ߓߌ߬ ߞߊ߯ߙߌ ߣߌ߲߬ ߡߊ߬ ߂߀߂߅ ߞߊ߬ߙߌ߬ߝߐ ߕߋ߬ߟߋ߫ ߂߀߸ ߕߊ ߟߋ߬ ߥߟߌ߬ ߘߊ߫ ߕߊߞߎߟߎ߲ ߘߏ߫ ߟߊ߫ ߛߎߟߊߥߋߛߌ߫ ߕߌ߲ ߞߊ߲߬ ߍ߲ߘߣߏߛߌ߫߸ ߞߊ߬ ߡߐ߰ ߟߏ߯ߟߎ߫ ߝߊ߰، ߞߵߊ߬ ߛߐ߬ߘߐ߲߬ ߡߐ߰ ߃߀߀ ߦߴߊ߬ ߞߣߐ߫߸ ߡߍ߲ ߠߎ߬ ߥߊߕߐߟߊ ߕߘߍ߬ ߡߣߊߘߏ߫߸ ߖߡߊ߬ߣߊ ߞߐ߰ߘߎ߮ ߘߐ߫.
ߍ߲ߘߣߏߛߌ߫ ߖߌ߫ ߞߊ߲߫ ߟߊߞߊ߲ߘߊߟߌߟߊ ߟߎ߬ ߞߊ߲߫ ߞߏ߫: <<ߡߐ߰ ߟߏ߯ߟߎ߫ ߟߋ߬ ߝߊ߰ߣߍ߲߫߸ ߡߐ߰ ߝߌ߬ߟߊ߬ ߦߴߏ߬ ߟߎ߬ ߘߐ߫߸ ߏ߬ ߟߎ߬ ߡߊ߫ ߛߋ߫ ߡߊߟߐ߲߫ ߠߊ߫ ߡߎߣߎ߲߬.>> ߡߐ߰ ߂߈߄ ߠߋ߬ ߓߘߊ߫ ߛߋ߫ ߡߞߊߘߊ߲߫ ߠߊ߫ ߡߎߣߎ߲߬߸ ߊ߬ߟߋ߬ ߟߊ߬ߞߊ߲߬ߘߊ߬ߟߌ ߖߋ߬ߕߌ߰ߘߊ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬. ߡߐ߰ ߛߌߦߊߡߊ߲߫ ߦߴߦߋ߲߬ ߝߟߐ߫߸ ߡߍ߲ ߠߎ߬ ߞߵߊ߬ߟߎ߫ ߕߋ߬ ߖߌ ߞߊ߲߬߸ ߛߴߊ߬ߟߎ߬ ߘߌ߫ ߞߛߌ߫ ߕߊ ߡߊ߲߬ߕߙߐ ߡߊ߬، ߛߣߐ߬ߡߐ ߡߍ߲ ߠߎ߬ ߕߍ߬ߘߍ߫ ߊ߬ߟߎ߬ ߘߊߝߍ߬ ߦߋ߲߬߸ ߏ߬ ߟߎ߫ ߞߊ߬ ߓߏ߲߬ߓߊ߬ ߞߍ߫ ߊ߬ߟߎ߬ ߡߞߊߘߊ߲ ߘߐ߫߸ ߞߊ߬ ߛߋ߫ ߛߌߦߊߡߊ߲߫ ߘߍ߬ߡߍ߲߬ ߠߊ߫ ߞߊ߬ ߜߙߋ ߡߊߛߐ߬ߘߐ߲߬.
ߖߌ߬ߦߊ߬ߖߟߎ߬ ߞߎ߲߬ߞߎ߬ߘߎ߲߬ߣߍ߲ ߡߍ߲ ߠߎ߬ ߛߐ߬ߘߐ߲߬ ߘߊ߫ ߡߣߊߘߐ߫ ߡߞߊ߬ߘߊ߲߬ߠߌ߲߬ߠߊ ߏ߬ ߘߏ߫ ߟߎ߫ ߟߊ߫߸ ߝߏ߫ ߌ ߘߌ߫ ߕߊ߫ ߛߌߛߌ ߦߋ߫ ߕߊߞߎߟߎ߲ ߞߎ߲߬ߕߍߡߊ߬߸ ߡߍ߲ ߞߵߊ߬ ߦߌ߬ߘߊ߬ ߞߏ߫ ߕߊ߫ ߘߋ߲ߣߍ߲߫ ߕߎ߲߬ ߕߍ߫ ߝߋߎ߫، ߕߋ߲߭ߕߋ߲߭ ߣߌ߲߬ ߘߐ߫߸ ߕߊ ߣߌ߲߬ ߓߐ߫ ߞߎ߲߫ ߡߊ߫ ߟߐ߲߫ ߝߟߐ߫.
ߍ߲ߘߣߏߛߌ߫ ߦߋ߫ ߖߡߊ߬ߣߊ߫ ߟߋ߬ ߘߌ߫߸ ߕߌ߲߫ ߁߇ ߀߀߀ ߦߋ߫ ߖߡߊ߬ߣߊ ߡߍ߲ ߞߣߐ߫߸ ߓߌ߬ߟߊ߬ߒ߬ߘߐ߬ߖߎ߮ ߘߏ߲߬ ߦߋ߫ ߞߍ߫ ߟߴߊ߬ ߖߌ ߟߎ߬ ߘߐ߫ ߟߋ߬ ߕߎ߬ߡߊ߬ ߛߌߦߊߡߊ߲߫، ߏ߬ ߝߊ߲߬ߓߊ ߛߓߊߓߎ ߦߋ߫ ߞߍ߫ ߟߊ߫ ߟߊ߬ߞߊ߲߬ߘߊ߬ߟߌ߬ ߓߊߟߌߦߊ ߟߋ߬ ߘߌ߫߸ ߕߊߞߎߟߎ߲ ߠߎ߬ ߣߌ߫ ߞߎߟߎ߲ ߠߎ߬ ߟߝߊ߫ ߞߏߖߎ߯ߦߊ߸ ߞߵߏ߬ ߟߊ߫ ߓߊ߲ߘߊ ߟߌ߬ߤߟߊ ߟߎ߬ ߡߊߓߏ߲߬ߧߊ߬ߓߊߟߌߦߊ ߞߊ߲߬، ߞߊ߬ߙߌ߬ߝߐ ߣߌ߲߬ ߘߊߡߌߣߊ ߟߊ߫߸ ߕߊߞߎߟߎ߲߫ ߜߘߍ߫ ߝߣߊ߫ ߥߎ߬ߦߊ߬ ߘߊ߫ ߓߊߟߌ߫߸ ߞߊ߬ ߡߐ߰ ߁߉ ߓߐ߬ߣߐ߫ ߊ߬ ߣߌ ߘߐ߫ ߦߋ߲߬، ߤߊߟߌ߬ ߕߙߊߓߊ ߟߊ߫ ߝߣߊ߫߸ ߐߛߑߕߙߊߟߌ߫ ߞߎ߲ߝߊ߲ߓߐߟߌߟߊ ߘߏ߫ ߟߎ߫ ߝߣߊ߫ ߛߊ߬ ߘߊ߫ ߞߎߟߎ߲߫ ߝߘߌ ߘߏ߫ ߘߐ߫ ߊ߬ߟߋ߬ ߕߌ߲߬ߞߎ߬ߘߎ߲߬ ߞߋߟߋ߲ ߘߐ߫ ߦߋ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.