ߞߎߣߎ߲߬ ߞߐ߬ߟߏ߲ ߂߀߂߅ ߞߊ߬ߙߌ߬ߝߐ ߕߋ߬ߟߋ߫ ߂߉ ߡߊ߬߸ ߡߊ߬ߛߎ߬ߓߊ߬ ߞߏ ߘߏ߫ ߟߋ߬ ߞߍߣߍ߲߫ ߞߎ߲ߘߎߕߐ߫ ߘߎ߰ߣߍ߲ ߞߣߐ߫߸ ߥߋ߲ߘߋ߫ ߞߣߍߡߊ߬ ߡߙߊ߬ߘߊ߬ߙߋ߲ ߞߣߐ߫߸ ߜߞߋߘߎ߯ ߡߙߊ߬ߓߊ߰ߘߊ ߞߣߐ߫، ߕߊ߲߬ߓߊ ߋߣߐߞ ߟߋ߬ߣߏ߫ ߦߋ߫ ߝߍߙߍ߲ߛߟߊ ߟߋ߬ ߘߌ߫߸ ߡߍ߲ ߛߌ߬ߞߛߊߓߌ ߦߋ߫ ߛߊ߲߬ ߃߀ ߢߐ߲߰ ߘߐ߫߸ ߘߋ߲߫ ߝߌ߬ߟߊ߬ ߦߴߊ߬ ߓߟߏ߫، ߒ߬ߓߊ߬߸ ߏ߬ ߟߋ ߣߐ߬ ߊ߬ ߖߘߍ߬ ߘߎ߲߫ ߠߊ߫ ߖߎ߬ߟߎ ߟߊ߫߸ ߞߏ߫ ߓߊߏ߬ ߊ߬ ߓߘߴߊ߬ ߡߏ߬ߛߏ ߣߌ߫ ߗߍ߬ ߜߘߍ߫ ߡߌ߬ߘߊ߬ ߞߊ߬ߝߏ߬ߢߐ߲߰ߦߊ ߟߊ߫߸ ߊ߬ߟߎ߬ ߟߊ߫ ߟߊߝߋ߲ ߞߊ߲߬߸ ߣߌ߫ ߛߐ߬ߛߐ߬ ߢߊ߫ ߖߘߍ߬ ߕߴߊ߬ ߟߊ߫ ߝߋߎ߫.
ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߞߊ߬ ߝߘߊ߫ ߦߋ߲߬ ߝߊ߰ߡߊ ߟߎ߬ ߟߊ߫߸ ߊ߬ ߕߌ߯ߕߌ߯ ߥߋ߲ߘߋ߫ ߞߣߍߡߊ߬ ߗߋߘߋ߲߫ ߓߟߏߡߊߞߊ߬ߣߍ߲߸ ߡߍ߲ ߕߐ߯ ߞߏ߫ ߛߊ߭ ߡߟߌ߬ߡߣߏ߬߸ ߏ߬ ߞߵߊ߬ ߦߌ߬ߘߊ߬ ߞߏ߫ ߕߋߟߋ߲ߓߊߟߌߦߊ ߥߟߊ߫ ߝߘߎߢߐ߲߯ߡߊ ߟߎ߬ ߟߊ߫ ߢߐ߲߯ ߖߊ߲ߝߊ ߟߋ߬ ߞߍߣߍ߲߫ ߡߊ߬ߛߎߓߊ ߣߌ߲߬ ߕߎ߬ߙߎ ߘߌ߫، ߓߊߏ߬߸ ߞߏ߫ ߗߍ߭ ߣߴߊ߬ ߡߏ߬ߛߏ ߟߊ߫ ߝߘߎ ߘߌ߫ ߛߊ߲߬ ߘߊ߲ߘߐ߫ ߓߐ߫߸ ߝߏ߫ ߊ߬ߟߎ߬ ߓߘߊ߫ ߘߋ߲߫ ߝߌ߬ߟߊ߫ ߛߐ߬ߘߐ߲߬ ߢߐ߲߯ ߝߍ߬ ߝߘߎ ߏ߬ ߞߣߐ߫، ߗߍ߭ ߕߎ߲߬ ߓߘߊ߫ ߛߌߞߊ߫ ߊ߬ ߡߏ߬ߛߏ ߟߊ߫ ߡߣߊ߬ߡߣߊ߬ ߞߏ ߡߊ߬ ߞߘߐ߬ߡߊ߲߬، ߒ߬ߓߊ߬߸ ߊ߬ ߣߊ߬ߣߍ߲߫ ߓߙߊ߬ ߟߴߊ߬ ߡߏ߬ߛߏ ߘߐ߫ ߏ߬ ߟߋ ߘߐ߫ ߛߊ߫߸ ߊ߬ ߣߌ߫ ߗߍ߬ ߜߘߍ߫ ߟߊߣߍ߫ ߊ߬ߟߎ߫ ߛߌ߬ߓߏ߲ ߞߣߐ߫߸ ߊ߬ߟߎ߬ ߟߊ߫ ߟߊߝߋ߲ ߞߊ߲߬، ߏ߬ ߟߋ ߞߍ߫ ߘߊ߫ ߡߊ߲߬ߞߊ߲ ߘߌ߫ ߦߋ߲߬߸ ߡߏ߬ߛߏ ߖߋ߬ߕߌ߰ߗߍ߫ ߞߵߊ߬ ߜߊ߲߫ ߝߢߐߘߊ ߝߍ߬ ߞߊ߬ ߓߐ߫߸ ߏ߬ ߡߊ߫ ߛߋ߫ ߡߊߛߐ߬ߘߐ߲߬ ߠߊ߫.
ߛߊ߭ ߡߟߌ߬ߡߣߐ߬ ߞߊ߲߫߸ ߞߏ߫ ߗߍ߭ ߣߴߊ߬ ߡߏ߬ߛߏ ߞߵߏ߬ ߟߋ ߘߊߘߛߐߛߐߟߌ ߞߍ߫߸ ߝߏ߫ ߞߵߊ߬ ߞߍ߫ ߡߊ߲߬ߞߊ߲߬ߓߊ ߘߌ߫، ߘߌߡߌ߲ ߡߊ߬ ߡߎ߬ߕߎ߲߬ ߛߊ߫߸ ߕߊ߲߬ߓߊ ߋߣߐߞ ߟߋ߬ߣߏ߫ ߞߵߊ߬ ߖߍ߬ߘߍߝߊ߰ ߘߏߦߌ߲߫، ߞߟߍ߬ߡߐ߰ߘߊ ߟߊߟߐ߲ߠߌ߲߫ ߢߊ ߟߋ߬ ߞߍߣߴߏ߬ ߘߌ߫߸ ߏ߬ ߟߎ߬ ߕߊ߯ ߘߊ߫ ߟߎ ߞߣߐ߫ ߦߋ߲߬ ߞߊߟߌߦߊ߫ ߓߟߏ ߡߊ߬، ߞߊ߬ ߡߏ߬ߛߏ ߡߌ߬ߘߊ߬ ߞߊ߬ ߕߊ߯ ߏ߬ ߘߌ߫ ߜߞߋߘߎ߯߸ ߞߊ߬ ߓߊ߲߫ ߞߊ߬ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫߸ ߖߐ߲߰ߛߴߊ߬ ߞߏ ߕߎ߬ߢߊ ߘߌ߫ ߟߐ߲߫߸ ߞߵߊ߬ ߞߍߢߊ߫ ߖߐ߲ߖߐ߲ ߟߐ߲߫.
ߗߍ߭ ߞߊ߬ ߘߋ߲߫ ߝߌ߬ߟߊ߫ ߟߋ߬ ߕߏ߫ ߊ߬ ߞߐ߫߸ ߏ߬ ߟߎ߬ ߡߍ߲ ߠ߬ߎ ߓߘߊ߫ ߞߍ߫ ߝߊߙߌߕߊ ߘߌ߫ ߓߌ߬߸ ߊ߬ߟߎ߫ ߝߊ߬ ߟߊ߫ ߛߊ߬ߦߊ ߣߌ߲߬ ߞߏߛߐ߲߬.
ߣߌ߲߬ ߢߐ߲߰ ߜߘߍ߫ ߝߣߊ߫ ߕߎ߲߬ ߓߘߊ߫ ߞߍ߫ ߛߏ߫ ߞߋߟߋ߲ ߣߌ߲߬ ߞߣߐ߫ ߦߋ߲߬ ߞߘߐ߬ߡߊ߲߬߸ ߏ߬ ߞߍ߫ ߘߊ߫ ߞߏ߲ߞߏߘߓߌ߫ ߕߊ߬ߡߌ߲߬ߣߍ߲ ߠߋ߬ ߟߊ߫߸ ߣߌ߫ ߡߏ߬ߛߏ߫ ߛߊ߲߭ ߡߎ߬ߥߊ߲߬ ߣߌ߫ ߞߐ ߘߏ߫ ߞߵߊ߬ ߖߍ߬ߘߍߝߊ߰߸ ߊ߬ ߣߴߊ߬ ߗߍ߬ ߟߊ߫ ߡߊ߲߬ߞߊ߲ ߘߏ߫ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߞߵߊ߬ ߘߌ߫ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߡߊ߬.
Aucun commentaire pour le moment.