ߘߎ߲߬ߘߎ߬ߡߊ߬ ߝߐߢߐ߲߯ߞߐ ߘߏ߫ ߓߘߊ߫ ߘߎ߲߬ߘߎ ߟߊߥߌ߬ߟߌ߫ ߝߊ߬ߛߏ ߟߊߥߙߎߞߌ ߖߌ߰ߡߝߊ߬ ߞߙߎߞߊ ߞߣߐ߫، ߝߏ߫ ߊ߬ߟߎ߬ ߓߘߴߊ߬ߟߎ߬ ߟߊ߫ ߞߏߟߊߕߍ߯ ߡߐ߰ ߟߏ߯ߟߎ߫ ߟߊߘߎ߲߫߸ ߏ߬ ߟߎ߬ ߞߍ ߘߐ߫ ߞߊ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߐߡߊߓߌ߲ߓߌ߲߫ ߢߣߊߕߊߟߌ ߣߌ߲߬ ߘߐ߫߸ ߏ߬ ߡߍ߲ ߡߊ߫ ߓߍ߲߬ ߞߙߎߞߊ ߞߏߟߊߕߍ߮ ߕߐ߭ ߟߎ߫ ߡߊ߬.

ߝߊ߬ߛߏ ߟߊߥߙߎߞߌ ߖߌ߰ߡߝߊ߬ ߞߙߎߞߊ (ߝߟߖߞ) ߓߘߴߊ߬ ߟߊ߫ ߞߏߟߊߕߍ߯ ߡߐ߰ ߟߏ߯ߟߎ߫ ߟߊߘߎ߲߫ ߞߏ ߟߊߛߋ߫߸ ߞߵߊ߬ ߓߍ߲߬ ߏ߬ ߟߎ߬ ߟߊ߫ ߟߊ߬ߛߋ߬ߟߌ ߘߏ߫ ߡߊ߬ ߜߍ ߘߐ߫߸ ߡߍ߲ ߣߐ߬ ߡߐ߱ ߟߎ߬ ߞߟߌ߫ ߟߊ߫ ߘߐ߬ߕߊߡߌ߲ ߞߊ߲ߕߌ߮ ߞߐߡߊߓߌ߲ߓߌ߲ ߡߊ߬ ߓߙߊߡߊߖߊ߲ߓߊ߲ ߝߍ߬߸ ߣߊߟߌ߬ߡߎ߲߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߘߌ߫، ߡߙߌߘߐ ߕߊ߬ ߘߊ߫ ߞߙߎߞߊ ߞߊ߲ߕߌ߮ ߖߍ߬ߘߍ ߟߋ߬ ߓߟߏ߫߸ ߟߊ߲߱ߛߣߊ߬ ߞߎߦߊߕߍ߫، ߏ߬ ߞߍ߫ ߘߴߊ߬ ߟߊ߫ ߞߙߎߞߊ ߟߊ߫ ߟߊ߬ߘߍ ߟߋ߬ ߛߋ߲߭ߝߍ߬߸ ߊ߬ ߣߌ߫ ߓߘߍ߬ߓߘߍ߬ߟߌ߬ ߛߓߍߘߊ ߟߊ߫ ߓߍ߲߬ߡߊ ߟߊ߫ ߞߍ߲ߘߍߟߏ߲ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߇ ߡߊ߬ ߞߐߣߊߞߙߌ߫.

ߘߐ߬ߛߙߋ ߘߏ߫ ߟߊߖߍ߲ߛߍ߲߫ ߘߴߊ߬ߟߎ߬ ߓߟߏ߫ ߟߏ߲߫ ߞߋߟߋ߲ ߏ߬ ߡߊ߬߸ ߞߙߎߞߊ ߞߏߟߊߕߍ߮ ߟߎ߫ ߞߵߊ߬ ߝߐ߫ ߡߍ߲ ߘߐ߫߸ ߞߏ߫ ߊ߬ߟߎ߬ ߟߊ߫ ߡߐ߱ ߏ߬ ߟߎ߫ ߞߊ߬ ߞߎߡߊ ߡߍ߲ ߞߍ߫ ߞߏߟߌ߲ߞߏߟߌ߲ ߕߋ߬ߟߋ߫ ߂߄ ߡߊ߬߸ ߞߐߣߊߞߙߌ߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߓߏ߲ߓߊ ߟߊ߫߸ ߞߏ߫ ߊ߬ߟߎ ߞߊ߲߫ ߕߴߏ߬ ߘߌ߫، ߞߊ߬ߕߎ߲߯߸ ߞߏ߫ ߘߋ߲ߡߌߛߍ߲߫ ߞߙߎ ߘߏ߫ ߟߎ߫ ߟߋ߬ ߞߵߊ߬ߟߎ߬ ߟߊߘߍ߬ ߞߙߎߞߊ ߕߐ߯ ߘߐ߫ ߦߋ߲߬߸ ߞߵߊ߬ ߛߐ߬ߘߐ߲߬ ߞߙߎߞߊ ߡߊߡߙߊ߬ߓߊ߮ ߟߎ߬ ߡߊ߫ ߖߡߊ߬ߙߌ߬ ߝߏߦߌ߬ ߘߴߊ߬ߟߎ߫ ߡߊ߬، ߏ߬ ߟߋ ߘߐ߫߸ ߊ߬ߟߎ߫ ߞߵߊ߬ ߝߐ߫ ߊ߬ߟߎ߬ ߟߊ߫ ߛߓߍ ߞߣߐ߫߸ ߞߏ߫ <<ߡߙߎߕߟߌ>> ߟߋ߬ ߞߍߣߍ߲߫ ߛߌ߰ߞߊ߲ ߡߵߊ߬ߟߎ߬ ߓߟߏ߫߸ ߊ߬ ߣߌ߫ ߞߊ߬ ߞߣߐߟߊ ߞߎ߬ߙߎ߲߬ߘߎ ߖߍ߬ߘߍ ߝߣߊ߫ ߛߐ߬ߛߐ߬.

ߓߌ߲߬ߓߊߥߏ ߟߊߣߍ߲߫ ߡߍ߲ ߠߎ߬ ߞߊ߲߬߸ ߡߊߡߊߘߎ߫ ߞߊߓߊ߬ ߛߏ ߦߴߏ߬ ߘߐ߫߸ ߓߘߍ߬ߓߘߍ߬ߟߌ߬ ߛߓߍߘߊ ߛߌ߲߬ߝߏ߲߸ ߡߊ߲߭ߖߎ߬ ߞߙߎ߬ߡߊ߬ ߣߌ߫ ߛߋߞߎ߬ ߛߘߌ߬ߓߋ߬߸ ߏ߬ ߟߎ߬ ߦߋ߫ ߘߋ߲ߡߌߛߍ߲ ߠߎ߬ ߟߊ߫ ߝߊ߬ߛߏ ߥߛߊ߬ߓߊ߰ߦߊ ߟߋ߬ ߘߐ߫߸ ߛߏ߬ߙߌ߫ ߛߊ߬ߞߐ߬ ߡߍ߲ ߝߣߊ߫ ߦߋ߫ ߡߊ߬ߕߏ߯ߕߏ߬ ߞߙߎߝߊ ߞߟߊ߬ߕߌ߮ ߘߌ߫߸ ߏ߬ ߟߊߘߎ߲߫ ߘߊ߫ ߟߋ߬߸ ߖ߭ߎ߳ߟߌߦߍߕ ߞߡߊ߬ߙߊ߬ ߝߣߊ߫ ߦߴߊ߬ ߘߐ߫߸ ߏ߬ ߦߋ߫ ߘߋ߲ߡߌߛߍ߲ ߠߎ߬ ߟߊ߫ ߝߊ߬ߛߏ ߥߛߊ߬ߓߊ߰ߦߊ ߛߌ߲߬ߝߏ߲ ߠߋ߬ ߘߌ߫، ߢߌ߲߬ ߠߎ߬ ߓߍ߯ ߟߊߘߎ߲߫ ߘߊ߫ ߟߋ߬ ߞߋߟߋ߲ߘߌ߫߸ ߞߏ߫ ߊ߬ߟߎ߬ ߓߘߊ߫ ߟߊߘߎ߲߫ ߞߙߎߞߊ ߘߐ߫ ߡߎߣߎ߲߬ <<ߤߊ߲߯ ߖߡߊ߬ߙߌ߬ ߞߎߘߊ߫ ߦߋ߫ ߕߊ߬.>> ߕߎ߬ߡߊ ߡߍ߲ ߠߊ߫.

ߊ߬ ߝߐߣߍ߲߫ ߡߙߌߘߐ߫ ߛߓߍ ߣߌ߲߬ ߞߣߐ߫߸ ߞߏ߫ ߞߍߢߊ߫ ߝߏߦߌ߬ ߕߊ߬ߣߍ߲߫ ߕߎ߲߬ ߓߊ߯ ߞߍ߫ ߡߐ߰ ߘߊ߲ߘߐ ߢߌ߲߬ ߠ߬ߎ ߟߊ߫ ߞߏ ߘߐ߫ ߞߘߐ߬ߡߊ߲߬߸ ߡߙߌߘߐ ߣߌ߲߬ ߓߘߊ߫ ߣߊ߬ ߘߊ߲߭ߛߌ߰ ߏ߬ ߟߎ߬ ߓߍ߯ ߟߊ߫.

ߟߊ߲߱ߛߣߊ߬ ߞߎߦߊߕߍ߫ ߞߵߊ߬ ߦߌ߬ߘߊ߬ ߛߓߍ ߣߌ߲߬ ߞߣߐ߫߸ ߞߏ߫ ߓߍ߯ ߞߊ߬ ߝߟߖߞ ߥߊ߫ ߢߊ ߟߐ߲߫߸ ߓߍ߯ ߘߏ߲߬ ߣߴߊ߬ ߥߊ߫ ߢߊ ߏ߬ ߟߋ ߡߊߓߏ߲߬ߧߊ ߞߊ߫ ߞߊ߲߫߸ ߞߵߊ߬ ߓߍ߲߬ ߞߏ ߟߎ߬ ߘߐߛߌ߰߰ ߢߊ ߡߊ߬߸ ߛߊ߫ ߓߍ߲߬ ߘߌ߫ ߞߍ߫ ߞߏ ߟߎ߬ ߡߊ߬ ߛߐ߲߬ ߦߊ߬ߣߌ߫ ߥߊ߫ ߦߋ߫ ߞߍ߫ ߝߊ߲߬ ߞߋߟߋ߲߫ ߝߍ߬، ߓߊߏ߬߸ ߞߋ߲߬ߠߊ߬ ߞߏ ߟߎ߬ ߞߊߟߌߡߊ߲߫ ߠߋ߬ ߜߊ߬ߙߊ ߥߦߊ߬ ߟߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.

Image of a traditional dessert platter with various colorful sweets, displayed elegantly on a decorative table.