ߣߊ߬ߓߊ߰ߦߊ߬ ߘߋ߲ߡߌߛߍ߲ ߠߎ߬ ߣߌ߫ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߟߊ߫ ߡߙߌߦߊ߫ ߛߊߣߌ߲ ߞߣߐߡߊ߬߸ ߛߌ߰ߞߊ߲ ߖߊ߬ߕߋ߬ߘߐ߬ߛߌ߮ ߟߊߥߊ߬ߞߊ߲߬ ߖߊ߲ߖߏ߲߫ ߡߐ߬ߟߐ߲߬ߡߊ߫ ߛߌ߲߬ߝߏ߲߬ߧߊ߬ ߘߊ߫ ߞߊ߲ߞߊ߲߫ ߘߋ߲ߡߌߛߍ߲߫ ߓߏ߲ߓߊ ߘߊߞߘߐߟߊ ߘߐ߫ ߘߓߊ߬ߓߌߟߊ ߕߋ߬ߟߋ߫ ߂߀ ߣߌ߲߬ ߡߊ߬߸ ߣߊ߲߬ߒ߬ߕߊ߲߬ ߝߊ߯ߡߊ ߟߎ߬ ߣߌ߫ ߣߊ߲߬ߕߌ߰ ߝߊ߯ߡߊ ߛߌߦߊߡߊ߲߫ ߕߘߍ߬ ߡߍ߲ ߞߣߍ ߞߊ߲߬߸ ߞߵߏ߬ ߟߊ߫ ߘߎ߰ߘߋ߲߬ ߛߌߦߊߡߊ߲߫ ߞߊ߲߬.

A group of officials, including military personnel and a civilian leader, stands at a table displaying drinks and documents in a formal setting.

ߓߌ߬ ߞߎߣߎ߲ߟߏ߲ ߣߌ߲߬ ߡߊ߬߸ ߂߀߂߅ ߘߓߊ߬ߓߌߟߊ ߕߋ߬ߟߋ߫ ߂߀߸ ߣߊ߬ߓߊ߰ߦߊ߬ ߘߋ߲ߡߌߛߍ߲ ߠߎ߬ ߟߊ߫ ߢߌ߲߬ߘߍ ߣߌ߫ ߒߞߏ ߘߍߞߙߎ ߟߎ߬ ߟߊ߫ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߞߊ߬ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߟߊߥߊ߲߬ߞߊ߲߬ ߜߙߊ ߘߏ߫ ߛߌ߲߬ߝߏ߲߬ߧߊ߬ ߞߊ߲ߞߊ߲߫ ߞߣߐ߫، ߖߊ߲߬ߖߏ߲ ߖߎ߭ߛߌ߰ ߘߊ߫ ߀߉ߙߋ߲ ߠߋ߬ ߡߊ߬߸ ߖߡߊ߬ ߛߌߦߊߡߊ߲߫ ߞߊ߬ ߡߍ߲ ߢߣߊߓߊ߯ߦߊ߫߸ ߞߊ߬ ߝߘߊ߫ ߞߌ߲߬ߘߊ߬ ߛߌߦߊߡߊ߲߫ ߣߌ߫ ߞߊ߲ߞߊ߲߫ ߠߊߡߌ߲߫ ߛߏ ߟߎ߬ ߟߊ߫.

A group of people sitting together in a room, with various expressions and traditional clothing.

ߖߊ߲߬ߖߏ߲ ߣߌ߲߬ ߘߐ߫߸ ߝߊ߰ߡߊ߬ ߛߌߊߦߡߊ߲߫ ߕߘߍ߬ ߞߣߍ ߞߊ߲߬߸ ߞߊ߲ߞߊ߲߫ ߡߙߊ߬ߓߊ߮ ߦߴߏ߬ ߟߋ ߘߐ߫߸ ߝߘߏ߬ߓߊ߬ ߜߋ߬ߟߎ߲߬ߣߌ߲߬ߠߊ߫ ߞߊ߲ߖߊ߬ ߡߊ߰ߙߊ، ߗߋߘߋ߲߫ ߓߟߏߡߊߞߊ߬ߣߍ߲ ߞߊ߲ߕߌ߮߸ ߛߟߊߕߌ߯ ߊ߬ߙߊ߬ߝߊ߲߬ ߡߎߛߊ߫ ߞߎ߬ߟߌߓߊ߬ߟߌ߬، ߞߊ߲ߞߊ߲߫ ߣߊ߲߬ߕߌ߰ߘߊ ߕߌ߲߬ߞߎ߬ߘߎ߲߬ ߃߲ ߡߙߊ߬ߓߊ߰ ߛߙߍߞߍ ߝߊߙߌ߲ ߡߊߡߊߘߎ߫ ߦߊߛߌߣ ߓߊߟߑߘߋ߬، ߊ߬ ߣߌ߫ ߕߌ߲߬ߞߎߘߎ߲ ߞߟߍ߬ߡߐ߰ߘߊ ߡߙߊ߬ߓߊ߰ ߛߙߍߞߍ߸ ߝߊߙߌ߲ ߡߊߞߑߛߌߡ ߜ߭ߡߎ߬.

ߘߍ߰ߡߎ߲߬ߦߊ߬ߟߊ߫ ߝߌ߬ߟߊ߫ ߟߋ߬ ߕߊ߬ ߘߊ߫߸ ߓߊߛߓߊ߬ߕߌ߫ ߛߘߌ߬ߓߋ߫߸ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߘߏ߲߬ߖߟߎ߬ߡߊ߬ߟߌ߬ߟߊ، ߊ߬ ߣߌ߫ ߣߊߞߊ߬ߣߌ߲߫ ߞߏ߬ߣߊ߬ߕߍ߫߸ ߞߏߥߊߟߌߛߌߦߐ߲ ߞߊ߲ߕߌ߯ ߛߙߍߞߍ ߣߌ߫ ߞߊ߬ߝߏ߬ߙߋ߲ ߞߏߟߊߕߍ߯ ߛߌ߲ߝߏ߲ ߠߵߏ߬ ߘߌ߫، ߖߊ߲߬ߖߏ߲ ߘߊߦߟߍ߬ ߘߊ߫ ߛߟߊߕߌ߯ ߎߡߊߙ ߖ߭ߌߘߊߣ ߝߏߝߣߊ߫ ߟߋ߬ ߓߟߏ߫.

A group of individuals in military uniforms with green berets seated on red and white plastic chairs under a large tree, engaged in a gathering.

ߓߊߛߓߊ߬ߕߌ߫ ߛߘߌ߬ߓߋ߬ ߟߊ߫ ߞߎߡߊ߫ ߘߐ߫߸ ߊ߬ ߞߊ߬ ߛߌ߰ߞߊ߲ ߕߐ߬ߣߐ ߢߊߝߐ߫ ߖߡߊ߬ߣߊ߬ߘߋ߲ ߠߎ߬ ߦߋ߫߸ ߞߵߊ߬ ߦߌ߬ߘߊ߬ ߞߏ߫ <<ߌ ߡߊ߫ ߞߏ߫ ߛߌ߫ ߟߋ߬ ߕߐ߬ߣߐ ߟߐ߲߫߸ ߤߊߟߌ߬ ߣߴߏ߬ ߘߌ߫ ߘߊ߫ ߌ ߡߊ߬ ߝߌߛߙߌ߫ ߟߋ߬ ߟߊ߫، ߌ ߘߴߌ ߓߊ߲߬ ߏ߬ ߘߐ߫؛ ߌ ߕߍ߫ ߛߐ߲߬ ߞߵߌ ߓߟߏ߫ ߛߌ߰ ߊ߬ ߞߘߐ߫߸ ߡߐ߱ ߘߏ߲߬ ߝߣߊ߫ ߕߍ߫ ߛߴߊ߬ ߖߘߍ߬ ߝߊߕߊ߲ߕߌ߫ ߟߊ߫ ߞߏ ߘߏ߫ ߡߊ߬߸ ߝߏ߫ ߊ߬ ߦߴߊ߬ ߛߐ߬ߘߐ߲߫ ߠߋ߬ ߊ߬ ߞߊ߬ ߞߏ ߏ߬ ߡߊ߬ߕߙߐ ߟߐ߲߫، ߏ߬ ߓߟߏߡߊ߬߸ ߣߴߌ ߞߵߊ߲ ߠߊ߫ ߛߌ߰ߞߊ߲ ߣߌ߲߬ ߡߊߝߟߍ߫߸ ߊ߬ ߦߴߊ߬ ߕߐ߲ߛߋ߲߫ ߃߁߭ ߞߣߐ߫ ߞߏ߫﴿ߛߌ߰ߞߊ߲ ߣߌ߲߬ ߞߣߐߘߐ ߢߊߝߐ ߟߊߘߤߊ߬ߣߍ߲߫ ߠߋ߬ ߖߡߊ߬ߣߊ߬ߘߋ߲ ߓߍ߯ ߦߋ߫﴾ ߏ߬ ߟߋ߬ ߞߏߛߐ߲߬ ߊ߲ ߞߊ߬ ߣߌ߲߬ ߡߙߌߘߐ ߕߊ߬߸ ߊ߬ ߣߌ߫ ߞߵߊ߲ ߟߐ߬ ߊ߬ ߖߐ߬ߣߍ߬ߦߊ߬ߟߌ ߟߎ߬ ߟߊ߫، ߖߐ߲߰ߛߴߊ߲ ߘߌ߫ ߛߋ߫ ߡߙߌߦߊ߫ ߛߊߣߌ߲߫ ߏ߬ ߢߊߝߐ߫ ߟߊ߫ ߖߡߊ߬ߣߊ߬ߘߋ߲ ߠߎ߬ ߦߋ߫ ߊ߬ߟߎ߬ ߦߋ߫ ߛߋ߫ ߞߊ߬ ߝߊ߰ߡߎ߲߬ߧߊ߬ߟߌ߫ ߛߐ߬ߘߐ߲߫ ߊ߬ ߡߊ߬.>>

ߊ߬ ߞߊ߬ ߛߌ߰ߞߊ߲ ߞߘߐ ߢߊߝߐ߫ ߡߐ߱ ߟߎ߬ ߦߋ߫߸ ߞߵߊ߬ ߦߌ߬ߘߊ߬ ߞߏ߫ << ߛߌ߰ߞߊ߲ ߦߋ߫ ߖߡߊ߬ߣߊ ߝߘߏ߬ߓߊ߬ ߞߎߙߎ߲ߘߎ ߟߎ߬ ߟߊߞߊ߬ߝߏ ߟߋ߬ ߘߌ߫߸ ߊ߬ ߦߋ߫ ߛߌ߰ ߟߊ߫ ߞߏ ߡߍ߲ ߞߊ߲߬ ߞߵߊ߬ ߟߊߕߋߟߋ߲߫ ߛߌߟߊ߫ ߕߋߟߋ߲ߣߍ߲ ߞߊ߲߬، ߣߴߊ߲ ߞߵߊ߬ ߡߊߝߟߍ߫߸ ߛߌ߰ߞߊ߲߬ ߞߎߘߊ ߣߌ߲߬ ߞߣߐߘߐ ߛߏ߯ߙߏߣߍ߲߫ ߕߐ߲ߛߋ߲߫ ߁߉߉ ߟߋ߬ ߟߊ߫>> ߊ߬ ߞߎߡߊ߫ ߘߊ߫ ߟߊ߬ߞߟߏ߬ߞߟߏ߬ߟߌ ߞߊ߲߬߸ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ ߞߊ߲߬߸ ߞߊ߲ߕߌ߮ ߟߊ߫ ߟߐ߬ߒ߬ߞߋ߬ߟߊ߬ ߞߏ ߞߊ߲߬߸ ߖߘߍ߬ߦߋ߬ ߡߊ߬ߡߌ߬ߘߊ߬ߟߌ ߞߊ߲߬߸ ߊ߬ ߣߌ߫ ߛߌߦߊߡߊ߲߫ ߜߘߍ߫ ߟߎ߫.

A woman wearing a blue traditional dress speaks into a microphone at an outdoor event, while seated audience members listen in the background.

ߞߊ߬ߝߏ߬ߙߋ߲ ߠߊ߫ ߞߎ߲߬ߠߊ߫߸ ߊ߬ߙߊ߬ߝߊ߲߬ ߡߎߛߊ߫ ߞߎ߬ߟߌߓߊ߬ߟߌ߫ ߞߵߊ߬ ߦߌ߬ߘߊ߬ ߞߏ߫: <<ߊ߲ ߧߋ߫ ߖߌ߬ߣߍ߫ ߘߝߐ߬ ߞߎߘߊ߫ ߟߋ߬ ߟߊߘߊ߲ ߞߊ߲߬ ߕߋ߲߬߸ ߖߡߊ߬ߣߊ߬ߘߋ߲ ߓߍ߯ ߞߊ߫ ߞߊ߲߫ ߞߊ߬ ߛߐ߬ߘߐ߲߬ ߡߍ߲ ߘߐ߫.>> ߊ߬ ߞߊ߬ ߞߎߟߎ߲ߖߋߟߌ ߟߊߛߋ߫ ߝߊ߬ߛߏ߬ ߞߊ߲ ߛߍ߬ߘߏ߲߬ߠߊ ߟߎ߫ ߡߊ߬: <<ߊߟߎ߫ ߟߊ߫ ߓߊ߯ߙߊ ߣߌ߲߬ ߓߘߴߊ߬ ߦߌ߬ߘߊ߬ ߞߏ߫ ߖߡߊ߬ߣߊ߬ߘߋ߲ ߓߍ߯ ߘߌߌ߫ ߛߋ߫ ߘߏ߫ ߞߍ߫ ߟߊ߫ ߖߌ߬ߣߍ߬ ߦߋ߫.>>

ߞߊ߲ߞߊ߲߫ ߡߙߊ߬ߓߊ߮ ߞߊ߲ߖߊ߬ ߡߊ߰ߙߊ ߞߵߊ߬ ߦߌ߬ߘߊ߬ ߞߎߡߊ߫ ߟߊߓߊ߲߫ ߘߐ߫߸ ߞߏߏ߫: <<ߛߌ߰ߞߊ߲ ߣߌ߲߬ ߞߣߐߘߐ ߝߘߊߣߍ߲߫ ߖߌ߬ߣߍ߬ߞߊ ߟߎ߫ ߟߋ߬ ߟߊ߫، ߞߊ߬ߝߏ ߕߍ߫ ߘߏ߫ ߜߘߍ߫ ߘߌ߫߸ ߊ߲ ߓߍ߯ ߟߋ߬ ߞߏ߫ ߦߴߏ߬ ߘߌ߫، ߝߏ߬ߟߌ ߦߋ߫ ߣߊ߬ߓߊ߰ߦߊ߬ ߘߋ߲ߡߌߛߍ߲ ߠߎ߬ ߦߋ߫، ߒߞߏ ߓߘߊ߫ ߓߌ߬ߟߊ߬ ߞߊ߲ߓߍ߲ ߘߐ߬ߝߐ ߞߣߐ߫ ߡߎ߬ߕߎ߲߬ ߝߛߊߦߌ߫.>>

A man in traditional attire speaking into a microphone, while seated military personnel and officials listen in the background. The setting appears to be an official event or gathering.

ߖߊ߲߬ߖߏ߲ ߞߎ߲߭ߘߏ߲߬ ߘߊ߫ ߟߕߊ߬ߡߌ߲߬ߡߊ߬ߟߌ ߟߋ߬ ߡߊ߬߸ ߛߌ߬ߞߊ߲ ߡߍ߲ ߘߟߊߡߌ߬ߣߊ߬ߣߍ߲߬ ߒߞߏ ߘߐ߫߸ ߞߵߏ߬ ߢߍߛߐ߲ ߘߏ߫ ߟߊߕߊ߬ߡߌ߲߫ ߝߊ߰ߡߊ ߟߎ߫ ߡߊ߬ ߞߏ߲߬ߓߏ ߞߏߕߍߓߊ߲߫ ߞߡߊ߬ߙߊ߬ ߓߟߏ߫߸ ߊ߬ ߣߌ߫ ߞߊ߬ ߘߏ߫ ߟߊߕߊ߬ߡߌ߲߫ ߣߊ߬ߓߊ߰ߦߊ߬ ߘߋ߲ߡߌߛߍ߲ ߠߎ߬ ߝߣߊ߫ ߡߊ߬، ߖߊ߲߬ߖߏ߲ ߣߌ߲߬ ߘߐߘߌߦߊ߫ ߘߊ߫ ߣߎ߲ߓߊ ߝߐߟߌߟߊ ߟߎ߫ ߟߋ߬ ߓߟߏ߫.

ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߣߌ߫ ߛߎ߯ߟߊ߲ߘߌ߫ ߛߊ߬ߞߐ߬ ߟߎ߬ ߓߟߏ߫