ߞߎߣߎ߲߬ ߞߊ߯ߙߌ ߂߀߂߅ ߘߓߊ߬ߓߌߟߊ ߕߋ߬ߟߋ߫ ߀߃ ߡߊ߬߸ ߡߊ߬ߟߌ ߟߊ߬ߞߊ߲߬ߘߊ߬ߟߌ ߣߌ߫ ߡߊ߬ߞߊ߲߬ߞߊ߲߬ߠߌ߲ ߝߊ߲ߞߊ ߞߊ߬ ߦߙߍߞߍߟߌ߫ ߟߋ߬ ߛߌ߰ ߛߋ߲߬ߠߊ߫߸ ߝߏ߫ ߊ߬ߟߎ߬ ߛߋ߫ ߘߊ߫ ߓߊ߰ߓߊ߰ߟߌ߬ߟߊ߫ ߞߟߍ߬ߞߍ߬ߟߊ߬ ߛߌߦߊߡߊ߲߫ ߝߊ߰ ߟߊ߫ ߜ߭ߊ߬ߥߏ߫ ߕߌ߲߬ߞߎߘߎ߲ ߘߐ߫߸ ߊ߬ ߣߌ߫ ߘߎߥߋ߲ߕߑߖߊ߫، ߓߊ߰ߓߊ߰ߟߌ߬ ߟߎ߬ ߕߎ߲߬ ߓߘߊ߫ ߓߋ߬ ߕߐ߲ߓߟߏߡߊ ߟߎ߬ ߡߊߞߍ߫ ߦߌߟߊ ߘߏ߫ ߞߊ߲߬ ߥߓߊߙߌߦߊ߫߸ ߒ߬ߓߊ߬ ߣߊ߲߬ߕߌ߮ ߟߎ߬ ߟߊ߫ ߕߊߢߐ߲߯ߓߐ ߣߌ߲߬ ߞߍߣߍ߲߫ ߏ߬ ߞߐ ߟߋ߬ ߝߍ߬.

ߡߊ߬ߟߌ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߟߊ߫ ߟߊ߬ߛߋ߬ߟߌ߬ ߛߓߍ ߘߏ߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߡߙߊ߬ߒ߬ߡߊ߬ߟߌ߬ߟߊ߫ ߓߊ߰ߓߊ߰ߟߌ߬ߟߊ ߢߌ߲߬ ߠߎ߬ ߣߊ߬ ߘߊ߫ ߝߊ߲߬ߞߊ ߟߋ߬ ߟߊ߫ ߡߊ߬ߟߌ ߣߊ߲߬ߕߌ߮ ߟߎ߬ ߞߊ߲ߡߊ߬ ߊ߬ߟߎ߬ ߡߊߞߍ߫ ߦߌߟߊ ߟߎ߬ ߘߐ߫߸ ߒ߬ߓߊ߬ ߏ߬ ߟߎ߬ ߝߣߊ߫ ߥߟߌ߬ ߢߊ ߟߋ߬ ߞߍߣߴߊ߬ߟߎ߬ ߞߊ߲ߡߊ߬ ߏ߬ ߘߌ߫ ߞߊ߬ ߖߊߟߌߞߊ ߟߴߊ߬ߟߎ߫ ߞߊ߲߬، ߊ߬ߟߎ߬ ߟߊ߫ ߞߍߢߐ߲߯ߞߊ߲ ߏ߬ ߟߋ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߓߊ߰ߓߊ߰ߟߌ߬ߟߊ߬ ߛߌߦߊߡߊ߲߫ ߓߐ߬ߣߐ߫ ߊ߬ ߣߌ ߘߐ߫߸ ߝߏ߫ ߣߊ߲߬ߕߌ߮ ߟߎ߫ ߞߵߊ߬ ߝߐ߫ ߊ߬ߟߎ߬ ߟߊ߫ ߝߘߌߢߐ߲߯ߘߐ ߏ߬ ߡߊ߬ ߞߏ߫: <<ߖߎ߯ߦߊ ߝߊ߲߬ߞߊ>>߸ ߊ߬ߟߎ߬ ߡߊ߫ ߘߊ߲߬ ߝߊ߰ߟߌ ߏ߬ ߘߐߙߐ߲߫ ߡߊ߬ ߘߋ߬߸ ߊ߬ߟߎ߫ ߞߵߊ߬ߟߎ߬ ߓߟߏߝߋ߲߫ ߛߌߦߊߡߊ߲߫ ߠߋ߬ ߝߣߊ߫ ߕߊ߬.

ߣߊ߲߬ߕߌ߮ ߟߎ߬ ߞߵߊ߬ ߝߐ߫ ߞߵߊ߬ ߟߊߕߍ߰ ߞߏ߫ ߊ߬ߟߎ߬ ߟߊ߫ ߓߍߛߍ߲ߞߍߟߌ߫ ߦߙߍߞߍߟߌ ߡߍ߲ ߦߋ߫ ߣߌ߲߬ (ߙߊߕߌߛߊߖ߭)߸ ߏ߬ ߞߏ ߦߋ߫ ߛߋ߲߬ߠߊ߫ ߤߊߟߌ߬ߛߊ߫߸ ߊ߬ߟߎ߬ ߦߴߊ߬ ߞߊ߲߬ ߞߊ߬ ߦߙߐ ߟߎ߬ ߟߊߞߊ߲ߘߊ߫ ߞߏߛߓߍ߫، ߓߊ߰ߓߊ߰ߟߌ߬ߟߊ ߟߎ߬ ߛߎߡߊ ߘߌ߫ ߡߍ߲߫ ߦߙߐ߫ ߛߌ߫ ߘߐ߫߸ ߞߏ߫ ߊ߬ߟߎ߬ ߦߴߏ߬ ߟߎ߬ ߞߐ߫ ߟߋ߬ ߦߋ߲߬ ߕߋ߲߬ ߗߎߗߎߗߎ߫، ߡߊ߬ߟߌ ߣߊ߲߬ߕߌ߰ ߞߏߟߊߕߍ߮ ߟߎ߬ ߞߊ߲߫ ߞߏ߫ ߜ߭ߊ߬ߥߏ߫ ߕߌ߲߬ߞߎߘߎ߲ ߞߣߐ߫ ߡߐ߮ ߟߎ߬ ߦߋ߫ ߤߊߡߌ߲ ߓߐ߫ ߊ߬ߟߎ߬ ߟߊ߫ ߝߛߊߦߌ߫߸ ߞߏ߫ ߊ߬ߟߎ߬ ߓߘߊ߫ ߣߐ߭ߛߐ߬ߘߐ߲߫ ߓߊ߰ߓߊ߰ߟߌ߬ߟߊ ߟߎ߫ ߡߊ߬ ߦߋ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫