ߡߊ߬ߟߌ ߓߘߊ߫ ߞߏߓߊ߫ ߝߣߊ߫ ߞߍ߫ ߊ߬ ߟߊ߫ ߘߐ߬ߕߊ߬ߡߌ߲߬ ߞߏ ߘߐ߫ ߝߣߊ߫، ߞߊ߬ߕߎ߲߯߸ ߘߐ߬ߕߊߡߌ߲ ߞߏߟߊߕߍ߯ߘߊ߫ ߝߊ߬ߛߏ߬ߟߊ߬ߞߊ (ߘߞߝ) ߓߘߊ߫ ߡߙߌߘߐ߫ ߞߎߘߊ߫ ߕߊ߬ ߓߌ߬ ߓߌߟߏ߲ ߣߌ߲߬ ߡߊ߬ ߂߀߂߅ ߞߊ߬ߙߌ߬ߝߐ ߕߋ߬ߟߋ߫ ߃߸ ߞߊ߬ ߢߊ ߡߊߖߌ߰ ߘߐ߬ߕߊߡߌ߲ ߓߊߛߌ߰ߞߊ߲ ߞߘߐ߫ ߞߵߊ߬ ߦߌ߬ߘߊ߬ ߞߏ߫ ߞߟߍ߬ߕߌ߰ ߊߛߡߌ߫ ߜ߭ߏ߬ߦߌ߬ߕߊ߬ ߘߌ߫ ߛߋ߫ ߕߏ߫ ߟߊ߫ ߞߊ߲ߕߌ߯ߦߊ ߟߊ߫ ߤߊ߲߯ ߛߊ߲߬ ߟߏ߯ߟߎ߫ ߢߐ߲߰߸ ߊ߬ ߘߏ߲߬ ߘߌ߫ ߛߋ߫ ߟߊߞߎߘߦߊ߫ ߟߊ߫ ߝߊ߬ߣߴߊ߬ ߦߋ߫ ߘߊ߫ ߞߏ߫ ߊ߬ ߣߴߏ߬ ߦߊ߫ ߞߊ߲߫، ߏ߬ ߘߐ߫߸ ߘߊ߲߬ ߕߴߊ߬ ߟߊߞߎߘߦߊ ߟߊ߫ ߝߋߎ߫، ߝߣߊ߫߸ ߞߏ߫ ߛߌ߫ ߕߴߦߋ߲߬ ߡߎ߬ߕߎ߲߬߸ ߡߍ߲ ߘߴߊ߬ ߓߊ߬ߟߌ߬ ߓߐ߫ ߟߊ߫ ߞߊ߲ߕߌ߯ߦߊ ߞߐ߫ ߖߡߊ߬ߣߊ ߞߣߐ߫.

ߞߏߟߊߕߍ߯ ߁߃߁ ߡߍ߲ ߠߎ߬ ߦߋ߫ ߘߐ߬ߕߊߡߌ߲ ߞߏߟߊߕߍ߯ߘߊ߫ ߝߊ߬ߛߏ߬ߟߊ߬ߞߊ ߟߊ߫߸ ߏ߬ ߟߎ߬ ߓߍ߯ ߟߋ߬ ߓߍ߲߬ ߘߊ߫ ߣߌ߲߬ ߡߊ߬߸ ߞߊ߬ ߘߐ߬ߕߊߡߌ߲ ߓߊߛߌ߰ߞߊ߲ ߠߊߞߎߘߦߊ߫، ߛߌ߰ߞߊ߲ ߡߍ߲ ߠߊߘߊ߲߫ ߘߊ߫ ߂߀߂߃ ߞߊ߬ߙߌ߬ߝߐ ߂߂ ߡߊ߬߸ ߏ߬ ߟߋ ߞߕߌ ߓߍ߯ ߕߍ߰ ߟߊ߫ ߡߎ߬ߕߎ߲߬، ߓߊߏ߬߸ ߞߏ߫ ߣߌ߫ ߛߌ߰ߞߊ߲ ߣߌ߫ ߘߐ߬ߕߊߡߌ߲ ߓߊߛߌ߰ߞߊ߲ ߞߎߡߊ ߡߍ߲ ߠߎ߬ ߝߏ߫ ߘߊ߫ ߢߐ߲߮ ߞߐ߫߸ ߝߊ߲߬ߞߊ ߦߋ߫ ߛߌ߰ߞߊ߲ ߞߎߡߊ ߟߋ߬ ߟߊ߫߸ ߏ߬ ߟߋ ߘߏ߲߬ ߕߊ߬ ߟߊ߫.

ߘߐ߬ߕߊߡߌ߲ ߓߘߊ߫ ߞߍ߫ ߛߊ߲߬ ߟߏ߯ߟߎ߫ ߘߌ߫߸ ߡߍ߲ ߘߌ߫ ߛߋ߫ ߟߊߞߎߘߦߊ߫ ߟߊ߫، ߣߴߊ߬ ߘߏ߲߬ ߓߍ߲߬ ߘߊ߫ ߖߡߊ߬ߣߊ ߟߊ߬ߞߊ߲߬ߘߊ߬ߟߌ ߓߊߛߌ߱ ߡߊ߬߸ ߢߣߊߕߊߟߌ ߘߌ߫ ߛߋ߫ ߓߐ߫ ߟߴߊ߬ ߞߘߐ߫، ߓߊߏ߬ ߊ߬ ߝߐߣߍ߲߫ ߊ߬ߟߋ߬ ߛߓߍ ߞߣߐ߫ ߞߏ߫ <<ߡߊ߬ߞߏ ߦߋ߫ ߓߊߛߌ߯ߟߌ߫ ߞߏ ߢߊߢߌߣߌ߲ ߠߋ߬ ߟߊ߫ ߡߎߣߎ߲߬߸ ߤߊ߲߯ ߖߡߊ߬ߣߊ ߝߊ߲߭ ߓߍ߯ ߦߋ߫ ߘߐߛߎߡߊ߫.>>

ߦߟߍ߬ߡߊ߲߬ ߓߟߋߓߟߋ߫ ߜߘߍ ߡߍ߲ ߝߣߊ߫ ߦߴߊ߬ ߞߏ ߘߐ߫߸ ߏ߬ ߟߋ: ߡߊ߬ߟߌ ߞߎ߲߬ߠߊ߬ߛߌ߮ ߢߌ߲߬ ߠߎ߬ ߓߍ߯ ߘߌ߫ ߛߋ߫ ߞߍ߫ ߟߊ߫ ߛߎߥߊ߲ߘߟߌߟߊ ߣߌ߫ ߛߎߥߊ߲ߘߌߕߊ ߘߌ߫ ߡߎ߬ߕߎ߲߬. ߞߊ߲ߕߌ߯ ߊߛߡߌ߫ ߜ߭ߏ߬ߦߌ߬ߕߊ߫ ߓߊ߬߸ ߊ߬ ߟߊ߫ ߞߎ߲߬ߠߊ߬ߛߌ߰ ߛߌ߲ߝߏ߲ ߠߎ߬ ߓߊ߬߸ ߞߵߏ߬ ߟߊ߫ ߘߐ߬ߕߊߡߌ߲ ߞߏߟߊߕߍ߯ߘߊ߫ ߝߊ߬ߛߏ߬ߟߊ߬ߞߊ ߞߏߟߊߕߍ߮ ߟߎ߫ ߞߊ߲߬߸ ߊ߬ߟߎ߬ ߓߍ߯ ߘߌ߫ ߛߋ߫ ߞߍ߫ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫ ߢߣߊߕߊߟߌ߫ ߣߊ߬ߕߐ ߘߐ߫ ߡߊ߬ߟߌ ߖߡߊ߬ߣߊ ߞߣߐ߫، ߊ߬ ߝߐ ߡߍ߲ ߞߍ߫ ߘߊ߫ ߘߐ߬ߕߊߡߌ߲ ߓߊߛߌ߰ߞߊ߲ ߞߣߐ߫ ߞߏ߫ ߊ߬ߟߎ߬ ߝߏߦߌ߬ ߕߴߛߋ߫ ߞߍ߫ ߟߊ߫ ߡߊ߬ߡߌ߬ߘߊ߬ߟߌ߬ߟߊ߫ ߘߌ߫߸ ߞߎߡߊ ߏ߬ ߟߋ ߓߘߊ߫ ߟߊߥߌ߬ߟߌ߫ ߏ߬ ߘߌ߫ ߒߞߘߐ߫.

ߢߊ ߡߊߖߌ߱ ߡߍ߲ ߞߍߣߍ߲߫ ߛߌ߰ߞߊ߲ ߝߍ߬ ߣߌ߲߬߸ ߊ߬ ߓߘߊ߫ ߦߌ߬ߘߊ߫ ߡߎ߬ߕߎ߲߬ ߞߏ߫ ߛߌ߰ߞߊ߲ ߠߋ߬ ߛߊ߬ߙߌ߬ߦߊ߬ ߜߘߍ ߕߐ߭ ߓߍ߯ ߛߊ߲ߘߐ߫ ߖߡߊ߬ߣߊ ߞߣߐ߫߸ ߛߐ߬ߛߐ߬ߟߌ ߓߊ߯ ߣߊ߬ ߘߐߙߐ߲߫߸ ߛߌ߰ߞߊ߲ ߓߍ߲߬ߡߊ ߟߋ߬ ߦߋ߫ ߕߊ߬ ߟߊ߫ ߓߊ߫ ߘߐ߫.

ߒ߬ߓߊ߬߸ ߘߐ߬ߕߊߡߌ߲ ߛߌ߰ߞߊ߲ ߟߊߞߎߘߦߊ ߡߍ߲ ߞߍߣߍ߲߫ ߣߌ߲߬߸ ߏ߬ ߕߍ߫ ߕߊ߬ ߟߊ߫ ߓߊ߫ ߘߐ߫ ߝߟߐ߫ ߞߵߊ߬ ߟߥߊߟߌ ߘߊߡߌ߬ߣߊ߬߸ ߝߏ߫ ߊ߬ ߓߊ߯ ߟߊ߫ ߞߊ߲ߕߌ߯ ߊߛߡߌ߫ ߜ߭ߏ߬ߦߌ߬ߕߊ߬ ߞߘߐ߫߸ ߏ߬ ߦߴߊ߬ ߟߊߘߌ߬ߢߍ߬، ߏ߬ ߡߍ߲ ߦߋ߫ ߕߎ߬ߡߊ߬ ߖߊ߲߫ ߞߎߡߊ߫ ߝߐߣߍ߲ ߘߏ߫ ߘߌ߫ ߞߊ߬ߦߌ߯ ߂߀߂߁ ߞߏߟߌ߲ߞߏߟߌ߲ ߜߘߌߛߌ߯ߟߌ ߛߌ߰ߞߊ߬ߝߐ߫ ߝߊ߬ߛߏ߬ߟߊ߬ߞߊ ߛߋ߲߭ߝߍ߬߸ ߊ߬ ߣߴߊ߬ ߞߎߡߊ ߘߐߥߊ߬ߛߊ ߡߍ߲ ߞߍ߫ ߘߊ߫ ߂߀߂߄ ߞߏ߲ߞߏߘߓߌ ߡߊ߬ߟߌ߬ߞߊ ߟߎ߬ ߣߌ߫ ߢߐ߲߯ ߕߍ ߛߌ߰ߞߊ߬ߝߐ ߛߋ߲߭ߝߍ߬.

ߞߊ߬ߦߌ߯ ߞߊ߲ߕߌ߯ ߌߓߙߊߤߌߡ ߞߋߕߊ߬ ߟߊߥߟߏ߫ ߕߎߡߊ ߟߊ߫ ߂߀߂߀ ߘߓߊ߬ߓߌߟߊ ߟߊ߫߸ ߣߌ߫ ߊߛߡߌ߫ ߜ߭ߏ߬ߦߌ߬ߕߊ߫ ߞߊ߬ ߝߊ߲߬ߞߊ ߕߊ߬ ߂߀߂߁ ߘߓߊ߬ߕߊ ߟߊ߫߸ ߡߊ߬ߟߌ ߦߴߊ߬ ߝߍ߬ ߞߊ߬ ߘߐ߬ߕߊߡߌ߲ ߞߍ߫ ߓߊߛߌ߮ ߡߍ߲ ߞߣߐ߫߸ ߏ߬ ߡߊ߫ ߛߋ߫ ߞߍ߫ ߟߊ߫ ߡߎߣߎ߲߬߸ ߞߵߏ߬ ߞߎ߲߭ ߞߍ߫ ߟߊ߬ߞߊ߲߬ߘߊ߬ߟߌ ߜߟߍ߬ߦߊ ߟߎ߬ ߘߌ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫