ߡߊ߬ߛߎ߬ߓߊ߬ߞߏ ߣߌ߲߬ ߞߍߣߍ߲߫ ߞߊ߲ߞߊ߲߫ ߠߋ߬߸ ߡߌߛߌ߬ߙߊ߲߫ ߞߌ߲߬ߘߊ ߟߊ߫، ߞߐ߬ߟߏ߲ ߣߌ߲߬ ߡߊ߬ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߉߸ ߊߟߌߝߊ߫ ߓߊߙߌ߫߸ ߘߋ߲߫ ߥߐ߯ߙߐ߫ ߟߋ߬ ߦߴߊ߬ ߓߟߏ߫߸ ߏ߬ ߛߎ߭ ߟߋ߬ ߦߋߣߴߊ߬ ߟߊ߫ ߓߏ߲߫ ߘߊ ߟߊ߫، ߊ߬ ߞߏ ߞߣߐ߬ߘߐ߬ߝߟߌ ߦߋ߫ ߡߐ߱ ߟߎ߬ ߟߊ߫߸ ߡߊ߬ߞߎ߲߫ ߘߊ߲߬ߠߊߕߊ߬ߡߌ߲߬ߣߍ߲ ߞߐߝߟߌ ߟߋ߬ ߘߏ߲߬ ߦߴߊ߬ ߛߌߦߊߡߊ߲߫ ߘߌ߫ ߟߎ ߟߎ߬ ߞߣߐ߫.

ߞߐ߬ߓߊ߬ߟߏ߲ ߛߎ ߞߵߊ߬ ߘߎ߰ߛߊ ߜߍ߫ ߞߐ߬ߟߏ߲ ߢߌ߲߬ ߠߊ߫߸ ߊߟߌߝߊ߫ ߓߊߙߌ߫ ߞߵߊ߬ ߘߎ߲߫ ߖߎ߬ߟߎ ߟߊ߫߸ ߞߵߊ߬ ߖߍ߬ߘߍ߫ ߝߊ߰، ߊ߬ ߛߎ߭ ߟߋ߬ ߦߋ߫ ߘߊ߫ ߛߎߓߊ߮ ߣߌ߲߬ ߝߍ߬߸ ߊ߬ ߓߌߘߊ߲ߡߛߏ߫ ߊߡߌߣߊߕߊ߬ ߓߊߙߌ߫ ߓߟߏ߫ ߊ߬ߟߎ߬ ߟߊ߫ ߟߎ ߞߣߐ߫ ߦߋ߲߬.

A woman in a patterned headscarf speaks into a microphone while holding a press interview, with other women seated in the background.

<<ߒߠߋ ߟߋ߬ ߥߟߌ߬ߣߍ߲߫ ߛߎߓߊ߮ ߣߌ߲߬ ߡߊ߬߸ ߒ ߞߵߊ߬ ߛߏ߲߬ߛߏ߬ߘߌ߲߬ߣߍ߲ ߦߋ߫߸ ߖߎ߬ߟߎ ߦߴߊ߬ ߞߊ߲ ߠߊ߫، ߒ ߞߊ߬ ߘߋ߲ߣߍ߲ ߠߎ߬ ߟߊߞߎߣߎ߲߫߸ ߒ ߞߏ߫ ߊߟߎ߫ ߦߋ߫ ߒ ߝߊߘߐ߰ߣߍ߲߬ ߡߊߝߟߍ߫ ߓߊ߫߸ ߡߍ߲ ߓߊ߯ ߞߍ߫ ߊ߬ ߟߊ߫، ߘߋ߲ߣߍ߲ ߠߎ߬ ߓߙߊ߬ ߘߊ߫ ߥߟߌ߬ ߟߊ߫߸ ߞߊ߬ ߘߊ ߟߊߞߊ߬، ߏ߬ ߟߎ߫ ߞߊ߬ ߡߎ߬ߙߎ ߕߊ߬߸ ߞߊ߬ ߖߎ߬ߟߎ ߕߍ߰߸ ߞߵߊ߬ ߓߐ߫ ߊ߬ ߞߊ߲ߠߊ߫، ߞߵߊ߬ ߟߊߖߌ߲߯ߛߊ߫߸ ߊ߬ ߕߍ߫ ߞߎߡߊ߫ ߟߊ߫߸ ߊ߬ ߕߴߊ߬ ߣߌߟߊߞߟߌ߫ ߟߊ߫، ߊ߬ߟߎ߫ ߞߵߊ߬ ߕߊ߬ ߞߵߊ߬ ߟߊߘߏ߲߬ ߓߏ߲ ߠߊ߫،

ߒ ߞߊ߬ ߒ ߥߌ߬ߟߌ߫ ߟߋ߬ ߓߌ߬ ߖߏߣߊ߫߸ ߒ ߞߵߊ߬ ߘߎ߲ߣߍ߲ ߦߋ߫ ߖߎ߬ߟߎ ߟߊ߫، ߒ ߞߊ߬ ߘߋ߲ߣߍ߲ ߠߎ߬ ߟߊߟߐ߲ߠߌ߲߫، ߞߵߊ߬ ߦߋ߫߸ ߊ߬ ߕߴߊ߬ ߟߊߡߊ߰ ߟߊ߫߸ ߊ߬ ߕߍ߫ ߞߎߡߊ߫ ߟߊ߫߸ ߊ߬ ߕߴߊ߬ ߣߌߟߊߞߟߌ߫ ߟߊ߫، ߊ߲ ߞߵߊ߬ ߝߎߟߋ߲߫߸ ߓߊ߬ߙߌ߬ ߊ߬ ߕߎ߲߬ ߕߍ߫ ߓߍ߲߬ ߡߎ߬ߕߎ߲߬.>> ߊ߬ ߞߵߏ߬ ߟߋ ߝߐ߫ ߢߊߖߌ ߣߌ߫ ߛߎ߬ߣߎ߲ ߘߐ߫.

ߊ߬ ߟߊ߫ ߡߐ߱ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߝߏߦߌ߬ ߡߊ߫ ߟߊߞߙߐ߬ߛߌ߫ ߊ߬ ߟߊ߫ ߞߏ ߘߐ߫߸ ߡߍ߲ ߘߴߊ߬ ߦߌ߬ߘߊ߬ ߞߏ߫ ߊ߬ ߕߎ߲߬ ߘߌ߫ ߣߌ߲߬ ߞߍ߫߸ ߞߏ߫ ߊ߬ߟߎ߬ ߡߊ߫ ߛߌߞߴߊ߬ ߡߊ߬ ߞߏ߫ ߛߌ߫ ߘߐ߫ ߞߘߐ߬ߡߊ߲߬، <<ߊ߬ ߣߊ߬ ߘߊ߫ ߝߌ߬ߕߙߌ߬ ߥߊ߯ߕߌ ߟߋ߬ ߞߊ߬ ߓߐ߫ ߓߊ߯ߙߊ߫ ߦߙߐ߸ ߞߵߊ߬ ߞߏ߬߸ ߞߊ߬ ߘߊߥߎ߲ߠߌ߲ ߞߍ߫ ߞߊ߬ ߥߴߊ߬ ߟߊ߫، ߊ߬ ߣߌ߫ ߡߐ߰ ߛߌ߫ ߡߊ߫ ߘߊߘߛߐߛߐߟߌ߫ ߞߍ߫.>> ߊ߬ ߓߌߘߊ߲ߡߛߏ߫ ߟߋ߬ ߞߊ߲߫ ߕߋ߲߬.

A group of men sitting in plastic chairs outside a building, some are wearing traditional attire. A woman in a hijab is walking past them.

ߓߊ߬ߙߌ߬ ߦߊ߬ߣߴߊ߬ ߟߊ߫ ߛߦߊ߬ ߞߏ ߣߌ߲߬ ߕߍ߫߸ ߊ߬ ߕߎ߲߬ ߓߘߴߊ߬ ߟߊ߫ ߞߣߐ߬ߘߐ߬ߝߟߌ ߣߴߊ߬ ߟߊ߫ ߖߌ߰ߕߍ߮ ߢߊߝߐ߫ ߊ߬ ߟߊ߫ ߡߐ߱ ߘߏ߫ ߢߍ߫߸ ߏ߬ ߡߍ߲ ߕߐ߮ ߦߴߊ߲ ߓߟߏ߫ ߜߎ߬ߕߙߎ ߘߐ߫، ߊߟߌߝߊ߫ ߓߊߙߌ߫ ߟߊ߫ ߞߎߡߊ߫ ߝߐߣߍ߲ ߏ߬ ߟߎ߬ ߘߌ߫ ߡߐ߰ ߓߊ߬ߟߌ߬ ߞߏߛߓߍ߫، ߊ߬ ߞߊ߬ ߡߍ߲ ߝߐ߫ ߏ߬ ߦߋ߫߸ ߏ߬ ߝߟߍ߫: <<ߊ߬ ߣߊ߬ ߘߴߊ߬ ߛߌ߰ ߒ ߡߊ߬ߡߛߏ ߘߊߝߍ߬߸ ߞߵߊ߬ ߝߐ߫ ߏ߬ ߦߋ߫ ߞߏ߫ ߘߎߢߊ߫ ߣߌ߲߬ ߟߐ߯ ߛߌ߫ ߕߴߊ߬ߟߋ߬ ߟߊ߫ ߡߎ߬ߕߎ߲߬߸ ߞߏ߫ ߛߊ߬ߦߊ ߟߋ߬ ߟߐ߯ ߦߴߊ߬ߟߋ߬ ߟߊ߫ ߕߋ߲߬߸ ߞߊ߬ ߓߐ߫ ߘߎߢߊ߫ ߘߐ߫ ߝߋߎ߫߸ ߓߊߏ߬ ߕߙߐߦߊ ߓߘߴߊ߬ ߓߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߣߴߌ ߞߵߊ߬ ߡߊߝߟߍ߫߸ ߊ߬ߟߋ ߡߊ߫ ߛߋ߫ ߛߋ߫ ߛߐ߬ߘߐ߲߬ ߠߊ߫ ߞߵߊ߬ ߘߋ߲ ߠߎ߬ ߟߓߊߟߏ߫߸ ߘߍ߬ߡߍ߲߬ߓߊ߰ ߛߌ߫ ߘߏ߲߬ ߕߴߊ߬ ߟߊ߫.>> ߏ߬ ߟߊ߫ ߞߎߡߊ ߟߵߏ߬ ߘߌ߫ (ߡߍ߲ ߕߐ߮ ߦߋ߫ ߜߎ߬ߕߙߎ ߘߐ߫).

ߊߟߌߝߊ߫ ߓߊߙߌ߫ ߕߘߍ߬ ߓߊ߯ߙߊ߫ ߟߊ߫ ߛߌ߯ߣߌ߲ߞߊ ߘߏ߫ ߟߎ߫ ߟߋ߬ ߓߟߏ߫߸ ߊ߬ ߕߍ߬ߘߍ߫ ߊ߬ ߡߊߞߊ߬ߛߌ߬ ߟߊ߫ ߟߋ߬ ߞߘߊߎ߫߸ ߞߏ߫ ߜߟߍ߬ߦߊ ߦߴߊ߬ ߞߊ߲߬، ߊ߬ߟߋ߬ ߡߐ߰ ߞߋߟߋ߲ ߠߊ߫ ߝߐߟߌ߫ ߘߐ߫߸ ߞߏ߫ ߊߟߌߝߊ߫ ߓߊߙߌ߫ ߞߵߊ߬ ߝߐ߫ ߊ߬ ߦߋ߫ ߝߣߊ߫߸ ߞߏ߫ <<ߊ߬ ߕߍ߬ߘߴߊ߬ ߝߐ߫ ߟߊ߫ ߕߎ߬ߡߊ߬ ߛߌߦߊߡߊ߲߫߸ ߞߏ߫ ߕߣߐ߬ ߛߌ߫ ߕߴߊ߬ߟߋ ߟߊ߫߸ ߊ߬ ߕߴߛߋ߫ ߟߊ߫ ߝߏߦߌ߬ ߞߍ߫ ߟߴߊ߬ ߟߊ߫ ߘߋ߲ߓߦߊ ߦߋ߫، ߒ ߡߊ߬ߡߛߏ ߕߍ߬ߘߴߊ߬ ߖߎ߬ߛߎ ߡߊߖߌ߰ ߟߊ߫ ߛߐ߲߬߸ ߞߵߊ߬ ߖߌ߰ߛߌ߰.>> ߛߙߋߦߊ ߏ߬ ߟߋ ߞߊ߲߫ ߏ߬ ߓߍ߯ ߘߌ߫.

ߗߍ߭ ߣߐ߬ ߊ߬ ߖߍ߬ߘߍ߫ ߝߊ߰ ߟߊ߫ ߟߋ߬ ߕߋ߲߬߸ ߞߵߊ߬ ߛߐ߬ߘߐ߲߬ ߊ߬ ߡߏ߬ߛߏ ߦߋ߫ ߡߊ߲߬ߖߊ߲߬ߠߊ߫ ߘߋ߲ߠߊߓߐ ߘߏ߫ ߘߐ߫، ߊ߬ ߟߊߟߐ߲ߠߌ߲߫ ߘߊ߫ ߛߐ߱ ߢߌ߲߬ ߠߋ߬ ߡߊ߬߸ ߞߏ߫ ߊ߬߬ ߗߍ߬ ߓߘߊ߫ ߛߊ߬.

ߘߊ߬ߘߊߟߌߟߊ ߟߎ߬ ߛߋ߫ ߘߊ߫ ߘߌ߲߬ߞߌߙߊ ߣߌ߲߬ ߘߐ߫߸ ߞߊ߬ ߥߊ߫ ߟߊ߬ߞߙߐ߬ߛߟߌ߬ ߝߟߐߡߊ ߟߎ߬ ߞߍ߫، ߊ߬ߟߎ߬ ߓߊ߲߫ ߘߊ߫ ߞߊ߬ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫߸ ߡߊ߬ߛߎߓߊ ߞߍߢߊ߫ ߖߐ߲ߖߐ߲ ߟߐ߲߫ ߞߊ߲ߡߊ߬، ߛߎ߭ ߡߊ߫ ߘߏ߲߬ ߡߎߣߎ߲߬߸ ߝߊ߰ߡߊ ߟߎ߬ ߟߊ߫ ߖߊ߬ߡߊߙߌ ߟߋ߬ ߡߊߞߐ߬ߣߐ߲ ߦߴߌߘߐ߫.

ߖߘߍ߬ߝߊ߰ ߞߏ ߣߌ߲߬ ߓߘߴߊ߬ ߛߴߊ߬ ߢߊߢߌߣߌ߲߫ ߞߎ߲ߘߊ߫߸ ߓߟߏߞߏߟߏ߲ߧߊ ߥߙߊ߬ߣߍ߲߬ߓߊ ߣߌ߲߬ ߘߐ߫߸ ߘߎߢߊ߫ ߖߍ߬ߘߍ ߟߊ߫ ߜߟߍ߬ߦߊ߬ ߕߟߋ ߣߌ߲߬ ߘߐ߫߸ ߡߐ߰ ߛߌߦߊߡߊ߲߫ ߠߋ߬ ߦߋ߫ ߘߌ߬ߢߍ߬ ߟߊ߫ ߘߎߢߊ߫ ߘߐ߫ ߘߏ߲߰ ߘߐ߫ ߦߋ߲߬ ߕߋ߲߬߸ ߢߊ߬ߜߊ ߥߊ߬ߙߊ ߡߊ߬، ߝߏ߫ ߡߐ߱ ߟߎ߬ ߦߋ߫ ߛߏ߬ߓߌ߬ߟߊ߬ߞߎߣߎ߲߫ ߠߋ߬߸ ߞߵߊ߬ ߟߐ߲߫ ߞߏ߫ ߘߎߢߊߘߐߕߍ߮ ߡߊ߲߫ ߣߐ߲߰߸ ߌ ߦߴߌ ߟߊ߫ ߞߏ ߟߎ߬ ߞߍ߫ ߢߊ߫ ߡߊ߬߸ ߡߍ߲ ߘߌ߫ ߓߍ߲߬ ߌ ߡߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
ߞߵߊ߲ ߘߍ߬ߡߍ߲߬ ߊ߬ ߞߏ ߟߛߊߣߌ߲ߧߊ߫ ߟߴߊ߲ ߧߋ߫: ߞߊ߬ߙߌߝߊ߬ ߞߊ߲ߛߊ߲ ߘߎ߲ߓߎߦߊ߫߸ ߊ߲ ߕߋߙߌ߫ ߝߐ߰ߓߍ߬ߦߊ߬ߟߊ.