ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐ (ߓ.ߞ.ߛ) ߞߵߊ߬ ߟߊߛߋ߫ ߞߎߣߎ߲߬ ߓߌߟߏ߲ ߡߊ߬߸ ߂߀߂߅ ߣߍߣߍߓߊ ߕߋ߬ߟߋ߫ ߂߀߸ ߞߏ߫ ߊ߬ߟߎ߬ ߟߊ߫ ߥߛߊ߬ߘߊ߬ߕߌ߯ ߝߌ߬ߟߊ ߡߍ߲ ߦߋ߫ ߖߊ߲߬ߕߏ߬ߒ߬ߘߐ߬ ߞߎ߲߬ߠߊ߬ ߞߊ߲ߞߊ߲߫ ߞߣߐ߫߸ ߞߏ߫ ߊ߬ߟߎ߬ ߓߘߊ߫ ߘߊ߲߭ߛߌ߰ ߏ߬ ߟߎ߬ ߟߊ߫ ߓߊ߯ߙߊ ߟߊ߫، ߞߵߏ߬ ߞߎ߲߭ ߞߍ߫ ߊ߬ߟߎ߬ ߟߊ߫ ߘߊ ߟߊߓߐߓߊߟߌߦߊ ߘߌ߫.
ߡߙߌߘߐ ߣߌ߲߬ ߝߘߊ߫ ߘߊ߫ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐ ߟߊ߫ ߡߙߌߘߐ߫ ߛߓߍ ߘߏߏ߫ ߟߋ߬ ߟߊ߫߸ ߡߍ߲ ߞߟߊ߬ߣߐ߬ߦߊ߬ߣߴߊ߬ ߞߊ߲ߕߌ߯ ߓߎߓߞߊߙ ߦߊߛߌߣ ߖߊߟߏ߫ ߓߟߏ߫ ߞߐߣߊߞߙߌ߫ ߂߀߂߅ ߣߍߣߍߓߊ ߕߋ߬ߟߋ߫ ߂߀ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߝߏߘߋ߫ ߓߊ߲߬ߜ߭ߊߟߌ߬ ߝߏߝߣߊ߫߸ ߊ߬ ߣߌ߫ ߌߓߙߊߤߌߡߊ߬ ߛߌ߬ߛߋ߫߸ ߞߏ߫ ߊ߬ߟߎ߬ ߓߘߴߏ߬ ߟߎ߬ ߟߊ߫ ߓߊ߯ߙߊ ߟߊߛߋ߫ ߊ߬ ߘߊ߲߭ ߠߊ߫ ߖߊ߲߬ߕߏ߬ߒ߬ߘߐ ߞߏߢߊ ߟߎ߫ ߞߎ߲߬ߠߊ߬ ߞߊ߲ߞߊ߲߫ ߕߌ߲߬ߞߎߘߎ߲ ߘߐ߫߸ ߏ߬ ߡߍ߲ ߠߎ߬ ߘߐ߱ߘߏ߲߬ߣߍ߲߫ ߖߌ߬ߣߍ߬ ߜߍߞߊ߲ߠߊ ߝߊ߲߬ߞߣߐ ߏ߬ ߟߎ߫ ߞߌ߬ߓߊ߬ߙߏ߬ߘߊ ߟߎ߫ ߜߋ߬ߟߎ߲ ߠߊ߫ ߞߊ߬ߣߌ߲߬.
ߟߊ߬ ߤߊߞ ߞߵߊ߬ ߦߌ߬ߘߊ߬ ߞߏ߫߸ ߞߎ߲߬ ߜߘߍ߫ ߡߊ߫ ߞߍ߫ ߡߙߌߘߐ ߏ߬ ߟߊ߫߸ ߝߏ߫ ߓߊ߯ߙߊߞߍߟߊ ߏ߬ ߟߎ߬ <<ߡߊ߫ ߛߴߊ߬ߟߎ߬ ߟߊ߫ ߘߊ ߟߋ߬ ߟߊߓߐ߫ ߟߊ߫>>߸ ߊ߬ߟߎ߫ ߞߵߏ߬ ߟߋ ߞߍ߫ ߊ߬ߟߎ߬ ߟߊ߫ ߞߊ߬ߣߌ߲ ߛߊ߬ ߞߊ߲ ߘߌ߫ ߛߓߍ ߣߌ߲߬ ߞߣߐ߫، ߞߊ߬ߕߎ߲߯߸ ߞߊ߲ ߡߍ߲ ߠߎ߬ ߦߋ߫ ߝߐ߫ ߟߊ߫ ߞߎߡߊߛߏ ߟߎ߬ ߟߊ߫ ߦߊ߲߬߸ ߏ߬ ߟߎ߫ ߟߋ߬ ߖߊ߲߬ߕߏ߬ߣߍ߲߫ ߕߍ߬ߘߍ߫ ߏ߬ ߟߎ߬ ߓߍ߯ ߘߐ߫ ߞߵߊ߬ߟߎ߫ ߜߋ߬ߟߎ߲߬ ߕߍߕߍߕߍ߫.
ߒ߬ߓߊ߬߸ ߊ߬ߟߎ߬ ߟߊ߫ ߓߊ߯ߙߊ ߞߊ߬ߙߌ߬ߝߊ߬ߣߍ߲߫ ߡߊ߬ߡߊ߬ߘߌ߬ ߞߊ߲ߛߊ߲ ߘߎ߲ߓߎߦߊ߫ ߟߋ߬ ߟߊ߫ ߘߍ߲߬ߞߍ߬ߕߎ߲߬ ߓߟߏ ߡߊ߬ ߡߎߣߎ߲߬߸ ߏ߬ ߡߍ߲ ߦߋ߫ ߞߌ߬ߓߊ߬ߙߏ߬ߦߊ߬ߟߌ ߣߌ߫ ߓߌ߬ߟߊ߬ߢߐ߲߰ߡߊ ߗߋߕߌ߯ ߕߌ߲߬ߞߎ߬ߘߎ߲߬ߠߊ߬ߞߊ ߘߌ߫، ߛߌߟߊߓߐߛߐ߯ߣߊ߫ ߛߋ߫ ߘߊ߫ ߛߋ߲߬ߠߊ߬ߓߐߟߌ߫ ߞߍ߫ ߟߊ߫ ߞߊ߬ ߛߴߊ߬ߟߋ ߝߍ߬.
ߊ߬ ߞߊ߬ ߢߊߝߐߟߌ߫ ߛߌߦߊߡߊ߲߫ ߞߍ߫ ߞߵߊ߬ ߓߍ߲߬ ߊ߬ ߛߎߥߊߘߌ ߡߊ߬߸ ߊߟߎ߫ ߘߌ߫ ߡߍ߲ ߠߎ߬ ߞߎ߲ߝߊ߲ߓߐ߫ ߖߌ߬ߦߊ߬ߖߟߎ ߘߐ߫ ߦߎߕߎ߳ߓ ߣߌ߫ ߝߍߛߑߓߎߞ ߞߊ߲߬.
ߡߊ߬ߡߊ߬ߘߌ߬ ߞߊ߲ߛߊ߲ ߘߎ߲ߓߎߦߊ߫ ߞߵߊ߬ ߞߙߊ ߟߊߓߏ߬ߙߌ߫ ߟߊ߬ ߤߊߞ ߟߊ߫ ߡߙߌߦߊ߫ ߜߘߍ߫ ߝߣߊ߫ ߞߊ߲߬߸ ߞߵߊ߬ ߓߍ߲߬ ߝߐ߰ߓߍ߬ߦߊ߬ߟߌ ߔߊ߬ߔߘߊ߬ ߞߏ ߡߊ߬߸ ߞߊ߬ ߝߘߊ߫ ߟߊ߬ ߤߊߞ ߖߍ߬ߘߍ ߟߊ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߓߍߣߊ߬ ߢߊ߫ ߢߌߣߌ߲߫ ߏ߬ ߞߏ ߡߊ߬߸ ߡߍ߲ ߠߎ߬ ߡߊ߬ߞߏ ߦߴߊ߬ ߟߊ߫ ߞߵߊ߬ߟߎ߬ ߟߊ߫ ߞߘߐ߬ߡߊ߲߫ ߕߎ߬ߡߊ߬ߘߊ߫ ߕߊ߬ߡߌ߲߬ߣߍ߲ ߠߊߞߎߘߦߊ߫߸ ߥߟߴߊ߬ ߕߍ߫ ߡߍ߲ ߠߎ߬ ߓߟߏ߫߸ ߛߊ߫ ߓߍ߯ ߘߌ߫ ߛߋ߫ ߞߵߊ߬ ߛߐ߬ߘߐ߲߬ ߢߊ ߡߍ߲ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫ ߞߊ߲ߞߊ߲߫.
Aucun commentaire pour le moment.