ߖߌ߬ߣߍ߫ ߓߘߍ߬ߓߘߍ߬ߟߌ ߓߌ߬ߟߊ߬ߕߐ ߟߋ߬ ߓߟߏ߫ ߞߎߘߊ߫ ߘߐ߫ ߘߌ߲߬، ߓߊߏ߬߸ ߞߕߌߖߌ߲ ߛߊ߲ߘߐߕߊ ߓߍߣߊ߬ ߞߊ߲ߕߌ߯ ߢߣߊߕߊߟߌ ߞߐߝߟߌ ߟߎ߬ ߓߌ߬ߟߊ߫ ߖߊ߬ߡߊ ߛߊ߬ߥߏ߬ ߘߐ߫߸ ߏ߬ ߡߍ߲ ߞߍߕߐ߫ ߖߡߊ߬ߣߊ ߞߊ߬ߙߌ߬ߝߊ߬ ߕߎߡߊ ߘߌ߫߸ ߞߵߊ߬ ߓߌ߬ߟߊ߬ ߛߊ߬ߙߌ߬ߦߊ ߣߌ߫ ߓߍ߯ߦߊ ߛߌߟߊ߫ ߜߍߣߍ߲ ߞߊ߲߬ ߖߌ߬ߣߍ߬ ߞߣߐ߫.
ߖߌ߬ߣߍ߬ ߞߕߌߖߌ߲ ߛߊ߲ߘߐߕߊ ߓߘߴߊ߬ ߟߊߛߋ߫߸ ߞߏ߫ ߊ߬ߟߎ߬ ߞߊ߫ ߞߊ߲߫ ߞߊ߬ ߂߀߂߅ ߞߊ߲ߕߌ߯ ߢߣߊߕߊߟߌ ߞߐߝߟߌ߫ ߓߊ߲ߝߟߍ߬ߟߍ ߟߊߥߊ߬ߞߊ߲߬، ߟߊ߬ߛߋ߬ߟߌ ߏ߬ ߞߍ߫ ߘߊ߫ ߞߍ߲ߘߍߟߏ߲ ߛߎ ߟߋ߬ ߘߐ߫ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߃ ߡߊ߬߸ ߟߊ߬ߛߋ߬ߟߌ߬ ߞߟߊߒߞߋ ߘߏ߫ ߛߌߟߊ ߝߍ߬߸ ߡߍ߲ ߘߐߞߊ߬ߙߊ߲߬ ߘߊ߫ ߖߌ߬ߣߍ߫ ߖߌ߬ߦߊ߬ߞߊ߲߬ߛߏ ߥߎߦߊ߲ߖߍ߲ߛߍ߲ ߠߊ߫ ߞߊ߬ߣߌ߲߬.
ߞߕߌߖߌ߲ ߛߊ߲ߘߐߕߊ ߞߊ߲ߕߌ߯ ߝߟߐ ߟߊ߫ ߝߐߟߌ߫ ߘߐ߫߸ ߟߊ߬ߛߋ߬ߟߌ ߣߌ߲߬ ߞߍߕߐ߫ ߞߊ߯ߙߌ ߢߌ߲߬ ߠߋ߬ ߡߊ߬߸ ߂߀߂߆ ߓߌ߲ߠߊߥߎߟߋ߲ ߕߟߋ߬ ߄߸ ߁߇ߙߋ߲ ߖߋߞߎ ߟߊ߫߸ ߞߕߌߖߌ߲ ߟߊ߬ߥߟߍ߬ߟߌ߬ ߘߋ߬ߙߌ߬ߣߊ߲߬ ߝߏ߮ ߞߣߐ߫߸ ߞߵߊ߬ ߓߍ߲߬ ߛߌ߰ߞߊ߲ ߞߎ߬ߙߎ߲߬ߘߎ߬ߛߋ߲ ߅߇߲ ߣߌ߫ ߢߣߊߕߊߟߌ ߞߎ߬ߙߎ߲߬ߘߎ߬ߛߋ߲ ߁߃߀߲ ߝߐ߫ ߞߊ߲ ߠߎ߬ ߡߊߓߏ߲߬ߧߊ ߡߊ߬، ߊ߬ߟߎ߬ ߞߊ߲߫ ߞߏ߫ ߣߌ߲߬ ߞߍߕߐ߫ ߛߊ߬ߙߌ߬ߦߊ߬ ߓߟߏ ߟߋ߬ ߡߊ߬ ߖߌ߲ߘߊ߲ ߘߝߊߣߍ߲ ߘߐ߫߸ ߏ߬ ߡߍ߲ ߓߍߣߊ߬ ߞߍ߫ ߢߣߊߕߊߟߌ ߞߏߢߊߓߐ ߡߎ߰ߡߍ ߞߎ߲߬ߝߊ߮ ߘߌ߫.
ߖߡߊ߬ߣߊ ߡߙߊ߬ߓߊ߰ ߤߏߞߌ ߛߌߦߊߡߊ߲߫ ߠߋ߬ ߡߊߞߟߌߣߍ߲߫ ߣߌ߲߬ ߞߏ ߘߐ߫، ߞߊ߲ߓߍ߲ ߛߌ߲߬ߝߏ߲߬ߘߊ ߟߎ߬ ߞߊ߲ߕߌ߮ ߦߴߏ߬ ߟߋ ߘߐ߫߸ ߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߮߸ ߢߣߊߕߊߟߌ ߝߘߏ߬ߓߊ߬ ߗߋߕߌ߮߸ ߞߊ߲ߘߟߌ ߜߋ߬ߟߎ߲ ߟߊ߬ߞߙߐ߬ߛߟߌ߬ߘߊ߫ ߘߍ߲ߣߍ߲ߒߖߘߍ߬ߟߊ߸ ߊ߬ ߣߌ߫ ߞߊ߲ߕߌ߯ ߢߣߊߕߊߟߌ ߡߊ߬ߡߌ߬ߣߊ߬ߟߌ߬ߟߊ ߓߍ߯ ߟߊߘߍ߬ߣߍ߲ ߞߐߘߍ߫.
ߖߊ߲߬ߖߏ߲ ߓߍߣߊ߬ ߘߊߡߌ߬ߣߊ߫ ߟߊ߬ߛߌ߰ߘߋ߲ ߠߎ߬ ߢߣߊ߫߸ ߊ߬ ߣߌ߫ ߕߍߓߊ߯ߦߟߊ߫ ߟߊߘߌ߬ߢߍ߬ߣߍ߲ ߡߍ߲ ߠߎ߬ ߦߋ߫ ߖߌ߬ߣߍ߬ ߞߊ߲ߓߍ߲ ߞߣߐ߫ ߦߊ߲߬߸ ߞߵߏ߬ ߟߊ߫ ߡߊ߲߬ߕߏ߲߬ߕߍ߬ ߛߌ߲ߝߏ߲ߘߊ ߛߌߦߊߡߊ߲߫ ߞߐߦߌߘߊ ߟߎ߬ ߞߊ߲߬߸ ߝߊ߬ߙߊ߲߬ߛߌ߬ߞߊ߲߬ߝߐ߬ ߖߡߊߣߊ ߟߎ߬ ߟߊ߫ ߛߌ߲߬ߝߏ߲߬ߧߊ߬ߟߌ ߦߴߏ߬ ߟߋ ߘߐ߫߸ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߕߊ߬ߣߍ߲ ߞߵߊ߬ ߟߊ߫ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ ߞߊ߲߬.
ߟߊ߬ߛߋ߬ߟߌ ߣߌ߲߬ ߘߐ߫߸ ߞߕߌߖߌ߲ ߛߊ߲ߘߐߕߊ ߞߵߊ߬ ߖߊ߬ ߦߙߐ ߘߏ߫ ߞߊ߲߬߸ ߏ߬ ߟߋ ߡߛߍ߬ߡߛߍ߬ߞߍ߬ ߖߐ߲ߖߐ߲ ߠߎ߬ ߡߊߓߏ߲߬ߧߊ ߘߌ߫߸ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߓߍ߯ ߦߴߊ߬ ߟߐ߲߫߸ ߟߊ߬ߥߟߍ߬ߟߌ ߣߌ߲߬ ߦߋ߫ ߞߏߓߊ߫ ߟߋ߬ ߘߌ߫߸ ߖߡߊ߬ߣߊ ߟߊ߫ ߛߊ߬ߙߌ߬ߦߊ߬ ߞߊ߬ߝߏ߬ߦߊ ߣߌ߫ ߛߌ߲߬ߝߏ߲߬ߘߊ ߟߎ߬ ߟߊ߫ ߛߊ߬ߙߌ߬ߦߊ߬ߦߊ ߦߋ߫ ߓߐ߫ ߟߴߊ߬ߟߋ ߟߋ߬ ߘߐ߫، ߟߊ߬ߛߋ߬ߟߌ ߣߌ߲߬ ߞߟߊ߬ߣߐ߬ߦߊ߬ ߘߊ߫ ߞߕߌߖߌ߲ ߛߊ߲ߘߐߕߊ ߞߊ߲ߕߌ߮ ߟߋ߬ ߓߟߏ߫߸ ߝߏߘߋ߫ ߓߊ߲߬ߜ߭ߎߙߊ߬߸ ߣߴߊ߬ ߞߟߊ߬ߣߐ߬ߦߊ߬ ߘߊ߫ ߞߐߣߊߞߙߌ߫߸ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߃ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.