ߡߙߌߘߐ߫ ߘߝߐ߬ߡߊ ߘߏ߫ ߟߋ߬ ߕߊ߬ ߘߊ߫ ߟߊ߬ߕߍ߰ߦߊ ߘߐ߫ ߞߎߣߎ߲߬ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߃ ߡߊ߬߸ ߞߊ߬ ߓߘߍ߬ߓߘߍ߬ߟߌ ߞߎߓߋߘߊ ߓߐ߫ ߡߟߊߓߏ߫߸ ߞߵߊ߬ ߟߊߦߟߍ߬ߡߊ߲߫ ߛߌߥߎߘߊߘ ߘߋ߬ ߟߊ߬ ߔߊߖ߭߸ ߏ߬ ߦߋ߫ ߖߡߊ߬ߣߊ ߖߍ߬ߘߍ ߞߣߐ߫ ߟߋ߬߸ ߏ߬ ߕߍ߫ ߕߌ߲߫ ߞߊ߲߬، ߖߡߊ߬ߣߊ ߝߊ߰ߡߊ ߟߎ߬ ߦߴߊ߬ ߝߍ߬ ߟߋ߬ ߛߍߣߍ߲߬ ߞߊ߬ ߥߙߎߞߌ߫ ߘߐߞߏ ߟߎ߬ ߘߐߕߟߊ߫ ߛߏ߫ ߞߎ߲ߓߊ ߟߎ߬ ߕߍ߫߸ ߞߏ ߓߍ߯ ߞߊߣߊ߬ ߕߏ߫ ߦߙߐ߫ ߞߋߟߋ߲߫ ߘߐ߫.

ߋߞߎߥߊߕߏ߫ ߖߌ߬ߣߍ߬ ߓߘߴߊ߬ ߟߊ߫ ߞߎߓߋߘߊ ߟߊߦߟߍ߬ߡߊ߲߬ ߛߍߣߍ߲߬ ߝߋߎ߫، ߞߊ߲ߕߌ߮ ߞߊ߬ ߟߊ߬ߕߍ߰ߦߊ ߘߏ߫ ߟߋ߬ ߟߊߓߐ߫ ߞߍ߲ߘߍߟߏ߲ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߃ ߡߊ߬߸ ߞߏ߫ ߡߟߊߓߏ߫ ߞߎߓߋߘߊ߫ ߞߏ ߓߘߊ߫ ߣߐ߬ߘߐߓߌ߬ߟߊ߬ ߛߌߥߎߘߊߘ ߘߋ߬ ߟߊ߬ ߔߊߖ߭ ߟߊ߫߸ ߏ߬ ߦߋ߫ ߖߌߓߑߟߏߤߏ߫ ߡߙߊ߬ߓߏߟߏ߲ ߠߋ߬ ߞߣߐ߫߸ ߦߋ߲߬ ߠߋ߬ ߓߘߊ߫ ߞߍ߫ ߖߡߊ߬ߣߊ ߓߘߍ߬ߓߘߍ߬ߟߌ߬ ߞߎߓߋߘߊ ߘߌ߫ ߡߎ߬ߕߎ߲߬.

A dignified man sitting at a table, flanked by flags, appearing serious and engaged in a formal setting.
ߋߞߎߥߊߕߏ߫ ߖߌ߬ߣߍ߬ ߞߊ߲ߕߌ߮ ߕߋߏߘߙߏ ߏߓߌߦߊ߲߫ ߒߖߋߡߊ ߒߓߊߛߖߏ߫ / ߓߍߟߌߡߊߖ߭©

ߖߊ߬ߕߋ߬ߘߐ߬ߛߌ߮ ߣߌ߲߬ ߛߌ߰ ߘߊ߫ ߛߋ߲߬ߠߊ߫ ߞߊ߬ߦߌ߯ ߂߀߀߈ ߠߋ߬ ߟߊ߫߸ ߊ߬ߟߎ߬ ߟߊ߫ ߞߊ߲ߕߌ߮ ߖߍ߬ߘߍ ߓߟߏ߫߸ ߕߋߏߘߙߏ ߏߓߌߦߊ߲߫ ߒߖߋߡߊ ߒߓߊߛߖߏ߫߸ ߏ߬ ߡߍ߲ ߛߊ߲߬ ߄߇ ߦߋ߫ ߖߡߊ߬ߣߊ ߞߊ߲ߕߌ߯ߦߊ ߟߊ߫ ߕߋ߲߬، ߊ߬ ߞߊ߬ ߞߎߓߋߘߊ߫ ߞߏ ߣߌ߲߬ ߡߙߌߦߊ ߕߊ߬ ߞߍߞߌߦߊ߫ ߓߟߋߓߟߋ߫ ߟߋ߬ ߘߐ߫߸ ߖߡߊ߬ߣߊ ߟߊ߫ ߟߏ߲߫ ߖߊ߲߫ ߣߊ߬ߕߐ ߞߙߐ߬ߛߌ ߞߏߛߐ߲߬، ߊ߬ ߟߊ߫ ߟߊ߬ߕߍ߰ߦߊ ߞߣߐ߫߸ ߛߌߥߎߘߊߘ ߘߋ߬ ߟߊ߬ ߔߊߖ߭ ߛߌ߰ ߦߙߐ ߞߊ߫ ߢߌ߲߬ ߘߎ߰ߡߊ߬ߛߓߍ ߕߊ߫ ߓߟߏ߫ ߡߊ߬، ߓߊߏ߬߸ ߊ߬ ߦߋ߫ ߖߡߊ߬ߣߊ ߕߍ ߟߋ߬ ߡߊ߬، ߝߣߊ߫߸ ߊ߬ ߦߋ߫ ߦߙߐ߫ ߟߋ߬ ߘߐ߫߸ ߕߎ ߞߊ߫ ߛߌߦߊ߫ ߝߊ߲߭ ߡߍ߲߸ ߟߐ߬ߟߌ߬ ߛߌߦߊߡߊ߲߫ ߘߌ߫ ߛߋ߫ ߞߍ߫ ߟߊ߫ ߦߋ߲߬ ߡߎߣߎ߲߬، ߜߍ߫ ߟߊߞߏߟߏ߲ ߦߋ߫ ߦߋ߲߬ ߝߋߝߋ߫߸ ߘߎ߱ ߦߋ߫ ߥߊ߫ ߟߴߊ߬ ߞߎ߲߬ ߘߌ߫ ߞߘߊߎ߫، ߏ߬ ߘߐ߫߸ ߦߋ߲߬ ߛߌ߰ߝߊߘߌ ߞߊ߫ ߢߌ߲߬ ߓߌߦߞߏ߫ ߕߌ߲ ߞߊ߲߬ ߛߌ߮ ߘߌ߫.

ߊ߬ߟߎ߫ ߞߵߊ߬ߟߎ߫ ߘߊ߬ߟߎ ߞߍ߫ ߝߣߊ߫߸ ߞߏ߫ ߖߊ߬ߡߊ ߞߊߟߌߦߊ߫ ߘߊ߫ ߥߙߊ߬ ߟߊ߫ ߟߋ߬ ߡߟߊߓߏ߫ ߡߊ߬߸ ߊ߬ߟߋ ߡߍ߲ ߓߘߊ߫ ߞߍ߫ ߓߘߍ߬ߓߘߍ߬ߟߌ ߞߎߓߋߘߊ߫ ߞߘߐ ߘߌ߫߸ ߏ߬ ߛߌ߰ߣߍ߲߬ ߕߌ߲ ߠߋ߬ ߞߊ߲߬ ߓߌߦߞߏ߫߸ ߊ߬ ߣߌ߫ ߓߕߊ߫߸ ߏ߬ ߡߍ߲ ߝߣߊ߫ ߦߋ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߎߓߋߘߊ ߘߌ߫ ߖߡߊ߬ߣߊ ߜߙߋ ߞߊ߲߬، ߘߎ߱ ߝߌ߬ߟߊ ߏ߬ ߟߎ߫ ߛߊ߲߬ ߦߙߌߞߊ ߟߋ߬ ߕߋ߲߬߸ ߖߊ߬ߡߊ ߓߘߊ߫ ߥߙߊ߬߸ ߛߌߟߊ߫ ߞߏ ߣߌ߫ ߡߊ߬ߞߍ߬ ߦߙߐ߬ ߞߏ ߓߍ߯ ߓߘߊ߫ ߜߟߍ߬ߦߊ߬߸ ߓߊߏ߬ ߜߍߞߣߍ߫ ߞߏ ߡߊ߫ ߓߐߟߌ߫ ߞߍ߫، ߝߣߊ߫߸ ߞߏ ߓߍ߯ ߓߎ߲ߓߎ߲ߣߍ߲߫ ߕߍ߬ߘߍ߫ ߦߋ߲߬ ߠߋ߬ ߡߊ߬߸ ߟߐ߬ߟߌ߫ ߓߊ߬߸ ߝߘߏ߬ߓߊ߬ ߓߊ߯ߙߊ߫ ߓߊ߬߸ ߊ߬ ߣߌ߫ ߓߊ߯ߙߊ߫ ߛߐߘߐ߲ ߓߍ߲߬ߒ߬ߛߋ߲߬ߡߊ ߟߎ߬.

ߟߊ߬ߕߍ߰ߦߊ ߞߵߊ߬ ߝߐ߫ ߝߣߊ߫߸ ߞߏ߫ ߊ߬ߟߎ߬ ߞߍߕߐ߫ ߛߊ߲߬ ߞߋߟߋ߲ ߠߋ߬ ߞߍ߫ ߟߊ߫߸ ߖߡߊ߬ߣߊ ߛߌ߲߬ߝߏ߲߬ߘߊ ߓߍ߯ ߟߊߕߊ߬ߡߌ߲ ߦߴߌߘߐ߫ ߦߋ߲߬߸ ߊ߬ߟߎ߬ ߣߴߊ߬ߟߎ߬ ߓߟߏߝߋ߲ ߠߎ߬، ߞߊ߲ߕߌ߯ߘߊ ߓߊ߬߸ ߖߡߊ߬ߣߊ ߟߊ߫ ߛߋߓߊ߯ߦߊ ߓߊ߬߸ ߛߌ߰ߞߊ߲ ߛߌ߲߬ߝߏ߲߬ߘߊ ߟߎ߬ ߓߊ߬߸ ߝߘߏ߬ߓߊ߬ ߡߊ߬ߡߙߊ߬ߟߌ߬ߘߊ ߟߎ߬ ߓߊ߬߸ ߞߵߏ߬ ߟߊ߫ ߝߘߏ߬ߓߊ߬ ߥߊߟߌߘߊ ߟߎ߫ ߞߊ߲߬߸ ߏ߬ ߟߎ߬ ߓߍ߯ ߓߘߊ߫ ߖߡߊ߬ߙߌ߬߸ ߊ߬ߟߎ߬ ߦߴߊ߬ߟߎ߬ ߞߊߟߌߦߊ߫ ߞߵߊ߬ߟߎ߬ ߓߟߏߘߐߓߍ߲߬ ߕߊ߯ߟߌ߫ ߞߊ߲ߡߊ߬ ߞߎߓߋߘߊ߫ ߞߎߘߊ ߟߊ߫ ߛߌߥߎߘߊߘ ߘߋ߬ ߟߊ߬ ߔߊߖ߭.

ߛߌߥߎߘߊߘ ߘߋ߬ ߟߊ߬ ߔߊߖ߭ ߡߍ߲ ߦߋ߫ ߕߋ߲߬߸ ߊ߬ ߕߘߍ߬ ߞߟߌ߫ ߟߊ߫ ߟߋ߬ ߞߏ߫ ߏߦߟߊ߫߸ ߊ߬ߟߋ ߟߋ߬ ߖߌߓߑߟߏߤߏ߫ ߞߐߓߌߘߊ ߘߌ߫߸ ߊ߬ ߣߌ߫ ߖߡߊ߬ߣߊ ߡߙߊ߬ߓߏߟߏ߲ ߛߋߦߌ߲ߣߊ߲ ߠߋ߬ ߕߎ߲߬ ߦߴߊ߬ ߘߌ߫ ߂߀߁߇ ߟߊ߫، ߝߊ߰ߡߊ ߟߎ߬ ߞߊ߲߫ ߞߏ߫ ߞߎߓߋߘߊ ߡߊߝߊ߬ߟߋ߲ ߢߌ߲߬ ߘߌ߫ ߞߍ߫ ߕߙߎ߬ ߘߌ߫߸ ߞߊ߬ ߖߡߊ߬ߣߊ߬ߘߋ߲ ߠߎ߬ ߓߟߏ ߟߊ߫ ߢߐ߲߮ ߞߊ߲߬߸ ߞߊ߬ ߝߘߏ߬ߓߊ߬ ߝߋ߲ ߠߎ߬ߎ ߡߊߡߊ߬ߙߊ ߢߊߞߎߘߦߊ߫߸ ߞߊ߬ ߥߙߎߞߌ ߛߋ߲߬ߕߊ ߟߎ߬ ߝߣߊ߫ ߘߐߕߟߊ߫ ߖߡߊ߬ߣߊ ߝߊ߲߭ ߠߎ߬ ߕߍ߫߸ ߊ߬ ߣߴߊ߬ ߘߌ߫ ߞߍ߫ ߖߛߎ߬ߛߎߡߊ ߟߊߘߏ߲߭ ߕߎ߬ߙߎ ߘߌ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.