ߘߋ߲߫ ߞߏ ߘߌ߫ ߡߏ߬ߛߏ ߟߊߛߋ߫ ߞߏ߫ ߡߊ߬߸ ߘߋ߲߫ ߞߏ ߟߋ߬ ߒ߬ ߣߊߡߛߏ ߟߎ߬ ߣߌߞߎ߲ ߘߌ߫ ߘߎߢߊ߫ ߣߌ߲߬ ߘߐ߫، ߝߊ߲ߕߊ߬ ߖߊ߰ߓߌ ߟߋ߬ ߓߣߐ߬ ߘߴߊ߬ ߣߌ ߘߐ߫ ߂߀߂߆ ߓߌ߲ߠߊߥߎߟߋ߲ ߕߟߋ߬ ߁߄ ߡߊ߬ ߞߊ߲ߞߊ߲߫ ߘߊ߲ߘߊߛߏߓߊ ߟߊ߫߸ ߞߵߏ߬ ߞߎ߲߭ ߞߍ߫ ߘߐ߬ߓߛߏ߬ߟߌ ߘߏ߫ ߞߐߝߟߌ ߘߌ߫، ߡߏ߬ߛߏ ߣߌ߲߬ ߞߍ߲ߘߍ ߟߋ߬ ߕߘߍ߬ ߊ߬ ߛߋ߲߭ ߞߎ߲߬ߘߐ߫߸ ߘߋ߲߫ ߞߏ߫ ߛߐߢߐ߲ ߠߋ߬ ߞߵߊ߬ ߟߐ߬ ߊ߬ ߞߎ߲߬ߛߌ߲߬ ߠߊ߫ ߘߊ߲ߘߊߟߌߟߊ ߟߎ߬ ߟߊ߫߸ ߖߐ߲߰ߛߴߊ߬ ߘߴߊ߬ ߓߐ߲ߛߐ߲ ߠߎ߬ ߡߊߞߊ߬ߝߏ߬ ߢߊ ߡߍ߲ ߡߊ߬.

<<ߒ ߡߏ߬ߛߏ ߞߊ߲߫ ߒ ߧߋ߫ ߞߏ߫ ߘߋ߲߫ ߟߐ߮ ߦߴߊ߬ ߟߊ߫߸ ߒ ߞߏ߫ ߊ߬ ߦߋ߫ ߒ ߞߏ߫ ߊ߬ ߦߴߊ߬ ߛߓߊߙߌ߫߸ ߣߌ߫ ߘߋ߲ߞߏ߫ ߥߊ߯ߕߌ ߛߋ߫ ߘߊ߫߸ ߘߋ߲ ߘߌ߫ ߛߐ߬ߘߐ߲߬߸ ߊ߬ ߞߊ߬ ߡߎ߲߬ ߠߋ߬ ߝߐ߫߸ ߞߏ߫ ߘߋ߲߫ ߟߐ߮ ߞߏ߬ߣߌ߲ ߦߴߊ߬ߟߋ ߟߊ߫ ߝߋߎ߫، ߊ߲ ߠߊ߫ ߞߎߡߊ߫ ߏ߬ ߟߋ߬ ߞߐ ߘߐ߫߸ ߊ߬ ߞߊ߬ ߒ ߞߟߌ߫ ߞߏ߫ ߊ߬ ߓߘߊ߫ ߓߐ߫ ߊ߬ ߟߊ߫ ߘߊ߲ߘߊߟߌߟߊ ߓߘߊ߫߸ ߓߊߏ߬߸ ߏ߬ ߞߵߊ߬ ߕߘߍ߬ ߒߠߋ ߦߋ߫ ߕߊ߯ߡߊ ߟߋ߬ ߘߐ߫߸ ߒ ߓߐ߫ ߘߊ߫ ߦߋ߲߬ ߠߋ߬ ߞߣߵߊ߬ ߛߐ߬ߘߐ߲߬ ߊ߬ ߖߊ߲߬ߞߊ߬ߙߏ߬ߕߐ߬ ߘߐ߲ߘߐ߲ ߦߋ߫ ߘߊ߬ߟߊ-ߞߐ߫ ߘߊ߲ߘߊߛߏ ߘߏ߫ ߟߊ߫.>>

ߘߋ߲ߞߍ߫ ߝߌ߬ߟߊ߫ ߟߋ߬ ߒ߬ ߣߊߡߛߏ ߣߌ߲߬ ߓߟߏ߫߸ ߡߍ߲ ߘߏ߫ ߛߌ߬ߞߛߊߓߌ ߘߌ߫ ߛߊ߲߬ ߁߇ ߓߐ߫ ߕߋ߲߬، ߞߵߊ߬ ߓߍ߲߬ ߘߊ߲ߘߊߟߌ ߡߊ߬ߝߟߍ߬ߟߌ߬ ߦߙߐ߬ ߓߟߏߡߊߞߊ߬ߣߍ߲ ߠߎ߬ ߣߊ߭ ߡߊ߬ ߞߊ߲ߞߊ߲߫߸ ߛߊ߬ߓߊ߰ߕߐ ߛߐ߰ ߘߊ߫ ߡߊ߬ߝߟߍ߬ߟߌ ߟߋ߬ ߡߊ߬ ߡߎߣߎ߲߬߸ ߞߵߊ߬ ߟߐ߲߫ ߞߏ߫ ߞߋߟߋ߲ ߡߍ߲ ߦߴߊ߬ ߟߊ߫ ߘߋ߲߫ ߞߏ ߟߢߊߙߊ߲߫ ߠߊ߫، ߊ߬ ߓߊ߲ ߞߐ ߡߊ߬ߝߟߍ߬ߟߌ ߟߊ߫߸ ߊ߬ ߦߌ߬ߘߊ߬ ߘߴߊ߬ ߟߊ߫ ߞߏ߫ ߊ߬ ߘߌ߫ ߛߋ߫ ߘߋ߲ ߛߐ߬ߘߐ߲߬ ߠߊ߫߸ ߤߊߟߌ߬ ߣߴߊ߬ ߦߋ߫ ߝߌ߬ߟߊ߬ߣߍ߲ ߠߋ߬ ߞߐ߫߸ ߏ߬ ߓߍ߯ ߘߌ߫ ߛߋ߫ ߓߍ߲߬ ߠߊ߫، ߊ߬ ߓߌ߬ߟߊ߬ ߘߊ߫ ߘߊ߲ߘߊߟߌ߫ ߓߏ߲ߣߍ߲߫ ߞߋ߬ߟߋ߲߬ߠߊ߬ߓߌߟߊ ߘߏ߫ ߛߊߓߎ߫ ߘߐ߫ ߘߊ߬ߟߊ ߺ ߟߊ߫، ߊ߲ ߡߊ߫ ߡߍ߲ ߘߊ߲ߘߊߟߌߟߊ ߕߐ߯ ߟߐ߲߫߸ ߊ߬ ߟߊ߫ ߓߊ߯ߙߊ߫ ߦߙߐ ߝߣߊ߫ ߕߍ߫ ߝߊ߬ߘߌ߬ ߘߐ߫߸ ߡߐ߰ ߘߴߊ߬ ߟߐ߲߫ ߡߍ߲ ߡߊ߬ ߞߏ߫ ߦߋ߲߬ ߦߋ߫ ߘߊ߲ߘߊߟߌ߫ ߦߙߐ߫ ߘߌ߫، ߒ߬ߓߊ߬߸ ߡߏ߬ߛߏ ߟߊ߫ ߘߊ߲ߘߊߟߌ ߓߊ߯ߙߊ ߞߍ߫ ߘߊ߫ ߦߋ߲߬ ߠߋ߬ ߛߊ߫.

<<ߒ ߖߍ߬ߘߍ ߥߊ߫ ߘߴߊ߬ ߛߐ߬ߘߐ߲߬߸ ߊ߬ ߢߊߖߌߡߊ߲ߕߐ ߟߋ߬ ߦߋ߫ ߘߎ߱ ߡߊ߬߸ ߏ߬ ߓߟߏߡߊ߬߸ ߒ ߞߵߊ߬ ߕߊ߬ ߏ߬ ߢߊ ߟߋ߫ ߡߊ߬ ߞߊ߬ ߘߊ߲ߘߊߛߏߓߊ ߡߊߜߍ߲߫߸ ߏ߬ ߟߎ߫ ߟߊ߫ ߡߊ߬ߝߟߍ߬ߟߌ ߟߎ߬ ߞߐߝߟߌ ߞߵߊ߬ ߦߌ߬ߘߊ߫ ߒ ߠߊ߫߸ ߞߏ߫ ߊ߬ ߞߊ߫ ߞߊ߲߫ ߠߋ߬ ߞߊ߬ ߘߐߓߛߏ߫߸ ߒ ߞߵߊ߬ ߘߐߢߌ߬ߣߌ߲߬ߞߊ߫߸ ߒ ߞߏ߫ ߊ߲ ߧߋ߫ ߊ߬ ߞߏ ߞߍ߫ ߟߊ߫ ߘߌ߬؟ ߊ߬ ߞߊ߲߫ ߒ ߡߊ߬ ߞߏ߫ ߊ߲ ߧߴߊ߬ ߕߏ߫߸ ߞߵߊ߬ ߘߐߓߛߏ߫߸ ߊ߲ ߕߏ߫ ߘߊ߫ ߏ߬ ߟߋ߬ ߘߐ߫߸ ߖߊ߲߬ߞߊߙߏ ߦߴߊ߬ ߞߊ߲߬ ߞߊ߬ ߜߟߍ߬ߦߊ߫߸ ߖߌ ߦߋ߫ ߡߌ߲߬ ߠߊ߫߸ ߥߊ߫ ߕߍ߫ ߞߍ߫ ߟߊ߫ ߢߍ߲߯ ߠߊ߫߸ ߞߣߐ ߘߏ߲߬ ߦߴߊ߬ ߞߊ߲߬ ߞߊ߬ ߝߍ߫ ߊ߬ ߟߊ߫، ߡߊ߬ߢߌ߬ߡߊ߬ߞߏ߬ ߞߊ߲߬ ߕߍ߫ ߦߋ߲߬ ߓߎ߬ߕߎ߲߫߸ ߡߍ߲ ߕߍ߫ ߝߐ߫ ߟߴߊ߬ ߓߟߏ߫߸ ߘߐ߬ߓߛߏ߬ߟߌ ߞߏ߬ߣߌ߲ ߞߍ߫ ߘߊ߫ ߟߋ߬ ߝߋߎ߫.>>

ߞߵߊ߬ ߓߍ߲߬ ߘߊ߲ߘߊߟߌ ߞߍߢߊ ߡߊ߬ ߘߊ߲ߘߊߟߌ߫ ߓߏ߲ߣߍ߲ ߣߌ߲߬ ߘߊ߲ߘߊߟߌߟߊ ߓߟߏ߫߸ ߘߌߡߌ߲ ߦߋ߫ ߕߊ߬ߡߌ߲߬ ߠߊ߫ ߡߊߞߊ߬ߝߏ߬ ߟߊ߫، ߞߏ ߟߎ߬ ߥߊ߫ ߢߊ ߡߊ߫ ߗߍ߭ ߘߌߦߊ߫، ߓߊߏ߬߸ ߛߎ ߟߊߕߊ߬ߡߌ߲߬ ߘߊ߫ ߝߊ߬ߘߌ߫ ߟߋ߬ ߘߐ߫߸ ߡߍ߲ ߡߊ߫ ߓߍ߲߬، ߏ߬ ߟߋ ߞߊ߬ ߞߊߘߍߙ ߖߊ߰ߓߌ ߟߐ߬ ߊ߬ ߡߏ߬ߛߏ ߕߊ߬ ߟߊ߫ ߞߵߊ߬ ߞߎ߲߬ߛߌ߲߫ ߘߊ߲ߘߊߟߌߟߊ߫ ߜߘߍ߫ ߟߊ߫ ߡߎߣߎ߲߬߸ ߏ߬ ߟߊ߫ ߡߊ߬ߝߟߍ߬ߟߌ ߞߐߝߟߌ ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߊ߬ ߕߊ߯ ߘߊ߲ߘߊߛߏߓߊ ߟߋ߬ ߟߊ߫ ߞߊߟߌߦߊ߫ ߓߟߏ ߡߊ߬.

<<ߒ ߖߍ߬ߘߍ ߥߊ߫ ߘߴߊ߬ ߛߐ߬ߘߐ߲߬߸ ߊ߬ ߢߊߖߌߡߊ߲ߕߐ ߟߋ߬ ߦߋ߫ ߘߎ߱ ߡߊ߬߸ ߏ߬ ߓߟߏߡߊ߬߸ ߒ ߞߵߊ߬ ߕߊ߬ ߏ߬ ߢߊ ߟߋ߫ ߡߊ߬ ߞߊ߬ ߘߊ߲ߘߊߛߏߓߊ ߡߊߜߍ߲߫߸ ߏ߬ ߟߎ߫ ߟߊ߫ ߡߊ߬ߝߟߍ߬ߟߌ ߟߎ߬ ߞߐߝߟߌ ߞߵߊ߬ ߦߌ߬ߘߊ߫ ߒ ߠߊ߫߸ ߞߏ߫ ߊ߬ ߞߊ߫ ߞߊ߲߫ ߠߋ߬ ߞߊ߬ ߘߐߓߛߏ߫߸ ߒ ߞߵߊ߬ ߘߐߢߌ߬ߣߌ߲߬ߞߊ߫߸ ߒ ߞߏ߫ ߊ߲ ߧߋ߫ ߊ߬ ߞߏ ߞߍ߫ ߟߊ߫ ߘߌ߬؟ ߊ߬ ߞߊ߲߫ ߒ ߡߊ߬ ߞߏ߫ ߊ߲ ߧߴߊ߬ ߕߏ߫߸ ߞߵߊ߬ ߘߐߓߛߏ߫߸ ߊ߲ ߕߏ߫ ߘߊ߫ ߏ߬ ߟߋ߬ ߘߐ߫߸ ߖߊ߲߬ߞߊߙߏ ߦߴߊ߬ ߞߊ߲߬ ߞߊ߬ ߜߟߍ߬ߦߊ߫߸ ߖߌ ߦߋ߫ ߡߌ߲߬ ߠߊ߫߸ ߥߊ߫ ߕߍ߫ ߞߍ߫ ߟߊ߫ ߢߍ߲߯ ߠߊ߫߸ ߞߣߐ ߘߏ߲߬ ߦߴߊ߬ ߞߊ߲߬ ߞߊ߬ ߝߍ߫ ߊ߬ ߟߊ߫، ߡߊ߬ߢߌ߬ߡߊ߬ߞߏ߬ ߞߊ߲߬ ߕߍ߫ ߦߋ߲߬ ߓߎ߬ߕߎ߲߫߸ ߡߍ߲ ߕߍ߫ ߝߐ߫ ߟߴߊ߬ ߓߟߏ߫߸ ߘߐ߬ߓߛߏ߬ߟߌ ߞߏ߬ߣߌ߲ ߞߍ߫ ߘߊ߫ ߟߋ߬ ߝߋߎ߫.>>

ߓߊ߯ߙߊ ߏ߬ ߟߎ߬ ߓߍ߯ ߞߐ ߘߐ߫ ߘߊ߲ߘߊߛߏ ߟߊ߫߸ ߒ߬ ߣߊߡߛߏ߫ ߝߊ߲ߕߊ߬ ߖߊ߰ߓߌ ߟߊߓߊ߲߫ ߘߊ߫ ߛߊ߬ߦߊ ߟߋ߬ ߡߊ߬، ߘߊ߲ߘߊߟߌߟߊ ߟߎ߬ ߡߊ߫ ߟߊ߬ߛߋ߬ߟߌ߬ ߞߟߊߒߞߋ߫ ߞߍ߫ ߣߌ߲߬ ߞߏ ߞߊ߲߬ ߜߍ ߘߐ߫ ߥߛߊߞߙߊ߫߸ ߞߎߡߊߕߍ߫ ߞߍ߲ߘߍߦߊ ߞߎ߲߬ߠߊ߬ߛߌ߰ ߜߘߍ ߕߐ߭ ߟߎ߫ ߡߊ߬، ߛߎ߬ߕߌ߮ ߟߎ߫ ߞߏ߬ߣߌ߲ ߠߊ߫ ߖߙߊ߬ߞߌ߬ߟߌ ߦߋ߫ ߖߐ߲߫ ߞߊ߲߬߸ ߏ߬ ߟߋ ߘߊ߲ߘߊߟߌߟߊ߫ ߝߟߐߡߊ ߘߌ߫ ߘߊ߲ߘߊߟߌ߫ ߓߏ߲ߣߍ߲ ߞߣߐ߫، ߏ߬ ߟߋ ߖߍ߬ߘߍ ߝߣߊ߫ ߞߏߛߐ߲߬߸ ߛߎ߭ ߘߏ߲߬ ߕߎߡߊ ߘߌߦߊߜߏߦߊ ߊ߬ߟߎ߫ ߞߊ߲߬߸ ߏ߬ ߡߊ߫ ߘߌߦߴߊ߬ߟߎ߬ ߦߋ߫ ߢߊ߫ ߛߌ߫ ߡߊ߬، ߓߊߏ߬߸ ߏ߬ ߟߋ ߣߊ߬ ߘߊ߫ ߛߌߞߊ ߣߌ߫ ߓߎ߬ߘߎ߲ ߘߌ߫ ߣߌ߲߬ ߞߏ ߘߐ߫.

<<ߓߊ߬ߙߌ߫߸ ߊ߬ ߞߍ߫ ߘߊ߫ ߡߊ߬ߢߌ߬ߡߊ߬ߞߏ ߘߊ߲߭ ߠߋ߬ ߘߌ߫߸ ߜߟߍ߬ߦߊ ߥߙߊ߬ ߞߏ߬ߖߎ߮ ߡߊ߬߸ ߕߎ߬ߡߊ ߘߏ߫ ߛߋ߫ ߘߊ߫߸ ߊ߬ߟߋ ߖߍ߬ߘߍ ߞߊ߲߫ ߒߠߋ ߡߊ߬ ߕߊ߲߬ ߞߏ߫ <<ߞߊߘߍߙ ߗߍ߭ ߣߌ߲߬ ߦߋ߫ ߡߐ߰ ߝߊ߰ ߟߊ߫ ߟߋ߬ ߘߌ߫>> ߊ߬ ߓߐ߫ ߘߊ߫ ߘߊ߲ߘߊߟߌߟߊ ߡߍ߲ ߓߘߊ߫ ߘߊ߬ߟߊ-ߞߐ ߞߊ߬ߣߌ߲߬߸ ߏ߬ ߟߋ߬ ߞߏ߫ ߦߴߊ߬ ߓߟߴߏ߬ ߘߌ߫߸ ߞߎߡߊ߫ ߏ߬ ߝߐ ߡߊ߫ ߕߊ߬ߡߌ߲߬ ߡߌ߬ߛߍ߲߬ ߃߀ ߞߊ߲߬߸ ߡߏ߬ߛߏ ߞߊ߬ ߟߊ߬ߕߍ߰ ߞߍ߫، ߡߏ߬ߛߏ ߟߊ߫ ߟߊ߬ߕߍ߮ ߞߐ ߟߋ߬ ߘߐ߫ ߛߊ߫.
ߒߠߋ ߖߍ߬ߘߍ ߞߊ߬ ߘߋ߲ ߠߎ߬ ߞߟߌ߫ ߞߵߊ߬ߟߎ߬ ߣߊ߫ ߛߊ߲߬ߞߊ ߟߊߕߋ߬ ߊ߬ߟߎ߬ ߟߊ߫) ߞߊߘߍߙ ߞߵߊ߬ ߦߌ߬ߘߵߊ߬ ߟߊ߫ ߞߎߡߊ߫ ߟߊߓߊ߲߫ ߘߐ߫߸ ߞߏ ߡߍ߲ ߣߐ߬ ߊ߬ߟߋ ߡߏ߬ߛߏ ߡߊߛߐ߬ߘߐ߲߬ ߠߊ߫ ߕߋ߲߬߸ ߊ߬ ߕߴߊ߬ ߝߍ߬ ߏ߬ ߦߋ߫ ߡߐ߰ ߜߘߍ߫ ߛߎ߯-ߎ߫-ߛߎ߫ ߡߊߛߐ߬ߘߐ߲߬ ߓߎ߬ߕߎ߲߫߸ ߓߊߏ߬߸ ߊ߬ߟߋ ߞߵߊ߬ ߟߐ߲߫߸ ߊ߬ ߡߏ߬ߛߏ߫ ߣߊ߬ߝߊ ߡߍ߲ ߕߘߍ߬ ߦߴߊ߬ ߞߊ߲߬.<<

ߕߌ߲߬ߞߎߘߎ߲ ߘߊ߲ߘߊߛߏ ߕߊ߬ߣߍ߲ ߞߵߊ߬ ߟߊ߫ ߡߙߊ߬ߓߊ߰ߘߊ ߜߋߙߋ߲ߜߋߙߋ߲ߧߊ ߗߋߕߌ߯ߘߊ ߞߊ߲߬߸ ߏ߬ ߟߎ߬ ߟߊ߫ ߟߊ߬ߛߋ߬ߟߌ߬ߓߊߟߌߦߊ ߣߌ߲߬ ߞߏ ߞߊ߲߬، ߊ߬ ߣߌ߫ ߛߊ߬ߓߊ߰ߕߐ ߟߊ߫ ߡߐ߱ ߟߎ߬ ߟߊ߫ ߞߎߡߊ߫ ߞߏߜߟߍ߬ߦߊ ߝߐ߰ߓߍ߬ߦߊ߬ߟߊ ߟߎ߬ ߢߊߞߘߐ߫߸ ߏ߬ ߦߋ߫ ߣߌ߲߬ ߞߏ ߘߐ߫، ߞߵߊ߬ ߟߊ߫ ߡߎ߲߬ ߞߊ߲߬߸ ߘߌ߲߬ߞߌߙߊ ߡߍ߲ ߞߏߝߐ߫ ߘߊ߫ ߘߊ߲ߘߊߟߌ߫ ߓߏ߲ߣߍ߲ ߘߌ߲߬ߞߌߙߊ ߘߌ߫߸ ߦߋ߲߬ ߕߍ߫ ߝߊ߬ߘߌ߬ ߘߐ߫߸ ߡߐ߰ ߘߌ߫ ߛߋ߫ ߡߍ߲ ߖߊ߬ߕߋ߬ ߟߊ߫ ߞߍ߲ߘߍߦߊ ߛߐ߬ߘߐ߲߬ ߦߙߐ߫ ߘߌ߫، ߦߊ߯ߟߊ߫߸ ߝߊ߰ߡߊ ߟߎ߬ ߓߘߊ߫ ߡߎ߲߬ ߞߋߟߋ߲߫ ߛߌ߰ ߛߋ߲߬ߠߊ߫ ߣߌ߲߬ ߞߏ ߘߐ߫߸ ߞߵߊ߬ ߓߍ߲߬ ߊ߬ ߟߊߕߐ߲߫ ߞߏ ߡߊ߬؟ ߘߊ߲ߘߊߟߌߟߊ ߦߋ߫ ߛߌ߰ߝߊߘߌ߫ ߢߌ߬ߡߊ߲߬ ߘߐ߫߸ ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߊ߬ ߓߘߊ߫ ߡߊ߬ߘߌ߬ߦߊ߬ߟߌ ߞߍ߫ ߞߐߙߍ ߞߣߐ߫؟ ߛߎ߭ ߘߏ߲߭ ߞߵߊ߬ ߛߐ߬ߘߐ߲߬ ߢߊߢߌߣߌ߲ߠߌ߲߫ ߡߊ߫ ߞߍ߫ ߊ߬ ߞߏ ߟߊ߫߸ ߏ߬ ߝߣߊ߫ ߦߋ߫ ߞߏ߫ ߢߊߢߌߣߌ߲߫ ߕߊ ߟߋ߬ ߘߌ߫، ߞߊ߲ߞߊ߲߫ ߓߣߐ߬ߣߍ߲߫ ߊ߬ ߘߋ߲߫ ߘߐߜߍ߫ ߝߌ߬ߟߊ߫ ߟߋ߬ ߟߊ߫ ߕߟߋ߬ ߞߋߟߋ߲ ߞߣߐ߫ ߕߋ߲߬߸ ߡߍ߲ ߡߊ߲߫ ߞߊ߲߫ ߞߊ߬ ߕߏ߫ ߢߊߢߌߣߌ߲ߓߊߟߌߦߊ ߣߌ߫ ߟߊ߬ߕߐ߲߬ߠߌ߲߬ߓߊߟߌߦߊ ߘߐ߫ ߝߊ߰ߡߊ ߟߎ߬ ߓߟߏ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫