<<ߖߌ߬ߣߍ߫ ߣߊ߲߬ߒ߬ߕߊ߲߬ ߞߎߙߎ߲ߘߎ ߓߊߕߐߡߐ߲>> ߞߊ߬ߝߊ ߓߘߊ߫ ߓߊ߲߫ ߜߌ߬ߙߌ߲߬ߘߌ߬ ߟߊ߫ ߔߑߙߐߛߑߕߌߟ ߜߌ߬ߙߌ߲߬ߘߌ߬ߘߊ ߓߟߏ߫ (ߡߊ߬ߟߌ ߟߊ߫). ߞߊ߬ߝߊ ߏ߬ ߡߍ߲ ߦߋ߫ ߞߐߜߍ߫ ߉߆ ߢߐ߲߰ ߘߌ߫߸ ߣߴߊ߬ ߟߊߣߐ߰ߦߊ߬ߣߍ߲߫ ߞߵߊ߬ ߞߍ߫ ߖߌ߬ߣߍ߫ ߣߊ߲߬ߒ߬ߕߊ߲߬ߧߊ ߞߎ߬ߙߎ߲߬ߘߎ߬ ߓߊߖߎߟߞߊ ߟߎ߬ ߟߐ߲߫ ߛߌߟߊ߫ ߖߐ߲ߖߐ߲ ߘߌ߫ ߒߞߏ ߘߐ߫، ߊ߬ ߘߏ߲߬ ߛߓߍߣߍ߲߫ ߟߊ߬ߢߌ߬ߣߌ߲߬ ߞߋߟߋ߲߫ ߔߋ߫ ߟߋ߬ ߞߊ߲ߡߊ߬: ߛߊ߫ ߓߍ߯ ߟߊߘߍ߬ߣߍ߲ ߘߌ߫ ߖߡߊ߬ߣߊ ߛߌ߰ߝߊߘߌ ߟߐ߲߫ ߛߊ߬ߙߌ߬ߦߊ߬ ߞߏ ߘߐ߫߸ ߞߊ߬ ߓߍ߯ ߟߊߞߍ߫ ߖߡߊ߬ߣߊ ߛߊ߬ߙߌ߬ߦߊ ߟߎ߫ ߞߊ߬ߟߊߡߊ߬.

ߊ߬ ߛߓߍߦߟߊ ߟߎ߫ ߟߋ߬ ߛߏ߬ߙߌ߫ ߡߊ߲߬ߘߋ߲߬ߞߊ߫ ߞߓߊ߬ ߘߌ߫߸ ߛߓߍߦߟߊ ߟߵߏ߬ ߘߌ߫߸ ߊ߬ ߣߌ߫ ߒߞߏ ߟߊߥߊ߲߬ߞߊ߲߬ߓߊ߯ ߕߐ߯ߟߡߊ߸ ߡߍ߲ ߦߋ߫ ߞߟߌ߫ ߟߊ߫ ߞߏ߫ <<ߒߞߏ ߥߎ߬ߦߊ߲߬ߞߌ߬ߟߌ ߝߊ߬>> ߊ߬ ߣߌ߫ ߣߊߡߏ߬ߙߌ߬ ߝߏߝߣߊ߫߸ ߏ߬ ߝߣߊ߫ ߦߋ߫ ߛߊ߬ߙߌ߬ߦߊ߬ߟߐ߲߬ߠߊ߫ ߘߌ߫ ߖߌ߬ߣߍ߬ ߞߣߐ߫، ߣߌ߲߬ ߘߏ߲߬ ߕߴߊ߬ߟߎ߬ ߟߊ߫ ߓߊ߯ߙߊ߫ ߝߟߐ߫ ߘߌ߫ ߘߋ߬߸ ߊ߬ߟߎ ߟߋ߬ ߞߊ߬ <<ߖߌ߬ߣߍ߫ ߓߌ߲߬ߓߊ߬ߏ߬ ߞߎߙߎ߲ߘߎ ߟߎ߬ ߓߊߕߐߡߐ߲>> ߞߊ߬ߝߊ ߛߓߍ߫ ߂߀߂߂ ߟߊ߫߸ ߏ߬ ߡߍ߲ ߞߊ߬ ߛߘߊߞߘߎ߬ߛߘߊ ߛߐ߬ߘߐ߲߬߸ ߞߵߏ߬ ߞߎ߲߭ ߞߍ߫ ߞߎߡߊ߫ ߟߎ߫ ߦߋ ߘߴߊ߬ ߞߣߐ߫߸ ߖߡߊ߬ߣߊ߬ߘߋ߲ ߝߊ߲߬ߓߊ ߕߎ߲߬ ߕߍ߫ ߡߍ߲ ߠߎ߬ ߞߊ߬ߟߊߡߊ߬ ߞߏߟߊߕߐ߲ ߛߊ߬ߙߌ߬ߦߊ߬ ߞߏ ߘߐ߫߸ ߣߴߊ߬ ߢߊߦߋ߫ ߘߊ߫ ߓߍ߯ ߟߊߘߍ߬ߣߍ߲ ߓߟߏ߫ ߝߣߊ߫.

ߒ߬ߓߊ߬߸ ߊ߬ߟߎ߬ ߟߊ߫ ߞߝߊ߬ ߞߎߘߊ ߡߍ߲ ߝߣߊ߫ ߦߋ߫ ߣߌ߲߬߸ ߏ߬ ߦߴߊ߬ߟߎ߬ ߡߙߌߦߊ ߟߋ߬ ߡߊߢߌߣߌ߲ ߞߊ߲߬ ߝߣߊ߫ ߖߐ߫: ߣߴߏ߬ ߦߋ߫ ߛߊ߬ߙߌ߬ߦߊ ߟߎ߬ ߢߊߦߋ ߘߌ߫ ߓߍ߯ ߟߊߘߍ߬ߣߍ߲ ߓߟߏ߫߸ ߞߊ߬ ߛߋ߫ ߣߊ߲߬ߒ߬ߕߊ߲ ߠߎ߬ ߟߊ߫ ߘߎߢߊߘߐߕߍ߰ߢߊ ߟߎ߬ ߣߴߊ߬ߟߎ߬ ߟߊ߫ ߞߏߟߊߕߊ߯ߡߊ߫ ߢߊ ߟߎ߬ ߟߐ߲߫ ߠߊ߫ ߖߡߊ߬ߣߊ ߞߣߐ߫߸ ߞߊ߬ ߞߎ߲߬ߠߊ߬ߛߌ߮ ߞߎ߲߬ߘߏߣߌ߲ ߝߍߦߊ߫، ߓߊߏ߬߸ ߣߌ߫ ߓߍ߯ ߞߵߊ߬ ߕߊ߫ ߞߍߕߊ߫ ߟߐ߲߫߸ ߓߍ߯ ߦߴߊ߬ ߤߊߞߍ߫ ߝߣߊ߫ ߟߐ߲߫߸ ߖߡߊ߬ߣߊ ߘߌ߫ ߡߙߊ߬ ߘߌߦߊ߫، ߏ߬ ߘߏ߲߬ ߞߍߢߊ߫ ߡߊ߫ ߕߊ߬ߡߌ߲߫ ߖߘߍ߬ ߞߊ߲ ߞߊ߲߬߸ ߏ߬ ߟߋ ߞߵߊ߬ߟߎ߫ ߟߐ߬ ߓߊ߯ߙߊ߫ ߓߛߍ ߣߌ߲߬ ߞߍ߫ ߟߊ߫ ߒߞߏ ߘߐ߫، ߞߊ߬ߝߊ ߣߌ߲߬ ߘߌߣߊ߬ ߦߋ߫ ߟߐ߯ߝߍ ߟߎ߬ ߘߐ߫ ߞߎ߲߬ߢߐ߲߯ ߣߊ߬ߕߐ ߡߊ߬߸ ߡߍ߲ ߛߐ߲߬ߞߐ ߓߍߣߊ߬ ߞߍ߫ ߖߌ߬ߣߍ߬ ߕߊߡߊ߲ ߁߀߀ ߀߀߀ ߘߌ߫ ߝߊ߲߭ ߓߍ߯ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.