ߥߙߎߞߌ ߣߌ߫ ߞߊ߬ߞߎ߬ߘߦߊ߬ߟߌ ߓߐ߲ߛߐ߲ߘߊ (ߥߞߓ) ߓߘߊ߫ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߞߊ߲ߕߌ߯ߦߊ߫ ߢߌߣߌ߲ ߓߙߊߡߊߖߊ߲ߓߊ߲ ߘߏ߲߬ߞߏ ߟߎ߬ ߟߊ߲ߞߣߍߡߊ߫ ߞߵߊ߬ ߓߍ߲߬ ߂߀߂߅ ߞߏߟߌ߲ߞߏߟߌ߲ ߂߈ ߣߊ߬ߕߐ ߞߊ߲ߕߌ߯ ߢߣߊߕߊߟߌ ߡߊ߬.

ߘߐ߬ߛߙߋ߬ ߟߊߖߍ߲ߛߍ߲ ߘߏ߫ ߟߋ߬ ߦߋߣߍ߲߫߸ ߡߍ߲ ߦߋ߫ ߥߞߓ ߛߌ߲߬ߝߏ߲߬ߧߊ߬ ߢߊ ߢߊߝߐ߫ ߟߊ߫߸ ߊ߬ ߣߴߊ߬ߟߎ߬ ߟߊ߫ ߓߊ߯ߙߊ ߟߎ߬ ߦߋ߫ ߥߊ߫ ߟߊ߫ ߝߊ߬ߘߌ ߡߍ߲ ߘߐ߫ ߞߵߊ߬ ߓߍ߲߬ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߓߙߊߡߊߖߊ߲ߓߊ߲ ߥߊ߫ ߗߏ߮ ߡߊ߬߸ ߏ߬ ߡߍ߲ ߦߴߊ߬ߟߎ߬ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫، ߊ߬ߟߎ߬ ߟߊ߫ ߞߎ߲߬ߞߊ߲ ߠߋ߬ ߢߣߊߕߊߟߌ ߣߌ߲߬ ߘߐ߫߸ ߞߏ߫ : <<ߊ߲ ߧߴߊ߲ ߟߐ߬ ߢߐ߲߮ ߝߍ߬>>߸ ߏ߬ ߞߏ ߦߋ߫ ߡߊ߬ߡߙߊ߬ߟߌ ߞߏߟߊߕߍ߯ߘߊ ߘߏ߫ ߟߋ߬ ߓߟߏ߫߸ ߊ߬ ߣߌ߫ ߟߊ߬ߞߊ߲߬ߘߊ߬ߟߌ ߓߏ߲ߘߋ߲߸ ߞߵߏ߬ ߟߊ߫ ߓߙߊߡߊߖߊ߲ߓߊ߲ ߗߋߕߌ߯ߘߊ߫ ߝߊ߬ߛߏ߬ߟߊ߬ߞߊ ߘߏ߫ ߞߊ߲߬߸ ߏ߬ ߡߍ߲ ߘߐ߱ߘߏ߲߬ߣߍ߲߫ ߊ߬ߟߎ߬ ߞߐߦߌߘߊ ߟߎ߬ ߟߊ߫ ߞߏ ߟߎ߬ ߟߊ߫ ߕߌ߲߬ߞߎߘߎ߲ ߠߎ߬ ߣߌ߫ ߡߙߊ߬ߓߊ߰ߘߊ ߟߎ߬ ߞߣߐ߫.

ߒ߬ߓߊ߬߸ ߊ߬ߟߎ߬ ߟߊ߫ ߓߙߊߡߊߖߊ߲ߓߊ߲ ߘߐ߫߸ ߗߋߕߌ߯ ߝߊ߬ߛߏ߬ߟߊ߬ߞߊ ߦߋ߫ ߛߟߊߕߌ߯ ߊߡߊߘߎ߫ ߎ߯ߙߌ߬ ߓߊ ߟߋ߬ ߘߌ߫߸ ߓߙߊߡߊߖߊ߲ߓߊ߲ ߗߋߕߌ߮، ߊ߬ ߡߊߘߍ߬ߡߍ߲߬ߕߐ߫ ߛߟߊߕߌ߯ ߝߊ߭ߦߊ߬ ߝߊ߬ߙߊ߲߬ߛߎߥߊ ߓߙߎߣߏ߫ ߟߋ߬ ߓߟߏ߫߸ ߏ߬ ߡߍ߲ ߦߋ߫ ߗߋߕߌ߯ ߛߙߍߞߍ߫ ߝߟߐ ߘߌ߫߸ ߡߍ߲ ߢߎ߲ߣߍ߲߫ ߦߙߍߞߍߟߌ ߣߌ߫ ߓߘߍ߬ߓߘߍ߬ߟߌ ߞߍߞߌߦߊ ߟߎ߬ ߟߊ߫߸ ߞߵߏ߬ ߟߊ߫ ߓߐ߬ߟߐ߲߬ߞߊ߬ ߡߊߙߌߦߡߊ߫ ߛߌߙߋ߬ ߛߌ߬ߟߊ ߞߊ߲߬߸ ߏ߬ ߟߋ ߦߋ߫ ߗߋߕߌ߯ ߛߙߍߞߍ߫ ߝߌߟߊߣߊ߲ ߘߌ߫߸ ߡߍ߲ ߘߐ߱ߘߏ߲߬ߣߍ߲߫ ߡߊ߬ߡߙߊ߬ߟߌ ߟߊ߫.

ߊ߬ߟߎ߬ ߟߊ߫ ߘߐ߬ߛߙߋ ߣߌ߲߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߛߌ߲߬ߝߏ߲߬ߧߊ߬ߟߌ ߣߌ߲߬ ߞߍ߫ ߞߎ߲ ߠߋ߬ <<ߛߴߊ߬ߟߎ߬ ߘߌ߫ ߛߋ߫ ߛߎߘߊ߲߫ ߠߊ߫ ߛߎߘߊ߲ߠߌ߲߫ ߞߐߟߌߞߐߟߌ ߟߊ߫ ߂߀߂߅ ߞߏߟߌ߲ߞߏߟߌ߲ ߂߈ ߞߊ߲ߕߌ߯ ߢߣߊߕߊߟߌ ߖߊ߰ߟߋ߬ ߝߟߐ ߘߐ߫.>> ߝߐߢߊ߫ ߜߘߍ߫ ߘߐ߫߸ ߛߴߊ߬ߟߎ߬ ߘߌ߫ ߛߎߘߊ߲߫ ߕߊ߬ߞߏ߬ ߞߋߟߋ߲ ߠߊ߫.

ߊ߬ߟߎ߬ ߟߊ߫ ߝߊ߲߬ߝߘߊ߫ ߦߌ߬ߘߊ߬ߣߍ߲ ߘߐ߫߸ ߡߊ߬ߡߌ߬ߘߊ߬ߟߌ߬ߟߊ ߡߊߘߍ߬ߡߍ߲߬ߣߍ߲߫ ߟߊ߬ߟߌ߬ߟߌ߬ߟߊ ߟߎ߫ ߟߋ߬ ߓߟߏ߫߸ ߊ߬ ߣߌ߫ ߟߊ߬ߞߊ߲߬ߘߊ߬ߟߌ߬ߟߊ ߟߎ߬، ߓߙߊߡߊߖߊ߲ߓߊ߲ ߗߋߕߌ߯ߘߊ߫ ߝߊ߬ߛߏ߬ߟߊ߬ߞߊ ߛߍߣߍ߲߬߸ ߏ߬ ߟߋ ߘߐ߱ߘߏ߲߬ߣߍ߲߫ ߞߏ ߕߐ߭ ߟߎ߬ ߟߊߕߊ߯ߡߊ ߟߊ߫߸ ߞߵߏ߬ ߟߊ߫ ߞߎߘߎ߲߫ ߡߌߛߍ߲߫ ߛߌߦߊߡߊ߲߫ ߞߊ߲߬ <<ߞߕߌ߫ ߞߎ߲ߘߊ߫߸ ߣߊ߲߬ߝߟߏ߬ ߞߎ߲ߘߊ߫߸ ߡߎ߬ߙߊ߲߬ ߞߎ߲ߘߊ߫߸ ߓߌ߬ߟߊ߬ߢߐ߲߰ߡߊ߬ ߞߎ߲ߘߊ߫ ߞߌ߬ߓߊ߬ߙߏ߬ߘߊ ߟߎ߬ ߟߊ߫߸ ߊ߬ ߣߌ߫ ߢߣߊߕߊߟߌ ߦߙߍߞߍߟߌ߸ ߞߵߏ߬ ߟߊ߫ ߓߘߍ߬ߓߘߍ߬ߟߌ ߣߌ߫ ߖߡߊ߬ ߟߊ߬ߓߐ ߟߎ߫ ߞߊ߲߬.>>

ߣߴߌ ߞߵߊ߬ ߡߊߝߟߍ߫߸ ߊ߬ߟߎ߬ ߟߊ߫ ߗߋߕߌ߯ߘߊ ߟߎ߬ ߛߌ߰ߕߐ߫ ߟߋ߬ ߜߙߋ ߟߎ߬ ߞߊ߲߬߸ ߊߡߙߌߞߌ߬ ߞߐ߰ߘߎ߮ ߘߐ߫߸ ߊ߬ ߣߌ߫ ߊߖ߭ߌ߫ ߣߌ߫ ߊߝߙߌߞߌ߬߸ ߊ߬ ߣߌ߫ ߋߙߐߔߎ߬߸ ߏ߬ ߢߐ߲߰ ߠߋ߬ ߝߣߊ߫ ߓߌ߬ߟߊ߬ߕߐ߫ ߕߌ߲߬ߞߎߘߎ߲ ߠߎ߬ ߣߌ߫ ߡߙߊ߬ߓߊ߰ߘߊ ߟߎ߬ ߞߣߐ߫߸ ߞߊ߬ ߓߙߊߡߊߖߊ߲ߓߊ߲ ߞߍ߫ ߦߏ߫ ߢߌߣߌ߲߫ ߞߍߣߍ߲߫ ߊ߬ ߡߊ߬ ߢߊ ߡߍ߲ ߡߊ߬.

ߖ߭ߋ.ߍߡ.ߘߋ ߣߌ߲߬ ߡߍ߲ ߡߊߡߙߊ߬ߣߍ߲߫ ߞߎ߲߬ߠߊ߬ߛߌ߮ ߖߍ߬ߘߍ ߓߟߏ߫ ߣߌ߲߬߸ ߊ߬ ߟߊߘߊ߲ߣߍ߲߫ ߞߵߊ߬ ߜߘߌߛߌ߰ ߞߊ߬ߞߎ߬ߘߊ߬ߦߊ ߟߋ߬ ߞߊ߲߬߸ ߊ߬ ߣߌ߫ ߥߙߎߞߌ߸ ߞߊ߬ ߞߍߞߌߦߊ߫ ߟߎ߫ ߟߊߓߊ߯ߙߊ߫߸ ߡߍ߲ ߠߎ߬ ߘߌ߫ ߖߊ߬ߡߊ߫ ߞߐ߬ߙߐ߲ߜߐ߲߬ߜߐ߲ ߠߊߓߐ߫߸ ߞߊ߬ ߛߋ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߛߎߘߊ߲ ߟߌߟߌ߲ ߓߊ߲ߓߊ߲߫ ߠߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.

A promotional graphic featuring the title 'CANDIDAT MAMADI DOUMBOUYA' at the top. Below, it lists key campaign members for GMD (Generation for Modernity and Development): Mr. Amadou Oury Bah, Director of Campaign; Mr. Faya François Bourouno, 1st Deputy Director in charge of Political Strategy and Operations; and Mrs. Mariama Cire Sylla, 2nd Deputy Director in charge of Administration, with their respective photos.