ߛߎ߬ ߛߓߊ߬ ߜߘߍ߫ ߟߋ߬ ߝߣߊ߫ ߓߘߊ߫ ߦߋ߫ ߜߊ߲ߜߘߊ ߞߘߐ߫ ߡߊ߬ߣߍ߬ߦߊ߫ ߘߎ߰ ߜߊߟߊ߲ߞߌ ߣߌ߲߬ ߘߐ߫߸ ߏ߬ ߡߍ߲ ߞߍ߫ ߘߊ߫ ߘߓߊ߬ߓߌߟߊ ߕߋ߬ߟߋ߫ ߂߀ ߛߎ ߘߐ߫ ߞߊ߬ߣߌ߲߬، ߝߊ߰ߓߊ߰ߕߐ ߟߎ߬ ߦߙߌߞߊ ߦߋ߫ ߡߊߞߊ߬ߝߏ ߞߊ߲߬߸ ߊ߬ ߓߘߊ߫ ߛߋ߫ ߁߈ ߘߐ߫߸ ߡߐ߰ ߛߋߦߌ߲߫ ߓߍ߫߸ ߏ߬ ߟߎ߬ ߦߋߣߍ߲߫ ߕߍ߫ ߡߎߣߎ߲߬.
ߡߊ߬ߛߎ߬ߓߊ߬ߞߏ ߡߍ߲ ߞߍߣߍ߲߫ ߡߊ߬ߣߍ߬ߦߊ߫߸ ߣߴߊ߬ ߞߊ߬ ߡߐ߱ ߟߎ߫ ߓߌ߬ߟߊ߫ ߞߣߐ߬ߘߐ߬ߝߟߌ ߣߌ߫ ߞߣߐ߬ߜߊ ߘߐ߫، ߏ߬ ߞߍ߫ ߘߊ߫ ߘߓߊ߬ߓߌߟߊ ߕߋ߬ߟߋ߫ ߂߀ ߛߎ ߟߋ߬ ߘߐ߫߸ ߘߎ߰ ߜߊߟߊ߲ߞߌ ߟߋ߬ ߞߍ߫ ߘߌ߲߬ߞߌߙߊ ߏ߬ ߘߐ߫ ߦߋ߲߬߸ ߝߏ߫ ߊ߬ ߛߊ߬ߓߊ߰ߕߐ ߓߘߊ߫ ߛߋ߫ ߡߐ߰ ߁߈ ߘߐ߫ ߕߋ߲߬߸ ߞߎߣߎ߲߬ ߛߌ߬ߣߌ߲߬ߟߏ߲ ߖߊ߬ߕߋ ߟߋ߬ ߦߴߏ߬ ߘߌ߫߸ ߘߓߊ߬ߓߌߟߊ ߕߋ߬ߟߋ߫ ߂߂، ߡߐ߰ ߁߀ ߠߋ߬ ߖߐߞߌ߫ ߞߏ߫ ߞߎߡߊ ߝߐߣߍ߲߫.
ߡߞߊ߬ߘߊ߲߬ߠߌ߲߬ߠߊ ߟߎ߬ ߦߋ߫ ߓߊ߯ߙߊ ߞߊ߲߬ ߦߋ߲߬ ߢߊ߫ ߞߎ߲߫ ߞߋߟߋ߲߫߸ ߏ߬ ߟߎ߫ ߟߋ߬ ߣߐ߬ ߛߎ߭ ߛߓߊ߬ ߦߋ߫ ߟߊ߫ ߜߊ߲ߜߘߊ ߞߘߐ߫߸ ߞߊ߬ ߕߊ߬ߡߌ߲߬ ߘߏ߫ ߟߊ߫ ߟߊ߫ ߞߊ߬ߛߙߊ߬ߓߊ߰ߕߐ ߦߙߌߞߊ ߞߊ߲߬، ߡߊ߬ߛߎ߬ߓߊ ߣߌ߲߬ ߞߐߝߍ߬ ߕߎ߬ߡߊ߬ߙߋ߲߬ ߄߈ ߞߘߐ߫߸ ߡߐ߰ ߈ ߦߋ߫ ߦߋ߲߬ ߡߎߣߎ߲߬߸ ߏ߬ ߟߎ߬ ߡߊ߫ ߦߋ߫ ߝߟߐ߫.
ߛߊ߲ߖߌ߫ ߜߘߍ߫ ߝߣߊ߫ ߣߊ߬ ߞߏ ߦߋ߫ ߝߌߙߌ߲ߝߌߙߌ߲߫ ߠߊ߫߸ ߊ߬ ߣߌ߫ ߖߌߓߐ߫ ߞߏ߫ ߜߘߍ߫߸ ߞߎ߲߬ߠߊ߬ߛߌ߮ ߞߊ߲߫ ߞߏ߫ ߡߐ߰ ߛߌ߫ ߡߊߞߍߣߍ߲߫ ߦߙߐ߫ ߖߘߐ߬ߡߊ ߘߐ߫߸ ߏ߬ ߟߎ߬ ߦߴߊ߬ߟߎ߬ ߞߊߘߊ߲߫ ߞߵߊ߬ߟߎ߬ ߟߊ߫ ߓߏ߲ ߠߎ߬ ߟߊߥߎ߬ߦߊ߬߸ ߖߐ߲߰ߛߊ߫ ߞߛߌ߫ ߘߌ߫ ߞߍ߫ ߣߌ߲߬ ߞߏ߫ ߛߎ߮ ߟߎ߬ ߡߊ߬ ߥߊ߯ߕߌ߫ ߣߊ߬ߕߐ ߟߎ߬ ߘߐ߫، ߞߊ߬ߕߎ߲߯߸ ߊ߬ ߓߘߊ߫ ߦߌ߬ߘߊ߫ ߟߊ߬ߞߙߐ߬ߛߌ߬ߟߌ ߟߎ߬ ߞߐߝߍ߬߸ ߞߏ߫ ߘߎ߰ ߜߊߟߊ߲ߞߌ ߣߌ߲߬ ߕߎ߬ߙߎ ߞߍߣߍ߲߫ ߕߌ߲߬ߞߎߘߎ߲ ߘߏ߫ ߟߎ߫ ߟߊ߫ ߓߊ߲ߘߊߦߟߍߡߊ߲ ߠߋ߬ ߘߌ߫߸ ߊ߬ ߣߌ߫ ߟߐ߬ߟߌ ߞߍߢߊ߫ ߖߎ߮ ߟߎ߬.
ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߓߘߴߊ߬ߟߎ߬ ߛߋߞߏ ߓߍ߯ ߟߊߘߍ߬ߣߍ߲ ߞߍ߫߸ ߞߊ߬ ߛߋ߫ ߡߞߊ߬ߘߊ߬ߠߌ߲ ߞߍ߫ ߟߊ߫߸ ߊ߬ ߣߌ߫ ߞߏ߫ ߊ߬ߟߎ߬ ߘߌ߫ ߘߍ߬ߡߍ߲ ߠߊߛߋ߫ ߛߊ߬ߓߊ߰ߕߐ ߟߎ߬ ߞߐߙߍ ߡߊ߬߸ ߡߍ߲ ߠߎ߬ ߦߋ߫ ߛߎ߬ߣߎ߲ ߘߐ߫ ߕߋ߲߬ ߞߊ߬ߣߌ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.