ߞߐߣߊߞߙߌ߫ ߞߣߐ߫߸ ߞߏߕߌ߯ ߝߟߐ߫ ߊߡߊߘߎ߫ ߎ߯ߙߌ߬ ߓߊ ߣߐ߬ ߛߌ߰ߞߊ߲߬ ߞߎߘߊ ߣߌ߲߬ ߕߊ߬ߟߌ߬ ߞߏ ߕߊ߲߬ߘߏ߬ ߟߊ߫ ߟߋ߬ ߞߏߛߓߍ߫ ߞߵߊ߬ ߞߍ߫ « ߘߎ߰ߘߋ߲ ߓߘߍ߬ߦߊ ߓߊ߯ߙߊ » ߘߌ߫، ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߲߫ ߞߏ߫ ߢߣߊߕߊߟߌ߫ ߜߘߍ߫ ߟߎ߫ ߓߍߣߊ߬ ߕߎ߲߰ ߢߌ߲߬ ߠߊ߫߸ ߞߵߏ߬ ߞߍ߫ ߘߐ߬ߕߊߡߌ߲߬ ߞߏ ߓߊ߲ߣߍ߲ ߘߌ߫ ߛߌߣߍ߲߬ ߝߋߎ߫.

ߛߌ߰ߞߊ߲߬ ߞߊ߲ߘߟߌ ߝߘߏ߬ߓߊ߬ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߟߊߛߋ ߘߎ߰ߛߊ߬ߜߍ ߣߌ߲߬ ߡߊ߬߸ ߖߌ߬ߣߍ߬ ߞߏߕߌ߯ ߝߟߐ ߞߊ߬ ߛߙߊ߬ߣߎ߲ ߕߊ߬ ߓߙߋߕߋߓߌߘߌ߲ ߞߎߓߋ ߟߊ߫߸ ߞߊ߬ ߝߏ߬ߟߌ ߣߌ߫ ߞߎߟߎ߲ߖߋߟߌ ߞߍ߫߸ ߞߵߊ߬ ߦߌ߬ߘߊ߬ ߞߏ߫ <<ߘߎ߰ߘߋ߲߬ ߓߘߍ߬ߦߊ>> ߞߐߝߟߌ ߟߋ߬، ߊ߬ ߟߊ߫ ߓߋߟߋ߲ߠߊ ߘߐ߫߸ ߊߡߊߘߎ߫ ߎ߯ߙߌ߬ ߓߊ ߞߊ߬ ߖߡߊ߬ߣߊ߬ߘߋ߲ ߠߎ߬ ߝߏ߬ ߊ߬ߟߎ߬ ߟߊ߫ ߕߘߍ߬ߒ߬ߘߐ߬ߟߌ߬ ߞߏߟߌߞߏߟߌ ߟߊ߫߸ ߊ߬ ߣߌ߫ ߛߌߦߊߦߊ ߟߊ߫، ߊ߬ ߓߊ߲߫ ߘߊ߫ ߞߊ߬ ߢߍߥߟߊ߫ ߞߎߘߊ߫ ߟߎ߫ ߘߊߕߍ߰߸ ߞߵߊ߬ ߓߍ߲߬ ߢߣߊߕߊߟߌ߫ ߣߊ߬ߕߐ ߘߏ߫ ߟߎ߫ ߡߊ߬߸ ߛߊ߫ ߖߡߊ߬ߣߊ ߘߌ߫ ߛߊ߬ߦߌ߲߫ ߛߌ߰ߞߊ߲ ߞߎ߬ߙߎ߲߬ߘߎ ߞߣߐ߫.

<<ߤߊ߯ߟߌ>> ߟߋ߬ ߞߊ߬ ߛߌ߰ߞߊ߲߬ ߞߎߘߊ ߣߌ߲߬ ߠߊߓߍ߲߬ %߈߉،߃߈ ߠߊ߫߸ ߡߍ߲ ߕߘߍ߬ߒ߬ߘߐ߬ߟߌ ߗߡߍ߬ߘߐ߬ߦߊ ߦߋ߫ %߈߆،߄߂ ߘߐ߫߸ ߏ߬ ߡߍ߲ ߦߙߌߞߊ ߝߘߊߣߍ߲߫ ߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߯ߘߊ ߟߊ߫، ߓߊ ߎ߯ߙߌ߬ ߢߣߊ߫߸ ߞߏ߫ ߞߐߝߟߌ ߢߌ߲߬ ߠߎ߬ ߦߋ߫ ߛߊ߬ߙߌ߬ߦߊ߬ ߖߐ߲ߖߐ߲ ߠߎ߬ ߟߋ߬ ߘߌ߫߸ ߡߍ߲ ߞߍߕߐ߫ <<ߟߊߒߠߦߊ ߟߊ߫ ߟߊ߫ ߞߎ߲߬ߠߊ߬ߛߌ߮>> ߘߐ߫߸ ߞߊ߬ ߛߋ߫ ߖߡߊ߬ߣߊ ߟߊߕߊ߯ߡߊ߫ ߟߊ߫ ߦߏ߫ ߊ߬ ߝߐߣߍ߲߫ ߢߊ ߡߍ߲ ߡߊ߬.

<<ߖߌ߬ߣߍ߫ ߡߌ߬ߙߌ߲߬ߘߌ ߓߘߴߊ߬ߟߎ߬ ߘߌߦߊߣߊ߲ߕߊ ߛߎߥߊ߲ߘߌ߫߸ ߞߊ߬ ߛߌ߰ߞߊ߲ ߣߌ߲߬ ߕߊ߬… ߞߊ߲ߘߟߌ ߣߌ߲߬ ߦߋ߫ ߛߋ߲߬ߕߊ߬ߓߊ߫ ߟߋ߬ ߘߌ߫߸ ߡߍ߲ ߕߐ߬ߣߐ ߓߏ߲߬ߓߊ߬، ߊ߬ ߘߏ߲߬ ߦߋ߫ ߛߌߟߊߓߐߛߐ߯ߣߊ߫ ߟߋ߬ ߝߣߊ߫ ߘߌ߫ ߦߟߍ߬ߡߊ߲ ߠߊߘߏ߲߭ ߘߐ߫.>> ߊ߬ ߞߵߏ߬ ߟߋ ߝߐ߫، ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߢߣߊߕߊߟߌ ߣߌ߲߬ ߞߍߣߍ߲߫ ߡߊ߬ߝߊ ߟߋ߬ ߘߐ߫߸ ߖߛߎ߬ߛߎߡߊ ߟߋ߬ ߘߐ߫߸ ߞߟߏ ߟߋ߬ ߘߐ߫، <<ߕߌߢߍߟߌ߫ ߡߊ߫ ߞߍ߫߸ ߡߐ߰ ߡߊ߫ ߡߊߘߌߡߌ߲߫߸ ߡߐ߰ ߡߊ߫ ߓߐ߬ߣߐ߫ ߊ߬ ߣߌ ߘߐ߫.>> ߊ߬ ߛߍߥߊߣߍ߲ ߞߵߏ߬ ߟߋ ߟߊߛߋ߫ ߕߊ߲߬ߘߏ߬ߟߌ߬ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߓߍ߯ߦߊ ߛߍ߭ ߓߘߊ߫ ߕߘߎ߫ ߖߌ߬ߣߍ߬ ߞߣߐ߫.

ߣߌ߲߬ ߦߋ߫ ߕߐ߰ߡߊ߬ߛߙߋ߫ ߟߋ߬ ߘߌ߫߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߖߌ߬ߣߍ߫ ߘߐ߬ߕߊߡߌ߲ ߞߐߜߍ ߦߟߍ߬ߡߊ߲߬ ߕߎߡߊ ߓߘߊ߫ ߛߋ߫߸ ߞߏߕߌ߯ ߝߟߐ ߞߊ߬ ߢߊߝߐߟߌ߫ ߞߍ߫ ߥߊ߯ߕߌ߫ ߣߊ߬ߕߐ ߞߏ ߘߏ߫ ߟߎ߫ ߞߊ߲߬: ߞߊ߲ߕߌ߯ ߢߣߊߕߊߟߌ ߓߍߣߊ߬ ߞߍ߫߸ ߥߛߊ߬ߘߋ߲߬ ߢߣߊߕߊߟߌ ߘߌ߫ ߞߍ߫߸ ߞߊ߬ߝߏ߬ߙߋ߲߬ ߢߣߊߕߊߟߌ ߓߍ߫ ߕߋ߲߬߸ ߞߎߡߊߕߍ߫ ߕߌ߲߬ߞߎ߬ߘߎ߲߬ߠߊ߬ߞߊ ߟߎ߬ ߣߌ߫ ߞߊ߲߬ߜߍ߬ߘߊ ߡߊ߬، ߊ߬ ߞߊ߬ ߕߡߊ߬ߖߌ ߓߐ߫ ߊ߬ ߘߐ߫ ߝߣߊ߫߸ ߞߏ߫ ߢߣߊߕߊߟߌ ߏ߬ ߟߎ߬ ߓߍߣߊ߬ ߞߍ߫ ߢߍߥߟߊ߫ ߡߊߓߏ߲ߧߊ ߘߝߊߣߍ߲ ߞߣߐ߫.

 ߡߍ߲ ߠߎ߬ ߝߣߊ߫ ߞߊ߬ <<ߞߊ߯ߙߌ>> ߕߊ߬ ߞߊ߲ߘߟߌ ߣߌ߲߬ ߘߐ߫߸ ߓߊ ߎ߯ߙߌ߬ ߞߵߊ߬ ߡߙߌߦߊ ߦߌ߬ߘߊ߫ ߏ߬ ߟߎ߬ ߝߣߊ߫ ߟߊ߫، ߞߵߊ߬ ߦߌ߬ߘߊ߬ ߞߏ߫ <<ߊ߬ߟߎ߬ ߝߣߊ߫ ߟߊ߫ ߞߊ߲߫ ߛߎߥߊ߲ߘߌߣߍ߲ ߘߊ߲ߞߎ߲ߣߍ߲߫ ߠߋ߬ ߖߐ߫.>> ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߝߣߊ߫ ߞߎ߲߬ߠߊ߬ߛߌ߮ ߓߌߣߍ߲߫ ߘߊߘߐߖߊߥߏ ߣߌ߫ ߕߍߓߍ߲ ߠߊ߫ ߝߛߊߦߌ߫، ߊ߬ ߞߊ߬ ߦߟߌߓߌߟߊߟߌ ߞߍ߫߸ ߞߏ߫ ߣߴߊ߬ ߕߏߣߍ߲߫ ߓߍ߯ߦߊ ߟߊߘߊ߲ ߠߋ߬ ߡߊ߬ ߖߡߊ߬ߣߊ ߞߣߐ߫߸ ߕߐ߬ߣߐ ߦߋ߫ ߡߐ߰ ߟߎ߬ ߟߊ߫߸ ߡߍ߲ ߠߎ߬ ߕߴߊ߬ ߕߏ߫ ߟߊ߫ ߖߡߊ߬ߣߊ ߞߎ߲߬ߠߊ߬ߛߌ߮ ߕߊ ߟߊ߫ ߖߐ߫.

ߞߏߕߌ߯ ߝߟߐ ߕߊ߫ ߡߙߌ߫ ߘߐ߫߸ ߂߀߂߅ ߕߎߟߊߝߌ߲ ߕߋ߬ߟߋ߫ ߂߁ ߞߊ߲ߘߟߌ ߞߍߣߍ߲߫ <<ߓߘߍ߬ߓߘߍ߬ߟߌ ߛߋ߲߬ߕߊ߬ ߞߎߘߊ߫>> ߟߋ߬ ߘߌ߫ ߖߌ߬ߣߍ߬ ߦߋ߫߸ ߊ߬ ߘߏ߲߬ ߢߌߣߌ߲ߣߍ߲߫ ߡߍ߲ ߡߊ߬߸ ߏ߬ ߟߋ ߓߊߛߌ߮ ߘߌ߫߸ ߖߐ ߘߌ߫߸ ߊ߬ ߣߌ߫ ߥߙߎߞߌ ߘߌ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.