ߝߊ߬ߛߏ ߕߐ߲ߓߟߏߡߘߊ ߞߊ߬ ߦߙߍߞߍߟߌ ߘߏ߫ ߟߎ߫ ߟߋ߬ ߞߍ߫ ߢߐ߲߯ ߝߍ߬ ߔߊ߬ߡߋ߬ߟߊߡߎ߬ ߣߌ߫ ߛߏ߲߬ߝߏ߬ߣߌ߬ߦߊ߬ ߟߎ߬ ߘߐ߫ ߂߀߂߅ ߘߓߊ߬ߓߌߟߊ ߕߟߋ߬ ߁߅ ߣߌ߲߬ ߡߊ߬߸ ߓߌ߲߬ߘߌ߬ߓߊ߲߬ߘߊ߲߲߬ ߘߓߌߘߓߌ ߞߙߏ߬ߝߏ ߟߎ߬ ߞߊ߲ߡߊ߬، ߊ߬ߟߎ߬ ߟߊ߫ ߓߊ߯ߙߊ ߏ߬ ߞߍ߫ ߘߊ߫ ߕߙߎ߬ ߘߌ߫ ߝߏ߫ ߊ߬ߟߎ߫ ߞߊ߬ ߡߐ߰ ߛߌߦߊߡߊ߲߫ ߡߌ߬ߘߊ߬߸ ߞߊ߬ ߓߊ߲߫ ߞߊ߬ ߞߙߌ߬ߞߙߊ߬ߒ߬ߕߋ߬ߦߊ߬ ߝߋ߲ ߏ߬ ߟߎ߬ ߛߌߦߊߡߊ߲߫ ߝߣߊ߫ ߡߌ߬ߘߊ߬.

ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߘߓߊ߬ߓߌߟߊ ߕߟߋ߬ ߁߅߸ ߝߊ߬ߛߏ ߕߐ߲ߓߟߏߡߊ ߟߎ߬ ߞߊ߬ ߞߏߓߊ ߞߍ߫߸ ߞߊ߬ ߗߏ ߟߊߥߌ߬ߟߌ߫ ߓߌ߲߬ߘߌ߬ߓߊ߲߬ߘߊ߲߬ ߝߙߋ߬ߟߊ ߟߎ߬ ߞߊ߲ߡߊ߬، ߊ߬ߟߎ߬ ߟߊ߫ ߦߙߍߞߍߟߌ߫ ߝߌ߬ߟߊ ߢߌ߲߬ ߠߎ߫ ߟߋ߬ ߞߟߌ߫ ߘߴߊ߬ߟߎ߬ ߓߟߏ߫߸ ߞߏ߫ <<ߜߋ߲߬ߜߘߋ>> ߊ߬ ߣߌ߫ <<ߕߐ߲ߞߐߟߐ߲>>߸ ߏ߬ ߟߎ߬ ߞߍ߫ ߘߴߊ߬ߟߎ߬ ߓߟߏ߫ ߔߊ߬ߡߋ߬ߟߊߔߎ߬ ߟߋ߬߸ ߊ߬ ߣߌ߫ ߛߏ߲߬ߝߏ߬ߣߌ߬ߦߊ߬.

Two police officers interacting with a group of individuals in an urban setting, one person holding a small item, while others observe. The background shows buildings and vehicles.

ߔߊ߬ߡߋ߬ߟߊߔߎ߬ ߞߣߐ߫߸ ߊߟߑߝߦߊ߫ ߘߎ߱ ߞߣߐ߫ ߓߐߕߏ߲߫ ߝߊ߲ ߝߍ߬߸ ߕߐ߲ߓߟߏߡߊ ߟߎ߬ ߟߊ߫ ߛߋ߲߬ߕߘߍ߬ߟߌ ߞߙߎߡߘߊ ߓߐߕߏ߲ ߠߎ߬ ߟߊ߫ (ߛߌߔߊߝ)߸ ߏ߬ ߟߎ߫ ߞߊ߬ ߘߎ߰ߘߋ߲ ߘߏ߫ ߟߎ߫ ߟߋ߬ ߓߍߟߍ߲߫ ߦߋ߲߬߸ ߛߌߞߊ߫ ߞߍߣߍ߲߫ ߡߍ߲ ߠߎ߬ ߡߊ߬ ߞߏߙߏ߲ߧߊ߫ ߞߏ ߟߎ߬ ߘߐ߫، ߛߌߔߊߝ ߞߏߟߊߕߍ߮ ߘߏ߫ ߞߵߊ߬ ߦߌ߬ߘߊ߬ ߞߏ߫: <<ߊ߲ ߣߐ߬ ߦߙߐ߫ ߘߐߥߟߏߡߊ ߟߋ߬ ߛߌ߰ ߟߊ߫ ߛߋ߲߬ߠߊ߫߸ ߞߊ߬ ߘߏ߲߬ ߟߎ ߓߍ߯ ߞߣߐ߫ ߞߋߟߋ߲ߞߋߟߋ߲>>. ߊ߬ߟߎ߫ ߘߏ߲߬ ߛߋ߫ ߘߊ߫ ߞߏ߫ ߛߌߦߊߡߊ߲߫ ߞߍ߫ ߟߊ߫: ߛߙߊ ߞߌߘߊ߫ ߁߀߆ ߡߌ߬ߘߊ߬ ߘߴߊ߬ߟߎ߬ ߓߟߏ߫߸ ߛߙߊ߫ ߟߊߛߘߌ ߛߌߦߊߡߊ߲߫ ߝߣߊ߫ ߡߌ߬ߘߊ߬ ߘߊ߫߸ ߞߵߏ߬ ߟߊ߫ ߛߙߊ߫ ߝߘߏ߫ ߛߌߦߊߡߊ߲߫ ߞߊ߲߬߸ ߊ߬ߟߎ߫ ߞߊ߬ ߡߍ߲ ߠߎ߬ ߘߐߕߌߢߍ߫، <<ߝߍߘߍ߲ߝߋ߲ ߏ߬ ߟߎ߫ ߕߍ߬ߘߍ߫ ߛߣߍ߬ ߟߊ߫ ߡߐ߱ ߟߎ߬ ߘߊߝߍ߬ ߦߋ߲߬ ߠߋ߬ ߌߞߘߐ߫߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߛߏ ߡߎ߰ߡߍ ߓߍ߲߬ߡߊ ߟߴߊ߬ ߞߏߢߊ ߘߌ߫.>> ߊ߬ߟߋ߬ ߞߏߟߊߕߍ߮ ߞߵߏ߬ ߟߴߊ߬ ߟߊ߫ ߞߎߡߊ ߞߊ߲߬.

Two police officers holding a cannabis plant in an outdoor setting with buildings in the background.

ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸ ߊ߬ߟߎ߫ ߞߊ߬ <<ߕߐ߲ߞߐߟߐ߲߫>> ߦߙߍߞߍߟߌ ߟߊߥߌ߬ߟߌ߫ ߛߏ߲߬ߝߏ߬ߣߌ߬ߦߊ߬߸ ߊ߬ߟߎ߬ ߛߌߦߊߡߊ߲߫ ߠߋ߬ ߕߊ߯ ߘߊ߫ ߡߊߙߑߛ߭ߋ ߊ߲ߕߊ ߣߐߙ߸ ߛߏ߲߬ߝߏ߬ߣߌ߬ߦߊ߬ ߡߊߙߑߛ߭ߋ߸ ߊ߬ ߣߌ߫ ߝߎߟߡߊߘߌߣߊ߬. <<ߊ߲ ߥߊ߫ ߞߎ߲ ߜߍߣߍ߲߫ ߠߋ߬ ߕߍ߬ߘߍ߫ ߦߋ߲߬ ߝߛߊߦߌ߫: ߞߊ߬ ߖߎ߬ߟߦߊ߬ ߞߙߌߞߙߊ ߣߌ߲߬ ߞߍ߫ ߦߙߐߓߊ ߟߎ߬ ߥߊ߬ߟߏ߲߬ ߞߏߛߓߍ߫.>> ߏ߬ ߝߐ߫ ߘߊ߫ ߝߊ߬ߛߏ ߕߐ߲ߓߟߏߡߊ ߘߏ߫ ߟߋ߬ ߓߟߏ߫، ߊ߬ߟߋ߬ ߕߐ߲߬ߓߟߏߡߊ ߟߎ߬ ߛߋ߫ ߘߴߊ߬ߟߎ߬ ߕߍ߯ ߞߍ߫ ߡߐ߰ ߂߈ ߘߐ߫߸ ߡߏ߬ߛߏ߫ ߛߓߊ߬ ߦߴߏ߬ ߘߐ߫، ߊ߬ߟߎ߫ ߞߊ߬ ߝߟߊߟߋ߲ (ߔߑߟߊߞߍߕߌ߫) ߂ ߟߋ߬ ߡߌ߬ߘߊ߬߸ ߊ߬ ߣߌ߫ ߕߙߊߡߊߘߐߟ ߞߌ߬ߛߍ߬ ߕߊ߲߫߸ ߞߵߏ߬ ߟߊ߫ ߛߙߊߓߊ߫ ߟߊߛߘߌ߫ ߅߇ ߞߊ߲߬߸ ߊ߬ ߣߌ߫ ߝߋ߲߫ ߛߌߦߊߡߊ߲߫ ߜߘߍ߫ ߟߎ߫.

A scattered collection of small wrapped packages, some tools, and a blue container on a tiled floor, with a police badge visible in the corner.

ߞߏ ߣߌ߲߬ ߡߊ߲߬ߞߊ߲ ߥߊ߬ߙߊ ߞߏߛߐ߲߬߸ ߓߌ߲߬ߘߌ߬ߓߊ߲߬ߘߊ߲߬ ߞߏ ߖߍ߲ߛߍ߲߫ ߥߊ߯ߕߌ ߢߌ߲߬ ߠߊ߫߸ ߝߊ߬ߛߏ ߕߐ߲ߓߟߏߡߊ ߟߎ߬ ߞߊ߲߫ ߞߏ߫ ߛߍ߬ߘߏ߲ ߣߌ߲߬ ߕߍ߫ ߡߐ߰ ߞߋߟߋ߲߫ ߠߊ߫ ߞߏ߫ ߘߌ߫߸ ߊ߬ ߦߋ߫ ߓߍ߯ ߟߊ߫ ߞߏ ߟߋ߬ ߘߌ߫، <<ߓߌ߲߬ߘߌߓߊ߲߬ߘߊ ߦߴߊ߲ ߠߊ߫ ߘߋ߲ߓߦߊ ߟߎ߬ ߘߐߕߌߢߍ ߟߋ߬ ߞߊ߲߬߸ ߞߊ߬ ߘߋ߲ߡߌߛߍ߲ ߠߎ߬ ߟߊ߫ ߛߌߣߌ߲ߢߍߛߌ߮ ߘߐߥߦߊ߬، ߏ߬ ߘߐ߫ ߊ߲ ߧߴߊ߲ ߞߊ߲ߠߊߘߌ߫ ߟߊ߫ ߘߎ߰ߘߋ߲ ߓߍ߯ ߡߊ߬߸ ߡߍ߲ ߺ ߍ ߺ ߡߍ߲߫ ߓߊ߯ ߛߌߞߊ߫ ߞߏߙߏ߲ߧߊ߫ ߞߏ ߘߏ߫ ߡߊ߬ ߥߟߊ߫ ߞߊ߬ ߛߌߞߊ߫ ߘߐ߫ ߞߏ ߘߏ߫ ߦߋ߫߸ ߏ߬ ߕߌ߱߰ ߦߋ߫ ߝߙߍߕߍ߫ ߝߙߌߛߌ ߣߌ߲߬ ߞߟߌ߫ ߖߏߣߊ߫ : ߁߁߇.>> ߊ߬ߟߎ߬ ߟߊ߫ ߓߋߟߋ߲ߕߌ߮ ߞߵߏ߬ ߟߋ ߝߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫