ߞߊ߬ߙߌ߬ߝߐ ߕߋ߬ߟߋ߫ ߉ ߣߴߊ߬ ߁߁ ߡߍ߲ ߣߊ߬ߕߐ߫ ߣߌ߲߬߸ ߝߘߊ߬ߝߌ߲߬ߠߊ߫ ߞߊ߬ߝߏ߬ ߞߎ߲߬ߕߌ߰ ߟߏ߯ߟߎ߫ ߞߊ߫ ߞߊ߲߫ ߞߵߊ߬ߟߎ߬ ߢߐ߲߮ ߠߊߘߍ߬ ߥߊ߲ߛ߭ߌ߲ߕߐ߲߫ ߘߏߣߊߟ ߕߑߙߐ߲ߔ ߕߍ߰ߟߊ ߘߐ߫߸ ߟߊ߬ߘߍ߬ ߡߊ߲ߞߊ߲ ߘߏ߫ ߞߊ߲ߡߊ߬߸ ߡߍ߲ ߓߎ߲ߓߎ߲ߕߐ߫ ߛߐ߬ߘߐ߲ ߞߏߢߊ ߡߊ߬߸ ߊ߬ ߣߌ߫ ߟߊ߬ߞߊ߲߬ߘߊ߬ߟߌ ߣߌ߫ ߖߊ߬ߥߏ ߕߍߓߊ߯ߦߊ ߟߎ߬، ߖߊ߲߬ߖߏ߲ ߏ߬ ߞߍߕߐ߫ ߕߎ߬ߙߎ߫ ߟߋ߬ ߘߌ߫߸ ߊߡߙߌߞߌ߬ ߞߍߕߐ߫ ߊ߬ ߥߊ߬ߣߌ߲ ߦߌ߬ߘߊ߬ ߟߊ߫ ߡߍ߲ ߘߐ߫ ߞߵߊ߬ ߓߍ߲߬ ߊ߬ߟߎ߬ ߟߊ߫ ߖߡߊ߬ߣߊ ߣߌ߫ ߝߘߊ߬ߝߌ߲߬ߠߊ߬ ߟߊ߫ ߓߟߏ߫ ߘߌ߫ ߢߐ߲߰ ߡߊ ߡߊ߬ ߖߎ߬ߟߊ߬ߦߊ ߘߊߞߎ߲ ߘߐ߫߸ ߊ߬ ߣߌ߫ ߞߵߊ߬ ߓߍ߲߬ ߊ߬ߟߎ߬ ߟߊ߫ ߡߙߌߦߊ߫ ߞߎߘߊ ߡߊ߬߸ ߡߍ߲ ߟߐ߬ߣߍ߲߫ ߞߎ߲߬ߝߍ߬ߕߊ߯ߟߌ ߢߊߞߘߐߣߐ߯ ߞߏ ߡߊ߬. ߊ߬ߟߎ߫ ߣߐ߬ ߏ߬ ߡߍ߲ ߝߙߍ߬ߞߘߐ߬ߖߎ߰ߦߊ߬ ߝߙߍ ߟߐ߬ ߟߊ߫ ߝߘߊ߬ߝߌ߲߬ ߖߡߊߣߊ߫ ߂߅ ߡߊ߬.

ߊߝߙߌߞߊ߬ ߍ߲ߕߋߟߌߖ߭ߊ߲ߛ ߞߍߦߙߐ ߟߊ߫ ߝߐߟߌ߫ ߘߐ߫߸ ߞߏ߫ ߞߊ߲ߕߌ߯ ߘߊ߲ߘߐ߫ ߟߋ߬ ߓߍߣߊ߬ ߕߊ߯: ߟߌߓߋߙߌߦߊ߫ ߞߊ߲ߕߌ߮߸ ߖ߭ߏ߬ߗ߭ߍߝ ߓߏߥߊߞߌ߫، ߓߊ߬ߛߌ߬ߙߎ߬ ߖߏ߬ߡߊߦߌ߬ ߝߊߦߌ߬ (ߛߣߍ߬ߜ߭ߊߟߌ߫)، ߡߏ߬ߤߊ߬ߡߍ߬ߘ ߎߟߘ ߛ߭ߍߞ ߊ߬ߟߑߜ߭ߊ߬ߖ߭ߎ߬ߥߊ߬ߣߌ (ߡߏߙߌߕߊߣߌ߫)، ߓߙߌߛ ߞߑߟߏߕߍߙ ߏߟߖߌ߫ ߒߖߋߡߊ߫ (ߜ߭ߊߓߐ߲߫) ߎߡߊߙߏ߫ ߛߌ߬ߛߏ߬ߞߏ߫ ߊ߲ߓߊߟߏ߫ (ߖߌ߬ߣߍ߫ ߓߌ߬ߛߊߥߏ߫)، ߏ߬ ߟߎ߬ ߓߍ߯ ߡߊߞߐ߬ߣߐ߲߬ߣߍ߲߫ ߜߎ߲߬ߘߎ߬ ߘߐ߬ ߟߊߘߍ ߣߌ߲߬ ߘߐ߫، ߞߵߊ߬ ߓߍ߲߬ ߊ߬ߟߋ߬ ߟߊ߬ߘߍ ߞߍߢߊ ߡߊ߬߸ ߛߌ߲ߞߐ߬ߟߊ ߟߋ߬ ߦߋ߲߬߸ ߞߎߡߊ ߓߍߣߊ߬ ߘߐߘߎ߲߬ߧߊ߫ ߞߏ߫ ߛߌߦߊߡߊ߲߫ ߠߋ߬ ߞߊ߲߬߸ ߦߏ߫ ߖߡߊ߬ߣߊ ߟߎ߬ ߣߌ߫ ߢߐ߲߯ ߕߍ ߓߊ߯ߙߊߢߐ߲߯ߦߊ ߟߎ߬߸ ߣߊ߲߬ߝߟߏ߬ߦߊ߬ߟߌ߬ ߞߎ߲ߘߊ߫߸ ߟߊ߬ߞߊ߲߬ߘߊ߬ߟߌ ߕߊ߫ ߝߊ߲߭ ߝߍ߬ ߞߐ߰ߖߌ߬ߘߊ߬ߟߊ ߟߎ߬ ߘߐ߫߸ ߊ߬ ߣߌ߫ ߖߌ߬ߣߍ߬ ߖߌߘߏ߮߸ ߊ߬ ߣߌ߫ ߤߊߟߌ߬ ߘߊ߬ߡߊ߲߬ ߞߏ߬ ߝߙߋߞߋ ߘߏ߫ ߟߎ߫ ߓߍߣߊ߬ ߘߐߢߌߡߌ߲߫ ߊ߬ߟߎ߬ ߓߟߏ߫.

ߊߡߙߌߞߌ߬ ߣߌ߫ ߝߘߊ߬ߝߌ߲߬ߠߊ߬ ߞߏߢߊ ߟߎ߫ ߜߊ߬ߙߊ ߁߇߲ ߡߍ߲ ߞߍ߫ ߘߊ߫ ߟߎߥߊ߲ߘߊ߫ ߞߣߐ߫ ߊ߲ߜ߭ߏߟߊ߫ ߖߡߊ߬ߣߊ ߞߊ߲߬߸ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߍ߲߬ߡߊ߬ߞߊ߲ ߡߍ߲ ߞߟߊ߬ߣߐ߬ߦߊ߬ ߘߊ߫ ߦߋ߲߬߸ ߏ߬ ߥߊߘߌ ߕߊ߯ߣߍ߲߫ ߠߋ߬ ߝߏ߯ ߘߟߊ߫ ߥߊߘߌ ߥߟߎ߬ߡߊ߫ ߝߌ߬ߟߊ߬ ߣߌ߫ ߞߋ߲߬ߥߟߎ߫ ߗߡߍ߬ ߟߏ߯ߟߎ߫، ߒ߬ߓߊ߬߸ ߏ߬ ߞߏ ߟߎ߬ ߓߏߟߏ߲ߓߐ ߟߋ߬ ߣߐ߬ ߊ߬ߟߎ߫ ߟߐ߬ ߟߊ߫ ߟߊ߬ߘߍ ߣߌ߲߬ ߡߊߞߟߌ߫ ߟߊ߫، ߊߡߙߌߞߌ߬ ߞߊ߬ߝߏ ߓߏߟߏ߲ߝߘߊ ߟߊ߫ ߝߐߟߌ߫ ߘߐ߫߸ ߞߏ߫ ߥߊ߲ߛߌ߲ߕߐ߲߫ ߦߴߊ߬ ߝߍ߬ ߟߋ߫ ߊ߬ߟߎ߬ ߣߌ߫ ߝߘߊ߬ߝߌ߲߬ߠߊ߬ ߟߊ߫ ߘߍ߬ߢߐ߲߰ߦߊ ߦߋ߫ ߝߊ߲߬ߞߊߘߏ߲߬ <<ߞߵߊ߬ ߜߘߌߛߌ߰ ߣߊ߲߬ߝߟߏ߬ߦߊ߬ߟߌ ߣߌ߫ ߞߍߢߐ߲߯ߠߊ ߞߊ߲߬>> ߝߏ߫ ߟߊ߬ߞߙߐ߬ߛߟߌ߬ߟߊ ߘߏ߫ ߟߎ߫ ߓߘߴߊ߬ ߦߌ߬ߘߊ߬߸ ߞߏ߫ ߊߡߙߌߞߌ߬ ߣߐ߬ ߟߊ߬ߤߘߌ ߡߍ߲ ߕߊ߬ ߟߊ߫ ߞߏ߫ ߊ߬ ߘߌ߫ ߝߘߊ߬ߝߌ߲߬ߠߊ߬ ߡߊߘߍ߬ߡߍ߲߬ ߘߟߊ ߥߟߎ߬ߡߊ ߟߊ߫ ߣߌ߲߬ ߖߐ߫߸ ߊ߬ߟߎ߬ ߟߊ߫ ߕߊ߯ߟߌ ߞߎ߲߭ ߦߴߏ߬ ߟߋ ߡߌ߬ߘߊ ߘߌ߫.

ߊ߬ ߞߏ߬ߣߌ߲߸ ߊߡߙߌߞߌ߬ ߟߊ߫ ߘߍ߬ߡߍ߲ ߣߌ߲߬ ߓߍ߯ ߣߴߊ߬ ߕߊ߫߸ ߊ߬ߟߎ߬ ߕߴߊ߬ ߝߍ߬ ߝߋߎ߫ ߝߘߊ߬ߝߌ߲߬ ߖߡߊߣߊ ߘߏ߫ ߟߎ߫ ߘߎ߰ߘߋ߲ ߠߎ߬ ߦߴߊ߬ߟߎ߫ ߛߋ߲߭ ߛߎ߫ ߊ߬ߟߎ߬ ߓߘߊ، ߊ߬ ߖߍ߬ߘߍ߸ ߊߡߙߌߞߌ߬ ߞߌ߬ߓߊ߬ߙߏ߬ߘߊ߫ ߝߌ߬ߟߊ߬ ߓߍ߫߸ ߙߋߎ߳ߕߍ߱ߙ ߣߌ߫ ߥߊ߲ߛ߭ߌ߲ߕߐ߲߫ ߟߌ߬ߤߟߊ߸ ߏ߬ ߟߎ߬ ߞߊ߲߫ ߞߏ߫ ߕߑߙߐ߲ߔ ߣߴߊ߬ ߟߊ߫ ߡߐ߱ ߟߎ߬ ߦߴߊ߬ ߝߍ߬ ߟߋ߬ ߝߋߎ߫߸ ߞߊ߬ ߊߡߙߌߞߌ߬ ߞߣߐ߫ ߘߏ߲ߠߌ߲ ߠߊߕߐ߲߫ ߝߘߊ߬ߝߌ߲߬ ߖߡߊߣߊ߫ ߂߅ ߡߊ߬߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߟߊ߫ ߛߓߍ ߟߎ߬ ߖߐ߲ߝߐ߲ ߘߌ߫߸ ߞߊ߬ߙߏ߲ ߦߴߊ߬ ߛߌߦߊߡߊ߲߫ ߠߊ߫ ߘߐ߬ߛߙߋ ߟߎ߬ ߘߐ߫߸ ߊ߬ߟߎ߬ ߘߌ߫ ߛߋ߫ ߕߎ߬ߡߊ߬ ߖߊ߲߫ ߞߍ߫ ߟߴߊ߬ߟߎ߬ ߟߊ߫ ߖߡߊ߬߬ߣߊ ߞߣߐ߫ ߦߋ߲߬߸ ߞߵߊ߬ ߛߐ߬ߘߐ߲߬ ߘߌ߬ߢߍ߬ߡߊ߬ߦߊ ߡߍ߲ ߦߴߊ߬ߟߎ߬ ߓߟߏ߫߸ ߏ߬ ߡߊ߫ ߛߴߏ߬ ߘߐ߫. ߊ߬ߟߎ߬ ߟߊ߫ ߟߊ߬ߘߍ ߡߍ߲ ߞߍߕߐ߫ ߞߊߙߏ ߣߌ߲߬ ߕߋ߬ߟߋ߫ ߀߉ ߴߊ߬ ߁߁ ߡߊ߬ ߣߌ߲߬߸ ߖߡߊ߬ߣߊ߬ ߣߊ߯ߣߌ߲߫ ߥߊߕߐ߫ ߏ߬ ߘߐ߫: ߛߣߍ߬ߜ߭ߊߟߌ߫߸ ߡߏߙߌߕߊߣߌ߫߸ ߜ߭ߊߓߐ߲߫߸ ߟߌߓߋߙߌߦߊ߫߸ ߝߘߊ߬ߝߌ߲߬ ߖߡߊߣߊ ߡߍ߲ ߠߎ߬ ߘߎ߰ߘߋ߲ ߠߎ߬ ߟߊ߫ ߊߡߙߌߞߌ߫ ߕߊ߯ߟߌ ߟߊߕߐ߲ߣߍ߲߫߸ ߊ߬ߟߎ ߕߐ߮ ߦߴߏ߬ ߛߙߍߘߍ ߘߐ߫ ߟߋ߬߸ ߏ߬ ߡߍ߲ ߞߍ߫ ߘߊ߫ ߥߊ߬ߛߌ߬ߥߙߊ ߕߟߋ߬ ߁߄ ߕߊ߬ߡߌ߲߬ߣߍ߲ ߡߊ߬.

ߒ߬ߓߊ߬߸ ߖߘߍ߬ߛߐߛߐ ߥߟߊ߫ ߞߎߡߊ߫ ߝߌߟߊ߫ ߝߐ ߏ߬ ߟߋ ߓߘߊ߫ ߟߊ߬ߞߐ߬ߛߟߌ߬ߟߊ߬ ߛߌߦߊߡߊ߲߫ ߓߊ߬ߟߌ߬ ߛߊ߫، ߓߊߏ߬߸ ߊߡߙߌߞߌ߬ ߞߊ߲߫ ߞߏ߫ ߊ߬ ߦߴߊ߬ ߝߍ߬ ߞߊ߬ ߝߘߊ߬ߝߌ߲߬ߠߊ߫ ߘߍ߬ߡߍ߲߫ ߣߊ߲߬ߝߟߏ ߟߊ߫߸ ߞߊ߬ ߞߏ߫ ߛߌߦߊߡߊ߲߫ ߞߍ߫ <<ߌ ߕߊ ߛߐ߬ߘߐ߲߬ ߒ ߧߋ߫ ߕߊ ߛߐ߬ߘߐ߲߫ ߞߊ߲߬>>، ߓߊ߬ߙߌ߬ ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸ ߊ߬ߟߎ߬ ߓߘߴߊ߬ߟߎ߫ ߛߋ߲߭ ߟߐ߬ ߝߘߊ߬ߝߌ߲߬ ߠߎ߬ ߟߊ߫ ߕߊ߯ߟߌ߫ ߞߏ ߞߊ߲߬ ߊ߬ߟߎ߬ ߓߘߊ، ߥߊ߬ߛߌ߬ߥߙߊ߫ ߕߊ߬ߡߌ߲߬ߣߍ߲ ߢߌ߲߬ ߠߊ߫ ߌߞߘߐ߫߸ ߊߟߎ߬ ߞߊ߬ ߛߙߍߘߍ߫ ߞߎ߲߬ߝߟߐ ߟߎ߬ ߟߊߓߐ߫߸ ߝߘߊ߬ߝߌ߲߬ ߖߡߊߣߊ߫ ߕߊ߲߫ ߣߌ߫ ߞߐ ߕߐ߮ ߦߋ߫ ߡߍ߲ ߘߐ߫߸ ߊ߬ߟߎ߫ ߣߐ߬ ߡߍ߲ ߠߎ߬ ߛߋ߲߬ߠߊߛߘߌ߬ ߟߴߊ߬ߟߎ߬ ߓߘߊ߫ ߕߊ߯ ߞߏ ߘߐ߫߸ ߗߊߘߌ߬ ߦߴߏ߬ ߘߐ߫߸ ߞߏ߲߬ߞߏ߬ ߝߣߊ߫ ߦߴߊ߬ ߘߐ߫.

ߊ߲ ߞߏ߬ߣߌ߲ ߛߌ߰ߣߍ߲߫ ߞߵߊ߬ ߡߊߝߟߍ߫ ߛߊ߫߸ ߣߴߊ߬ߟߎ߬ ߟߊ߫ ߟߊ߬ߘߍ ߣߌ߲߬ ߘߌ߫ ߞߍ߫ ߕߙߎ߬ ߘߌ߫ ߞߊ߬ ߞߏ ߟߎ߬ ߡߊߦߟߍ߬ߡߊ߲߬ ߓߊ߯ߙߊߢߐ߲߯ߦߊ ߛߌߟߊ ߝߍ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫