߬ ߟߊ߫ ߏ߬ ߘߐ߫߸ ߞߊ߬ ߡߐ߰߰ ߛߌߦߊߡߊ߲߫ ߡߐߣߍ߫ ߊ߬ ߞߊ߲ߡߊ߬ ߘߍ߬ߞߙߏߝߏ ߟߎ߫ ߞߊ߲߬߸ ߋߓߏ߫ ߣߏ߬ߥߊ ߞߊ߬ ߖߌ߬ߦߊ߬ߖߟߎ߬ ߜߘߍ߫ ߞߍ߫، ߖߌ߬ߦߊ߬ߖߟߎ߬ ߞߎߘߊ ߏ߬ ߘߐ߫߸ ߊ߬ ߞߵߊ߬ ߝߐ߫ ߞߏ߫ ߘߎߢߊ߫ ߟߊߓߊ߲߫ ߞߏ ߟߊߣߐ߯ ߘߊ߫ ߡߎ߲߬ ߓߟߏ߫߸ ߏ߬ ߟߋ ߞߍ߫ ߘߊ߫ ߡߐ߱ ߟߎ߬ ߟߊ߫ ߛߎ߲ ߣߴߊ߬ߟߎ߬ ߟߊ߫ ߛߊߟߌ ߘߌ߫، ߊ߬ ߞߊ߲߫ ߞߏ߫ ߊߟߊ߫ ߣߐ߬ ߘߏ߫ ߟߊ߫ ߟߊ߫ ߡߐ߱ ߟߎ߬ ߟߊ߫ ߥߊ߯ߕߌ ߞߊ߲߬ ߏ߬ ߟߋ ߘߐ߫ ߘߎߢߊ߫ ߞߣߐ߫߸ ߞߊ߬ ߥߊ߯ߕߌ߫ ߘߌ߫ ߡߐ߱ ߟߎ߫ ߡߊ߬߸ ߛߊ߫ ߞߎߟߎ߲ ߘߌ߫ ߟߊߘߊ߲߫ ߥߊ߯ߕߌ ߏ߬ ߞߣߐ߫߸ ߞߊ߬ ߞߛߌߓߊ߮ ߟߎ߬ ߟߊߞߛߌ߫.

ߕߐ߲ߓߟߏߡߊ ߟߎ߬ ߝߣߊ߫ ߡߊ߫ ߡߊ߬ߞߐ߬ߣߐ߲߬ߠߌ߲߬ ߞߍ߫ ߡߎ߬ߕߎ߲߬، ߏ߬ ߟߎ߫ ߞߊ߬ ߟߊ߬ߛߋ߬ߟߌ߬ ߞߟߊߒߞߋ ߘߏ߫ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߓߟߐߟߐ߫ ߘߐߛߏ߯ߙߋ ߛߋ߲߭ߝߍ߬߸ ߊ߬ߟߎ߬ ߓߘߴߊ߬ߟߎ߬ ߕߍ߯ ߞߍ߫ ߣߏ߬ߥߊ ߘߐ߫، ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫߸ ߊ߬ ߛߓߍߣߍ߲߫ ߞߏ߫: <<ߜ߭ߊ߯ߣߊ߬ ߕߐ߲ߓߟߏߡߊ ߟߎ߬ ߟߊ߫ ߗߋߢߘߊ ߘߴߊ߬ ߟߊߛߙߋߦߊ߫ ߞߏ߫ ߊ߬ߟߎ߬ ߓߘߴߊ߬ߟߎ߬ ߕߍ߯ ߞߍ߫ ߗߍ߭ ߘߏ߫ ߘߐ߫߸ ߊ߰ ߝߐ߫ ߟߊ߫ ߡߍ߲ ߡߊ߬ ߞߏ߫ ߋߝ߭ߊ߲ ߋߛ߭ߎߡ߸ ߣߴߊ߬ ߞߊ߲߬ߕߐ߮ ߦߋ߫ ߋߓߏ ߣߏ߬ߥߊ ߘߌ߫߸ ߊ߬ ߡߌ߬ߣߊ߬ ߘߊ߫ ߓߟߐߟߐߕߋ߯ߙߋߦߊ ߜߋ߬ߟߎ߲߬ߠߌ߲ ߓߏ߲ߘߋ߲߫ ߓߟߏߡߊߞߊ߬ߣߍ߲ ߠߋ߬ ߓߟߏ߫.>> ߊ߬ߟߎ߬ ߟߊ߫ ߛߓߍ ߟߋ߬ ߞߊ߲߫ ߕߋ߲߬.

ߘߍ߬ߞߙߏߝߏ ߟߎ߫ ߞߊ߬߸ ߊ߬ ߞߏ ߓߘߊ߫ ߞߍ߫ ߟߊ߬ߡߊ߮ ߘߌ߫، ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߦߋ߫ ߝߊ߬ߣߊ ߟߋ߬ ߘߌ߫߸ ߘߏ߫ ߟߎ߫ ߞߊ߲߫ ߞߏ߫ ߊ߬ ߓߘߴߊ߬ ߕߏߟߏ߲߫ ߘߎߢߊ߫ ߤߊ߲ߞߟߌ ߟߊ߫، ߊ߲ ߞߏ߬ߣߌ߲ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߕߐ߲ߓߟߏߡߊ ߟߎ߬ ߡߊ߫ ߛߐ߲߬ ߊ߬ ߝߐ߫ ߟߊ߫߸ ߓߌ߬ߟߊ߬ ߞߍߣߴߊ߬ ߞߐ߫ ߞߎ߲߬ ߞߋߟߋ߲ ߡߍ߲ ߘߐ߫߸ ߘߏ߬ߣߌ߲ ߡߍ߲ ߦߴߊ߬ ߞߎ߲߬ ߛߊ߬ߙߌ߬ߦߊ߬ ߢߊߞߘߐ߫߸ ߏ߬ ߡߊ߫ ߝߐ߫، ߊ߬ ߟߊ߫ ߞߕߌ߫ ߞߏ߫ ߡߊ߫ ߝߐ߫߸ ߊ߬ ߡߌ߬ߣߊ߬ ߞߏ ߟߋ߬ ߘߐߙߐ߲߫ ߝߐߣߍ߲߫، ߝߊ߰ߡߊ ߟߎ߫ ߞߏ߬ߣߌ߲ ߞߊ߬ ߓߍ߯ ߞߟߌ߫ ߡߍ߲ ߡߊ߬߸ ߏ߬ ߟߋ ߡߊ߬ߝߊ ߘߌ߫߸ ߞߊ߬ ߕߏ߫ ߛߊ߬ߙߌ߬ߦߊ߬ ߞߐ߫߸ ߞߊ߬ ߞߏߟߊߖߎ߯ߦߊ ߣߌ߫ ߞߏ߫ ߟߊߥߙߊ ߟߎ߬ ߕߏ߫ ߦߋ߲߬߸ ߞߏ߫ ߗߍ߭ ߦߋ߫ ߛߐ߬ߒ߬ߕߊ߲ ߠߋ߬ ߘߌ߫ ߡߎߣߎ߲߬ ߝߏ߫ ߡߊ߬ߝߌ߲߬ ߘߙߌߞߌ ߦߋ߫ ߓߐ߫ ߊ߬ ߞߊ߲ߠߊ߫ ߕߎ߬ߡߊ ߡߍ߲ ߠߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.