ߕߊߟߓߌ ߘߊߓߏ߫ ߦߋ߫ ߞߏߢߌߡߊߟߐ߲߫ ߕߊ߯ߡߊ߫ ߡߐ߬ߟߐ߲߬ߡߊ߬ߓߊ߫ ߟߋ߬ ߞߊ߲߬ ߞߊ߲ߞߊ߲߫ ߞߣߐ߫ ߕߋ߲߬߸ ߞߙߎߞߊ߫ ߝߊ߲߬ߞߊ߬ߕߌ߰ ߞߘߐ ߕߐ߯ ߘߐ߫߸ ߖߌ߬ߣߍ߫ ߡߌ߬ߙߌ߲߬ߘߌ߫߬ ߟߊ߬ߘߍ (ߖ.ߡ.ߟ)، ߞߊ߬ߕߎ߲߯߸ ߊ߬ ߘߐߞߕߌ ߞߐ߫ ߊ߬ ߓߟߏ߫ ߞߏ߫ ߡߐ߰ ߛߌߦߊߡߊ߲߫ ߠߋ߬ ߞߙߎߞߊ ߣߌ߲߬ ߘߐ߫ ߓߌ߬߸ ߡߍ߲ ߠߎ߬ ߡߊ߫ ߛߍ߬ߘߏ߲ ߘߊߡߌ߬ߣߊ߫ ߓߌ߬߸ ߊ߬ߟߎ߬ ߓߘߊ߫ ߛߍ߬ ߛߌߦߊߡߊ߲߫ ߘߏ߲߬ ߞߙߎߞߊ ߦߋ߫߸ ߞߵߊ߬ߟߎ߬ ߛߋߞߏ߫ ߛߌߦߊߡߊ߲߫ ߞߍ߫، ߏ߬ ߟߋ ߘߐ߫߸ ߊ߬ ߓߘߊ߫ ߡߙߌߘߐ߫ ߛߊߣߌ߲߫ ߕߊ߬߸ ߞߏ߫ ߝߏ߫ ߞߵߏ߬ ߟߎ߬ ߟߊ߫ ߛߍ߰ ߞߍߣߍ߲ ߏ߬ ߟߎ߬ ߟߐ߲߫ ߊ߬ߟߎ߬ ߦߋ߫ ߟߋ߬߸ ߞߊ߬ ߣߌ߫ ߞߎߘߊ߫ ߘߏ߲߬ ߊ߬ߟߎ߬ ߘߐ߫ ߞߙߎߞߊ ߛߍ߬ߘߏ߲ ߘߐ߫. ߏ߬ ߟߋ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫: <<ߘߏ߫ ߟߎ߫ ߓߘߊ߫ ߛߊ߬߸ ߘߏ߫ ߟߎ߫ ߡߊ߲ߞߍ߲ߘߍ߫߸ ߊ߲ ߣߊ߬ߣߍ߲߫ ߏ߬ ߟߎ߫ ߟߋ߬ ߝߏ߬ ߦߌߟߊ،>>

A group of people sitting in chairs, some wearing yellow scarves around their necks, with one man holding a certificate that reads 'SATISFECIT'. The setting appears to be a community event or gathering.

ߣߌ߲߬ ߞߏ ߘߊߞߎ߲ ߘߐ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬ ߞߊ߲ߞߊ߲߫ ߞߌ߲߬ߘߊ߫ ߛߓߊ߬ ߞߣߐ߫߸ ߊ߬ ߞߊ߬ ߖ.ߡ.ߟ ߞߙߎߞߊ ߡߐ߰ߓߊ߬ߞߘߐ ߟߎ߬ ߣߴߊ߬ ߖߊ߲߬ߞߊ߬ߙߏ߬ߕߐ ߟߎ߬ ߣߴߊ߬ ߛߊ߬ߓߊ߰ߕߐ ߟߎ߬ ߛߐ߫ ߞߐ߲ߘߐ߲߫ ߘߐߜߍ߫ ߟߊ߫߸ ߊ߬ߟߎ߬ ߟߊ߫ ߛߍ߬ߘߏ߲߬ ߞߍߣߍ߲߫ ߞߘߐ߬ߡߊ߲ ߠߎ߬ ߞߏߛߐ߲߬، ߡߊ߬ߘߌ߬ߣߊ߬ ߞߎߘߊ߫ ߞߌ߲߬ߘߊ ߟߊ߫߸ ߡߐ߰ ߣߊ߯ߣߌ߲߫ ߛߐ߫ ߘߊ߫ ߞߐ߲ߘߐ߲ ߘߐ߫ ߦߋ߲߬߸ ߞߊ߬ ߡߐ߰ ߇ ߛߐ߫ ߞߐ߲ߘߐ߲ ߘߐ߫ ߘߊ߬ߟߊߞߐ߬، ߥߊߟߢߌߡߊߟߐ߲߫ ߛߙߋߓߍ ߘߌ߫ ߘߊ߫ ߡߐ߰ ߁߀ ߠߋ߬ ߡߊ߬ ߕߌ߲߬ߓߏ߬، ߘߌ߲߬ߞߌߙߊ ߏ߬ ߟߎ߬ ߓߍ߯ ߘߐ߫߸ ߞߐ߲ߘߐ߲ ߠߊߕߊ߬ߡߌ߲߬ ߘߊ߫ ߗߋߘߋ߲ ߠߎ߬ ߟߋ߬ ߓߟߏ߫߸ ߞߵߏ߬ ߟߊ߫ ߛߓߍߝߙߏߞߏ ߘߏ߫ ߞߊ߲߬߸ ߊ߬ ߣߌ߫ ߞߎߡߊߓߘߊ߫ ߞߋߟߋ߲߫߸ ߖߐ߲߰ߛߴߊ߬ߟߎ߬ ߘߌ߫ ߛߋ߫ ߞߙߎߞߊ ߟߊ߫ ߟߌ߬ߤߟߊ ߟߎ߬ ߟߊߡߍ߲߫ ߠߊ߫ ߞߎߡߊߛߏ ߟߎ߬ ߟߊ߫.

An elderly man in traditional attire speaking to a group gathered around him, with microphones from various media outlets in front of him and audience members attentively listening.

ߊ߬ ߞߵߊ߬ ߦߌ߬ߘߊ߬ ߞߏ߫ ߖ.ߡ.ߟ ߘߋ߬ߙߌ߬ߣߊ߲߬ߞߏ߬ ߞߘߐ ߟߋ߬ ߞߏߢߌߡߊߟߐ߲ ߢߌ߲߬ ߘߌ߫، ߞߊ߬ߕߎ߲߯߸ ߞߏ߫ ߖ.ߡ.ߟ ߡߊ߫ ߢߌ߬ߣߴߊ߬ ߞߊ߬ߣߌ߲߬ߓߊ߰ ߛߌ߫ ߞߐ߫، ߡߍ߲ ߞߍߣߴߊߟߎ߫ ߦߋ߫ ߣߌ߲߬߸ ߊ߬ ߡߊ߲߫ ߓߏ߲߬߸ ߓߊ߬ߙߵߊ߬ ߦߋ߫ ߥߊߟߢߌߡߊߟߐ߲ ߠߋ߬ ߘߴߊߟߎ߫ ߦߋ߫߸ ߞߵߊ߬ ߓߍ߲߬ ߊߟߎ߫ ߟߊ߫ ߛߍ߰ ߞߍߣߍ߲ ߠߎ߬ ߡߊ߬ ߞߙߎߞߊ ߣߌ߲߬ ߘߐ߫ ߛߊ߲߬ ߦߙߌߞߊ߫ ߛߍ߬ߘߏ߲ ߘߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߕߐ߬ߣߐ ߦߋ߫ ߥߊߟߢߌߡߊߟߐ߲ ߠߊ߫߸ ߞߊ߬ ߓߍ߯ ߟߊ߫ ߛߍ߰ ߞߍߣߍ߲߫ ߟߐ߲߫ ߊ߬ ߦߋ߫. ߞߊ߬ ߓߊ߲߫߸ ߞߏ߫ ߡߍ߲ ߠߎ߬ ߛߐߣߍ߲߫ ߞߐ߲ߘߐ߲ ߠߊ߫ ߣߌ߲߬߸ ߏ߬ ߦߋ߫ ߣߌ߲߬ ߓߌ߬ߟߴߊ߬ߟߎ߬ ߟߊ߫ ߞߘߐ߬ߡߊ߲ ߠߎ߬ ߘߐ߫߸ ߞߵߊ߬ ߓߌ߬ߟߴߊ߬ߟߎ߬ ߟߊ߫ ߓߘߍ߬ߓߘߍ߬ߟߌ ߘߐ߬ߝߐ ߘߐ߫.

ߕߊ߯ߡߊ ߟߊߝߟߐ߫ ߘߴߊ߬ߟߎ߬ ߓߟߏ߫ ߖ.ߡ.ߟ ߘߏ߲߬ߖߟߎ߬ߡߊ߬ߟߌ߬ߟߊ߬ ߞߘߐ߸ ߞߏ߲߬ߓߏ ߎߡߊߙ ߞߊ߬ߓߊ ߓߘߊ ߟߋ߬߸ ߊ߬ߟߎ߫ ߞߊ߬ ߓߏ߲߬ߧߊ߬ ߘߐ߬ߜߍ߫ ߞߍ߫ ߦߋ߲߬.

A group of people seated outdoors, including women in brightly colored traditional attire and headscarves, with children and adults in the background observing an event.

ߞߏߢߌߡߊߟߐ߲ ߣߌ߲߬ ߘߐ߫߸ ߡߐ߱ ߟߎ߬ ߛߍߥߊ߫ ߘߊ߫ ߞߏߛߓߍ߫߸ ߊ߬ ߞߏ ߘߌߦߊ߫ ߘߊ߫ ߞߙߎߞߊ ߛߍ߬ߘߏ߲߬ߠߊ߬ ߞߘߐ ߟߎ߬ ߦߋ߫، ߊ߬ ߖߍ߬ߘߍ߸ ߞߙߎߞߊ ߛߍ߬ߘߏ߲߬ߠߊ߫ ߞߘߐ߫ ߡߛߏ߬ߡߊ߲ ߘߏ߫ ߟߎ߫ ߕߘߍ߬ ߞߣߍ ߞߊ߲߬߸ ߡߍ߲ ߠߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ ߝߍ߬߸ ߣߌ߫ ߢߣߊߕߊߟߌ ߞߵߊ߬ ߛߐ߬ߘߐ߲߬ ߞߊ߬ߙߊ߲߬ߝߊ ߊߟߌߝߊ߫ ߡߊ߫ ߣߊ߬߸ ߞߏ߫ ߕߊߟߓߌ ߘߊߓߏ߫ ߦߋ߫ ߞߍ߫ ߞߙߎߞߊ ߢߍߡߐ߮ ߘߌ߫.

ߕߊߟߓߌ ߞߏ߬ߣߌ߲ ߞߵߊ߬ ߦߌ߬ߘߊ߫ ߏ߬ ߖߋ߬ߓߌ ߘߐ߫ ߞߏ߫ ߊߟߊ߫ ߕߊ߲ߘߏ ߟߵߏ߬ ߘߌ߫߸ ߓߊߏ߬ ߛߍߥߊ ߞߊ߲ ߠߋ߬߸ ߛߍߥߊߓߊ߯ߕߐ ߘߏ߲߬ ߦߴߊ߬ ߓߍ߯ ߟߋ߬ ߝߐ߫ ߟߊ߫.

ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.