ߖߌ߬ߣߍ߬: ߛߏ߬ߝߊ߬ ߞߎ߬ߘߊ߬ ߄߅ ߓߘߊ߫ ߟߊߛߍ߲߫ ߞߎߓߋ߫ ߡߏ߬ߤߊ߬ߡߍ߬ߘ ߅߲ ߠߊ߫

ߓߌ߬ ߞߍ߲ߘߍߟߏ߲ ߣߌ߲߬ ߡߊ߬߸ ߂߀߂߅ ߣߍߣߍߓߊ ߕߟߋ߬ ߁߭߸ ߛߣߞ ߛߏ߬ߝߊ߬ ߞߊߙߊ߲ߘߋ߲ ߠߎ߬ ߟߊߛߍ߲߫ ߘߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߢߊߞߘߐ߫ ߞߎߓߋ߫ ߡߏ߬ߤߊ߬ߡߍ߬ߘ ߅߲ ߠߊ߫، ߏ߬ ߞߍ߫ ߘߊ߫ ߞߏߓߊ߫ ߟߋ߬ ߘߌ߫ ߓߌ߬߸ ߡߍ߲ ߕߊ߬ߡߌ߲߬ ߘߊ߫ ߖߌ߬ߣߍ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߢߊߞߎߘߦߊ߫ ߞߏ ߟߎ߬ ߟߊ߫ ߟߊ߫ ߞߣߍ ߞߊ߲߬.

ߞߎߓߋ߫ ߡߏ߬ߤߊ߬ߡߍ߬ߘ ߅߲ ߞߣߐ߫ ߓߌ߬߸ ߛߏ߬ߝߊ߬ ߟߊߞߎߣߎ߲ߣߍ߲߫ ߡߐ߰ ߄߅ ߟߋ߬ ߞߵߊ߬ߟߎ߫ ߞߵߊ߬ߟߎ߫ ߞߵߊ߬ߟߎ߬ ߛߍ߲߫ ߖߊ߬ߡߊ ߢߊߞߘߐ߫߸ ߞߏ߫ ߊ߬ߟߎ߬ ߘߌ߫ ߣߊ߲߬ߕߌ߰ߦߊ ߛߊ߬ߙߌ߬ߦߊ ߟߎ߬ ߡߊߓߏ߲߬ߧߊ߬߸ ߞߊ߬ ߓߊ߲߫ ߞߊ߬ ߞߍ߫ ߓߘߊߡߊߢߌ߲ ߘߌ߫، ߡߏ߬ߛߏ߫ ߡߐ߰ ߥߐߙߐ߲ߝߌ߬ߟߊ߫ ߟߋ߬ ߦߴߊ߬ ߘߐ߫߸ ߗߍ߬ ߡߐ߰ ߃߈߸ ߡߍ߲ ߠߎ߬ ߘߐߞߍߣߍ߲߫ ߣߊ߲߬ߕߌ߮ ߓߏߟߏ߲߫ ߛߌߦߊߡߊ߲߫ ߠߊ߫߸ ߘߎ߰ߡߊ߬ ߣߊ߲ߕߌ߮ ߟߎ߬ ߓߊ߬߸ ߛߊ߲ߡߕߊ ߟߎ߬߸ ߖߌߞߊ߲ߕߊ ߟߎ߬߸ ߞߟߍ߬ߡߐ߮ ߟߎ߬߸ ߊ߬ߟߎ߬ ߓߍ߯ ߟߋ߬ ߞߵߊ߬ߟߎ߬ ߛߍ߲߫ ߓߌ߬، ߛߍ߲ߠߌ߲ ߏ߬ ߞߍ߫ ߘߊ߫ ߞߊ߲ߓߍ߲ ߞߊ߲ߕߌ߮߸ ߞߊ߬ߝߏ߬ ߞߎ߲ߕߌ߮ ߣߌ߫ ߣߊ߲߬ߕߌ߰ ߞߎ߲߬ߕߌ߰ ߛߊ߲ߘߐߕߊ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߢߊߞߘߐ߫ ߟߋ߬߸ ߊ߬ߟߋ ߟߋ߬ ߞߊ߬ ߖߊ߲߬ߖߏ߲ ߞߎ߲߬ߠߊߛߌ߰.

ߖߡߊ߬ߣߊ ߞߏߟߊߕߍ߯ ߛߌߦߊߡߊ߲߫ ߕߘߍ߬ ߞߣߍ ߞߊ߲߬߸ ߣߊ߲߬ߕߌ߰ ߞߎ߲ߘߊ߫߸ ߣߊ߲߬ߒ߬ߕߊ߲߬ ߞߎ߲ߘߊ߫߸ ߞߎ߲߬ߠߊ߬ߛߌ߮ ߛߌ߲ߝߏ߲ ߠߎ߬ ߣߌ߫ ߞߐߞߊ߲߫ ߣߊ߲ߕߌ߮ ߘߏ߫ ߟߎ߫ ߞߐߦߌߘߊ߸ ߡߐ߰ ߞߎߘߊ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߘߌ߫ ߖߡߊ߬ߣߊ ߞߊ߬ߣߌ߲߫ ߞߵߊ߬ ߟߊߘߌߦߊߢߍ߫، ߊ߬ߟߎ߬ ߟߊ߫ ߛߍ߲ߠߌ߲߫ ߘߊߞߎ߲ ߣߌ߲߬ ߘߐ߫߸ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߞߟߍ߬ߕߌ߰ ߌߓߙߊߤߌߡߊ߫ ߛߏߙߌ߬ ߓߊ߲߬ߜ߭ߎߙߊ߬ ߞߵߊ߬ ߦߌ߬ߘߴߊ߬ ߟߊ߫ ߓߋߟߋ߲ߠߊ ߘߐ߫߸ ߞߏ߫ ߣߌ߲߬ ߦߋ߫ ߞߎ߲߬ߠߊ߬ߦߋ߬ߙߋ߲߬ ߞߏ߬ߓߊ߫ ߟߋ߬ ߖߡߊ߬ߣߊ ߞߣߐ߫، ߓߊ߬ߙߌ߬߸ <<ߡߍ߲ ߜߍ߬ߟߍ߲߬ߡߊ߲߬ ߞߏ ߓߍ߯ ߘߌ߫߸ ߏ߬ ߟߋ ߓߘߊ߫ ߘߊߡߌ߬ߣߊ߫ ߣߌ߲߬ ߓߌ߬.>> ߊ߬ ߞߵߏ߬ ߟߋ ߝߐ߫߸ ߞߵߊ߬ ߦߌ߬ߘߊ߬ ߞߏ߫ ߞߏ߫ ߛߌߦߊߡߊ߲߫ ߠߴߊ߬ߟߎ߬ ߢߍ߫ ߖߡߊ߬ߣߊ ߟߊ߫ ߞߏ ߘߐ߫ ߡߎߣߎ߲߬.

ߊ߬ ߞߊ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߝߏ߬ ߊ߬ ߟߊ߫ ߥߊ߬ߣߌ߲߬ߞߋ߬ ߓߘߍ߬ߦߊ ߟߊ߫ ߖߡߊ߬ߣߊ ߦߋ߫، ߓߊߏ߬߸ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߊ߫ ߞߍ߫ ߕߙߎ߬ ߘߌ߫߸ ߞߊ߬ ߖߌ߬ߣߍ߫ ߣߊ߲߬ߕߌ߮ ߟߎ߬ ߟߊߦߟߍ߬ ߛߊ߲ߡߊ߬ ߔߏ߲߫، ߓߊߏ߬߸ ߊ߬ ߓߘߊ߫ ߟߊ߬ߞߐ߰ߟߌ߬ ߛߌߦߊߡߊ߲߫ ߛߌ߰ ߛߋ߲߬ߠߊ߫߸ ߞߊ߬ ߣߊ߬ ߡߎ߬ߙߊ߲ ߠߎ߬ ߘߌ߫߸ ߊ߬ ߣߌ߫ ߞߊ߬ ߛߌߦߊߡߊ߲߫ ߘߐߓߍ߲߬، ߊ߬ ߞߵߊ߬ ߦߌ߬ߘߊ߬ ߞߏ߫ ߡߐ߰ ߞߎߘߊ ߡߍ߲ ߠߎ߬ ߕߊ߬ߣߍ߲߫ ߣߌ߲߬߸ ߊ߬ߟߎ߬ ߦߋ߫ <<ߖߡߊ߬ߣߊ ߣߊ߲߬ߕߌ߮ ߟߎ߫ ߟߋ߬ ߘߌ߫߸ ߞߎߘߊߞߎߘߊ ߟߎ߬߸ ߡߍ߲ ߠߎ߬ ߓߍ߬ߘߍ߫ ߊ߬ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߟߊ߫߸ ߓߍ߯ ߞߍ߫ ߟߊ߫ ߏ߬ ߟߎ߬ ߡߍ߲ ߠߎ߬ ߦߋ߫ ߞߊ߬ߣߌ߲߬.>>

ߊߟߎ߫ ߦߴߊ߬ ߟߐ߲߫߸ ߝߊߙߌ߲ ߡߊߡߊߘߎ߫ ߞߊߟߌ߬ ߛߊߟ߸ ߛߏ߬ߙߌ߬ߡߊ߬ߘߋ߲߬ߕߍ߬ߟߊ ߣߊ߲߬ߕߌ߰ ߞߊߙߊ߲ߕߊ ߡߊߡߙߊ߬ߣߴߏ߬ ߟߋ ߓߟߏ߫߸ ߊ߬ ߓߘߊ߫ ߡߐ߰ ߛߌߦߊߡߊ߲߫ ߠߋ߬ ߟߊߞߐ߯߸ ߡߍ߲ ߠߎ߬ ߞߊ߬ߙߊ߲߬ߣߍ߲߫ ߖߡߊ߬ߣߊ ߦߋ߫، ߊ߬ߟߎ߬ ߟߊ߫ ߞߊ߬ߙߌ߬ߡߊ߬ߘߊ ߁߆߲ ߣߌ߲߬ ߕߐ߯ߟߊߣߍ߲߫ ߝߊߙߌ߲ ߛߎ߬ߣߎߣߎ߬ ߓߊ ߟߋ߬ ߟߊ߫߸ ߏ߬ ߟߋ ߕߘߍ߬ ߛߏ߬ߙߌ߬ߡߊ߬ߘߋ߲߬ߕߍ߬ߟߊ ߣߊ߲߬ߕߌ߰ ߞߊߙߊ߲ߕߊ ߗߋߕߌ߮ ߘߌ߫ ߁߉߉߆ ߣߌ߫ ߂߀߀߄ ߕߍߟߊ ߘߐ߫، ߞߊ߬ߙߌ ߣߌ߲߬ ߕߐ߯ߟߊߣߴߏ߬ ߟߊ߫߸ ߊ߬ ߓߏ߲߬ߧߊ ߣߴߊ߬ ߛߌ߲ߞߐ߲ߡߌߘߊ ߟߋ߬ ߞߏߛߐ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.