ߖߌ߫ ߞߏ ߓߘߊ߫ ߞߍ߫ ߡߊ߬ߛߎ߬ߓߊ߬ߞߏ ߘߌ߫ ߕߍߞߑߖ߭ߊߛ ߞߣߐ߫߸ ߓߊߏ߬ ߊ߬ ߓߘߊ߫ ߡߐ߰ ߂߄ ߓߐ߬ߣߐ߫ ߊ߬ ߣߌ ߘߐ߫، ߡߍ߲ ߖߍ߬ߘߍ ߖߎ߯ߡߊ߲߫ ߏ߬ ߓߍ߯ ߘߌ߫߸ ߊ߬ߟߎ߬ ߟߊ߫ ߦߋ߲߬ ߝߊ߰ߡߊ ߟߎ߬  ߞߊ߲߫ ߞߏ߫ ߡߐ߰ ߡߎ߬ߥߊ߲߬ ߣߌ߫ ߞߐ߫ ߝߣߊ߫ ߓߍ߫ ߦߋ߲߬߸ ߏ߬ ߟߎ߬ ߦߋߣߍ߲߫ ߕߍ߫ ߡߎߣߎ߲߬، ߖߌߓߐ ߣߌ߲߬ ߞߍߣߍ߲߫ ߦߙߐ ߡߍ߲ ߠߎ߬ ߘߐ߫߸ ߛߊ߲ߖߌ߫ ߓߟߏߕߍ߰ߓߊߟߌ ߟߋ߬ ߣߊ߬ ߘߊ߫ ߦߋ߲߬߸ ߡߍ߲ ߥߙߊ߬ ߘߊ߫ ߞߏߛߓߍ߫، ߏ߬ ߟߋ ߞߍ߫ ߘߊ߫ ߕߙߎ߬ ߘߌ߫ ߞߵߊ߬ߟߎ߬ ߟߊ߫ ߞߐ߬ߓߊ ߟߎ߬ ߣߴߊ߬ߟߎ߬ ߟߊ߫ ߓߊߓߊ ߟߎ߬ ߝߊ߫߸ ߝߏ߫ ߞߊ߬ ߘߏ߲߬ ߛߏ ߟߎ߬ ߞߣߐ߫، ߊ߬ ߕߌ߯ߕߌ߯߸ ߊ߬ߟߎ߬ ߟߊ߫ ߜ߭ߘߊߟߎߔ ߓߊ ߡߍ߲ ߦߋ߫ ߖߡߊ߬ߣߊ ߕߟߋ߬ߓߋ ߘߐ߫ ߛߊ߲ߕߌߦߊߜ߭ߏ߫.

ߖߌߓߐ ߣߌ߲߬ ߓߙߊ߬ ߘߊ߫ ߡߐ߱ ߟߎ߬ ߘߐ߫ ߛߐ߰ߡߊ߬ߟߊ ߄ ߕߎߡߊ ߟߋ߬ ߟߊ߫߸ ߞߊ߬ ߣߊ߬ ߞߣߐ߬ߘߐ߬ߝߟߌ ߖߍ߬ߘߍߖߍ߬ߘߍ ߘߌ߫، ߞߋߙ ߘߍ߬ߘߊ ߛߙߋ߬ߝߎ ߡߍ߲ ߕߐ߯ ߞߏ߫ ߟߊߙߌ߫ ߟߋ߬ߕߌߦߊ߫߸ ߏ߬ ߞߵߊ߬ ߦߌ߬ߘߊ߬ ߞߎߣߎ߲߬ ߛߌ߬ߣߌ߲߬ߟߏ߲ ߡߊ߬ ߞߏ߫ ߊ߬ ߝߊ߰ߓߊ߰ߕߐ ߣߴߊ߬ ߞߊ߬ߛߙߊ߬ߓߊ߰ߕߐ ߦߋ߫ ߕߊ߬ߡߌ߲߬ ߠߊ߫ ߛߌߦߊߦߊ߫ ߟߊ߫ ߟߋ߬، ߓߊߏ߬߸ ߘߋ߲ߣߍ߲߫ ߛߌߦߊߡߊ߲߫ ߠߋ߬ ߦߋ߲߬߸ ߡߍ߲ ߠߎ߬ ߦߋߣߍ߲߫ ߕߍ߫ ߡߎߣߎ߲߬، ߘߊ߲ ߔߊ߬ߕߙߌߞ ߡߍ߲ ߦߋ߫ ߞߎ߲߬ߠߊ߬ߛߌ߰ߟߊ߬ ߛߙߍߞߍ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߖߌ߫ ߞߏ ߓߘߊ߫ ߛߴߊ߬ ߓߟߊ߬ߥߎ߬ ߡߊ߬ ߝߊ߲ ߠߋ߬ ߡߊ߬ ߕߋ߲߬߸ ߖߌ߫ ߕߍ߫߸ ߢߎߡߍ߫ ߕߍ߫߸ ߜߊ߲߬ߞߎ߲߬ߠߌ߲߬ ߝߣߊ߫ ߕߍ߫.>>

ߊ߬ߟߎ߬ ߟߊ߫ ߡߐ߲ߕߐ߲ߟߐ߲ߘߐߦߟߊ ߟߎ߬ ߞߵߊ߬ ߟߊߛߋ߫ ߞߏ߫ ߖߌ ߞߊߟߌߦߊߣߍ߲߫ ߠߋ߬ ߦߟߍ߬ ߟߊ߫ ߝߋߝߋ߫߸ ߓߊߏ߬ ߡߌ߬ߛߍ߲߬ ߄߅ ߞߘߐ߫߸ ߖߌ ߞߛߊߞߊ ߦߟߍ߬ ߘߊ߫ ߟߋ߬ ߤߊ߲߯ ߜߟߊ߬ߥߊ߰ߘߋ߲߫ ߃߀߀ ߕߎ߬ߡߊ߬ߙߋ߲߬ ߞߋߟߋ߲ ߞߣߐ߫، ߖߌ߬ߦߊ ߘߏ߫ ߟߎ߫ ߦߋ߫ ߘߴߊ߲ ߓߟߏ߫ ߘߍ߬ߞߙߏߝߏ ߟߎ߫ ߞߊ߲߬߸ ߦߙߌ ߟߎ߬ ߟߊߓߋ߬ߣߍ߲߫ ߖߌ ߓߟߏ߫ ߝߊ߲߬ߞߊ ߖߍ߬ߘߍߖߍ߬ߘߍ ߘߐ߫.

ߞߎ߲߬ߠߊ߬ߛߌ߮ ߞߏ߬ߣߌ߲ ߞߵߊ߬ ߛߋߞߏ ߞߍ߫ ߣߌ߲߬ ߞߏ ߘߐ߫߸ ߓߊߏ߬ ߊ߬ߟߎ߬ ߛߋ߫ ߘߊ߫ ߡߞߊ߬ߘߊ߲߬ߠߌ߲߬ߠߊ߫ ߅߀߀ ߟߊߓߐ߫ ߟߊ߫߸ ߊ߬ ߣߌ߫ ߣߊ߯ߣߊ߯ ߁߄ ߢߐ߲߰، ߞߣߐ߬ߘߐ߬ߝߜߟߌ ߡߊ߬߸ ߘߏ߫ ߟߎ߫ ߕߍ߬ߘߍ߫ ߦߟߍ߬ ߟߊ߫ ߟߋ߬ ߦߙߌ ߟߊ߫، ߊ߬ ߖߍ߬ߘߍ߸ ߏ߬ ߡߐ߰ ߞߋߟߋ߲߫ ߛߋ߫ ߘߊ߫ ߡߞߊߘߊ߲߫ ߠߊ߫ ߣߊ߯ߣߊ߯ ߞߣߐ߫ ߡߐ߮ ߟߎ߬ ߓߟߏ߫.

ߙߐߓ ߞߋߟߌ߫ ߞߵߊ߬ ߦߌ߬ߘߊ߬ ߞߏ߫: <<ߖߌ ߦߋ߫ ߓߐ߫ ߟߊ߫ ߟߋ߬ ߦߊ߲߬ ߞߘߊߎ߫߸ ߓߊ߬ߙߌ߬ ߣߌ߲߬ ߛߋ߲߬ ߕߊ ߣߌ߲߬ ߢߐ߲߰ ߕߎ߲߬ ߡߊ߫ ߞߍ߫ ߡߎߣߎ߲߬߸ ߊ߬ ߝߊ߲߬ߞߊ ߥߙߊ߬ ߘߴߊ߬ ߓߍ߯ ߘߌ߫، ߦߙߐ ߓߍ߯ ߓߊߖߌߟߡߊ ߟߋ߬.>> ߘߎ߰ߘߋ߲߬ ߜߘߍ߫ ߝߣߊ߫ ߞߵߊ߬ ߦߌ߬ߘߊ߬ ߞߏ߫: <<ߣߌ߲߬ ߢߐ߲߰ ߕߎ߲߬ ߡߊ߫ ߘߋ߬ߙߌ߬ ߞߍ߫ ߟߊ߫ ߡߎߣߎ߲߬ ߝߋߝߋ߫.>> ߛߏߦߌߟߊ߬ ߙߋߦߌߣߊ߫ ߟߋ߬ ߞߵߏ߬ ߝߐ߫߸ ߊ߬ߟߋ ߡߍ߲ ߛߊ߲߬ ߅߅ ߦߋ߫ ߕߋ߲߬.

ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ ߞߵߊ߬ ߦߌ߬ߘߊ߬ ߞߏ߫: <<ߖߌߓߐ߫ ߘߊ߲߬ߠߊߕߊ߬ߡߌ߲߬ߣߍ߲ ߠߋ߬߸ ߡߍ߲ ߘߌ߫ ߡߐ߰ ߕߙߐ߫.>> ߊ߬ ߘߏ߲߬ ߓߘߊ߫ ߦߌ߬ߘߊ߬ ߞߏ߫ ߡߐ߰ ߂߄ ߡߍ߲ ߕߏߣߍ߲߫ ߖߌ ߘߐ߫ ߣߌ߲߬߸ ߏ߬ ߦߙߌߞߊ ߘߌ߫ ߛߋ߫ ߡߊߞߊ߬ߝߏ߬ ߟߊ߫ ߥߊ߯ߕߌ߫ ߣߊ߬ߕߐ ߟߎ߬ ߘߐ߫،ߓߊߏ߬߸ ߊ߬ ߞߏ ߝߊ߲߬ߞߊ ߦߊ߫ ߓߏ߲߬ ߞߏߛߓߍ߫ߟ ߡߐ߰ ߛߌߦߊߡߊ߲߫ ߠߋ߬ ߘߏ߲߬ ߕߎߣߎ߲ߣߍ߲߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫ߑ߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫