߂߀߂߅ ߥߊ߬ߛߌ߬ߥߙߊ ߕߋ߬ߟߋ߫ ߂߁ ߡߊ߬߸ ߕߊ ߟߋ߬ ߞߊ߬ ߓߟߏߕߋ ߢߍߥߟߊ߫ ߘߐߘߎ߲߬ߧߊ߬ߣߍ߲ ߡߣߐ߬ߜߕߊ߬ ߕߊ߲ߓߊ߲ ߖߋ߬ߣߌ߲߬ ߞߐߣߊߞߙߌ߫، ߒ߬ߓߊ߬߸ ߞߌߢߍ߲߫ ߜߋߙߋ߲ߜߋߙߋ߲ߧߊ ߛߌ߲߬ߝߏ߲߬ߧߊ߬ߘߊ ߣߐ߬ ߖߌ߬ߣߍ߬ ߡߊߘߍ߬ߡߍ߲߬ ߠߊ߫ ߛߏ߰ߟߊ ߏ߬ ߟߋ ߞߐ ߘߐ߫ ߣߌ߲߬ ߛߊ߫، ߣߌ߲߬ ߞߏ ߡߊߡߙߊ߬ߣߌ߲߫ ߖߌ߬ߣߍ߫ ߝߘߏ߬ߓߊ߬ ߓߛߍߦߊ ߣߌ߫ ߜߋߙߋ߲ߜߋߙߋ߲ߧߊ ߞߏߕߌ߮ ߟߋ߬ ߓߟߏ߫، ߞߌߢߍ߲߫ ߜߋߙߋ߲ߜߋߙߋ߲ߧߊ ߛߌ߲߬ߝߏ߲߬ߧߊ߬ߘߊ ߣߐ߬ ߘߍ߬ߡߍ߲ ߞߍ߫ ߟߊ߫ ߛߌߟߊ߫ ߘߊ߲ߘߐ߫ ߟߋ߬ ߝߍ߬: ߓߟߏߕߋߟߊ߲ ߕߐ߭ ߡߍ߲ ߕߏߣߍ߲߫ ߣߴߊ߬ߟߎ߬ ߡߊ߫ ߛߋ߫ ߘߐߕߌߢߍ߫ ߟߊ߫ ߕߊߓߐ ߝߍ߬߸ ߏ߬ ߟߎ߬ ߘߌ߫ ߟߊߞߊ߲ߘߊ߫ ߝߍ߬ߙߍ ߡߍ߲ ߠߎ߬ ߟߊ߫߸ ߞߵߊ߬ߟߎ߬ ߟߊߕߊ߯ ߦߙߐ߫ ߜߘߍ߫ ߟߎ߫ ߘߐ߫ ߡߎߣߎ߲߬، ߞߊ߬ ߓߊ߲߫ ߞߊ߬ ߞߏߖߊ ߥߛߊ߬ߓߊ߰ߦߊ ߘߏ߫ ߟߊߘߊ߲߫.

ߕߊߓߐ ߣߌ߲߬ ߝߍ߬߸ ߞߊ߬ߛߙߊ߬ ߛߌߦߊߡߊ߲߫ ߠߋ߬ ߞߍ߫ ߘߊ߫،  ߖߊ߬ߕߋ߬ߓߐ߫ ߞߎ߲߬ߝߟߐ ߟߎ߬ ߞߐߝߍ߬߸ ߊ߬ ߦߋ߫ ߘߊ߫ ߞߏ߫ ߘߌߘߊ ߞߋ߲߬ߥߟߎ߬ ߄ ߢߐ߲߰ ߠߋ߬ ߘߐߕߌߢߍ߫ ߘߊ߫߸ ߝߊߦߌߘߊ߫ ߡߐ߬ߣߐ ߞߣߐߝߋ߲ %߃߆ ߟߋ߬ ߖߋ߬ߣߌ߲߬ߣߍ߲߬ ߝߛߊߦߌ߫، ߣߴߌ ߞߵߊ߬ ߕߌߢߍߟߌ߫ ߞߍߣߍ߲ ߠߎ߬ ߖߊ߬ߕߋ߬ߓߐ߫ ߥߊߘߌߜߍ ߘߐ߫߸ ߘߟߊ߫ ߥߊߘߌ ߞߋ߲߬ߥߟߎ߬ ߥߐ߯߯ߙߐ߫ ߥߊ߯ ߗߡߍ߬ ߥߐߙߐ߲ߝߌ߬ߟߊ߫ ߟߋ߬ (ߞߋ߲߬ߥߟߎ߬ ߆،߇). ߓߏ߲߫ ߡߊߛߎߡߊߣߍ߲߫ ߥߐ߯ߙߐ ߘߐ߫߸ ߛߊ߬ߓߊ߫ ߟߋ߬ ߞߣߐ߫ ߝߋ߲ ߠߎ߬ ߞߍ߫ ߘߊ߫ ߞߎ߲߫߸ ߞߊ߬ ߖߡߊ߬ߣߊ ߡߊߣߊ߲ߞߎ߲ ߛߋߞߏߦߊ߫ %߆߁ ߖߌ߰ ߔߙߐߔߙߐ߫، ߓߟߏߕߋߟߊ߲ ߏ߬ ߟߎ߫ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߘߊ߲ߘߊߟߌ߫ ߖߐ߯ߙߊ߲߫ ߜߘߍ߫ ߟߎ߫߸ ߕߟߋ߬ߓߊ߰ߟߊ߬ߞߊ ߟߎ߬ ߣߌ߫ ߟߊ߬ߡߊ߲߬ߘߟߌ߬ ߝߋ߲߬ ߜߘߍ߫ ߟߎ߫ ߝߣߊ߫ ߖߋ߬ߣߌ߲߬ ߘߊ߫ ߟߋ߬߸ ߡߍ߲ ߠߎ߬ ߖߊ߬ߕߋ ߘߌ߫ ߘߟߊ ߞߋ߲߬ߥߟߎ߫ ߂،߄ ߓߐ߫߸ ߡߍ߲ ߘߐߕߌߢߍ߫ ߘߊ߫.

ߕߊߟߛߊߟߊ ߟߎ߬ ߣߌ߫ ߟߊ߬ߞߊ߲߬ߘߊ߬ߟߌ߬ ߝߊ߲ߞߊ ߟߎ߬ ߟߊ߫ ߣߊ߬ߟߌ ߞߊ߬ ߘߏ߫ ߓߐ߫ ߕߌߢߍߟߌ ߟߊ߫ ߛߊ߫߸ ߓߊ߬ߙߌ߬ ߞߍ߲ߘߍߦߊ ߣߐ߬ߝߍ߬ ߝߋ߲ ߠߎ߬ ߕߌߢߍ߫ ߘߊ߫ ߟߋ߬ ߝߛߊߦߌ߫، ߏ߬ ߟߋ ߞߏߛߐ߲߬߸ ߞߌߢߍ߲߫ ߜߋߙߋ߲ߜߋߙߋ߲ߧߊ ߛߌ߲߬ߝߏ߲߬ߧߊ߬ߘߊ ߞߵߊ߬ ߡߙߌߘߐߕߊ߬ ߞߏ߫ ߊ߬ ߦߴߊ߬ ߛߋߞߏ ߞߍ߫ ߖߌ߬ߣߍ߬ ߦߋ߫ ߣߌ߲߬ ߞߏ ߘߐ߫߸ ߛߊ߫ ߘߏ߫ ߘߌ߫ ߓߐ߫ ߡߊ߲߬ߕߙߐ ߟߊ߫.

ߞߏ߲߬ߓߏ߫ ߗ߭ߊ߲ ߡߊ߬ߙߌ߬ ߞߌߔߋߟߊ߫ ߡߍ߲ ߦߋ߫ ߞߌߢߍ߲߫ ߜߋߙߋ߲ߜߋߙߋ߲ߧߊ ߛߌ߲߬ߝߏ߲߬ߧߊ߬ߘߊ ߞߐߦߌߘߊߓߊ߮ ߘߌ߫ ߖߌ߬ߣߍ߬ ߞߣߐ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߞ.ߜ.ߛ ߓߘߴߊ߬ ߦߌ߬ߘߊ߬ ߞߏ߫ ߛߎ߬ߣߎ߲ ߦߴߊ߬ߟߎ߬ ߣߌ߫ ߖߌ߬ߣߍ߬ߞߊ ߓߍ߯ ߟߋ߬ ߘߍ߭ ߘߌ߫ ߣߌ߲߬ ߞߏ ߘߐ߫߸ ߞߵߏ߬ ߞߎ߲߭ ߞߍ߫ ߕߊߓߐ߫ ߥߎ߬ߣߊ߬ߞߏߙߏ߲ ߣߌ߲߬ ߘߌ߫، ߊ߲ ߘߏ߲߬ ߦߴߊ߲ ߣߐ߭ ߟߋ߬ ߘߐ߫ ߤߊߟߌ߬ߛߊ߫߸ ߣߴߏ߬ ߦߋ߫ ߖߌ߬ߣߍ߫ ߘߍ߬ߡߍ߲ ߘߌ߫ ߣߌ߲߬ ߞߏ ߘߐ߫ ߞߊߟߌߦߊ߫ ߓߟߏ ߡߊ߬߸ ߛߴߊ߬ ߘߴߊ߬ ߟߊ߫ ߓߟߏߕߋ ߛߋߞߏߦߊ ߟߎ߫ ߛߐ߬ߘߐ߲߬߸ ߝߍ߬ ߞߊߣߊ߬ ߞߍ߲ߘߍߦߊ ߓߊ߯ߙߊ ߛߐ߬ߘߐ߲߬ ߢߊ ߡߍ߲ ߡߊ߬߸ ߏ߬ ߡߍ߲ ߦߋ߫ ߞߏ ߓߍ߯ ߢߍߝߍ߬ ߞߊ߬ߣߌ߲߬.>>

ߘߍ߬ߡߍ߲߬ߠߌ߲ ߓߘߊ߫ ߓߐ߫ ߝߊ߲߬ ߛߌߦߊߡߊ߲߫ ߝߣߊ߫ ߝߍ߬ ߞߵߊ߬ ߞߎ߲߬ߛߌ߫ ߖߌ߬ߣߍ߬ ߟߊ߫߸ ߦߏ߫ ߡߊ߲߬ߕߏ߲߬ ߠߊߘߍ߬ߣߌ߲ ߠߊ߫ ߞߏ߲߬ߘߏ ߘߋ߲ߣߍ߲ ߠߎ߬ ߦߋ߫ (ߎ߳ߣߌߛߍߝ)߸ ߜ߭ߊߝ߭ߌ߸ ߞߌߢߍ߲߫ ߜߍߓߏ߲߸ ߊ߬ ߣߌ߫ ߘߊ߲ߘߊߟߌߟߊ߫ ߓߐߕߏ߲ߒߕߊ߲ ߠߎ߬߸ ߏ߬ ߟߎ߬ ߓߘߊ߫ ߡߊ߬ߜߍ߲ ߞߍ߫ ߦߙߐ ߟߐ߬ ߞߏ ߘߐ߫߸ ߊ߬ ߣߌ߫ ߛߊ߫ ߓߟߏߕߋ߫ ߞߏ ߞߊߣߊ߬ ߟߊߟߐ߬ ߢߊ ߡߍ߲ ߡߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫

ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.