ߞߊ߲ߞߊ߲߫ ߞߣߐ߫߸ ߡߌߛߌ߬ߙߊ߲߫ ߓߍ߲߬ߡߊ߬ߞߏ ߘߍ߬ߞߙߎ ߣߌ߫ ߡߌߛߌ߬ߙߊ߲߫ ߡߎ߰ߡߍ ߘߋ߲ߡߌߛߍ߲߫ ߞߎ߲ߕߌ߮ ߟߎ߬ ߣߴߊ߬ ߞߌ߲߬ߕߌ߮ ߟߎ߬ ߟߊ߫ ߝߊ߬ߙߊ߫ ߢߐ߲߰ ߞߊ߲ ߞߣߐߡߊ߬߸ ߊ߬ߟߎ߬ ߓߘߊ߫ ߟߊ߬ߛߋ߬ߟߌ ߘߏ߫ ߞߍ߫ ߞߊ߬ ߘߎ߰ߘߋ߲ ߠߎ߬ ߞߟߌ߫ ߛߐ߬ߘߐ߲ ߡߊ߬ ߞߊ߲ߘߟߌ߫ ߣߊ߬ߕߐ ߘߐ߫ ߛߌߦߊߦߊ߫ ߞߏߟߌߞߏߟߌ ߟߊ߫߸ ߞߊ߬ ߐ߲߰ߤߐ߲ ߛߎߥߊ߲ߘߌ߫.

ߟߊ߬ߛߋ߬ߟߌ ߘߏ߫ ߟߋ߬ ߞߍߣߍ߲߫ ߡߌߛߌ߬ߙߊ߲߫ ߓߍ߲߬ߡߊ߬ߞߏ ߓߟߏ߫߸ ߞߵߊ߬ߟߎ߬ ߟߊ߫ ߞߐߡߊߓߌ߲ߓߌ߲ߠߌ߲ ߦߌ߬ߘߊ߫ ߛߌ߰ߞߊ߲߬ ߞߎ߬ߘߊ߬ ߞߏ ߣߌ߲߬ ߘߐ߫، ߡߌߛߌ߬ߙߊ߲߫ ߞߌ߲߬ߕߌ߮ ߟߎ߬ ߣߴߊ߬ ߘߋ߲ߡߌߛߍ߲߫ ߞߎ߲ߕߌ߮ ߟߎ߬ ߕߘߍ߬ ߞߣߍ ߞߊ߲߬ (ߡߌߛߌ߬ߙߊ߲߬ ߁߭߸ ߡߌߛߌ߬ߙߊ߲߬ ߂߲߸ ߊߝ߭ߌߦߊߛߌߦߐ߲߸ ߡߌߛߌ߬ߙߊ߲߬ ߡߏߓߌߟ߸ ߛߌߕߊߞߙߎ߫߸ ߊ߬ ߣߌ߫ ߓߕߎߙߎ߲߫)߸ ߞߵߊ߬ߟߎ߬ ߟߊ߫ ߡߐ߱ ߟߎ߬ ߞߟߌ߫ <<ߘߐ߬ߝߐ ߟߏ߲ߓߊ ߣߌ߲߬ ߓߐߟߌ߫ ߞߏߟߌߞߏߟߌ ߡߊ߬߸ ߞߊ߬ ߤߊ߯ߟߌ ߛߎߥߊ߲ߘߌ߫ ߥߊ߬ߛߊߥߊ߬ߛߊ ߘߌ߫.>>

ߊ߬ߟߎ߬ ߟߊ߫ ߟߊ߬ߛߋ߬ߟߌ ߣߌ߲߬ ߘߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫: <<ߛߌ߰ߞߊ߲ ߕߍ߫ ߘߐ߬ߛߙߋ߬ ߜߊ߲ߛߊ߲߫ ߘߌ߫ ߘߋ߬.>> ߊ߬ߟߋ ߟߋ߬ ߞߍ߫ ߟߊ߫ ߕߙߎ߬ ߘߌ߫߸ ߞߊ߬ <<ߖߡߊ߬ߣߊ ߟߊߘߊ߲߫ ߢߊ߫ ߡߊ߬߸ ߊ߲ ߧߋ߫ ߡߍ߲ ߝߍ߬.>> ߏ߬ ߟߋ ߘߐ߫߸ ߡߊ߬ߞߏ ߓߍ߯ ߟߋ߬ ߟߊ߫ ߣߌ߲߬ ߞߏ ߘߐ߫߸ ߞߊ߬ ߛߐ߬ߘߐ߲߫ ߊ߬ ߛߎߥߊ߲ߘߌ ߓߊ߯ߙߊ ߘߐ߫، ߓߊߏ߬ <<ߢߣߊߕߊߟߌ߫ ߛߓߍ ߓߍ߯ ߦߋ߫ ߢߍߕߊ ߛߌߟߊ ߟߋ߬ ߟߊߞߊ߬ ߟߊ߫.>> ߡߐ߰ ߘߏ߲߬ ߕߍߣߊ߬ <<ߊ߲ ߛߊ߬ߥߏ ߞߍ߫ ߟߴߊ߲ ߣߐ߭ ߘߐ߫.>>

ߡߌߛߌ߬ߙߊ߲߫ ߓߍ߲߬ߡߊ߬ߞߏ ߞߊ߲ߕߌ߮߸ ߟߊ߲߱ߛߌ߬ߣߍ߬ ߞߐ߲ߘߍ߫ ߞߵߊ߬ ߦߌ߬ߘߊ߬ ߌߞߐ߫߸ ߞߏ߫ ߢߣߊߕߊߟߌߟߊ ߓߍ߯ ߦߋ߫ ߓߐ߫߸ ߞߊ߬ ߘߎ߰ߘߋ߲߬ߧߊ ߤߊߞߍ ߟߊߕߊ߯ߡߊ߫ <<ߖߐ ߣߌ߫ ߡߊ߲߬ߕߎ߬ߙߋ߬ߦߊ ߞߣߐ߫.>>

ߓߊߛߓߊ߬ߕߌ߫ ߛߘߌ߬ߓߋ߬ ߡߍ߲ ߦߴߊ߬ߟߎ߬ ߟߊ߫ ߞߐߞߊ߲ߞߏ ߟߎ߬ ߞߟߊ߬ߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߛߌ߰ߞߊ߲ ߛߎߥߊ߲ߘߟߌ ߣߌ߲߬ ߦߋ߫ ߞߏ߫ ߟߋ߬ ߘߌ߫߸ ߡߍ߲ ߞߊ߫ ߘߌ߫ ߖߡߊ߬ߣߊ ߟߊ߫، (…)ߏ߬ ߞߏߛߐ߲߬ ߡߌߛߌ߬ߙߊ߲߫ ߓߍ߲߬ߡߊ߬ߞߏ߸ ߞߵߏ߬ ߟߊ߫ ߡߌߛߌ߬ߙߊ߲߫ ߞߌ߬ߘߊ߬ ߥߐ߯ߙߐ ߞߊ߲߬߸ ߞߏ߫ ߊ߲ ߧߴߊ߲ ߠߊ߫ ߞߌ߲߬ߘߊ߬ߓߊ ߏ߬ ߡߐ߱ ߟߎ߬ ߡߊߞߟߌ߫ ߞߊ߬ ߥߊ߫ ߤߊ߯ߟߌ ߛߎߥߊ߲ߘߌ ߡߊ߬߸ ߖߐ߲߰ߛߊ߫ ߊ߲ ߧߋ߫ ߢߌߣߌ߲߫ ߠߊ߫ ߥߙߎߞߌ ߡߍ߲ ߡߊ߬߸ ߏ߬ ߦߋ߫ ߕߊ߬ߡߌ߲߫ ߛߌ߲߬ߠߊ߬ߞߊߟߌߦߊ߫ ߟߊ߫.>> ߓߊߛߓߊ߬ߕߌ߫ ߟߋ߬ ߞߊ߲߫ ߕߋ߲߬.

ߓߍ߲߬ߡߊ߬ߞߏ ߞߵߊ߬ ߦߌ߬ߘߊ߬ ߞߏ߫ <<ߖߌ߬ߣߍ߬ߞߊ ߟߎ߬ ߓߘߊ߫ ߓߌ߫ ߡߎ߬ߕߎ߲߬߸ ߞߵߊ߬ߟߎ߬ ߟߊߘߍ߬ ߞߊ߬ ߞߍ߫ ߞߋߟߋ߲߫ ߘߌ߫ ߞߵߊ߬ߟߎ߬ ߟߊ߫ ߛߌߣߌ߲߫ ߢߍߛߌ߮ ߛߌߟߊ ߡߌ߬ߘߊ߬.>>

ߊ߬ߟߎ߬ ߟߊ߫ ߛߓߍ ߣߌ߲߬ ߞߊ߬ ߖߌ߬ߣߍ߬ߞߊ ߓߍ߯ ߟߋ߬ ߡߊߞߟߌ߫: ߘߋ߲ߡߌߛߍ߲ ߠߎ߬ ߓߊ߬߸ ߛߣߍ߬ߞߍ߬ߟߊ ߟߎ߫ ߓߊ߬߸ ߊ߬ ߣߌ߫ ߗߋߘߊߕߌ߮ ߟߎ߬ ߣߌ߫ ߞߏ߲ߞߏ߫ ߞߣߐ߫ ߡߐ߮ ߟߎ߬ ߓߍ߯ ߟߊߘߍ߬ߣߍ߲ ߞߐߘߍ߫، ߓߊߏ߬߸ <<ߡߊ߬ߞߏ ߦߋ߫ ߓߍ߯ ߟߋ߬ ߡߙߌߦߊ ߟߊ߫.>> ߊ߬ߟߎ߫ ߞߵߊ߬ ߦߌ߬ߘߊ߬ ߞߎߡߊ ߞߎ߲߬ߘߏ߲ ߘߐ߫߸ ߞߏ߫ ߊ߬ߟߎ߬ ߡߙߌߦߊ ߦߋ߫ ߡߍ߲ ߘߌ߫߸ ߏ߬ ߟߋ <<ߖߌ߬ߣߍ߬ ߦߋ߫ ߞߍ߫ ߖߡߊ߬ߣߊ߬ ߘߌ߫߸ ߖߛߎ߬ߛߎߡߊ ߖߡߊ߬ߣߊ߸ ߊ߬ ߣߌ߫ ߥߙߎߞߌ ߖߡߊ߬ߣߊ.>>

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.