ߞߊ߬ߦߌ߯ ߞߊ߬ߙߌ߬ߝߐ ߟߋ߬ ߟߊ߫߸ ߞߵߊ߲ ߠߊߘߍ߬߸ ߞߵߊ߬ ߞߏ ߟߎ߬ ߞߍ߫ ߢߐ߲߯ ߝߍ߬߸ ߞߊ߬ ߢߐ߲߯ ߘߍ߬ߡߍ߲߬(ߛߌ߲߬ߝߏ߲߬ߧߊ߬ߟߌ߸ ߓߟߏߦߊߟߌ߸ ߡߊ߬ߘߍ߬ߡߍ߲߬ߠߌ߲)߸ ߣߌ߫ ߕߊߟߓߌ ߘߊߓߏ߫ ߖߍ߬ߘߍ ߞߵߊ߬ ߝߐ߫ ߊ߬ ߞߘߐ ߢߊߝߐ ߘߐ߫ ߞߏ߫: <<ߊ߲ ߘߴߌ ߘߍ߬ߡߍ߲߬ ߌ ߝߣߊ߫ ߦߴߊ߲ ߘߍ߬ߡߍ߲߬߸ ߊ߲ ߧߋ߫ ߢߐ߲߮ ߘߍ߬ߡߍ߲߬>> ߒ߬ߓߊ߬߸ ߏ߬ ߟߎ߫ ߞߊ߬ ߓߊ߯ߙߓߊ߫ ߟߋ߬ ߛߌ߰ ߛߋ߲߬ߠߊ߫߸ ߣߴߏ߬ ߦߋ߫ ߟߎ߫ ߞߣߐߟߊ ߟߎ߬ ߛߙߍߘߍߦߊߟߌ ߣߌ߫ ߢߐ߲߯ߦߋ ߟߎ߬ ߘߌ߫، ߞߵߏ߬ ߟߊߥߌ߬ߟߌ߫ ߘߍ߬ߡߍ߲߬ߠߌ߲߫ ߛߌ߱ ߡߊ߬ ߛߋ߲߬ߠߊ߫߸ ߡߍ߲ ߢߊߓߐߣߍ߲߫߸ ߊ߬ ߘߏ߲߬ ߘߌ߫ ߕߏ߫ ߊ߬ ߡߊ߬، ߊ߬ߟߋ߬ ߢߍߥߟߊߓߊ ߣߌ߲߬ ߛߌ߰ߣߍ߲߫ ߛߋ߲߬ߠߊ߫ ߕߊߟߓߌ ߘߊߓߏ߫ ߟߋ߬ ߓߟߏ߫߸ ߏ߬ ߡߍ߲ ߠߊ߫ ߟߊ߬ߢߌߣߌ߲ ߦߋ߫ ߡߐ߰ߦߊ ߡߊߘߍ߬ߡߍ߲ ߘߌ߫.

A group of people gathered outside a building, some holding cameras and microphones, engaged in a discussion. The setting appears to be a public event with various individuals showing different expressions.

ߓߌ߬ ߞߎߣߎ߲ߟߏ߲ ߣߌ߲߬ ߡߊ߬߸ ߂߀߂߅ ߘߓߊ߬ߓߌߟߊ ߕߟߋ߬ ߁߃ ߡߊ߬߸ ߛ.ߘ.ߞ ߡߍ߲ ߕߐ߯ ߞߏ߫ ߞߵߊ߲ ߠߊߘߍ߬߸ ߞߵߊ߬ ߞߍ߫ ߢߐ߲߯ ߝߍ߬߸ ߞߊ߬ ߢߐ߲߯ ߘߍ߬ߡߍ߲߬، ߏ߬ ߟߎ߬ ߞߊߙߏ߫ ߞߋߟߋ߲ ߠߋ߬ ߕߍ߬ߘߍ߫ ߟߊ߬ߞߐ߰ߟߌ߬ߓߊ߫ ߞߊ߲߬ ߕߋ߲߬߸ ߏ߬ ߓߘߊ߫ ߞߎ߲߭ߘߏ߲߬، ߣߌ߲߬ ߞߏߢߍߡߌ߬ߘߊ߬ߣߍ߲߫ ߕߊߟߓߌ ߘߊߓߏ߫ ߟߋ߬ ߓߟߏ߫߸ ߓߘߍ߬ߓߘߍ߬ߟߌ߬ߟߊ ߣߌ߫ ߞߌ߬ߓߊ߬ߙߏ߬ߘߊ߬ ߕߌ߮، ߊ߬ߟߎ߬ ߟߊ߫ ߖߊ߬ߕߋ߬ߘߐ߬ߛߌ߮ ߣߌ߲߬ ߟߊ߬ߢߌߣߌ߲ ߦߋ߫ ߡߐ߰ߦߊ ߡߊߘߍ߬ߡߍ߲ ߠߋ߬ ߘߌ߫߸ ߞߊ߬ ߘߏ߲߬ ߟߎ ߟߎ߬ ߞߣߐ߫߸ ߞߊ߬ ߡߐ߱ ߟߎ߫ ߘߍ߬ߡߍ߲߬.

ߓߊ߯ߙߊ ߡߍ߲ ߞߎ߲߭ߘߏ߲߬ ߘߊ߫ ߓߌ߬߸ ߏ߬ ߘߊߡߌ߬ߣߊ߬ ߘߴߊ߬ߟߎ߬ ߓߟߏ߫ ߂߀߂߅ ߞߊ߬ߙߌ߬ߝߐ ߕߟߋ߬ ߅ ߟߋ߬ ߡߊ߬߸ ߤߐߛ߭ ߡߌߣ ߝߏ߯ߓߊ ߞߣߐ߫߸ ߜߟߐߡߌ߲ߘߊ ߞߌ߲߬ߘߊ ߟߊ߫، ߓߍ߲߬ߒ߬ߛߋ߲߬ߡߊ ߏ߬ ߟߋ ߞߏߛߐ߲߬߸ ߕߊߟߓߌ ߘߊߓߏ߫ ߞߊ߬ ߏߝߊ ߟߊ߫ ߓߊ߯ߙߊ ߟߎ߫ ߛߌ߰ ߛߋ߲߬ߠߊ߫ ߞߊ߲ߞߊ߲߫ ߞߣߐ߫: <<ߏߝߊ ߛߌ߰ ߞߏ߬ ߝߟߐ ߟߋ߬ ߛߋ߲߬ߠߊ߫ ߞߊ߲ߞߊ߲߫ ߞߣߐ߫ ߣߌ߲߬، ߞߊ߬ߦߌ߯ ߂߀߂߀ ߠߊ߫߸ ߊ߲ ߕߘߍ߬ ߓߊߟߏ߫ ߘߐ߫߸ ߊ߲ ߞߵߊ߲ ߡߊ߲߬ߞߊ߲ ߠߊߓߐ߫ ߕߎ ߞߘߐ߫߸ ߊ߬ ߣߌ߫ ߝߙߊߣߊ߫ ߕߌ߲߬ߞߎߘߎ߲ ߘߐ߫، ߓߌ߬ ߟߋ߬ ߛߊ߫߸ ߊ߲ ߓߘߊ߫ ߛߋ߫ ߞߊ߲ߞߊ߲߫.>> ߕߊߟߓߌ ߞߵߏ߬ ߟߋ ߝߐ߫.

A large gathering of people seated in a spacious indoor area, with men, women, and children dressed in various colorful attire. Some individuals are engaged in conversation, while others appear to be listening attentively.

ߓߊ߯ߙߊ ߘߊߡߌߣߊ ߢߌ߲߬ ߘߐ߫ ߌߞߘߐ߫߸ ߊ߬ߟߎ߫ ߛߐ߰ ߘߊ߫ ߘߋ߲ߡߌߛߍ߲ ߘߏ߫ ߟߎ߫ ߟߋ߬ ߟߊߐߞߴ ߡߊ߬ ߡߎߣߎ߲߬ ߜߊߟߌߜߊߟߌ߫߸ ߞߵߏ߬ ߟߎ߬ ߞߍ߫ ߥߛߊ߬ߘߊ߬ߕߌ߮ ߟߎ߬ ߘߌ߫߸ ߡߍ߲ ߠߎ߬ ߓߕߐ߫ ߛߏ ߟߊ߫ ߞߊ߬ ߕߊ߯ ߛߙߍߘߍߦߊߟߌ ߞߍ߫ ߟߎ ߟߎ߬ ߞߣߐ߫߸ ߊ߬ߟߎ߬ ߣߌ߫ ߞߎ߲߬ߘߊ߬ ߞߎ߲ߕߌ߮ ߟߎ߫ ߟߋ߬ ߏ߬ ߞߍ߫ ߟߊ߫ ߢߐ߲߯ ߝߍ߬، <<ߊ߲ ߧߋ߫ ߘߏ߲߬ ߠߊ߫ ߟߎ ߟߎ߬ ߞߣߐ߫ ߟߋ߬߸ ߞߊ߬ ߡߐ߰ ߝߌ߬ߟߊ߬ ߛߎߥߊ߲ߘߌ߫ ߟߎ ߞߣߐ߫، ߊ߬ ߕߍ߫ ߘߌ߫ ߟߴߊ߬ߟߎ߬ ߡߊ߬ ߢߊ ߏ߬ ߡߊ߬ ߦߋ߲߬ ߕߋ߲߬ ߘߋ߬߸ ߝߏ߫ ߞߏ ߟߎ߬ ߦߋ߫ ߟߛߊߣߌ߲ߧߊ߫ ߟߋ߬.>> ߘߊߓߏ߫ ߟߋ߬ ߞߊ߲߫ ߕߋ߲߬.

ߞߊ߯ߙߌߟߏ߲ ߘߓߊ߬ߓߌߟߊ ߕߟߋ߬ ߁߀ ߡߊ߬߸ ߊ߬ߟߎ߫ ߞߊ߬ ߛߋ߲߬ߕߊ߬ ߜߘߍ߫ ߝߣߊ߫ ߞߍ߫ ߞߊ߲ߞߊ߲߫ ߘߋ߲ߡߌߛߍ߲ ߠߎ߬ ߟߊ߫ ߓߏ߲ߓߊ ߟߊ߫، ߊ߬ߟߎ߬ ߛߋ߫ ߘߊ߫ ߟߎ ߡߍ߲ ߠߎ߬ ߛߙߍߘߍߦߊ߫ ߟߊ߫߸ ߏ߬ ߟߎ߬ ߡߊߞߟߌ߫ ߘߴߊ߬ߟߎ߬ ߓߟߏ߫߸ ߞߵߊ߬ߟߎ߬ ߟߊ߫ ߟߊ߬ߞߎ߲߬ߘߎ߬ߟߌ ߟߤߊߕߍߦߊ߫، <<ߊ߲ ߛߐ߰ߣߍ߲߫ ߡߊ߬ߟߐ߲߬ߠߌ߲߬ ߓߊ߯ߙߊ ߟߋ߬ ߡߊ߬ ߡߎߣߎ߲߬߸ ߞߵߏ߬ ߟߎ߬ ߡߊߝߟߍ߫ ߞߵߊ߬ߟߎ߬ ߛߊߞߍ߫߸ ߞߵߏ߬ ߟߎ߬ ߓߍ߯ ߟߊߡߙߊ߬ ߓߊߖߟߎ߫ ߞߋߟߋ߲߫ ߞߣߐ߫، ߡߐ߰ ߛߌ߫ ߦߋ߫ ߦߊ߲߬߸ ߏ߬ ߓߍ߯ ߡߊߟߐ߲ߣߍ߲߫ ߠߋ߬߸ ߞߵߊ߬ߟߎ߬ ߕߐ߮ ߟߎ߬ ߛߓߍ߫߸ ߞߵߊ߬ߟߎ߫ ߖߌ߬ߦߊ߬ߓߍߍ ߕߊ߬، ߊ߲ ߧߴߊ߲ ߘߐߓߍ߲߭ ߠߋ߬ ߞߊ߲߬ ߛߍߣߍ߲߬߸ ߞߊ߬ ߡߌ߬ߙߌ߲߬ߘߌ ߘߍ߬ߡߍ߲߫ ߊ߬ߟߎ߬ ߦߋ߫ ߝߋ߲ ߠߎ߬ ߟߊߛߐ߬ߘߐ߲߬.>> ߏߝߊ ߞߊ߲ߕߌ߯ ߝߊ߬ߛߏ߬ߟߊ߬ߞߊ ߟߋ߬ ߞߊ߲߫ ߕߋ߲߬.

A large crowd gathered in a spacious indoor venue, showcasing a diverse group of people seated and chatting, with various traditional clothing and headwraps visible.

ߊ߬ ߟߊߞߙߐ߬ߛߌ߬ ߘߊ߫ ߣߌ߲߬ ߞߏ ߘߐ߫߸ ߞߊ߬ ߝߘߊ߫ ߕߊߟߓߌ ߘߊߓߏ߫ ߖߘߍ߬ߓߊ߬ߞߎ߲ ߠߊ߫߸ ߞߏ߫ ߊ߬ߟߎ߬ ߛߍߥߊߣߍ߲߫ ߠߋ߬ ߣߌ߲߬ ߞߏ ߘߐ߫ ߞߏߛߓߍ߫، ߓߊߏ߬߸ ߊ߬ߟߎ߬ ߟߊ߫ ߞߟߌߟߌ ߛߋ߫ ߘߊ߫ ߡߐ߰ ߛߌ߫ ߡߊ߬߸ ߊ߬ ߓߍ߯ ߟߋ߬ ߞߊ߬ <<ߞߟߌߟߌ ߖߋ߬ߓߌ߫ %߁߀߀ ߟߊ߫>> ߛߟߊߕߌ߮ ߘߊߓߏ߫ ߞߊ߬ ߡߐ߱ ߟߎ߫ ߝߏ߫߬ ߞߏߛߓߍ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߖߊ߬ߕߋ߬ߘߐ߬ߛߌ߮ ߣߌ߲߬ ߦߋ߫ ߕߌ߲߬ߞߎߘߎ߲߫ ߛߊ߬ߓߊ߫ ߟߋ߬ ߘߐ߫: ߞߊ߲ߞߊ߲߫߸ ߝߙߊߣߊ߫߸ ߒߛߙߍߜߘߍ߬߸ ߡߍ߲ ߠߎ߬ ߦߴߊ߬ ߝߍ߬ ߞߊ߬ ߘߏ߲߬ ߟߎ ߓߍ߯ ߞߣߐ߫ ߞߋߟߋ߲ߞߋߟߋ߲߫.

ߊ߬ ߞߏ ߞߎ߲߬ߝߊ߮ ߝߍ߬ ߓߌ߬ ߞߎߣߎ߲ߟߏ߲ ߣߌ߲߬ ߡߊ߬߸ ߘߓߊ߬ߕߊ ߕߟߋ߬ ߁߃߸ ߡߐ߰ ߁߁ ߆߃߄ ߠߋ߬ ߞߵߊ߬ ߢߣߊߓߊ߯ߦߊ߫߸ ߞߊ߬ ߝߘߊ߫ ߞߌ߲߬ߘߊ߬ ߓߐߣߍ߲߫ ߢߐ߲߰ ߡߊ ߟߎ߬ ߞߣߐ߫ ߞߊ߲ߞߊ߲߫߸ ߡߍ߲ ߠߎ߬ ߓߍ߯ ߕߘߍ߬ ߘߋ߲ߡߌߛߍ߲ ߠߎ߬ ߟߊ߫ ߓߏ߲ߓߊ ߟߊ߫، ߡߍ߲ ߠߎ߬ ߦߴߊ߬ ߖߌ߰ ߟߊ߫ ߞߏ߫ ߥߊߘߌ߫ ߡߎ߮ ߟߋ߬ ߟߊߕߐ߫ ߊ߬ߟߎ߬ ߕߍ߯ ߘߐ߫ ߌߞߘߐ߫߸ ߕߊߟߓߌ ߘߊߓߏ߫ ߞߊ߬ ߕߡߊ߬ߖߌ ߓߐ߫ ߏ߬ ߟߎ߬ ߘߐ߫ ߝߋߝߋ߫߸ ߞߵߊ߬ ߦߌ߬ߘߊ߬ ߞߏ߫: <<ߖߐ߲߫ ߘߌ߫ ߛߋ߫ ߥߊߘߌ ߘߌ߫ ߟߊ߫ ߓߍ߯ ߟߊߘߍ߬ߣߍ߲ ߡߊ߬؟ ߤߊߟߌ߬ ߣߴߏ߬ ߛߋ ߦߋ߫ ߒ ߧߋ߫߸ ߊ߬ ߕߴߛߋ߫ ߞߍ߫ ߟߊ߫ ߢߊ ߏ߬ ߡߊ߬ ߦߋ߲߬ ߕߋ߲߬، ߝߏ߫ ߊ߲ ߧߴߊ߲ ߛߌ߲߬ߝߏ߲߬ߧߊ߫ ߟߋ߬.>>

A man in a traditional white outfit and glasses speaks to a group of reporters, microphones directed towards him. In the background, another person in an orange outfit is seen, along with a white tablecloth setting.

ߛߌߞߊ ߦߋ߫ ߡߍ߲ ߠߎ߬ ߘߐ߫ ߞߵߊ߬ ߓߍ߲߬ ߣߌ߲߬ ߞߏ ߡߊ߬߸ ߊ߬ ߞߵߏ߬ ߟߎ߬ ߝߣߊ߫ ߟߊ߫ ߕߡߊ߬ߖߌ ߓߊ߲߫: <<ߛߌߞߊ ߦߋ߫ ߘߏ߫ ߟߎ߫ ߘߐ߫ ߤߊ߲߯ ߕߋ߲߬، ߘߏ߫ ߟߎ߫ ߢߣߊ߫ ߞߏ߫ ߊ߬ ߟߊߕߐ߫ ߊ߬ߟߎ߬ ߕߍ߯ ߟߋ߬ ߌߞߘߐ߫، ߓߊ߬ߙߌ߬ ߒ ߡߊ߫ ߓߎ߬ ߕߏ߫ ߞߟߏ߫ ߡߊ߬ ߘߋ߬: ߥߊߘߌ߫ ߕߍ߫ ߒ ߓߟߏ߫ ߡߍ߲ ߘߐߕߟߊߕߊ ߦߋ߫، ߒ ߠߊ߫ ߟߊ߬ߢߌߣ߲ ߦߋ߫ ߡߍ߲ ߘߌ߫߸ ߏ߬ ߟߋ ߘߍ߬ߞߙߎ߫ ߛߌ߱ ߘߌ߫ ߛߋ߲߬ߠߊ߫߸ ߡߍ߲ ߘߌ߫ ߕߏ߫ ߊ߬ ߡߊ߬.>> ߊ߬ ߞߵߊ߬ ߟߴߊ߬ ߞߊ߲߬ ߝߣߊ߫: <<ߖߊ߬ߕߋ߬ߘߐ߬ߛߌ߮ ߣߌ߲߬ ߕߍ߫ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߕߟߋ߬ ߘߐ߬ ߞߏ߫ ߘߌ߫، ߞߊ߬ߦߌ߯ ߂߀߀߉ ߟߋ߬ ߟߊ߫߸ ߊ߬ ߞߏ ߘߊߡߌ߬ߣߊ߬ ߘߊ߫، ߊ߲ ߣߌ߫ ߞߌ߲߬ߘߊ߬ ߞߎ߲ߕߌ߮ ߟߎ߫ ߟߋ߬ ߦߋ߫ ߓߊ߯ߙߊ߫ ߟߊ߫߸ ߞߊ߬ߝߏ߬ߙߋ߲߬ߕߌ߮ ߟߎ߬߸ ߞߎ߲߬ߠߊ߬ߛߌ߰ߟߊ ߟߎ߬، ߏ߬ ߟߵߊ߬ ߦߌ߬ߘߊ߬ ߟߊ߫ ߞߏ߫ ߊ߲ ߕߍ߫ ߦߙߌߖߋ߫ ߓߟߎ߫ ߘߍߞߙߎ߫ ߘߌ߫.>>

ߞߊ߬ߟߌߟ ߛߌ߬ߛߋ ߛߍߥߊ߫ ߘߊ߫ ߣߌ߲߬ ߞߏ ߟߊ߫ ߞߏߛߓߍ߫߸ ߊ߬ߟߋ ߡߍ߲ ߝߣߊ߫ ߕߐ߮ ߛߓߍߣߍ߲߫ ߣߌ߲߬ ߞߏ ߘߐ߫ ߞߊ߬ߣߌ߲߬، ߊ߬ ߞߵߊ߬ ߦߌ߬ߘߊ߬ ߞߏ߫: <<ߓߍ߯ ߟߋ߬ ߞߊ߫ ߞߊ߲߫ ߞߊ߬ ߣߌ߲߬ ߞߏ ߞߐߡߊߓߌ߲ߓߌ߲߫߸ ߌ ߞߍ߫ ߘߊ߫ ߓߊ߯ߙߊ߫ ߛߌ߫ ߟߊ߫߸ ߊ߲ ߓߍ߯ ߟߋ߬ ߞߊ߫ ߞߊ߲߫ ߞߵߊ߲ ߠߊ߫ ߞߊ߲ߕߌ߮ ߞߐߡߊߓߌ߲ߓߌ߲߫ ߣߌ߲߬ ߞߏ ߘߐ߫، ߖߊ߬ߕߋ߬ߘߐ߬ߛߌ߯ ߕߣߐ߬ߡߊ ߟߋ߬߸ ߡߍ߲ ߕߐ߬ߣߐ ߦߋ߫ ߓߍ߯ ߟߊߘߍ߬ߣߍ߲ ߞߊ߲߬.>>

ߊ߬ߟߎ߬ ߟߊ߫ ߓߙߊߡߊߖߊ߲ߓߊ߲ ߣߌ߲߬ ߘߐ߫߸ ߏߝߊ ߣߐ߬ ߞߏ ߟߎ߬ ߕߊ߬ ߟߴߊ߬ ߖߎ߬ߕߏ߲ ߠߋ߬ ߘߐ߫߸ ߡߍ߲ ߘߌ߫ ߞߍ߫ ߕߏߒߡߕߊ ߘߌ߫߸ ߛߌ߲߬ߝߏ߲߬ߧߊ߬ߟߌ ߘߝߊߣߍ߲ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.