ߡߊ߬ߟߌ ߣߊ߲߬ߕߌ߮ ߟߎ߫ ߞߊ߬ ߦߙߍߞߍߟߌ ߥߓߊ߬ߞߏ߬ߞߍ ߟߋ߬ ߞߍ߫ ߓߌ߬ ߞߊ߬ߙߌ߬ߝߐ ߕߟߋ߬ ߝߟߐ ߣߌ߲߬ ߡߊ߬߸ ߡߍ߲ ߞߍ߫ ߘߊ߫ ߕߙߎ߬ ߘߌ߫ ߝߏ߫ ߊ߬ߟߎ߬ ߛߋ߫ ߞߊ߬ߟߊ ߟߊ߫ ߟߴߊ߬ ߘߐ߫ ߓߊ߬ߓߊ߰ߟߌ߬ߟߊ ߟߎ߫ ߞߊ߲߬، ߣߊ߲߬ߕߌ߰ߘߊ ߟߊ߫ ߟߊ߬ߛߋ߬ߟߌ߬ ߛߓߍ ߦߴߊ߬ ߦߌ߬ߘߊ߬ ߟߊ߫ ߞߏ߫ ߡߐ߰ ߈߀ ߠߋ߬ ߝߊ߰ߣߍ߲߫߸ ߞߵߊ߬ߟߎ߬ ߟߊ߫ ߡߙߊ߬ߒ߬ߡߊ߬ߝߋ߲߬ ߛߌߦߊߡߊ߲߫ ߡߌ߬ߘߊ߬߸ ߊ߬ ߣߌ߫ ߘߎ߰ߞߎߟߎ߲ ߣߌ߫ ߖߐ߯ߙߊ߲߫ ߛߌߦߊߡߊ߲߫߸ ߏ߬ ߡߍ߲ ߓߘߊ߫ ߞߍ߫ ߛߋ߲߬ߕߊ߬ߓߊ߫ ߣߌ߫ ߛߍߥߊ߫ ߞߏߓߊ߫ ߘߌ߫ ߓߊ߰ߓߊ߰ߟߌ ߞߍ߬ߟߍ ߘߊߞߎ߲ ߘߐ߫ ߡߊ߬ߟߌ ߟߊ߫ ߓߌ߬.

ߓߌ߬ ߞߐ߬ߟߏ߲ ߣߌ߲߬ ߛߐ߱ߡߊ߬߸ ߊ߬ ߦߋ߫ ߝߐ߫ ߟߊ߫ ߓߊ߰ߓߊ߰ߟߌ߬ ߞߙߎ ߡߍ߲ ߡߊ߬ ߞߏ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ߬ ߞߐߡߊߓߌ߲ߓߌ߲߫ ߞߙߎ߸ ߏ߬ ߟߎ߫ ߟߋ߬ ߕߊ߯ ߘߊ߫ ߡߙߊ߬ߒ߬ߡߊ߬ߟߌ߬ ߥߐߙߐ߲ߝߌ߬ߟߊ߬ (߇) ߞߍ߫ ߡߊ߬ߟߌ ߘߎ߰ ߓߐߣߍ߲߫ ߢߐ߲߰ ߡߊ߬ ߥߐ߯ߙߐ߫ ߞߣߐ߫، ߒ߬ߓߊ߬߸ ߣߊ߲߬ߕߌ߮ ߟߎ߬ ߝߣߊ߫ ߡߊ߫ ߕߏ߫ ߛߌ߰ ߘߐ߫߸ ߞߊ߬ߦߌ߯ ߄ߙߋ߲ ߠߋ߬ ߡߊ߬߸ ߡߊ߬ߟߌ ߣߊ߲߬ߕߌ߰ ߝߊ߲ߞߊ ߝߣߊ߫ ߞߵߊ߬ ߟߐ߬ ߊ߬ ߛߎߛߋ߲ ߞߎ߲߬ߘߐ߫ ߞߵߊ߬ߟߎ߫ ߛߋ߲߬ߣߐ ߡߌ߬ߘߊ߬߸ ߞߊ߬ ߛߌߦߊߡߊ߲߫ ߞߍ߫ ߛߎ߭ ߘߌ߫ ߊ߬ߟߎ߬ ߘߌ߫، ߝߊߙߌ߲߫ ߛߊ߲ߘߐ ߛߎ߬ߟߋ߬ߡߊߣ ߘߊ߲߬ߓߟߍ߫ ߡߍ߲ ߦߋ߫ ߡߊ߬ߟߌ ߣߊ߲߬ߕߌ߰ߘߊ ߝߘߏ߬ߓߊ߬ ߓߌߟߊߢߐ߲߯ߡߊ ߣߌ߫ ߞߌ߬ߓߊ߬ߙߏ߬ߦߊ߬ߟߌ ߗߋߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߓߟߏ߫ ߘߌ߫ ߛߋ߫ ߞߍ߫ ߟߊ߫ ߖߊ߬ߕߋ ߡߍ߲ ߠߊ߫ ߘߍ߲߬ߞߍ߬ߕߎ߲߬ ߓߟߏ ߡߊ߬ ߡߎߣߎ߲߬߸ ߏ߬ ߟߋ ߓߊ߰ߓߊ߰ߟߌ߬ߟߊ߫ ߡߐ߰ ߈߀ ߝߊ߰ ߞߏ ߘߌ߫.

ߝߊߙߌ߲߫ ߛߊ߲ߘߐ ߞߊ߲߫ ߞߏ߫: <<ߦߙߍߞߍߟߌ ߟߎ߬ ߦߋ߫ ߛߋ߲߬ߠߊ߫ ߤߊߟߌ߬ߛߊ߫߸ ߡߍ߲ ߞߍߣߍ߲߫ ߕߙߎ߬ ߘߌ߫ ߡߎߣߎ߲߬ ߞߊ߬ ߓߊ߰ߓߊ߰ߟߌ߬ߟߊ߫ ߡߐ߰ ߈߀ ߝߊ߰.>> ߊ߬ ߓߊ߲߫ ߘߊ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߖߊ߬ߕߋ߬ ߝߐߣߍ߲ ߏ߬ ߘߌ߫ ߛߋ߫ ߡߊߞߊ߬ߝߏ߬ ߟߊ߫߸ ߞߵߏ߬ ߞߎ߲߭ ߞߍ߫ ߡߎ߲߬ ߘߌ߫߸ ߓߊ߰ߓߊ߰ߟߌ߬ߟߊ߬ ߛߌߦߊߡߊ߲߫ ߠߋ߬ ߓߘߊ߫ ߓߏ߬ߙߌ߫߸ ߣߴߊ߬ߟߎ߬ ߢߌߣߌ߲ ߦߴߌߘߐ߫.

ߝߊBߟߌ߬ ߞߏ ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߊ߬ߟߋ߬ ߓߊ߰ߓߊ߰ߟߌ߬ߟߊ ߟߎ߬ ߓߟߏߝߋ߲߫ ߛߌߦߊߡߊ߲߫ ߠߋ߬ ߡߌ߬ߘߊ߬ߣߍ߲߫߸ ߔߏߔߏ߫ ߛߌߦߊߡߊ߲߫߸ ߘߎ߰ߞߎ߬ߟߎ߲߬ ߛߌߦߊߡߊ߲߫߸ ߡߙߊ߬ߒ߬ߡߊ߬ߝߋ߲ ߠߎ߬߸ ߊ߬ ߣߌ߫ ߡߊ߬ߙߌ߬ߝߊ ߟߎ߬ ߣߌ߫ ߞߟߍ߬ߡߎ߬ߙߊ߲߬ ߛߌߦߊߡߊ߲߫. ߏ߬ ߟߎ߫ ߡߌ߬ߘߊ߬ ߘߊ߫ ߣߊ߲߬ߕߌ߮ ߟߎ߬ ߓߟߏ߫ ߦߙߍߞߍߟߌ߫ ߞߋߟߋ߲ ߣߌ߲߬ ߛߋ߲߭ߝߍ߬، ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߣߊ߲߬ߕߌ߮ ߟߎ߬ ߓߘߊ߫ ߞߍ߬ߟߍ ߝߍ߬ߙߍ ߟߎ߬ ߟߊߓߊ߯ߙߊ߫ ߓߊ߰ߓߊ߰ߟߌ ߞߍ߬ߟߍ ߘߐ߫.

ߣߌ߲߬ ߝߣߊ߫ ߞߊ߬ߙߊ߲߬: ߡߊ߬ߟߌ: ߡߊ߬ߟߌ ߣߊ߲߬ߕߌ߮ ߟߎ߬ ߓߘߊ߫ ߓߊ߰ߓߊ߰ߟߌ߬ߟߊ ߟߎ߫ ߜߊ߰ߢߊ߬ߜߊ߯ߢߊ߫ ߡߙߊ߬ߒ߬ߡߊ߬ߟߌ ߘߏ߫ ߘߐ߫ ߢߐ߯ߙߐ߫ ߣߌ߫ ߞߊ߬ߦߋ߬

ߝߊߙߌ߲߫ ߛߊ߲ߘߐ߫ ߘߊ߲߬ߓߟߍ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫: <<ߣߌ߲߬ ߦߋ߫ ߒ ߠߊ߫ ߗߍ߬ߘߋ߲ ߠߎ߬ ߟߊ߫ ߞߎ߬ߛߊ߲߬ߧߊ ߣߌ߫ ߖߘߍ߬ߘߌ ߞߐߝߟߌ ߟߋ߬ ߘߌ߫߸ ߡߍ߲ ߠߎ߬ ߓߌߣߍ߲߫ ߖߡߊ߬ߣߊ߬ߘߋ߲ ߠߎ߬ ߟߊߞߊ߲ߘߊ ߟߊ߫ ߟߋ߬ߟߋ ߓߍ߯ ߘߐ߫߸ ߞߊ߬ ߖߡߊ߬ߣߊ ߟߊ߫ ߖߘߍ߬ߕߌ߰ߦߊ ߟߊߛߊ߬ߦߌ߲߫ ߊ߬ ߢߊ߫ ߞߘߐ ߡߊ߬ ߘߎ߰ߞߣߍ ߝߊ߲߭ ߓߍ߯ ߘߐ߫.>> ߊ߬ ߞߵߏ߬ ߟߋ ߟߴߊ߬ ߟߊ߫ ߞߎߡߊ ߘߟߊ߫.

ߡߊ߬ߟߌ ߣߊ߲߬ߕߌ߮ ߟߎ߬ ߓߘߴߊ߬ߟߎ߫ ߡߐ߬ߟߐ߲߬ ߞߎߘߊ߫ ߦߌ߬ߘߊ߫ ߓߌ߬߸ ߞߵߏ߬ ߞߎ߲߭ ߞߍ߫ ߓߊ߰ߓߊ߰ߟߌ߬ߟߊ ߟߎ߫ ߞߟߍ߬ ߢߊ߬ ߛߎ߮ ߢߌ߲߬ ߘߴߊ߬ߟߎ߬ ߓߟߏ߫߸ ߞߵߊ߬ ߛߐ߬ߘߐ߲߬ ߡߌ߬ߙߌ߲߬ߘߌ ߡߊ߬ߞߏ ߦߴߏ߬ ߛߎ߮ ߟߊ߫، ߏ߬ ߟߋ ߘߐ߫߸ ߊ߬ߟߎ߫ ߞߵߊ߬ߟߎ߬ ߞߊ߲߫ ߘߌ߫ ߤߊߟߌ߬ߛߊ߫߸ ߞߏ߫ ߊ߬ߟߎ߬ ߓߍߣߊ߬ ߕߊ߯ ߦߙߍߞߍߟߌ ߣߌ߲߬ ߡߊ߬߸ ߞߵߊ߬ߟߎ߬ ߢߊ ߕߏ߫ ߥߏ߬ ߘߋ߲߬ߣߍ߲ ߣߌ߫ ߥߏ߬ߓߊ ߓߍ߯ ߝߍ߬߸ ߛߊ߫ ߖߡߊ߬ߣߊ ߘߌ߫ ߓߊߛߌ߰߸ ߞߊ߬ ߓߊߛߌ߯ߓߊߟߌߌߦߊ ߣߌ߫ ߖߊ߬ߥߟߌ ߜߍ߲߫ ߞߘߎߞߘߎ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫