ߓߋ߬ ߞߏ߬ߖߎ߰ߦߊ ߟߋ߬ ߞߍߣߍ߲߫ ߖߌ߬ߣߍ߫ ߖߌ߬ߦߊ߬ߞߊ߲߬ߛߏ߬ߓߊ ߝߐ߰ߓߍ߬ߦߊ߬ߟߊ ߘߊߎߘߊ߬ ߓߊ ߞߊ߲߬߸ ߞߵߊ߬ ߥߊߕߐߟߊ ߕߏ߫ ߟߎ ߡߊ߬، ߡߊ߲߬ߞߊ߲ ߏ߬ ߟߋ ߞߍ߫ ߘߊ߫ ߕߙߎ߬ ߘߌ߫ ߞߴߊ߬ ߢߊ ߡߊߘߌߡߌ߲߫ ߞߏߖߎ߯ߦߊ ߞߍ߫߸ ߏ߬ ߞߏ ߡߊ߫ ߘߌߦߊ߫ ߖߌ߬ߣߍ߫ ߞߌ߬ߓߊ߬ߙߏ߬ߞߊ߲ߞߋ ߓߊ߯ߙߟߊ ߟߎ߬ ߦߋ߫ ߢߊ߫ ߛߌ߫ ߟߋ߬ ߡߊ߬.
ߥߢߊߞߌߦߊ߫ ߓߟߋߓߟߋ߫ ߟߋ߬ ߣߐ߬ ߖߌ߬ߣߍ߫ ߝߐ߰ߓߍ߬ߦߊ߬ߟߊ ߟߎ߫ ߛߐ߬ߘߐ߲߬ ߠߊ߫ ߞߎߣߎ߲߬، ߓߊߏ߬߸ ߘߊߎߘߊ߬ ߓߊ ߡߍ߲ ߦߋ߫ ߝߐ߰ߓߍ߬ߦߊ߬ߟߊ߫ ߘߌ߫ ߖߌ߬ߣߍ߫ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߓߋ߬ ߞߍߣߍ߲߫ ߏ߬ ߟߋ ߞߊ߲߬ ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߘߓߊ߬ߓߌߟߊ ߕߋ߬ߟߋ߫ ߂߅߸ ߁߇ߙߋ߲ ߝߊ߲߭ ߝߍ߬߸ ߓߏ߲ߓߏߟߌ߫ ߞߌ߲߬ߘߊ ߟߊ߫߸ ߤߊߡߑߘߟߊߦߌ߬ ߣߌ߫ ߓߊ߲߬ߓߋߕߏ߬ ߓߐߟߐ߲ ߘߐ߫.
ߘߊߎߘߊ߬ ߕߘߍ߬ ߔߏߔߏ ߟߋ߬ ߞߊ߲߬߸ ߊ߬ ߓߕߐߟߊ ߓߊ߯ߙߊ߫ ߦߌߟߊ߸ ߞߊ߬ ߕߊ߯ ߟߎ ߡߊ߬، ߊ߬ ߣߌ߫ ߘߋ߲ߡߌߛߍ߲߫ ߔߊߞߌߛߦߊߟߊ ߘߏ߫ ߟߎ߫ ߥߊ߫ ߘߴߊ߬ ߟߊ߫ ߢߐ߲߮ ߕߍ߯ ߛߌߟߓߊ ߞߊ߲߬، ߛߙߋ߫ ߞߎ߲߬ߝߟߐ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ ߕߏ߫ ߘߴߊ߬ ߖߘߍ߬ ߢߣߊߓߊ߯ߦߊ ߟߋ߬ ߟߊ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߝߐ߰ߓߍ߬ߦߊ߬ߟߊ߫ ߟߋ߬ ߘߌ߫߸ ߓߊ߬ߙߌ߬ ߘߏ߫ ߞߵߊ߬ ߛߐ߰ ߡߎ߬ߙߎ ߟߊ߫߸ ߊ߬ ߓߟߏߣߎߡߊ߲߫ ߢߊ ߝߍ߬، ߊ߬ ߖߐߞߌ߫ ߘߊ߫ ߞߏߖߎ߯ߦߊ߫ ߏ߬ ߟߋ ߘߐ߫߸ ߊ߬ ߡߞߊߘߊ߲߫ ߘߊ߫ ߞߊ߬ ߕߊ߯ ߊ߬ ߘߌ߫ ߛߌߣߏ߫ ߖߌߣߋߦߍ߲ ߘߊ߲ߘߊߛߏ ߟߊ߫ ߞߊߟߌߦߊ߫ ߘߐ߫߸ ߏ߬ ߞߐߝߍ߬ ߊ߬ ߟߊߕߊ߯ ߘߊ߫ ߘߐ߲ߞߊ߬ ߘߊ߲ߘߊߛߏ ߟߊ߫߸ ߘߊ߲ߘߊߟߌ߫ ߓߟߏߡߊߞߊ߬ߣߍ߲ ߞߍ߫ ߞߊ߲ߡߊ߬.
ߊ߬ ߡߊߘߌߡߌ߲ߣߍ߲߫ ߢߊ ߡߍ߲߸ ߕߏߟߏ߲߫ ߞߏ߫ ߕߍ߫߸ ߓߊߏ߬ ߊ߬ ߢߊ߫ ߞߋߟߋ߲ ߕߌߢߍߣߍ߲߫ ߠߋ߬، ߓߐߛߎ߲ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫ ߞߊ߬ ߝߘߊ߫ ߍߙ.ߕߋ.ߖ߭ߋ ߞߣߐߟߊ ߟߊ߫߸ ߞߏ߫ ߊ߬ ߞߍߣߍ߲߫ ߦߏ߫ ߕߊ߯ߡߊ ߘߏ߫ ߟߎ߫ ߓߘߊ߫ ߛߌ߰ ߛߋ߲߬ߠߊ߫߸ ߖߐ߲߰ߛߴߊ߬ ߘߌ߫ ߛߋ߫ ߟߊߓߐ߫ ߟߊ߫ ߢߊ ߡߍ߲ ߡߊ߬߸ ߊ߬ ߥߊ߫ ߦߙߐ߫ ߞߏ߬ߣߌ߲ ߡߊ߫ ߟߐ߲߫ ߝߟߐ߫.
ߖߌ߬ߣߍ߫ ߞߌ߬ߓߊ߬ߙߏ߬ ߓߊ߰ߙߊ߬ߟߊ ߟߎ߬ ߓߘߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬ ߣߌ߲߬ ߞߏ ߘߐ߫߸ ߓߍ߯ ߦߋ߫ ߞߎߡߊ ߟߊ߫ ߊ߬ ߞߊ߲߬، ߓߊߏ߬߸ ߣߌ߲߬ ߛߎ߮ ߞߍߟߌ ߡߊ߲߫ ߛߌߦߊ߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߖߌ߬ߣߍ߬ ߞߣߐ߫ ߦߊ߲߬، ߓߍ߯ ߦߋ߫ ߟߊ߬ߖߍ߲߬ߛߍ߲߬ߠߌ߲ ߠߎ߬ ߞߊ߲߬߸ ߡߙߌߦߊ߫ ߦߌߘߊ ߟߎ߫ ߞߊ߲߬، ߣߌ߲߬ ߓߘߊ߫ ߕߊ߬ߡߌ߲߫ ߊ߬ ߦߌ߬ߘߊ߬ ߟߊ߫ ߞߏ߫ ߞߏ߫ ߛߌߦߊߡߊ߲߫ ߠߋ߬ ߝߐ߰ߓߍ߬ߦߊ߬ߟߌ ߓߊ߯ߙߊ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.