ߞߎߣߎ߲߬ ߞߊ߯ߙߌ ߡߊ߬߸ ߂߀߂߅ ߥߊ߬ߛߌ߬ߥߙߊ ߕߋ߬ߟߋ߫ ߂߉߸ ߡߊ߬ߛߎ߬ߓߊ߬ߞߏ ߘߏ߫ ߟߋ߬ ߦߋ߫ ߘߊ߫ ߛߌ߯ߙߌ߲߫ ߞߌ߲߬ߘߊ ߘߏ߫ ߟߊ߫߸ ߊߙߋߔߐߙ ߔߑߟߊ߬ߕߏ، ߞߊ߬ߕߎ߲߯߸ ߁߃ߙߋ߲ ߠߋ߬ ߡߊ߬߸ ߗߍ߭ ߘߏ߫ ߛߎ߭ ߦߋ߫ ߘߊ߫߸ ߡߍ߲ ߛߌ߬ߞߛߊߓߌ ߦߋ߫ ߛߊ߲߬ ߇߀ ߘߐ߫߸ ߊ߬ ߕߐ߯ ߞߏ߫ ߡߊߡߊߘߎ߬ ߛߏ، ߏ߬ ߞߊ߬ ߡߐ߰ ߛߌߦߊߡߊ߲߫ ߛߎ߬ߣߎ߲߫ ߦߋ߲߬߸ ߞߊ߬ ߡߐ߱ ߟߎ߫ ߟߐ߬ ߢߌ߬ߣߌ߲߬ߞߊ߬ߟߌ ߟߊ߫ ߞߵߊ߬ ߓߍ߲߬ ߊ߬ ߝߊ߰ ߢߊ ߡߊ߬.

ߏ߬ ߟߋ ߞߏߛߐ߲߬߸ ߞߌ߲߬ߕߌ߮ ߌߓߙߊߤߌߡߊ߫ ߞߊߟߌߟ ߡߊ߰ߛߎߓߊ߫ ߞߊ߬ ߟߊ߬ߛߏ߬ߓߌ߬ߟߌ ߞߍ߫߸ ߞߊ߬ ߛߌ߯ߙߌ߲߫ ߡߙߊ߬ߓߊ߰ߘߊ ߜߋߙߋ߲ߜߋߙߋ߲ߧߊ ߗߋߕߌ߮ ߥߟߋ߫ ߞߵߊ߬ ߟߊߟߐ߲ߠߌ߲߫ ߟߌ߬ߤߟߊ ߢߌ߲߬ ߠߊ߫߸ ߏ߬ ߝߣߊ߫ ߞߊ߬ ߟߊ߬ߞߊ߲߬ߘߊ߬ߟߌ ߘߏ߲߬ߞߏ ߟߎ߬ ߟߊߟߐ߲ߠߌ߲߫߸ ߡߍ߲ ߠߎ߬ ߞߵߊ߬ߟߎ߫ ߘߐ߱ߘߏ߲߬ ߛߎ߭ ߟߊ߫ ߞߏ ߟߊ߫.

ߒ߬ߓߊ߬߸ ߘߊ߲ߘߊߟߌߟߊ߫ ߊߓߘߎߟߊߦߌ߬ ߓߊߛߌߙߎ߬ ߞߐ߲ߘߍ߫߸ ߣߌ߫ ߘߏ߫ ߟߎ߫ ߦߴߊ߬ ߥߟߋ߫ ߟߊ߫ ߞߏ߫ » ߊߓߋ߬ ߛߋ » ߸ ߊ߬ߟߋ ߦߋ߫ ߘߊ߲ߘߟߊ߫ ߘߊ߯ߕߌ߮ ߟߋ߬ ߘߌ߫߸ ߏ߬ ߡߍ߲ ߦߋ߫ ߝߊ߬ߛߏ ߞߟߍ߬ߡߐ߰ߟߊ߫ ߢߍߡߌߘߊ߫ ߛߊ߲ߘߐߕߊ ߣߌ߫  ߣߊ߲߬ߕߌ߰ ߗߋߘߊߕߌ߮ ߢߍߡߐ߮ ߘߌ߫ ߸ ߊ߬ ߦߋ߫ ߛߌ߯ߙߌ߫ ߘߊ߲ߘߊߛߏߓߊ ߟߋ߬ ߟߊ߫߸ ߊ߬ ߟߊ߫ ߓߊ߯ߙߊ ߦߋ߫ ߡߊ߬ߜߍ߲߬ߠߌ ߣߌ߫ ߘߊ߲ߘߊߟߌ ߣߌ߫ ߘߐ߬ߓߛߏ߬ߟߌ ߟߋ߬ ߘߌ߫، ߏ߬ ߞߵߊ߬ ߦߌ߬ߘߊ߬ ߞߏ߫:

<<ߓߌ߬ ߞߊ߯ߙߌ ߣߌ߲߬ ߡߊ߬ ߂߀߂߅ ߥߊ߬ߛߌ߬ߥߊߙߊ ߕߋ߬ߟߋ߫ ߂߉ ߸ ߊ߲ ߣߐ߬ ߞߟߌߟߌ߫ ߞߊ߲ ߘߏ߫ ߟߋ߬ ߛߐ߬ߘߐ߲߬ ߠߊ߫  ߁߃ ߙߋ߲ ߝߊ߲߭ ߝߍ߬ ߞߊ߬ ߝߘߊ߫ ߛߊ߲ߡߊߘߊ߲ ߞߌ߲߬ߘߊ߬ ߞߎ߲ߕߌ߮ ߟߊ߫ ߸ ߣߌ߫ ߘߏ߫ ߟߎ߫ ߦߴߊ߬ ߥߟߋ߫ ߟߊ߫ ߞߏ߫ : « ߌߓߎߙߊߤߌߡߊ߬ ߞߊߟߌߟߎ߬ ߡߊ߰ߛߎ߬ߓߊ߬ « .

ߒ߬ߓߊ߬ ߸ ߞߌ߲߬ߘߊ߬ ߞߎ߲ߕߌ߮ ߏ߬ ߟߋ߬ ߞߵߊ߬ ߦߌ߬ߘߊ߬ ߒ߬ ߠߊ߫ ߞߏ߫ : ߗߍ߬ߡߐ߮ ߘߏ߫ ߓߘߊ߫ ߛߊ߬ ، ߓߊ߬ߙߌ߬߸ ߞߏ߫ ߥߎ߬ߣߎ߲߬ߥߎ߬ߣߎ߲߬ ߞߊ߲ ߓߘߊ߫ ߛߘߍߦߊ߫ ߞߏߛߓߍ߫.

ߒ ߝߣߊ߫ ߞߊ߲߫ ߊ߬ ߡߊ߬ ߞߏ߫ ߊ߬ ߦߋ߫ ߝߙߍ߬ ߞߍ߫ ߞߊ߬ ߝߊ߰ߡߊ ߟߎ߬ ߟߊߛߐ߬ߓߌ߬ ߖߏߣߊ߫ ( ߕߐ߲ߓߟߏߡߊ ߟߎ߬ ߥߟߊ߫ ߞߟߍ߬ߡߐ߮ ߟߎ߬ ߞߊ߬ߣߌ߲߬) ߓߊߏ߬ ߸ ߏ߬ ߟߎ߫ ߟߋ߬ ߞߊ߫ ߞߊ߲߫ ߞߊ߬  ߖߡߊ߬ߙߌ߬ ߛߓߍ ߘߏ߫ ߘߌ߫ ߊ߬ߟߋ ߡߊ߬ ߸ ߊ߬ߟߋ ߝߣߊ߫ ߥߊߕߐ߫ ߛߓߍ ߏ߬ ߟߋ߬ ߘߌ߫ ߟߊ߫ ߘߊ߲ߘߊߟߌߛߏ ߟߊ߫ ߸ ߞߵߊ߬ ߦߌ߬ߘߊ߬ ߞߏ߫ ߘߊ߲ߘߊߟߌߟߊ ߘߌ߫ ߛߴ ߊ߬ ߟߊ߫ ߓߊ߯ߙߊ߫ ߟߎ߬ ߞߍ߫ ߟߊ߫ ߝߛߊߦߌ߫.

ߒ߬ߓߊ߬ ߸ ߊߓߎߓߞߊߙ ߓߊ ߟߋ߬ ߞߊ߬ ߛߌ߯ߙߌ߲߫ ߘߊ߲ߘߊߛߏߓߊ ߞߐߦߌ߬ߘߊ߬ ߘߌ߲߬ߞߌߙߊ ߏ߬ ߘߐ߫ ߸ ߏ߬ ߟߊ߫ ߡߊ߬ߝߟߍ߬ߟߌ ߞߐߝߟߌ߫ ߞߵߊ߬ ߦߌ߬ߘߊ߬ ߞߏ߫ ߸ ߡߊ߬ߘߌ߬ߡߌ߲߬ߠߌ߲ ߣߐ ߕߎ߲߬ ߕߍ߫ ߊ߬ ߦߙߐ߫ ߜߘߍ߫ ߘߐ߫ ߝߏ߫  ߊ߬ ߞߎ߲߭ ߘߐߙߐ߲߫ ߸ ߞߎ߲߭ ߘߏ߲߬ ߦߋ߫ ߡߐ߱ ߝߊ߬ߘߌ ߣߌߡߊ߫ ߦߙߐ ߞߘߎ߬ߜߍߟߍ߲ ߘߏ߫ ߟߋ߬ ߘߌ߫߸ ߡߍ߲ ߞߊ߫ ߜߍ߬ߟߍ߲߬ ߞߏߛߓߍ߫ ߸ ߓߊߏ߬ ߣߌ߫ ߡߐ߱ ߞߎ߲߭ ߡߊߘߌߡߌ߲߫ ߘߊ߫ ، ߌ ߞߊ߫ ߞߊ߲߫ ߞߊ߬ ߛߌߟߊ߲߫ ߊ߬ ߞߣߐߟߊ ߦߋ߫ ߞߵߏ߬ ߛߊߓߎ ߞߍ߫ ߞߎ߲߬ߛߍ߲ߓߍ ߘߌ߫.

ߞߎ߲߬ߛߍ߲ߓߍ ߣߌ߫ ߟߊ߬ߡߊ߮ ߛߎ߯ ߘߏ߫ ߕߍ߫ ߓߍ߲߬ ߠߊ߫ ߝߋߎ߫ ߸ߞߊ߬ߕߎ߲߯ ߸ ߏ߬ ߦߋ߫ ߣߊ߬ ߟߊ߫ ߞߐߝߟߌ߫ ߖߎ߮ ߟߋ߬ ߘߌ߫ ߞߎ߲߭ ߡߊ߬߸ߣߊߟߌ߬ߡߎ߲߫ ߞߎ߲߬ߞߟߏ߬ ߥߎߟߌ ߘߌ߫.

ߏ߬ ߟߋ ߞߏߛߐ߲߬ ،ߣߌ߫ ߡߐ߱ ߞߎ߲߭ ߡߊߘߌߡߌ߲߫ ߠߊ߫ ߸ ߌ ߞߊ߫ ߞߊ߲߫ ߠߋ߬ ߞߵߌ ߞߎ߲߬ ߛߌ߫ ߘߊ߲ߘߊߛߏ ߟߋ߬ ߟߊ߫ ߌߞߘߐ߫، ߖߐ߲߰ߛߊ߫ ߘߊ߲ߘߊߟߌߟߊ ߟߎ߬ ߘߴߊ߬ߟߎ߫ ߘߐ߭ ߘߏ߲߬ ߊ߬ ߟߊ߫ ߖߏߣߊ߫.

ߟߊ߬ߞߙߐ߬ߛߌ߬ߟߌ ߘߏ߲߬ ߞߵߊ߬ ߦߌ߬ߘߊ߫ ߟߋ߬ ߞߏ߫  ߗߍ߬ߡߐ߮ ߣߌ߲߬ ߡߊ߫ ߛߋ߫ ߘߊ߲ߘߊߛߏ ߟߊ߫߸ ߤߊ߲߯ ߊ߬ ߓߘߊ߫ ߥߊ߫ ߛߵߊ߬ ߖߍ߬ߘߍ ߡߊ߬ ߸ ߤߊߟߌ߬ ߣߴߊ߬ ߞߵߊ߬ ߕߘߍ߬ ߘߏ߫ ߟߎ߫ ߦߴߊ߬ ߝߐ߫ ߟߊ߫ ߞߏ߫ ߸ ߊ߬ ߜߊ߬ߛߌ߬ߣߍ߲ ߔߏߔߏߕߌ߮ ߘߏ߫ ߟߋ߬ ߓߟߏ߫ ߓߌ߬ߟߊ߬ߒ߬ߘߐ߬ߖߎ߮ ߘߏ߫ ߘߐ߫ ߞߊ߬ߣߌ߲߬.

ߛߊ߬ߓߊ߰ߕߐ ߣߌ߲߬ ߕߐ߯ ߟߋ߬ ߞߏ߫ : ߡߊߡߊߘߎ߬ ߛߏ ߸ߊ߬ ߦߋ߫ ߛߊ߲߬ ߇߀ ߖߊ߬ߕߋ ߟߋ߬ ߘߐ߫.

ߘߊ߲ߘߊߟߌߟߊ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊ߫ ߛߊ߬ߦߊ ߞߍߣߍ߲߫ ߟߊ߬ߕߍ ߟߋ߬ ߘߌ߫ ( ߛߦߊ߬ ߛߎ߲ߞߎ߲ߡߊ ߞߊ߬ߣߌ߲߬)

ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫