ߓߌ߬ ߞߐ߬ߟߏ߲ ߣߌ߲߬ ߛߐ߬ߡߘߊ߬ ߖߏߣߊ ߟߊ߫߸ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߞߍ߫ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߓߟߏ߫ ߢߐ߲߯ߙߐ߫ ߘߎ߱ ߞߣߐ߫߸ ߞߊ߬ ߓߊ߲߫ ߞߊ߬ ߦߙߐ߫ ߛߌߦߊߡߊ߲߫ ߘߐߕߌߢߍ߫ ߞߊ߬ߦߋ߬ ߡߙߊ ߘߐ߫، ߡߊ߬ߟߌ ߣߊ߲߬ߕߌ߰ ߝߊ߲ߞߊ ߛߋ߫ ߘߊ߫ ߓߊ߰ߓߊ߰ߟߌ߬ߟߊ ߢߌ߲߬ ߠߎ߫ ߕߎ߲߬ߕߎ߲߬ ߠߊ߫߸ ߞߊ߬ ߛߌߦߊߡߊ߲߫ ߝߊ߰ ߊ߬ߟߎ߬ ߘߐ߫߸ ߘߏ߫ ߟߎ߫ ߖߍ߬ߘߍ ߦߋ߫ ߘߋ߲ߡߌߛߍ߲߫ ߠߊߡߌ߲߬ߣߍ߲ ߠߎ߫ ߟߋ߬ ߘߌ߫.
ߢߐ߯ߙߐߞߊ ߟߎ߬ ߟߊߥߟߌ߬ ߘߊ߫ ߡߊ߬ߙߌ߬ߝߊ߬ ߡߊ߲ߞߊ߲ ߠߋ߬ ߟߊ߫ ߓߌ߬ ߀߅ߙߋ߲߃߀ ߡߊ߬ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߓߟߏ߫، ߊ߬ߟߎ߬ ߣߌ߫ ߞߎߟߎ߲ߞߎߟߎ߲ ߠߋ߬ ߞߵߊ߬ߟߎ߫ ߞߎ߲߬ߛߌ߲߫ ߞߊ߬ߦߋ߫ ߝߊ߲߬ߞߣߐ ߟߊ߫، ߛߙߋߦߊ ߘߏ߫ ߟߎ߫ ߟߊ߫ ߝߐߟߌ߫ ߘߐ߫߸ ߞߏ߫ ߡߙߊ߬ߒ߬ߡߊ߬ߟߌ߬ߟߊ ߢߌ߲߬ ߠߎ߫ ߝߊ߲߬ߓߊ ߕߎ߲߬ ߦߋ߫ ߘߋ߲ߡߌߛߍ߲ ߠߎ߬ ߟߋ߬ ߘߌ߫߸ ߡߍ߲ ߠߎ߬ ߝߙߊߣߍ߲߫ ߕߍ߬ߘߍ߫ ߓߌ߲߬ߘߌߓߊ߲߬ߘߊ߲ ߘߐ߫ ߞߏߛߓߍ߫، ߊ߬ ߘߏ߲߬߸ ߡߊ߬ߟߌ ߝߊ߰ߡߊ ߟߎ߬ ߝߣߊ߫ ߞߊ߬ ߜߊ߬ߟߏ ߖߍ߬ߘߍߖߍ߬ߘߍ ߟߋ߬ ߟߴߊ߬ߟߎ߫ ߞߊ߲߬߸ ߝߏ߫ ߊ߬ߟߎ߫ ߞߵߊ߬ߟߎ߬ ߞߐߟߊ߫ ߓߏ߬ߙߌ ߘߌ߫߸ ߛߌߦߊߡߊ߲߫ ߝߣߊ߫ ߝߊ߰ ߘߴߊ߬ߟߎ߬ ߘߐ߫، ߊ߬ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߣߐ߬ ߞߟߊߡߊ߲ ߠߋ߬ ߘߐ߫߸ ߣߊ߲߬ߕߌ߮ ߟߎ߫ ߞߊ߬ ߡߊ߬ߞߏ߬ߛߊ߬ ߦߙߍߞߍߟߌ ߟߋ߬ ߛߌ߰ ߛߋ߲߬ߠߊ߫߸ ߞߊ߬ ߦߙߐ ߓߍ߯ ߘߐߥߟߏߡߊ߫ ߞߊ߬ ߣߊ߬ ߟߊ߬ߞߊ߲߬ߘߊ߬ߟߌ߬ ߝߊߘߌ ߖߍ߬ߘߍߖߍ߬ߘߍ ߘߐ߫.
ߣߴߌ ߞߵߊ߬ ߡߊߝߟߍ߫߸ ߢߐ߯ߙߐ߫ ߡߙߊ߬ߒ߬ߡߊ߬ߟߌ ߏ߬ ߢߐ߲߰ ߠߋ߬ ߝߣߊ߫ ߞߍ߫ ߘߊ߫ ߞߊ߬ߦߋ߫ ߕߌ߲߬ߞߎߘߎ߲ ߘߐ߫߸ ߏ߬ ߕߊ ߘߐ߫߸ ߊ߬ߟߎ߫ ߡߙߊ߬ ߘߊ߫ ߟߊ߬ߞߊ߲߬ߘߊ߬ߟߌ߬ ߘߌ߲ߞߌߙߊ ߟߎ߫ ߟߋ߬ ߡߊ߬ ߓߊߞߍ߭، ߊ߬ߟߎ߫ ߕߊ߬ߡߌ߲߬ ߘߊ߫ ߕߊ ߛߎ߫ ߟߊ߫ ߕߐ߲ߓߟߏߡߊ ߟߎ߬ ߡߊߞߍ߫ ߦߌߟߊ ߘߏ߫ ߟߊ߫ ߘߌߓߏߟߌ߫߸ ߡߐ߰ ߞߏ߬ߣߌ߲߬ ߡߊ߫ ߝߊ߰ ߦߋ߲߬، ߞߊ߬ߦߋ߬ ߛߏ ߖߍ߬ߘߍ ߞߣߐ߫߸ ߕߐ߲ߓߟߏߡߟߊ߫ ߡߍ߲ ߦߋ߫ ߞߊ߬ߦߋ߬ ߒߘߌ߫߸ ߊ߬ ߣߌ߫ ߞߊ߬ߦߋ߬ߓߊ߫߸ ߞߵߏ߬ ߟߊ߫ ߣߊ߲߬ߕߌ߰ ߘߊ߯ ߡߏ߬ߤߊ߬ߡߍ߬ߘ ߟߊ߬ߡߌߣ ߘߙߊ߬ߡߍ߫ ߞߊ߲߬߸ ߊ߬ߟߋ߬ ߓߊ߰ߓߊ߰ߟߌ߬ߟߊ ߟߎ߬ ߕߊ߯ ߘߊ߫ ߟߋ߬ ߡߊ߬ߙߊ߫ ߏ߬ ߟߎ߬ ߝߣߊ߫ ߡߊ߬ ߦߋ߲߬߸ ߓߊ߬ߙߵߊ߬ߟߎ߬ ߡߊ߫ ߛߴߊ߬ߟߎ߬ ߢߌߣߌ߲ߞߏ ߟߊߛߐ߬ߘߐ߲߬ ߠߊ߫ ߝߋߎ߫، ߓߊߏ߬߸ ߣߊ߲߬ߕߌ߮ ߟߎ߬ ߡߊ߫ ߤߙߍ߫ ߟߴߊ߬ߟߎ߫ ߞߊ߲߬.
ߞߊ߬ߦߋ߫ ߞߎ߲߬ߠߊ߬ߛߌ߰ߟߌ߬ߘߊ ߖߍ߬ߘߍ ߝߣߊ߫ ߛߎߡߊ߲߫ ߘߴߊ߬ߟߎ߬ ߓߟߏ߫ ߟߋ߬، ߝߏ߫ ߟߊ߬ߞߊ߲߬ߘߊ߬ߟߌ ߥߛߊ߬ߘߊ߬ߕߌ߰ ߞߋߟߋ߲߫ ߖߐߞߌ߫ ߘߊ߫߸ ߓߊ߬ߙߌ߬ ߊ߬ߟߎ߬ ߛߌߦߊߡߊ߲߫ ߝߊ߰ ߘߊ߫ ߟߋ߬ ߦߋ߲߬ ߝߣߊ߫ ߘߐ߫߸ ߣߊ߲߬ߕߌ߮ ߟߎ߬ ߟߊ߫ ߕߊߢߐ߲߯ߓߐ ߞߏߛߐ߲߬، ߡߙߊ߬ߒ߬ߡߊ߬ߟߌ ߣߌ߲߬ ߡߐߣߍߦߊ߫ ߟߊߓߐ ߡߊ߬߸ ߞߊ߬ߦߋ߫ ߘߎ߰ߘߋ߲ ߠߎ߫ ߖߍ߬ߘߍ ߝߣߊ߫ ߓߐ߫ ߘߊ߫ ߟߋ߬ ߓߐߟߌ߫ ߤߏߞߌ ߟߊ߫߸ ߞߵߊ߬ ߦߌ߬ߘߊ߫ ߣߊ߲߬ߕߌ߮ ߟߎ߬ ߟߊ߫߸ ߞߏ߫ ߊ߬ߟߎ߬ ߦߴߊ߬ߟߎ߬ ߞߐ߫ ߛߎ ߣߌ߫ ߕߋ߬ߟߋ߸ ߏ߬ ߟߋ ߕߊ߬ߡߌ߲߬ ߘߴߊ߬ ߦߌ߬ߘߊ߬ ߟߊ߫ ߞߏ߫ ߓߊ߰ߓߊ߰ߟߌ߬ ߞߏ ߣߌ߲߬ ߟߐ߯ ߕߍ߫ ߡߌ߬ߙߌ߲߬ߘߌ ߟߊ߫ ߡߎ߬ߕߎ߲߬߸ ߊ߬ߟߎ߫ ߛߐ߲߬ߣߴߊ߬ߟߎ߬ ߟߊ߫ ߣߊ߲߬ߕߌ߮ ߟߎ߬ ߝߣߊ߫ ߦߋ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
Aucun commentaire pour le moment.