ߓߊ߲ߜ߭ߑߟߊߘߍߛߌ߬ ߘߋ߲ߣߍ߲߫ ߛߊ߲߬ ߁߂ ߘߏ߫ ߟߋ߬ ߔߘߏ߬ߞߟߏ߬ߡߊ߬ߣߍ߲߫ ߓߋ߬ߒ߬ߞߊ߲߬ߠߌ߲߬ ߞߙߏߝߏ ߘߏ߫ ߟߊ߫ ߤߌ߲ߘߌ߬ ߖߡߊ߬ߣߊ ߞߣߐ߫߸ ߗߍ߬ ߂߀߀ ߓߋ߬ ߘߊ߫ ߡߍ߲ ߞߊ߲߬ ߞߊߙߏ߫ ߛߓߊ߬ ߞߣߐ߫.

ߘߋ߲ߣߍ߲ ߣߌ߲߬ ߛߌ߬ߞߘߊߓߌ ߦߋ߫ ߛߊ߲߬ ߁߂ ߟߋ߬ ߘߐ߫߸ ߊ߬ ߦߋ߫ ߓߐ߫ ߟߊ߫ ߓߊ߲ߜ߭ߑߟߊߘߍߛ ߟߋ߬، ߏ߬ ߟߋ ߡߞߊߘߊ߲ߣߍ߲ ߕߐ߲ߓߟߏߡߊ ߟߎ߬ ߓߟߏ߫ ߤߌ߲ߘߌ߬߸ ߞߵߊ߬ ߛߐ߬ߘߐ߲߬ ߘߏ߫ ߟߎ߫ ߓߘߴߊ߬ ߞߍ߫ ߊ߬ߟߎ߬ ߟߊ߫ ߗߍ߬ߣߌ߬ߡߛߏ߬ߦߊ߬ ߡߎߙߊ߲ ߘߌ߫ ߦߋ߲߬ ߛߋ߲߬ߢߊ߬ ߦߙߌߞߊ߫، ߊ߬ ߥߊ߫ ߘߴߊ߬ ߟߊ߫ ߓߋ߬ߒ߬ߞߊ߲߬ߠߌ߲߬ ߞߙߏߝߏ ߘߏ߫ ߟߋ߬ ߕߍ߯ ߦߋ߲߬߸ ߡߍ߲ ߠߎ߬ ߞߵߊ߬ߟߎ߫ ߛߊ߬ߥߏ ߞߍ߫ ߊ߬ ߟߊ߫ ߞߏߛߓߍ߫.

ߘߋ߲ߣߍ߲ ߡߍ߲ ߦߋ߫ ߕߋ߲߬߸ ߊ߬ ߞߵߊ߬ ߘߏ߲߰ ߊ߬ߟߎ߬ ߟߊ߫ ߟߎߡߟߊ ߡߊ߬ ߟߋ߬߸ ߞߏ߫ ߓߊߏ߬ ߊ߬ߟߎ߬ ߟߊ߫ ߞߐߖߋߓߌ ߓߘߊ߫ ߘߌ߫߸ ߊ߬ ߡߊ߫ ߛߎߘߊ߲߫، ߊ߬ ߛߌߟߊ߲߫ ߘߴߏ߬ ߟߋ ߘߐ߫ ߞߏ߫ ߣߴߊ߬ ߛߊ߬ߦߌ߲߬ ߘߊ߫ ߟߎ ߡߊ߬ ߛߌߛߍ߲߬߸ ߊ߬ ߟߊ߫ ߡߐ߱ ߟߎ߬ ߘߴߊ߬ ߜߊ߬ߛߌ߬، ߊ߬ ߥߊ߫ ߢߊ ߟߋ߬ ߞߍߣߴߊ߬ ߘߍ߬ߢߐ߲߮ ߘߏ߫ ߟߎ߫ ߓߘߊ ߏ߬ ߘߌ߫߸ ߊ߬ ߛߏ߲߬ߧߊ߬ ߘߊ߫ ߦߋ߲߬ ߠߋ߬ ߘߓߌ߬ߘߓߌ߬ ߓߟߏ ߡߊ߬ ߛߊ߫߸ ߞߊ߬ ߥߴߊ߬ ߘߌ߫ ߤߌ߲ߘߌ߬߸ ߓߊߏ߬ ߊ߬ߟߎ߬ ߟߊ߫ ߦߋ߫ ߓߐߕߏ߲߫ ߝߊ߲ ߝߍ߬ ߟߋ߬߸ ߞߊ߬ ߥߴߊ߬ ߝߋ߬ߙߋ߫ ߡߣߊ߬ߡߣߊ߬ ߞߙߏߝߏ ߘߏ߫ ߡߊ߬ ߦߋ߲߬، ߤߌ߲ߘߌ߬ ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߓߋ߬ ߞߍ߫ ߘߴߊ߬ ߞߊ߲߬ ߡߐ߰ ߂߀߀ ߟߋ߬ ߓߟߏ߫ ߞߊߙߏ߫ ߛߊ߬ߓߊ ߞߣߐ߫، ߏ߬ ߞߍ߫ ߘߊ߫ ߘߎ߱ ߡߍ߲ ߠߊ߫߸ ߏ߬ ߟߋ ߣߖߊߘ ߘߎ߱ ߘߌ߫߸ ߜ߭ߎߖ߭ߙߊߕ ߞߊ߬ߝߏ ߞߣߐ߫.

ߊ߬ ߛߋ߫ ߘߊ߫ ߡߞߊߘߊ߲߫ ߠߊ߫ ߞߊ߬ߙߌ߬ߝߐ ߕߋ߬ߟߋ߫ ߂߆ ߟߋ߬ ߡߊ߬߸ ߡߌߙߊߓߊߦߊ߲ߘߊߙ ߝ߭ߊߛߍ߫-ߝ߭ߌߙߊߙ ߕߐ߲ߓߟߏߡߊ ߟߎ߬ ߣߌ߫ ߡߐ߰ߦߊ ߡߞߊߘߊ߲߫ ߘߍ ߘߏ߫ ߟߎ߫ ߟߊ߫ ߓߊ߯ߙߊߢߐ߲߯ߦߊ ߞߣߐߡߊ߬، ߊߓߙߊߤߊߡ ߡߊߕߍ߫ ߡߍ߲ ߦߋ߫ ߡߐ߰ߦߊ ߡߞߊߘߊ߲߫ ߛߘߞ ߏ߬ ߛߌ߲ߘߌߓߊ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ <<ߛߙߎߓߊ߲ߣߍ߲ ߣߌ߲߬ ߖߍ߬ߘߍ ߡߊ߫ ߞߎ߲߬ߡߊߞߘߎ߬ ߡߎߣߎ߲߬߸ ߓߊ߬ߙߵߊ߬ ߟߊ߫ ߘߋ߲ߣߍ߲ߧߊ ߓߘߊ߫ ߘߐߕߌߢߍ߫ ߊ߬ ߡߊ߬ ߡߐ߰ ߞߙߌߞߙߊ ߟߎ߬ ߓߟߏ߫ ߕߋ߲߬ ߝߎ߯ߝߊߕߌ߫>> ߊ߬ ߞߵߊ߬ ߦߌ߬ߘߊ߬ ߝߣߊ߫ <<ߘߋ߲ߣߍ߲ ߘߏ߫ ߓߊ߯ ߡߞߊߘߊ߲߫ ߞߏߕߊ߲߫߸ ߊ߬ ߘߌ߫ ߦߋ߫ ߞߏ߫ ߊ߬ ߟߊߓߌ߬ߟߊ߬ߣߴߊ߬ ߟߊߕߊ߲߬ߞߊ߬ߓߊ߮ ߟߎ߫ ߟߋ߬ ߓߟߏ߫ ߛߎ߲ߞߎ߲ ߘߐ߫߸ ߞߊ߬ ߡߐ߰ ߟߎ߬ ߝߣߊ߫ ߕߊ ߕߎ߲߰ ߏ߬ ߟߊ߫߸ ߡߍ߲ ߠߎ߬ ߦߋ߫ ߣߊ߬ ߟߊ߫ ߕߌ߲߬ߞߊ߬ߟߐ߲ ߕߎ߬ߡߊ ߟߊ߫ ߞߘߊߎ߫ ߢߣߊߡߦߊ ߣߌ߲߬ ߞߣߐ߫.>> ߊ߬ ߞߵߏ߬ ߟߋ ߟߴߊ߬ ߟߊ߫ ߞߎߡߊ ߘߟߊ߫.

ߓߊߘߋ߲ ߠߎ߬߸ ߕߐ߲ߓߟߏߡߊ ߟߎ߬ ߓߘߊ߫ ߡߐ߰ ߕߊ߲߫ ߡߌ߬ߘߊ߫ ߕߋ߲߬߸ ߡߍ߲ ߠߎ߬ ߞߊ߬ ߓߋ߲߬ߒ߬ߞߊ߲߬ߠߌ߲ ߣߌ߲߬ ߞߍ߫، ߕߐ߲ߕߌ߯ ߣߌߞߍߕ ߞߏߛ߭ߌߞ ߞߵߊ߬ ߦߌ߬ߘߊ߬ ߞߏ߫ ߊ߬ ߘߌ߫ ߕߡߊ߬ߖߌ ߓߐ߫ ߓߍ߯ ߘߐ߫߸ ߊ߬ߟߎ߬ ߓߘߊ߫ ߘߐ߬ߛߏ߰ߙߋ߬ߟߌ ߛߌ߰ ߛߋ߲߬ߠߊ߫߸ ߊ߬ߟߎ߫ ߘߏ߲߬ ߘߌ߫ ߞߊߘߊ߲ ߓߍ߯ ߞߍ߫ ߞߵߊ߬ߟߎ߬ ߕߍ߯ ߞߍ߫ ߞߙߏ߬ߝߏ ߣߌ߲߬ ߘߏ߲߬ߞߏ ߟߎ߬ ߘߐ߫ ߘߐ߫ ߟߋ߬ ߘߍ߯߸ ߡߍ߲ ߺ ߍ ߺ ߡߍ߲߫ ߛߋ߲߬ ߦߴߊ߬ ߞߏ ߘߐ߫ ߞߊ߬ߣߌ߲߬.

ߘߋ߲ߣߍ߲ ߠߎ߬ ߤߊߞߍ߫ ߡߞߊߘߊ߲ߠߊ ߟߎ߬ ߓߘߴߊ߬ߟߎ߬ߎ ߢߊ ߡߊߖߌ߰ ߣߌ߲߬ ߞߏ ߝߍ߬߸ ߡߍ߲ ߦߋ߫ ߞߓߊߞߏ ߘߌ߫߸ ߊ߬ ߣߴߊ߬ߟߎ߬ ߦߴߊ߬ ߦߋ߫ ߟߊ߫ ߞߏ߫ ߘߌ߫߸ ߡߐ߱ ߟߎ߫ ߣߐ߬ ߊ߬ߟߎ߫ ߖߊ߲߬ߓߐ߫ ߟߊ߫ ߡߍ߲ ߞߐ߫، ߡߊߤߎ ߛ߭ߊ߲ߞߊߙ ߡߍ߲ ߦߋ߫ ߡߐ߰ߦߊ ߤߊߞߍ߫ ߡߞߊߘߊ߲ ߛߍ߬ߘߏ߲߬ߠߊ ߘߏ߫ ߘߌ߫߸ ߏ߬ ߞߊ߲߫ ߞߏ߫ <<ߘߋ߲ߣߍ߲߫ ߕߙߊߟߌߟߊ ߛߌߦߊߡߊ߲ߓߊ ߟߋ߬ ߝ߭ߊߛ߭ߌ߫߸ ߊ߬ ߣߌ߫ ߓߋߟߊߔߎߙ، ߕߎ߬ߡߊ߬ ߛߌߦߊߡߊ߲߫߸ߊ߬ߟߎ߬ ߦߋ߫ ߖߊ߬ߛߏ߲߬ ߠߴߊ߬ߟߎ߫ ߘߐ߰ߡߊ߲߬ߣߍ߲ ߠߋ߬ ߡߊ߬߸ ߞߊ߬ ߞߏ߫ ߞߍ߫ ߊ߬ߟߎ߬ ߟߊ߫߸ ߡߍ߲ ߘߴߊ߬ߟߎ߬ ߟߊ߫ ߢߣߊߡߦߊ ߘߐߞߛߐ߫ ߊ߬ߟߎ߫ ߡߊ߬.>>

߂߀߁߆ ߣߌ߫ ߂߀߂߂ ߕߍߟߊ ߘߐ߫߸ ߓߋ߬ߒ߬ߞߊ߲߬ߠߌ߲ ߡߍ߲ ߠߎ߬ ߞߍ߫ ߘߊ߫ ߤߌ߲ߘߌ߬ ߞߣߐ߫߸ ߏ߬ %߉߆ ߓߍ߯ ߞߍ߫ ߘߊ߫ ߘߋ߲ߣߍ߲ ߠߎ߬ ߟߋ߬ ߟߊ߫، ߂߀߂߂ ߞߋߟߋ߲߫ ߠߊ߫ ߡߎߣߎ߲߬߸ ߓߋ߬ ߞߍ߫ ߘߊ߫ ߡߐ߰ ߃߉ ߀߀߀ ߟߋ߬ ߞߊ߲߬ ߛߊ߲߬ ߞߋߟߋ߲ ߏ߬ ߟߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.