ߞߵߊ߬ ߓߍ߲߬ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߘߏ߫ ߟߎ߫ ߡߊ߬߸ ߡߍ߲ ߝߐ߫ ߘߊ߫ ߞߊߘߊ߲ߛ ߏߥߍ߲߫ ߓߟߏ߫߸ ߏ߬ ߦߋ߫ ߕߐ߯ߟߡߊ ߘߏ߫ ߟߋ߬ ߘߌ߫، ߏ߬ ߟߋ ߞߊ߲߫ ߞߏ߫ ߡߊߞߐߙߐ߲߫ ߠߊ߫ ߓߐ߬ߟߐ߲߬ߞߊ ߦߋ߫ ߖߊ߲߬ߦߟߍ߬ߡߊ߬ߣߍ߲ ߠߋ߬ ߘߌ߫، ߏ߬ ߟߋ ߞߎߡߊ ߓߘߊ߫ ߥߎߦߊߒߕߋߦߊ߫ ߡߊߞߐߙߐ߲߫ ߣߴߊ߬ ߟߊ߫ ߓߐ߬ߟߐ߲߬ߞߊ ߓߙߌߖ߭ߌߕ ߡߊߞߐߙߐ߲߫ ߓߟߏ߫ « ߟߐ߲ߞߏ߫ » ߘߊߟߎ ߘߏ߫ ߟߎ߫ ߟߊ߫߸ ߝߏ߫ ߊ߬ߟߎ߬ ߝߣߊ߫ ߓߘߴߊ߬ߟߎ߬ ߡߊߞߊ߬ߛߌ߬ ߕߐ߯ߟߡߊ ߏ߬ ߞߊ߲߬ ߞߊ߬ߝߏ߫ ߘߍ߬ߣߍ߲ ߞߕߌߘߊ ߘߏ߫ ߟߊ߫ ߘߊ߲ߕߌߢߍߟߌ ߞߏߛߐ߲߬.

ߋߡߊߣߎ߳ߍߟ ߣߌ߫ ߓߙߌߖ߭ߌߕ ߡߊߞߐߙߐ߲߫ ߓߘߊ߫ ߞߕߌ߫ ߞߏ ߘߏ߫ ߛߌ߰ ߛߋ߲߬ߠߊ߫ ߞߊ߬ߝߏ߫ ߘߍ߬ߣߍ߲ ߞߣߐ߫߸ ߞߊߘߊ߲ߛ ߏߥߍ߲߫ ߞߊ߲ߡߊ߬߸ ߊߡߙߌߞߌ߬ ߕߐ߯ߟߡߊ ߏ߬ ߡߍ߲ ߣߐ߬ ߖߌ߬ߦߊ߬ߖߟߐߞߐ ߘߏ߫ ߟߊߓߐ߫ ߟߊ߫߸ ߞߊ߬ ߛߌߞߊ ߟߊߘߏ߲߬ ߡߊߞߐߙߐ߲߫ ߡߏ߬ߛߏ ߟߊ߫ ߡߛߏ߬ߦߊ߬ ߞߏ ߐߘ߫߸ ߏ߬ ߡߍ߲ ߦߋ߫ ߝߊ߬ߙߊ߲߬ߛߌ߫ ߡߛߏ߬ ߝߟߐ ߘߌ߫، ߒ߬ߓߊ߬߸ ߝߊ߬ߙߊ߲߬ߛߌ߬ ߞߊ߲ߕߌ߮ ߣߴߊ߬ ߡߏ߬ߛߏ ߝߣߊ߫ ߣߐ߬ ߞߎߡߊ ߏ߬ ߟߋ ߥߎߦߊߦߊ ߦߌ߬ߘߊ߬ ߟߊ߫߸ ߞߊ߬ ߘߊ߲ߕߌߢߍߟߌ ߏ߬ ߞߍ߫ ߝߣߊ߬ߦߊ߬ ߞߊ߲ ߘߌ߫߸ ߞߵߊ߬ ߦߌ߬ߘߊ߬ ߞߏ߫ « ߟߐ߲ߞߏ߫ ߘߊߟߎ » ߘߝߊߣߍ߲߫ ߊ߬ߟߎ ߓߟߏ߫ ߞߐ߲ߞߐ߲߫߸ ߞߵߏ߬ ߟߊ߫ ߖߌ߬ߦߊ߬ߓߍ ߘߏ߫ ߟߎ߫ ߞߊ߲߬ ߖߍ߬ߘߍ.

ߡߊߞߐߙߐ߲߫ ߣߴߊ߬ ߡߏ߬ߛߏ ߟߊ߫ ߟߊ߬ߝߛߊ߬ߟߌ߬ߟߊ߸ ߕߐߡ ߞߑߟߊߙ ߞߵߊ߬ ߦߌ߬ߘߊ߬ ߓߌߓߛߌ ߟߊ߫߸ ߞߏ߫ ߞߟߊ߬ߡߊ߬ߓߊ߮ ߘߏ߫ ߟߎ߫ ߦߴߊ߬ߟߎ߬ ߓߟߏ߫߸ ߡߍ߲ ߠߎ߬ ߣߊ߬ߕߐ߫ ߟߊ߬ߛߙߋ߬ߦߊ߬ߟߌ ߟߊ߫ ߞߕߌߘߊ ߢߊߞߘߐ߫، ߘߊ߬ߟߎ ߏ߬ ߡߍ߲ ߞߍߕߐ߫ ߊ߬ ߦߌ߬ߘߊ߬ ߟߊ߫ ߟߐ߲ߞߏ ߜߍߞߟߐ ߟߊ߫߸ ߞߏ߫ ߓߙߌߖ߭ߌߕ ߡߊߞߐߙߐ߲߫ ߦߋ߫ ߡߏ߬ߛߏ ߘߝߊߣߍ߲ ߠߋ߬ ߘߌ߫ ߞߐ߲ߞߐ߲߫߸ ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ ߟߊ߫ ߗߍ߬ߦߊ߬ ߞߏ߬ ߞߎߡߊ ߕߍ߫ ߕߎ߬ߢߊ߬ ߘߌ߫ ߤߊߟߌ߬ ߞߋߟߋ߲߫߸ ߞߏ߫ ߏ߬ ߡߍ߲ ߥߎߦߊ߫ ߞߎߡߊ ߝߘߊߣߍ߲߫ ߞߊߘߊ߲ߛ ߏߥߍ߲߫ ߠߊ߫ ߞߊ߬ߣߌ߲߬߸ ߞߵߊ߬ ߝߐ߫ ߊ߬ ߘߐߜߍߓߊ߯ ߞߋ߲߬ߥߟߎ߬ ߦߙߌߞߊ ߦߋ߫، ߟߊ߬ߝߛߊ߬ߟߌ߬ߟߊ ߟߊ߫ ߞߎߡߊ ߣߌ߲߬ ߛߙߋߦߊ ߟߊߟߐ߬ ߘߊ߫ ߝߐ߰ߓߍ߬ߦߊ߬ߟߊ ߟߎ߬ ߓߟߏ߫ ߞߊ߬ ߝߘߴߊ߬ ߟߊ߫ ߞߕߌ߫ ߓߏ߲ߘߋ߲ ߖߍ߬ߘߍ ߟߋ߬ ߟߊ߫.

ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߓߙߌߖ߭ߌߕ ߡߊߞߐߙߐ߲߫ ߠߊ߫ ߞߣߐߡߦߊ߫ ߖߌߦߊߓߍ߸ ߥߟߴߊ߬ ߣߴߊ߬ ߘߋ߲ ߠߎ߬ ߖߌ߬ߦߊ߬ߓߍ ߟߋ߬ ߓߍߣߊ߬ ߘߐ߬ߛߙߋ ߘߝߊ߫، ߝߊ߬ߙߊ߲߬ߛߌ߬ ߞߊ߲ߕߌ߮ ߣߴߊ߬ ߡߏ߬ߛߏ ߞߊ߲߫ ߞߏ߫ ߣߌ߲߬ ߞߏ ߣߐ߬ ߊ߬ߟߎ߬ ߕߙߐ߫ ߟߊ߫ ߟߋ߬ ߞߏߛߓߍ߫، ߓߊ߬ߙߌ߬߸ ߞߏ߫ ߣߌ߫ ߞߕߌ ߣߌ߲߬ ߞߍ߫ ߘߊ߫߸ ߏ߬ ߟߋ ߞߍߕߐ߫ ߊ߬ߟߎ߬ <<ߟߊߛߍߥߊ߫ ߟߴߊ߬ߟߎ߫ ߛߣߐ߬ߡߍ ߘߐ߫.>>

ߥߎ߬ߣߎ߲߬ߥߎ߬ߣߎ߲߬ ߞߎߡߊ ߡߍ߲ ߘߏ߲߬ ߦߋ߫ ߝߊ߬ߙߊ߲߬ߛߌ߬ ߞߊ߲ߕߌ߮ ߟߊ߫ ߓߐ߬ߟߐ߲߬ߞߊ ߞߐ߫ ߣߌ߲߬߸ ߞߎߡߊ߫ ߞߎߘߊ߫ ߕߴߏ߬ ߘߌ߫ ߘߋ߬، ߞߊ߬ߦߌ߯ ߂߀߁߇ ߟߋ߬ ߟߊ߫߸ ߡߊߙߐߞߐ߲߫ ߠߊ߫ ߞߊ߲ߕߌ߯ ߢߣߊߕߊߟߌ ߓߙߊߡߊߖߊ߲ߓߊ߲߫ ߝߟߐ ߝߍ߬߸ ߊ߬ ߞߎߡߊ ߕߍ߬ߘߍ߫ ߛߋ߲߬ߠߊ߫، ߊ߬ ߞߎߡߊ ߓߌ߬ߟߊ߬ ߛߋ߲߬ߠߊ߫ ߂߀߂߅ ߢߌ߲߬ ߠߊ߫߸ ߏ߬ ߕߎ߬ߙߎ ߞߍߣߍ߲߫ ߊߡߙߌߞߌ߬ ߕߐ߯ߟߡߊ߫ ߞߊߘߊ߲ߛ ߏߥߍ߲߫ ߠߊ߫ ߖߌ߬ߦߊ߬ߖߟߎ ߟߋ߬ ߘߌ߫߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߡߊߞߐߙߐ߲߫ ߡߏ߬ߛߏ ߕߍ߬ߘߍ߫ ߗߍ߭ ߟߋ߬ ߘߌ߫߸ ߡߍ߲ ߘߍߦߟߍ߬ߡߊ߲߬ߣߍ߲߫ ߞߊ߬ ߞߍ߫ ߡߏ߬ߛߏ ߘߌ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.