ߕߎ߬ߡߊ ߡߍ߲ ߠߊ߫ ߞߊ߲ߞߊ߲߫ ߞߊ߬ߝߏ߬ߙߋ߲߬ߕߌ߮߸ ߊ߬ߙߊ߬ߝߊ߲߬ ߡߎߛߊ߫ ߞߎ߬ߟߌߓߊ߬ߟߌ߫ ߕߘߍ߬ ߤߖߌ ߟߊ߫ ߡߞߊ߫߸ ߢߎߡߍߘߊ߮ ߡߍ߲ ߠߎ߬ ߞߊ߲ߞߊ߲߫ ߛߌߟߓߊ ߟߎ߫ ߝߍ߬ ߛߏ ߟߊߡߍߣߍ߲߫ ߞߊ߲ߡߊ߬߸ ߣߴߏ߬ ߟߎ߬ ߕߊߘߊ߮ ߘߏ߫ ߟߎ߫ ߕߍ߬ߘߍ߫ ߞߊ߬ߝߏ߬ߙߋ߲߬ߘߊ ߟߊ߫، ߒ߬ߓߊ߬߸ ߢߎߡߍߘߊ߮ ߏ߬ ߘߏ߫ ߟߎ߫ ߟߋ߬ ߛߏ߲߬ߧߊ߬ ߘߊ߫ ߛߙߎ߬ߞߎ߬ߛߙߎ߬ߞߎ߬ ߓߟߏ ߡߊ߬߸ ߡߍ߲ ߞߏ ߡߊ߲߬ߞߊ߲ ߓߘߊ߫ ߥߙߊ߬ ߞߊ߬ ߣߊ߬ ߢߐ߲߯ ߡߊߢߌߣߌ߲ߞߊ߫ ߛߌߦߊߡߊ߲ ߘߌ߫.
ߜߍߞߊ߲ߖߡߊߣߊ ߞߍߦߙߐ ߟߊ߫ ߝߐߟߌ߫ ߘߐ߫߸ ߞߵߊ߬ ߓߍ߲߬ ߓߐߛߎ߲߫ ߛߌߦߊߡߊ߲߫ ߠߊ߫ ߟߞߊ߬ߟߌ߬ ߞߊ߲ ߠߎ߬ ߡߊ߬߸ ߕߟߋ߬ߥߎߢߊ߲ ߡߍ߲ ߠߎ߬ ߕߘߍ߬ ߞߊ߲ߞߊ߲߫ ߠߊߡߍߣߍ߲߫ ߠߊ߫߸ ߏ߬ ߢߎߡߍߘߊ߯ ߅߄ ߠߋ߬ ߕߍ߬ߘߍ߫ ߟߊ߬ߡߙߊ ߘߐ߫ ߞߊ߬ߝߏ߬ߙߋ߲ ߞߣߐ߫ ߦߋ߲߬߸ ߦߙߎ߬ߞߎ߬ߦߙߎߞߎ ߘߏ߲߬ߣߍ߲߫ ߏ߬ ߟߎ߫ ߟߋ߬ ߟߊ߫ ߞߏ ߘߐ߫ ߞߊ߬ߝߏ߬ߙߋ߲ ߞߏߟߊߕߍ߯ ߛߊ߲ߘߐߓߊ߫ ߡߐ߰ ߝߌ߬ߟߊ߬ ߓߟߏ߫، ߊ߬ߟߎ߫ ߕߍ߬ߘߍ߫ ߊ߬ ߞߊ߲߬ ߞߊ߬ ߕߊߘߊ߮ ߢߌ߲߬ ߠߎ߬ ߟߊߓߐ߫ ߜߎ߲߬ߘߎ߬ ߘߐ߫ ߟߋ߬߸ ߞߵߊ߬ ߛߐ߬ߘߐ߲߬ ߞߊ߲ߕߌ߮ ߢߊ߫ ߕߍ߫ ߜߍ߫ ߘߐ߫.
ߘߏ߫ ߟߋ߬ ߞߊ߬ ߕߐ߲ߕߌ߯ ߞߊ߬ߓߊ ߟߊߟߐ߲ߠߌ߲߫߸ ߏ߬ ߡߍ߲ ߦߋ߫ ߞߊ߬ߝߏ߬ߙߋ߲ ߞߣߐ߬ߜߍ߲߬ ߞߎ߲ߕߌ߮ ߘߌ߫߸ ߞߵߊ߬ ߦߌ߬ߘߴߊ߬ ߟߊ߫ ߞߏ߫ ߞߊ߬ߝߏ߬ߙߋ߲ ߟߊ߬ߘߍ߬ߟߌ߬ߟߊ ߦߋ߫ ߝߋ߲ ߘߏ߫ ߟߎ߫ ߟߊߓߐ ߞߊ߲߬ ߘߏ߲߰ ߓߟߏ ߡߊ߬، ߌߞߘߐ߫߸ ߞߊ߬ߓߊ ߥߊ߫ ߘߊ߫ ߦߋ߲߬ ߞߵߊ߬ ߛߐ߬ߘߐ߲߬ ߢߎߡߍߘߊ߯ ߅߂ ߓߘߊ߫ ߓߊ߲߫ ߓߐ߫ ߟߴߊ߬ ߣߐ߭ ߘߐ߫߸ ߞߵߊ߬ ߕߐ߭ ߕߏ߫ ߝߌ߬ߟߊ߬ ߘߐߙߐ߲߫ ߡߊ߬ ߛߍߣߍ߲߬. ߏ߬ ߞߍ߸ ߟߊ߬ߘߍ߬ ߞߟߊߡߊ߲ ߘߏ߫ ߡߊߞߟߌ߫ ߘߊ߫߸ ߡߍ߲ ߖߌ߲߬ߖߊ߲߬ߖߙߌ ߞߍ߫ ߘߊ߫ ߕߙߎ߬ ߘߌ߫ ߞߎߣߎ߲߬ ߞߐ߬ߟߏ߲ ߡߎ߰ߡߍ ߡߊ߬߸ ߢߎߡߍߘߊ߯ ߄߀ ߓߌ߬ߟߊ߬ ߘߴߊ߬ ߣߐ߭ ߘߐ߫ ߘߏߦߌ߲߫.
ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߮ ߞߵߊ߬ ߟߊߢߌߣߌ߲߫ ߡߙߊ߬ߓߊ߮ ߝߍ߬ ߞߊߟߌߦߊ߫ ߓߟߏ ߡߊ߬߸ ߞߏ߫ ߊ߬ ߦߋ߫ ߘߏ߫ ߝߐ߫ ߣߌ߲߬ ߞߏ ߘߐ߫ ߌߞߘߐ߫، ߒ߬ߓߊ߬߸ ߟߊ߬ߘߍ ߡߍ߲ ߞߍ߫ ߘߊ߫ ߡߙߊ߬ߓߊ߰ߘߊ ߟߊ߫ ߓߌ߬ ߞߎߣߎ߲ߟߏ߲ ߣߌ߲߬ ߡߊ߬߸ ߟߊ߬ߘߍ߬ߟߊ ߓߊ߬߸ ߊ߬ ߣߌ߫ ߞߊ߬ߝߏ߬ߙߋ߲ ߝߘߏ߬ߓߊ߬ ߞߟߊ߬ߕߌ߮߸ ߏ߬ ߟߎ߬ ߓߍ߯ ߞߵߊ߬ߟߎ߫ ߟߐ߬ ߊ߬ ߞߏ߫ ߊ߬ߟߎ߫ ߛߋ߲߬ ߦߋ߫ ߣߌ߲߬ ߞߏ ߘߐ߫߸ ߞߊ߬ ߓߊ߲߫ ߞߵߊ߬ ߟߊߢߌߣߌ߲߫ ߝߣߊ߫߸ ߞߏ߫ ߊ߬ ߞߊ߫ ߘߴߊ߬ߟߎ߬ ߦߋ߫ ߞߊ߬ ߣߌ߲߬ ߞߏ ߢߊߓߐ߫ ߟߐ߲ߓߊ߯ߦߊ߫ ߓߟߏ ߟߋ߬ ߡߊ߬، ߓߊ߬ߙߌ߬߸ ߊ߬ߟߎ߬ ߡߙߌߦߊ ߏ߬ ߡߊ߫ ߞߊ߬ߝߏ߬ߙߋ߲ ߞߣߐ߫ ߡߐ߮ ߓߍ߯ ߞߎ߲߭ ߕߊ߬.
ߓߊߏ߬߸ ߛߌ߲߬ߝߏ߲ ߘߏ߫ ߟߎ߫ ߞߊ߲߫ ߠߋ߬߸ ߞߏ߫ ߝߏ߫ ߞߊ߬ ߞߏߟߊߕߐ߲ ߠߋ߬ ߞߍ߫߸ ߞߵߊ߬ߟߎ ߞߍ߫ ߕߐ߰ߡߊ߬ߛߙߋ ߘߌ߫ ߛߍߣߍ߲߬߸ ߖߐ߲߰ߛߊ߫ ߞߏ߫ ߛߎ߮ ߏ߬ ߞߊߣߊ߬ ߡߊߝߌ߬ߟߊ߫ ߡߎ߬ߕߎ߲߬߸ ߞߵߊ߬ ߓߍ߲߬ ߖߊ߬ߡߊ ߓߟߏߝߋ߲ ߘߊߥߎ߲ ߡߊ߬، ߓߊߏ߬߸ ߊ߬ߟߎ ߟߊ߫ ߝߐߟߌ߫ ߘߐ߫ (ߡߍ߲ ߠߎ߬ ߦߋ߫ ߞߏߟߊߕߐ߲߫ ߓߟߏ ߡߊ߬ ߞߊ߬ߣߌ߲߬) ߞߏ߫ ߞߏߟߊߕߐ߲ߓߊߟߌߦߊ߫ ߡߊ߲߫ ߞߊ߲߫ ߞߊ߬ ߞߍ߫ ߖߡߊ߬ ߝߋ߲ ߝߍ߬ ߡߎ߰ߡߍ߫߸ ߓߊߏ߬ ߊ߬ߟߋ߬ ߝߋ߲ ߕߐ߬ߣߐ ߦߋ߫ ߖߊ߬ߡߊ ߟߋ߬ ߞߊ߲߬.
ߊ߲ ߞߏ߬ߣߌ߲ ߦߋ߫ ߦߙߐ ߡߍ߲ ߘߐ߫ ߕߋ߲߬ ߡߎߣߎ߲߬߸ ߊ߲ ߡߊ߫ ߞߊ߬ߝߏ߬ߙߋ߲߬ߕߌ߮ ߊ߬ߙߊ߬ߝߊ߲߬ ߡߎߛߊ߫ ߞߎ߬ߟߌߓߊ߬ߟߌ߬ ߕߐ߯ ߡߍ߲߫ ߊ߬ ߞߏ ߘߐ߫ ߝߟߐ߫، ߓߊߏ߬߸ ߞߏ ߞߍߣߍ߲߫ ߞߵߊ߬ߟߋ ߕߏ߫ ߡߞߊ߫ ߟߋ߬߸ ߏ߬ ߘߏ߲߬ ߘߊ߬ߟߎ ߓߘߊ߫ ߛߐ߬ߘߐ߲߬ ߞߏ߫ ߊ߬ ߡߊ߫ ߞߍ߫ ߊ߬ ߢߣߊ߫ ߝߋߎ߫.
ߊ߬ ߞߏ ߞߏ߬ߣߌ߲ ߡߊ߫ ߓߊ߲߫ ߡߎߣߎ߲߬߸ ߖߊ߬ߡߊ ߢߊ ߦߴߊ߬ ߞߏ ߝߍ߬ ߞߵߊ߬ ߟߐ߲߫߸ ߛߊ߲ߝߍ߫ ߡߐ߮ ߟߎ߬ ߞߍߕߐ߫ ߡߙߌߦߊ ߡߍ߲ ߕߊ߬ ߟߊ߫ ߟߏ߲߫ ߣߊ߬ߕߐ ߟߎ߬ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
Aucun commentaire pour le moment.