ߣߊ߲߬ߕߌ߰ ߞߙߎ ߘߏ߫ ߟߎ߫ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߖߡߊ߬ߣߊ ߞߍ߫ ߊ߬ߟߎ߬ ߕߊ ߘߌ߫ ߡߎߣߎ߲߬ ߤߊ߲߯ ߖߡߊ߬ߙߌ߬ ߞߎߘߊ߫ ߦߋ߫ ߕߊ߬ ߕߎ߬ߡߊ ߡߍ߲ ߠߊ߫، ߊ߬ߟߎ߬ ߟߊ߫ ߞߙߎ ߦߋ߫ ߞߟߌ߫ ߟߴߊ߬ߟߎ߬ ߓߟߏ߫ ߞߏ߫ <<ߟߊ߲߬ߓߏ߲ ߡߊߛߎߡߊ ߣߊ߲߬ߕߌ߰ ߡߊ߬ߡߙߊ߬ߟߌ߬ߘߊ߬ ߛߊ߲ߘߐߕߊ>> ߊ߬ߟߎ߬ ߞߊ߲߫ ߞߏ߫ ߖߡߊ߬ߣߊ ߓߐߕߏ߲ ߠߎ߬ ߓߘߊ߫ ߘߊߕߎ߲߯، ߣߊ߲߬ߕߌ߮ ߟߎ߬ ߣߐ߬ ߝߊ߲߬ߞߊ ߕߊ߬ ߟߊ߫ ߢߣߊߕߊߟߌ ߣߐ߬ ߞߟߊߡߊ߲ ߠߋ߬ ߘߐ߫ ߣߌ߲߬ ߝߊߦߌߘߊ߫߸ ߞߵߊ߬ ߛߐ߬ߘߐ߲߬ ߖߋ߬ߓߌ ߟߎ߬ ߡߊߞߐ߬ߣߐ߲߬ߣߍ߲߫ ߕߘߍ߬ ߛߌߣߌ߲߫ ߓߌߟߏ߲ ߡߊ߬.

ߖߌ߬ߣߍ߫ ߓߌ߬ߛߊߥߏ߫ ߓߘߊ߫ ߓߊߟߊ߲߫ ߓߘߍ߬ߓߘߍ߬ߟߌ ߞߣߐ߬ߘߐ߬ߝߟߌ ߘߐ߫، ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߅ ߣߍߣߍߓߊ ߕߋ߬ߟߋ߫ ߂߆߸ ߞߊ߲ߕߌ߯ ߓߐߕߊ ߎߡߊߙߏ߫ ߛߌ߬ߛߞߏ߬ ߊ߲ߓߊߟߏ߫ ߡߌ߬ߣߊ߬ ߘߊ߫ ߣߊ߲߬ߕߌ߰ ߓߏߟߏ߲ ߘߏ߫ ߓߟߏ߫߸ ߟߌ߬ߤߟߊ ߏ߬ ߡߍ߲ ߠߊߛߙߋߦߊ߫ ߘߴߊ߬ ߖߍ߬ߘߍ ߓߟߏ߫ ߞߊ߬ߣߌ߲߬߸ ߦߏ߫ ߊ߲ ߠߊ߫ ߟߌ߬ߤߟߊ߫ ߕߊ߬ߡߌ߲߬ߣߍ߲ ߠ߫ߎ ߞߵߏ߬ ߦߌ߬ߘߊ߬ ߢߊ ߡߍ߲ ߡߊ߬߸ ߞߊ߬ ߝߘߊ߫ ߗ߭ߋߣ ߊߝߙߌߞ ߟߊ߫.

ߒ߬ߓߊ߬߸ ߕߎ߬ߡߊ߬ߙߋ߲߬ ߘߊ߲ߘߐ߫ ߊ߬ ߡߌ߬ߣߊ ߞߐߝߍ߬߸ ߣߊ߲߬ߕߌ߰ ߛߏߝߊ ߘߏ߫ ߟߎ߫ ߞߊ߬ ߜߍߘߐ߫ ߟߊߛߋߟߌ ߘߏ߫ ߞߍ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ <<ߖߡߊ߬ߣߊ ߡߎ߰ߡߍ ߡߌ߬ߣߊ߬>> ߏ߬ ߞߍߣߍ߲߫ ߡߊ߬ߙߌ߬ߝߊ߬ ߞߊ߲ ߘߏ߫ ߟߎ߫ ߡߍ߲ߣߍ߲ ߞߐ ߟߋ߬ ߘߐ߫ ߞߊ߲ߕߌ߯ߘߊ ߟߊߡߌߣߌ߲ ߘߐ߫߸ ߞߊ߬ ߓߍ߲߬ ߛߙߋ ߘߏ߫ ߟߎ߫ ߟߊ߫ ߝߐߟߌ ߡߊ߬، ߖߌ߬ߦߊ߬ߖߟߎ ߟߎ߫ ߖߍ߬ߘߍ ߦߴߊ߬ ߦߌ߬ߘߊ߬ ߟߊ߫߸ ߌ ߘߌ߫ ߡߐ߱ ߟߎ߬ ߦߴߊ߬ߟߎ߫ ߓߏ߬ߙߌ ߞߊ߲߬߸ ߊ߬ ߣߌ߫ ߘߎ߰ߞߎ߬ߟߎ߲߬ ߕߌ߮ ߘߏ߫ ߟߎ߫.

ߢߣߊߕߊߟߌ ߞߍ߫ ߘߴߊ߬ߟߎ߬ ߟߊ߫ ߖߡߊ߬ߣߊ ߞߣߐ߫ ߣߍߣߍߓߊ ߕߋ߬ߟߋ߫ ߂߃ ߟߋ߬ ߡߊ߬، ߏ߬ ߡߍ߲ ߞߏߢߊ ߕߊ߲߬ߘߏ߬ ߘߊ߫ ߛߘߋߦߊߥߏ ߟߊ߫ ߗߋߘߋ߲ ߠߎ߬ ߓߟߏ߫߸ ߣߴߊ߬ߟߎ߬ ߟߊ߫ ߞߎ߲߬ߕߌ߮ ߦߋ߫ ߌߛߌߝߎ߫ ߓߊ߬ߓߊ߬ ߓߙߊߦߌߡߊ߫ ߞߡߊ߬ߙߊ߬ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߢߣߊߕߊߟߌ ߕߊ߬ߡߌ߲߬ ߘߊ߫ ߖߛߎ߬ߛߎߡߊ ߖߍ߬ߘߍ ߟߋ߬ ߘߐ߫>>، ߓߊ߬ߙߌ߬ ߥߊߦߌߞߊ߫߸ ߞߎߡߊ߫ ߛߌߦߊߡߊ߲ ߠߎ߬ ߘߊ߫ ߟߋ߬ ߞߐ ߢߌ߲߬ ߠߊ߫.

ߊߟߎ߫ ߦߴߊ߬ ߟߐ߲߫߸ ߊ߲ߓߊߟߏ߫ ߡߍ߲ ߦߋ߫ ߕߋ߲߬߸ ߊ߬ ߣߌ߫ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߕߍ ߜߟߍ߬ߦߊ߬ ߘߊ߫ ߟߋ߬ ߝߋߝߋ߫، ߝߏ߫ ߊ߬ ߞߵߊ߬ ߝߐ߫ ߞߊ߬ߙߊ߲߬ߝߊ ߟߊ߫ ߞߊ߬ߝߏ߬ ߖߊߛߏ߲ ߝߍ߬߸ ߞߏ߫: <<ߒ ߣߌ߫ ߊߟߌߝߊ߫ ߡߊ߫ ߓߍ߲߬ ߘߊߞߎ߲߫ ߛߌ߫ ߟߋ߬ ߘߐ߫߸ ߊ߲ ߘߌߡߊ߲߫ ߕߍ߫ ߝߋߎ߫، ߓߊ߬ߙߌ߬߸ ߖߌ߬ߦߊ ߡߍ߲ ߠߎ߬ ߦߋߣߍ߲߫ ߒ ߓߟߏ߫߸ ߏ߬ ߡߊ߫ ߒ ߘߌߦߊ߫، ߝߣߊ߫߸ ߞߵߊ߬ ߓߍ߲߬ ߞߏ ߣߴߊ߬ ߞߍߢߊ ߡߊ߬߸ ߞߊ߬ߝߏ߬ ߖߊߛߏ߲ ߞߍߟߌ ߡߊ߫ ߘߌߦߊ߫ ߒ ߧߋ߫߸ ߏ߬ ߘߐ߫ ߝߏ߫ ߞߵߊߟߌߝߊ߫ ߞߐ߲ߘߍ߫ ߡߞߊߘߊ߲߫ ߣߌ߲߬ ߞߏ ߘߐ߫ ߟߋ߬.>> ߊ߲ߓߊߟߏ߫ ߟߋ߬ ߞߵߏ߬ ߝߐ߫.

ߊ߬ ߟߊ߫ ߖߡߊ߬ߣߊ ߞߣߐ߫߸ ߊ߬ ߛߌ߬ߣߊ߬ ߓߟߋߓߟߋ߫ ߛߘߊߡߓߊ ߘߏ߫ ߓߍ߫߸ ߞߏ߫ ߘߏߡߌ߲ߜ߭ߐߛ ߛߌߡߏߦߋ ߔߙߍߙߊ߫߸ ߏ߬ ߣߍ߰ߓߐ߬ ߘߊ߫ ߟߋ߬ ߢߣߊߕߊߟߌ ߘߐ߫߸ ߞߏ߫ ߊ߬ ߡߴߊ߬ ߟߊ߫ ߡߊ߬ߡߌ߬ߘߊ߬ߟߌ ߟߊߘߏ߲߬ ߖߏߣߊ߫، ߣߴߏ߬ ߕߍ߫߸ ߊ߬ ߣߴߏ߬ ߦߋ߫ ߛߌ߬ߣߊ߬ߢߐ߲߰ߡߊ ߟߋ߬ ߘߌ߫ ߞߊ߬ߦߌ߯ ߕߎ߬ߡߊ߬ ߖߊ߲߫، ߂߀߁߉ ߟߊ߫߸ ߓߌ߬ߛߊߥߏ߫ ߖߌ߬ߣߍ߫ ߓߌ߬ߟߊ߬ ߘߊ߫ ߟߋ߬ ߞߊߙߏ߫ ߣߊ߯ߣߌ߲߫ ߞߏߖߊ ߘߐ߫ ߢߣߊߕߊߟߌ߫ ߞߏ߫ ߡߊ߲ߞߊ߲߫ ߓߟߏ߫.

ߞߊ߬ߝߏ߬ ߖߊ߬ߛߏ߲߬ ߞߎߘߊ ߡߍ߲ ߝߣߊ߫ ߞߍߣߍ߲߫ ߣߊ߲߬ߕߌ߮ ߟߎ߬ ߓߟߏ߫ ߣߌ߲߬߸ ߏ߬ ߝߣߊ߫ ߓߘߊ߫ ߕߊ߬ߡߌ߲߬ ߞߏ ߟߎ߬ ߕߊ߲ߛߊ߲߫ ߠߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.