ߟߊ߬ߛߋ߬ߟߌ ߘߏ߫ ߟߋ߬ ߞߍߣߍ߲߫ ߛߊ߲߬ ߞߎߘߊ ߣߌ߲߬ ߝߍ߬߸ ߡߍ߲ ߞߍ߫ ߘߊ߫ ߞߊ߲ߠߊߓߌߟߊ ߘߍ߭ ߞߊ߲ߕߌ߮ ߓߟߏ߫߸ ߞߵߊ߬ ߦߌ߬ߘߊ߬ ߞߏ߫ ߖߋ߬ߓߌ߫ ߘߍ߲߬ߞߍ߬ߕߎ߬ߣߍ߲ ߡߍ߲ ߠߊߓߐߣߍ߲߫߸ ߊ߬ ߡߊ߫ ߓߍ߲߬ ߏ߬ ߡߊ߬߸ ߊ߬ ߘߏ߲߬ ߡߊ߫ ߓߍ߲߬ ߖߡߊ߬ߣߊ߬ߘߋ߲ ߠߎ߫ ߛߊ߬ߥߏ ߡߊ߬߸ ߞߏ߫ ߊ߬ ߘߌߣߵߊ߬ ߞߏ ߞߟߍ߬ ߓߍ߯ߦߊ ߛߍ߬ߘߏ߲ ߠߊ߫.
ߞߊ߲ߠߊߓߌߟߊ ߘߍ߭ (ߞߘ) ߞߊ߲ߕߌ߮߸ ߝߊ߭ߦߊ߬ ߡߟߌ߬ߡߣߏ߬ ߓߘߊ߫ ߘߏ߫ ߝߐ߫ ߞߵߊ߬ ߓߍ߲߬ ߖߌ߬ߣߍ߬ ߞߏߟߌ߲ߞߏߟߌ߲ ߂߈ ߞߊ߲ߕߌ߯ ߢߣߊߕߊߟߌ ߞߐߖߋߓߌ߫ ߘߍ߲߬ߞߍ߬ߕߎ߬ߣߍ߲ ߡߊ߬، ߊ߬ ߞߎߡߊ߫ ߘߊ߫ ߡߌ߬ߙߌ߲߬ߘߌ ߝߍ߬ ߛߊ߲߬ ߞߎߘߊ ߓߍ߲߬ߒ߬ߛߋ߲߬ߡߊ ߟߋ߬ ߘߐ߫߸ ߞߊ߲ߠߊߓߌߟߊ ߝߊ߲߬ߞߊߛߌ߬ߣߊ ߣߌ߲߬ ߞߵߊ߬ ߦߌ߬ߘߊ߬ ߞߏ߫ ߢߣߊߕߊߟߌ ߡߍ߲ ߞߍߣߍ߲߫ <<ߝߊ߬ߥߏ߬ߡߛߘߌ߬>> ߢߣߊߕߊߟߌ ߟߋ߬߸ ߖߋ߬ߓߌ߬ ߟߊߓߐߣߍ߲ ߣߌ߫ ߢߣߊߕߊߟߌ߫ ߖߛߊ ߞߣߐ߫ ߞߎߡߊ ߟߎ߬ ߕߍ߫ ߞߋߟߋ߲߫ ߘߌ߫.
ߊ߬ߟߋ߫ ߝߍ߬߸ ߛߊ߲߭ ߕߊ߬ߡߌ߲߬ߣߍ߲ ߞߊ߲ߕߌ߯ ߢߣߊߕߊߟߌ <<ߛߌ߲߬ߝߏ߲߬ߧߊ߬ ߢߊ߸ ߊ߬ ߣߴߊ߬ ߞߏ ߟߎ߬ ߕߊ߬ߡߌ߲߬ ߢߊ߸ ߏ߬ ߕߍ߫ ߓߍ߯ߦߊ߫ ߘߌ߫߸ ߊ߬ ߘߏ߲߬ ߕߍ߫ ߜߍߦߊ߫ ߘߌ߫.>> ߝߊ߭ߦߊ߬ ߡߟߌ߬ߡߣߏ߬ ߞߊ߲߫ ߞߏ߫ ߖߋ߬ߓߌ ߡߍ߲ ߠߎ߬ ߟߊߖߍ߲ߛߍ߲ߣߍ߲߫߸ <<ߏ߬ ߟߎ߬ ߕߍ߫ ߡߌ߬ߙߌ߲߬ߘߌ ߞߎߡߊ߫ ߞߊ߲߫ ߣߴߊ߬ߟߎ߬ ߤߣߍߕߊ߫ ߘߌ߫߸ ߊ߲ ߦߟߌߡߊߞߏ߫ ߘߏ߲߬ ߕߴߏ߬ ߘߌ߫.>> ߊ߬ ߞߊ߲߫ ߞߏ߫ ߖߡߊ߬ߣߊߘߋ߲ ߠߎ߬ ߛߊ߬ߥߏ ߓߘߊ߫ ߛߏ߲߬ߧߊ߬߸ ߞߵߊ߬ߟߎ߬ ߘߌߦߊߣߊ߲ߞߏ ߢߊ ߖߊ߬ ߊ߬ߟߎ߬ ߘߐ߫.
ߊ߬ ߟߊ߫ ߞߎߡߊ߫ ߞߋߟߋ߲ ߣߌ߲߬ ߘߐ߫߸ ߊ߬ ߞߊ߲߫ ߞߏ߫ ߊ߬ ߦߋ߫ ߝߏ߬ߟߌ ߟߊߛߋ߫ ߟߊ߫ ߞߊ߲ߠߊߓߌߟߊ ߘߍ߭ ߛߍ߬ߘߏ߲߬ߠߊ ߟߎ߬ ߣߴߊ߬ ߞߙߎߞߊߘߋ߲ ߠߎ߬ ߡߊ߬߸ ߊ߬ߟߎ߬ ߟߊ߫ ߞߟߊߓߎ ߣߴߊ߬ߟߎ߬ ߟߊ߫ ߞߊ߲ߞߋߟߋ߲ߕߌ߯ߦߊ ߟߊ߫، ߊ߬ ߞߊ߲߫ ߞߏ߫ ߊ߬ ߦߋ߫ ߝߏ߬ߟߌ߬ ߞߋߟߋ߲ ߏ߬ ߢߐ߲߰ ߠߊߛߋ߫ ߟߊ߫ ߖߌ߬ߣߍ߫ ߡߌ߬ߙߌ߲߬ߘߌ ߡߊ߬߸ <<ߘߎ߰ߘߋ߲߬ ߓߘߍ߬ߦߊ ߣߌ߫ ߖߘߍ߬ߓߏ߲ߧߊ>> ߞߏߛߐ߲߬ ߊ߬ߟߎ߬ ߓߟߏ߫߸ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߖߡߊ߬ߣߊ ߟߋ߬ ߞߊ߫ ߝߌ߬ߛߊ߬ ߓߍ߯ ߓߟߏ߫ ߡߙߌߦߊ߫ ߜߘߍ ߕߐ߬ߡߊ ߟߎ߬ ߘߌ߫، ߊ߬ ߟߊ߫ ߞߎߡߊ߫ ߘߐ߫߸ <<ߕߋߟߋ߲ߓߊߟߌߦߊ>> ߡߍ߲ ߞߍߣߍ߲߫ ߢߣߊߕߊߟߌ ߣߌ߲߬ ߘߐ߫߸ ߏ߬ ߕߍ߫ ߓߊ߲ߕߊ߫ ߘߌ߫.
ߊ߬ ߞߊ߲߫ ߞߏ߫ ߊ߬ ߕߴߊ߬ ߓߟߏߓߐ߫ ߣߌ߲߬ ߞߏ ߘߐ߫߸ ߡߐ߰ ߘߏ߲߬ ߕߴߊ߬ ߞߎ߲߭ ߘߏ߬ ߊ߬ ߞߓߊ߬ ߞߘߐ߫، ߝߊ߭ߦߊ߬ ߞߊ߲߫ ߞߏ߫ ߊ߬ ߘߌ߫ ߣߌ߲߬ ߞߏ ߛߍ߬ߘߏ߲ ߞߍ߫ ߟߋ߬ ߝߎߚߎ߫߸ ߊ߬ ߕߍ߫ ߟߊߟߐ߬، ߊ߬ ߞߊ߲߫ ߞߏ߫ ߊ߬ ߟߊߣߍ߲߫ ߞߏ߫ ߞߋߟߋ߲߫ ߠߊ߫߸ ߝߏ߫ ߓߍ߯ߦߊ ߓߘߍߓߘߍ ߟߋ߬ ߓߊ߯ ߟߊߘߏ߲߬ ߖߌ߬ߣߍ߬ ߞߣߐ߫ ߕߘߋ߫߸ ߡߍ߲ ߛߌ߰ߣߍ߲߫ ߕߋߟߋ߲ ߞߊ߲߬߸ ߜߍߦߊ ߞߊ߲߬߸ ߊ߬ ߣߌ߫ ߖߡߊ߬ߣߊ߬ߘߋ߲ ߠߎ߬ ߡߊߓߏ߲߬ߧߊ ߞߊ߲߬، <<ߓߊ߲߭ ߕߍ߫ ߘߊߘߐ߫ ߞߎߡߊ߫ ߘߌ߫߸ ߊ߬ ߦߋ߫ ߥߊ߬ߣߌ߲߬ߞߋ ߟߋ߬ ߘߌ߫߸ ߘߍ߲߬ߞߣߍ߬ߦߊ ߣߌ߫ ߞߟߊߓߎ ߟߋ߬ ߦߴߊ߬ ߘߌ߫.>>
ߞߎߡߊ߫ ߟߊߓߊ߲߫ ߘߐ߫߸ ߝߊ߲߬ߞߊߛߌ߬ߣߊ ߣߌ߲߬ ߞߊ߬ ߖߌ߬ߣߍ߬ߞߊ ߟߎ߬ ߞߟߌ߫ ߖߊ߲߬ߕߏ߬ߒ߬ߘߐ ߟߋ߬ ߡߊ߬߸ ߊ߬ ߣߌ߫ ߞߏ߫ ߓߍ߯ ߦߴߊ߬ ߟߐ߬ ߊ߬ ߟߐ߬ ߦߌߟߊ ߓߍ߯ߦߊ ߡߞߊߘߊ߲ ߘߐ߫߸ ߊ߬ ߣߌ߫ ߛߊ߫ ߝߋ߲߫ ߘߌ߫ ߦߋ߫ ߖߡߊ߬ߣߊ߬ߘߋ߲ ߠߎ߬ ߘߐ߫، ߊ߬ ߞߊ߲߫ ߞߏ߫ ߊ߬ ߛߐ߲߬ߣߴߊ߬ ߡߊ߬ ߝߛߊߦߌ߫ <<ߛߌߟߊ ߞߊ߫ ߖߊ߲߬>> ߓߊ߬ߙߌ߬ ߛߌߟߊ߫ <<ߕߋߟߋ߲ߣߍ߲>> ߠߋ߬ ߕߊ߯ߡߊ ߦߋ߫ ߟߊߓߊ߲߫ ߠߊ߫߸ ߞߏ߫ ߊ߬ ߘߏ߲߬ ߘߌ߫ ߛߍ߬ߘߏ߲ ߏ߬ ߞߍ߫ ߖߡߊ߬ߣߊ ߟߊ߫߫ ߛߌߣߌ߲ߢߍߛߌ߮ ߤߊߡߌ߲ ߞߏߛߐ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.