ߞߊ߲ߕߌ߯ ߓߐߕߊ ߓߘߊ߫ ߡߌ߬ߘߊ߫ ߞߎߓߋ ߟߊ߫ ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߣߍߣߍߓߊ ߕߋ߬ߟߋ߫ ߂߆߸ ߞߵߊ߬ ߛߐ߬ߘߐ߲߬ ߢߣߊߕߊߟߌ ߛߊ߬ߡߊ߲ߢߐ߲߰ߕߍ ߦߴߊ߬ ߣߌ߫ ߝߊ߲߬ߞߊߛߌ߬ߣߊ ߟߎ߬ ߕߍ߫، ߞߏ ߦߋ߫ ߣߊ߲߬ߕߌ߮ ߟߎ߫ ߟߋ߬ ߓߟߏ߫ ߕߋ߲߬.
ߖߌ߬ߣߍ߫ ߓߌ߬ߛߊߥߏ߫ ߓߘߊ߫ ߓߌ߬ߟߊ߫ ߓߘߍ߬ߓߘߍ߬ߟߌ ߞߣߐ߬ߘߐ߬ߝߟߌ ߘߐ߫، ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߅ ߣߍߣߍߓߊ ߕߋ߬ߟߋ߫ ߂߆߸ ߞߊ߲ߕߌ߯ ߓߐߕߊ ߎߡߊߙߏ߫ ߛߌ߬ߛߏ߬ߞߏ߫ ߡߌ߬ߘߊ߬ߣߍ߲߫ ߣߊ߲߬ߕߌ߰ ߓߏߟߏ߲ ߘߏ߫ ߟߋ߬ ߓߟߏ߫߸ ߞߵߊ߬ ߛߐ߬ߘߐ߲߬ ߊ߬ ߦߴߊ߬ ߟߊ߫ ߞߊ߲ߕߌ߯ߦߊ߫ ߛߓߍߘߊ ߞߣߐ߫ ߓߌ߬ߛߊߥߏ߫، ߞߌ߬ߓߊ߬ߙߏ ߟߤߊߕߍߦߊ߫ ߘߊ߫ ߊ߲ߓߊߟߏ߫ ߖߘߍ߬ߓߊ߬ߞߎ߲ ߠߋ߬ ߓߟߏ߫߸ ߊ߬ ߞߵߏ߬ ߡߍ߲ ߝߐ߫ ߗ߭ߋߣ ߊߝߙߌߞ ߦߋ߫ ߞߊ߬ߣߌ߲߬.
ߊ߬ ߕߎ߲߬ ߓߘߊ߫ ߦߌ߬ߘߊ߬ ߞߏ߫ ߢߣߊߕߊߟߌ ߡߍ߲ ߞߍ߫ ߘߊ߫ ߦߋ߲߬ ߣߍߣߍߓߊ ߕߋ߬ߟߋ߫ ߂߃ ߕߊ߬ߡߌ߲߬ߣߍ߲ ߣߌ߲߬ ߡߊ߬߸ ߏ߬ ߖߋ߬ߓߌ ߟߎ߬ ߘߌ߫ ߟߊߓߐ߫ ߓߌߟߏ߲߫ ߣߊ߬ߕߐ߸ ߣߍߣߍߓߊ ߕߋ߬ߟߋ߫ ߂߇߸ ߏ߬ ߟߋ ߓߘߊ߫ ߓߍ߲߬ ߡߌ߬ߘߊ߬ߟߌ ߡߊ߬ ߣߌ߲߬ ߛߊ߫، ߞߊ߬ ߞߐ߲߰ ߢߣߊߕߊߟߌ ߞߐߝߟߌ ߟߊߓߐ ߢߍ߫ ߢߣߊߕߊߟߌ ߥߛߊ߬ߓߊ߰ߦߊ ߓߟߏ߫߸ ߎߡߊߙߏ߫ ߛߌ߬ߛߞߏ߬ ߊ߲ߓߊߟߏ߫ ߕߎ߲߬ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ ߟߋ߬ ߛߎߘߊ߲ߣߍ߲߫ ߢߣߊߕߊߟߌ ߘߐ߫ %߆߅ ߟߊ߫߸ ߊ߬ ߖߘߍ߬ߞߊߣߌ߲ ߠߊ߫ ߖߊ߬ߕߋ߬ ߝߐߣߍ߲ ߠߵߏ߬ ߘߌ߫، ߊ߬ ߛߌ߬ߣߊ ߦߋ߫ ߝߍߙߑߣߊ߲ߘߏ ߖߊߛ ߘߋ߬ ߞߐߛߑߕߊ߬ ߟߋ߬ ߘߌ߫߸ ߏ߬ ߝߣߊ߫ ߞߊ߲߫ ߞߏ߫ ߊ߬ߟߋ ߟߋ߬ ߛߎߘߊ߲ߣߍ߲߫ (ߞߏ߫ ߊ߲ߓߊߟߏ߫ ߡߊ߫ ߛߎߘߊ߲߫ ߘߋ߬).
ߞߊ߲ߕߌ߮ ߡߌ߬ߘߊ߬ ߞߏ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߡߐ߰ ߛߌߦߊߡߊ߲߫ ߜߘߍ߫ ߟߋ߬ ߝߣߊ߫ ߡߌ߬ߣߊ߬ߣߍ߲߫ ߝߊ߰ߡߊ߬ ߞߎ߲ߘߊ߫: ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߦߴߊ߬ ߘߐ߫߸ ߞߟߍ߬ߕߌ߯ ߓߊߖ ߣߊ߬ ߒߕߊ߲߫߸ ߊ߬ ߣߴߊ߬ ߛߙߍߞߍ ߡߊߡߊߘߎ߫ ߕߎ߬ߙߋ߬߸ ߞߵߏ߬ ߟߊ߫ ߞߣߐߟߊ ߞߏߕߌ߮ ߞߊ߲߬߸ ߓߏߗߋ߫ ߞߐ߲ߘߍ߫، ߦߙߍߞߍߟߌ ߢߍߡߌ߬ߣߊ߬ߣߍ߲߫ ߘߎ߰ߡߊ߲߬ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߟߋ߬ ߓߟߏ߫߸ ߊ߲ߓߊߟߏ߫ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬.
ߞߊ߲ߕߌ߯ ߞߘߐ ߞߵߊ߬ ߦߌ߬ߘߊ߬ ߞߏ߫ ߜߊ߰ߢߊ߬ߜߊ߰ߢߊ߬ ߝߏߦߌ߬ ߡߊ߫ ߟߴߊ߬ ߞߊ߲߬߸ ߓߊ߬ߙߌ߬ ߛߙߋߦߊ߫ ߛߌߦߊߡߊ߲߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ߟߎ߫ ߞߊ߬ ߡߊ߬ߙߌ߬ߝߊ߬ ߡߊ߲ߞߊ߲ ߡߍ߲߫ ߠߋ߬ ߣߋ߬ߟߋ ߣߌ߲߬ ߘߐ߫ ߞߊ߲ߕߌ߯ߘߊ ߟߊߡߌߣߌ߲ ߘߐ߫߸ ߊ߬ ߣߌ߫ ߢߣߊߕߊߟߌ ߥߛߊ߬ߓߊ߰ߦߊ ߝߊ߲ߓߊ ߟߊߡߌߣߌ߲ ߘߐ߫.
ߣߊ߲߬ߕߌ߮ ߟߎ߬ ߟߊ߫ ߞߊ߬ߝߏ߬ ߖߊߛߏ߲ ߣߌ߲߬ ߓߍߣߊ߬ ߖߌ߬ߣߍ߫ ߓߌ߬ߛߊߥߏ߫ ߓߌ߬ߟߊ߫ ߓߊߛߌ߯ߓߊߟߌߦߊ ߟߋ߬ ߘߐ߫ ߣߌ߲߬ ߕߎ߲߯߸ ߞߊ߬ߝߏ߬ ߖߊ߬ߛߏ߲߬ ߛߌߦߊߡߊ߲߫ ߓߘߊ߫ ߞߍ߫ ߊ߬ߟߎ ߡߍ߲ ߠߎ߬ ߟߊ߫ ߖߡߊ߬ߣߊ ߞߣߐ߫ ߞߊ߬ߣߌ߲߬߸ ߞߵߊ߬ ߕߊ߬ ߊ߬ߟߎ߬ ߟߊ߫ ߖߘߍ߬ߕߌ߰ߦߊ ߕߊ߬ߟߌ ߡߊ߬ ߁߉߇߃ ߟߊ߫ ߤߊ߲߯ ߕߋ߲߬، ߒ߬ߓߊ߬߸ ߢߊ ߦߋ߫ ߖߐ߲߫ ߘߐ߫ ߛߍߣߍ߲߬߸ ߏ߬ ߟߋ ߣߊ߲߬ߕߌ߰ ߘߊ߯ߘߐ ߘߌ߫߸ ߊ߬ ߣߌ߫ ߘߎߢߊ߫ ߛߌ߲߬ߝߏ߲߬ߘߊ ߟߎ߬߸ ߏ߬ ߟߎ߬ ߞߍߕߐ߫ ߊ߬ ߘߐ߬ߕߊߡߌ߲ ߡߌ߬ߣߊ߬ ߟߊ߫ ߘߌ߬؟
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߓߐߛߎ߲: ߗ߭ߋߣ ߊߝߙߌߞ
Aucun commentaire pour le moment.