ߡߘߊߜ߭ߊߛߑߞߊߙ ߞߎ߲߬ߠߊ߬ߛߌ߮ ߞߵߊ߬ ߟߊߛߋ߫ ߞߍ߲ߘߍߟߏ߲ ߡߊ߬ ߟߊ߬ߛߋ߬ߟߌ ߘߏ߫ ߘߐ߫߸ ߞߏ߫ ߊ߬ߟߎ߬ ߓߘߊ߫ ߘߌ߬ߢߍ߬ ߊߝߙߌߞߌ߬ ߥߙߏ߬ߘߎ߮ ߞߟߎߞߟߌ ߘߍ߬ߓߊ ߞߊ߲ߕߌ߯ߦߊ ߘߐ߫߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߟߊ߫ ߜߘߌߛߌ߯ߟߌ ߢߍߥߟߊ ߘߌ߫ ߖߡߊ߬ߣߊ ߞߣߐ߫، ߏ߬ ߘߐ߫߸ ߥߙߏ߬ߘߎ߰ ߊߝߙߌߞߌ߬ ߟߋ߬ ߓߍߣߊ߬ ߞߊ߲ߕߌ߯ߦߊ ߕߊ߬ ߘߍ߲߬ߞߍ߬ߕߎ߲߬ ߓߟߏ ߡߊ߬.
ߊߝߙߌߞߌ߬ ߥߙߏ߬ߘߎ߮ ߥߙߎߞߟߌ ߘߍ߬ߓߊ ߣߌ߲߬ ߞߊ߲ߕߌ߯ߦߊ ߛߋ ߡߘߊߜ߭ߊߛߑߞߊߙߌ߬ ߓߟߏ߫߸ ߏ߬ ߞߊߙߏ߫ ߛߊ߬ߓߊ ߟߋ߬ ߕߋ߲߬߸ ߊ߬ߟߎ߬ ߓߘߴߊ߬ߟߎ߫ ߞߎ߲߬ߓߐ߫ ߊ߬ ߞߊ߲ߕߌ߯ߦߊ ߏ߬ ߞߘߐ߫، ߊ߬ߟߎ߫ ߞߵߏ߬ ߞߎߡߊ ߝߐ߫ ߟߊ߬ߛߋ߬ߟߌ߬ ߛߓߍ ߘߏ߫ ߟߋ߬ ߞߣߐ߫߸ ߡߍ߲ ߠߊߖߍ߲ߛߍ߲߫ ߘߴߊ߬ߟߎ߬ ߓߟߏ߫ ߞߍ߲ߘߍߟߏ߲ ߂߀߂߅ ߣߍߣߍߓߊ ߕߟߋ߬ ߁߭ ߡߊ߬߸ ߞߊ߬ ߝߘߊ߫ ߜߘߌߛߌ߯ߟߌ ߞߊ߲ߕߌ߯ߘߊ ߟߊ߫߸ ߞߏ߫ ߊ߬ߟߎ߬ ߦߴߊ߬ ߝߍ߬ ߞߵߊ߬ߟߎ߬ ߢߊ ߓߍ߲߬ ߊ߬ߟߎ߬ ߟߊ߫ ߖߡߊ߬ߣߊ ߞߏ ߟߎ߬ ߟߋ߬ ߡߊ߬ ߡߎߣߎ߲߬߸ ߞߊ߬ ߖߡߊ߬ߣߊ ߞߣߐߟߊ ߝߟߐ߫ ߘߐߓߍ߲߬.
ߞߵߊ߬ ߛߐ߬ߘߐ߲߬ ߜߎ߸ ߛߌ߲߬ߝߏ߲߬ߘߊ ߣߌ߲߬ ߕߎ߲߬ ߓߘߊ߫ ߝߟߐ߫ ߢߊ߫ ߢߌߣߌ߲ ߘߊߡߌ߬ߣߊ߬ ߟߊ߫ ߡߘߊߜ߭ߊߛߑߞߊߙߌ߬ ߟߊ߫ ߞߏ ߡߊ߬߸ ߛߴߊ߬ߟߎ߬ ߘߴߊ߬ߟߎ߫ ߓߌ߬ߟߊ߫ ߞߊ߬ߟߊ߫ ߞߊ߲߬ ߘߍ߭ ߞߣߐ߫ ߢߊ ߡߍ߲ ߡߊ߬ ߞߊ߬ߝߏ߬ ߖߊߛߏ߲ ߞߐ ߣߌ߲߬ ߘߐ߫، ߏ߬ ߟߋ ߖߍ߬ߘߍ ߞߏߛߐ߲߬߸ ߊ߬ߟߎ߫ ߞߊ߬ ߞߘߐߓߐߟߌ߫ ߗߋߦߊߟߌ ߘߏ߫ ߟߎ߫ ߟߊߕߊ߯ ߦߋ߲߬ ߞߏ߲ߓߌߕߌ߮ ߕߋ߬ߟߋ߫ ߂߇ ߡߊ߬.
ߏ߬ ߟߋ ߖߍ߬ߘߍ ߞߏߛߐ߲߬߸ ߝߘߏ߬ߓߊ߬ ߞߟߊ߬ߕߌ߰ߘߊ ߞߵߊ߬ ߦߌ߬ߘߊ߫ ߕߎ߬ߡߊ ߏ߬ ߟߊ߫ ߞߏ߫ ߥߙߏ߬ߘߎ߰ ߊߝߙߌߞߌ߬ ߦߋ߫ ߞߊ߲ߕߌ߯ߦߊ ߕߊ߬ ߘߍ߲߬ߞߍ߬ߕߎ߲߬ ߓߟߏ ߡߊ߬߸ ߓߊߏ߬ ߞߊ߬ߝߏ߬ ߖߊߛߏ߲ ߓߘߊ߫ ߞߍ߫ ߡߘߊߜ߭ߊߛߑߞߊߙߌ߬ ߞߣߐ߫߸ ߊ߬ߟߎ߬ ߕߴߛߋ߫ ߞߊ߲ߕߌ߯ߦߊ ߛߙߊߕߌ ߓߍ߯ ߘߝߊ߫ ߟߊ߫، ߒ߬ߓߊ߬߸ ߡߘߊߜ߭ߊߛߑߞߊߙ ߝߟߐ߫ ߓߘߴߊ߬ ߟߞߊߟߌߦߊ߫߸ ߞߊ߬ ߘߌ߬ߢߍ߬ ߊ߬ߟߋ߬ ߞߊ߲ߕߌ߯ߦߊ ߡߊ߬ ߘߏߦߌ߲߫߸ ߞߏ߫ ߊ߬ߟߎ߬ ߟߊ߫ ߖߡߊ߬ߣߊ ߞߣߐߟߊ ߟߋ߬ ߖߍ߬ߘߍ ߝߟߐ߫ ߤߊߡߌ߲ ߦߴߊ߬ߟߎ߬ ߟߊ߫ ߡߎߣߎ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.