ߞߌ߲ߘߌߦߊ߫ ߖߊ߯ߓߘߊ ߕߌ߲ߓߌߘߌ߲ߘߊ : ߛߌ߬ߟߡߊ߬ߦߊ ߦߋ߫ ߓߍ߯ ߟߊߘߍ߬ߣߍ߲ ߠߊ߫ ߞߍߕߊ ߟߋ߬ ߘߌ߫߸ߣߊ߲߬ߕߌ߰ߦߊ ߘߏ߲߬ ߦߋ߫ ߒ ߠߊ߫ ߓߊ߯ߙߘߊ ߟߋ߬ ߘߌ߫

ߛߌ߬ߣߌ߲߬ߟߏ߲  ߂߀߂߆ ߓߌ߲ߠߊߥߎߟߋ߲ ߁߆ ߢߌ߲߬ ߡߊ߬߸ߣߊ߲߬ߕߌ߰ ߛߏߝߊ ߘߏ߫ ߟߋ߬ ߣߐ߬  ߞߊ߬ߙߊ߲߬ߠߊ߬ߘߋ߲ ߠߎ߬ ߟߊ߫ ߛߊߟߌ ߟߊ߫ ߞߌ߲ߘߌߦߊ߫ ߖߊ߯ߓߘߊ ߕߌ߲ߓߌߘߌ߲ߘߊ ߟߊ߫߸ߞߵߊ߬ ߕߏ߫ ߣߊ߲߬ߕߌ߮ ߟߎ߬ ߟߊ߫ ߕߏ߲ߕߊߟߊ߲ ߘߐ߫ ߞߊ߬ߣߌ߲߬.

ߣߴߌ ߞߊ߬ ߛߌ߬ߡߦߊ߬ ߘߌ߯ߣߊ߫ ߕߊ߬߸ߣߊ߲߬ߕߌ߰ߦߊ߬ ߞߏ ߕߴߊ߬ ߘߐ߫، ߣߊ߲߬ߒߕߊ߲߬ߦߊ߬ ߞߏ ߕߴߊ߬ ߘߐ߫߸ߘߍ߲߬ߞߣߍ߬ߦߊ߬ߓߊ߮ ߟߎ߬ ߓߍ߯ ߟߋ߬ ߞߊ߫ ߞߊ߲߫ ߊ߬ߟߋ߬ ߘߌ߯ߣߊ߫ ߘߐ߫.

ߡߏ߬ߤߊߡߍߘ ߛߊ߬ߦߌߘߎ߬ ߖߊ߲ߟߏ߫߸ ߊ߬ߟߋ ߡߍ߲ ߣߊ߲߬ߕߌ߮ ߟߎ߬ ߟߊ߫ ߛߏ߬ߝߊ߬ߞߎ߲ ߣߌ߫ ߢߍߓߊ߮ ߘߌ߫ ߞߌ߲ߘߌߦߊ߫ ߛߊ߬ߡߏ߬ߙߌ߬ߦߊ߬ ߘߊ߮ ߞߣߐ߫߸ ߏ߬ ߟߋ߬ ߣߐ߬ ߓߌ߬ ߛߌ߬ߣߌ߲߬ߟߏ߲ ߓߋߟߋ߲ߠߊ ߞߍ߫ ߟߊ߫ ߞߌ߲ߘߌߦߊ߫ ߖߊ߯ߓߘߊ ߞߊ߬ߙߊ߲߬ߠߊ߬ߘߋ߲ ߠߎ߬ ߞߎ߲߬ ߞߊ߬ ߓߊ߲߫ ߞߵߊ߬ߟߎ߬ ߟߊ߫ ߛߊߟߌ߫.

ߊ߬ ߟߊ߫ ߓߌ߬ ߓߋߟߋ߲ߠߊ ߞߎߡߊ߫ ߘߊ߫ ߛߌ߰ߢߐ߲߰ߦߊ ߣߌ߫ ߓߊ߯ߙߊߢߐ߲߯ߧߊ ߟߋ߬ ߞߊ߲߫ ߘߍ߭ ߘߐ߫.

ߦߏ߫ ߊ߬  ߞߵߏ߬ ߟߊߛߙߋߦߊ߫ ߢߊ ߡߍ߲ ߡߊ߬ ߕߊ߲߬ߘߐ :

<< ߛߌ߬ߟߡߊ߬ߦߊ߬ ߘߌ߯ߣߊ߫ ߘߐ߫، ߊ߬ ߝߐߣߍ߲߫ ߠߋ߬ ߝߛߊߦߌ߫ ߞߏ߫ ߛߊߟߌ߫ ߣߌ߫ ߛߎ߲ ߣߌ߫ ߛߙߊߞߊ ߟߎ߫ ߟߋ߬ ߡߐ߱ ߟߎ߬ ߟߊߘߏ߲߬ ߠߊ߫ ߡߍ߲ߘߌߦߊ ߘߐ߫߸ ߓߊ߬ߙߌ߬ ߊߟߎ߫ ߦߋ߫ ߘߌ߬ߢߍ߬، ߒ ߧߋ߫ ߘߏ߫ ߜߘߍ߫ ߝߣߊ߫ ߦߌ߬ߘߵߊߟߎ߫ ߟߊ߫ ߡߍ߲ ߝߣߊ߫ ߕߐ߬ߣߐ ߞߊ߫ ߓߏ߲߬ ߞߏߛߓߍ߫߸ ߓߊߏ߬ ߸ ߊ߬ ߝߐߣߍ߲߫ ߠߋ߬ ߘߏ߫ ߟߎ߫ ߓߟߏ߫ ߞߏ߫ ߣߌ߫ ߛߊߟߌ ߕߍ߫ ߞߏ߫ ߊ߲ ߕߍߣߊ߬ ߘߏ߲߬ ߠߊ߫ ߡߍ߲ߘߌߦߊ߫ ߣߊߞߐ ߘߐ߫.

ߏ߬ ߓߟߏߡߊ߬،ߞߋߟߊ߫ ߡߊ߬ߡߊߘߌ߫ ߞߵߊ߬ ߦߌ߬ߘߊ߬ ߞߏ߫ »

ߊߟߎ߫ ߦߋ߫ ߘߌ߬ߢߍ߬ ߢߐ߲߮ ߢߍ߫ ߞߵߊߟߎ߫ ߕߍ ߘߐߓߍ߲߬،ߞߊ߬ ߢߌ߬ߡߊ ߣߕߊ߬ ߌ ߞߙߍ߬ߝߍ߬ ߡߐ߮ ߢߍ߫߸ ߌߟߋ ߞߊߣߵߊ߬ ߢߊߢߌߣߌ߲߫ ߘߋ߬ ߡߍ߲ ߡߙߌߦߊ ߦߴߊ߬ ߞߣߐ߫ ߞߵߊ߬ ߟߐ߬ ߌ ߡߊ߬߸ ߌߟߋ ߦߴߌ ߟߊ߫ ߞߍߕߊ ߞߍ߫ ߘߐߙߐ߲߫ » ߸ߒ߬ߓߊ߬، ߏ߬ ߟߎ߬ ߝߣߊ߫ ߕߐ߬ߣߐ ߞߊ߫ ߓߏ߲߬ ߓߊߟߋ߬ ߛߌ߬ߟߡߊ߬ߦߊ߬ ߘߌ߯ߣߊ߫ ߘߐ߫>>. ߞߋߟߊ ߟߋ߬ ߞߊ߲߫ ߕߋ߲߬(ߕ.ߖ)

ߢߍߓߊ߮ ߡߏ߬ߤߊߡߍߘ ߛߊ߬ߦߌߘߎ߬ ߖߊ߲ߟߏ߫ ߞߵߊ߬ ߦߌ߬ߘߊ߬ ߌߞߐ߫  ߞߏ߫ : <<

 ߣߴߌ ߞߊ߬  ߢߌ߬ߡߊ ߣߕߊ߬ ߌ ߡߐ߬ߢߐ߲߮ ߢߍ߫߸ߞߵߊ߬ ߕߘߍ߬ ߏ߬ ߟߊ߫ ߡߊ߲߬ߕߙߐ߫ ߦߴߌ ߞߊ߲߬߸ ߏ߬ ߘߏ߫ ߘߌ߫ ߞߍ߫ ߕߙߎ߬ ߘߌ߫ ߤߊ߲߯ ߌ ߝߣߊ߫ ߘߴߌ߫ ߕߊ߫ ߛߊ߬ߙߴߊ߬  ߕߌ߱ ߟߊ߫.

ߒ߬ߓߊ߬،ߊߟߊ߫ ߘߏ߲߬ ߓߘߴߊ߬ ߦߌ߬ߘߊ߫ ߞߎ߬ߙߊ߬ߣߊ ߞߣߐ߫ ߞߏ߫

 »  ߡߍ߲ ߓߊ߯ ߢߌ߬ߡߊ ߞߍ߫ ߸ ߏ߬ ߦߴߏ߬ ߞߍ߫ ߟߴߊ߬ ߖߍ߬ߘߍ ߟߋ߬ ߦߋ߫ ߸ ߡߍ߲ ߘߏ߲߬ ߓߊ߯ ߖߎ߯ߡߊ߲ ߘߏ߫ ߞߍ߫،ߏ߬ ߦߴߏ߬ ߝߣߊ߫ ߞߍ߫ ߟߴߊ߬ ߖߍ߬ߘߍ ߟߋ߬ ߟߊ߫  » ߏ߬ ߟߋ߬ ߞߏߛߐ߲߬ ߓߍ߯ ߦߋ߫ ߢߌ߬ߡߊ ߣߕߊ߬ ߌ ߡߐ߰ߢߐ߲߮ ߢߍ ߸ ߓߊߏ߬ ߊߟߊ߫ ߓߍߣߊ߬ ߓߍ߯ ߟߊߘߍ߬ߣߍ߲ ߛߙߊ߬ ߊ߬ ߞߍߕߊ߫ ߟߊ߫ ߟߐ߬ߓߊ ߟߏ߲ >>.

ߢߍߓߊ߯ ߞߌ߲ߘߌߦߊ߫ ߛߊ߬ߡߏ߬ߙߌ߬ߦߊ߬ ߘߊ߮ ߛߏ߬ߝߊ߬ߞߎ߲ ߠߊ߫ ߓߋߟߋ߲ߠߊ ߓߏ߬ߙߌ߬ ߘߊ߫ ߢߌ߬ߡߊ߬ ߞߍ߫ ߕߐ߬ߣߐ ߟߋ߬ ߞߊ߲߬،ߞߊ߬ ߤߌߣߊ߫ ߌ ߓߊߘߋ߲߫ ߣߴߌ ߘߍ߬ߢߐ߲߮ ߠߎ߬ ߣߌ߫ ߌ ߞߏߟߊߘߍߢߐ߲߮ ߠߎ߬ ߟߊ߫ ߟ ߘߍ߭ ߘߐ߫ ߸ ߏ߬ ߡߍ߲ ߞߐߝߟߌ߫ ߦߋ߫ ߡߍ߲ߘߌߦߊ ߣߊߞߐ ߘߏ߲ߠߌ߲ ߘߌ߫ ߛߊ߬ߦߊ ߞߐߝߍ߬.

ߊ߬ ߞߵߊ߬ ߟߊ߫ ߓߋߟߋ߲ߠߊ ߞߎ߲߭ߘߏ߲߬ ߘߎ߬ߥߊ߬ߎ߬ ߞߊߟߊ߲ߒߞߋ߫ ߜߊ߲߬ߛߊ߲ ߠߋ߬ ߟߊ߫،ߞߊ߬ ߘߎ߬ߥߊ߬ߥߎ ߞߍ߫ ߖߌ߬ߣߍ߫ ߞߊ߬ߙߊ߲߬ߠߊ߬ߘߋ߲ ߠߎ߬ ߦߋ߫ ߸ߊ߬ ߜߋ߲ߜߋ߲߫ ߞߌ߲ߘߌߦߊ߫ ߖߊ߯ߓߘߊ ߞߊ߬ߙߊ߲߬ߠߊ߬ߘߋ߲ ߠߎ߬߸ ߊߟߊ߫ ߣߐ߬ ߊ߬ ߞߍ߫ ߟߊ߫ ߏ߬ ߟߎ߬ ߡߍ߲ ߠߎ߬ ߤߊ߬ߙߌ߬ߖߍ߮ ߘߌ߫ ߓߌ߬.

ߊ߬ ߟߊ߫ ߞߎߡߊ ߞߎ߲߬ߘߏ߲ ߘߐ߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߢߌ߬ߣߌ߲߬ߞߊ߬ߟߌ ߘߏ߫ ߟߎ߫ ߞߐߝߍ߬ ߛߊ߫،ߊ߬ ߞߵߊ߬ ߦߌ߬ߘߊ߬ ߞߏ߫ :

<< ߛߌ߬ߟߡߊ߬ߦߊ ߦߋ߫ ߓߍ߯ ߟߊߘߍ߬ߣߍ߲ ߠߊ߫ ߞߍߕߊ ߟߋ߬ ߘߌ߫߸ߣߊ߲߬ߕߌ߰ߦߊ ߘߏ߲߬ ߦߋ߫ ߒ ߠߊ߫ ߓߊ߯ߙߘߊ ߟߋ߬ ߘߌ߫߸ߓߍ߯ ߟߋ߬ ߞߐ߬ߣߌ߲ ߞߊ߫ ߞߊ߲߫ ߞߵߌ ߛߋߞߏ ߞߍ߫ ߛߌ߬ߟߡߊ߬ߦߊ ߘߐ߫ ߸ ߤߊߟߌ߬ ߊ߲ߠߎ߬ ߟߊ߫ ߘߊ߮ ߞߣߐ߫ ߒ ߢߍߓߊ߮ ߟߋ߬ ߒ ߘߌ߫ ߦߋ߲߬،ߝߏ߫ ߊ߬ߟߎ߫ ߖߍ߬ߘߍ ߓߘߊ߫ ߕߌ߲ߓߌߘߌ߲ߘߊ ߟߐ߬ ߞߊ߬ ߒ ߞߍ߫ ߦߋ߲߬ ߟߛߊ߬ߟߌ߬ߟߊ ߘߌ߫ ߞߊ߬ ߒ ߕߏ߫ ߣߊ߲߬ߕߌ߰ߦߊ ߘߐ߫ >>

ߒ ߞߐ߬ߣߌ߲߫ ߘߌ߫ ߛߋ߫ ߡߍ߲ ߝߐ߫ ߟߊ߫ ߒ ߘߍ߬ߢߐ߲߮ ߣߊ߲߬ߕߌ߰ ߛߌߟߡߊ ߟߎ߬ ߡߊ߬ ߸ߏ߬ ߟߋ߬ ߊ߬ߟߎ߬ ߦߴߊ߬ ߟߐ߲߫ ߞߏ߫ ߊ߬ߟߎ߫ ߘߏ߲߬ߣߍ߲߫ ߠߋ߬ ߣߊ߲߬ߕߌ߰ߦߊ ߘߐ߫ ߞߵߊ߬ ߕߘߍ߬ ߊ߬ߟߎ߬ ߦߋ߫ ߛߌ߬ߟߊ߬ߡߊ ߟߎ߬ ߘߌ߫ ߸ߏ߬ ߘߐ߫ ߝߏߦߌ߬ ߡߊ߲߫ ߞߊ߲߫ ߞߵߊ߬ߟߎ߫ ߓߊ߬ߟߌ߬ ߛߌ߬ߟߡߊ߬ߦߊ ߓߊ߯ߙߊ߫ ߛߌ-ߌ-ߛߌ߫ ߟߊ߫߸ ߓߊߏ߬ ߣߊ߲߬ߕߌ߰ߦߊ ߏ߬ ߓߊ߲ߕߐ߫ ߟߋ߬ ߞߵߊ߬ ߕߏ߫ ߛߌ߬ߟߡߊ߬ߦߊ ߡߊ߬ >>

ߡߏ߬ߤߊߡߍߘ ߛߊ߬ߦߌߘߎ߬ ߖߊ߲ߟߏ߫ ߟߋ߬ ߞߊ߲߫ ߕߋ߲߬ ߞߌ߲ߘߌߦߊ߫ ߛߊ߬ߡߏ߬ߙߌ߬ߦߊ߬ ߘߊ߮ ߛߏ߬ߝߊ߬ߞߎ߲.

ߞߏ߲߬ߓߏ߫ ߗߍ߬ߙߑߣߏ ߌߘߌ߬ ߛߏ߸ ߊ߬ߟߋ ߡߍ߲ ߦߋ߫ ߞߌ߲ߘߌߦߊ߫ ߖߊ߯ߓߘߊ ߕߌ߲ߓߌߘߌ߲ߘߊ ߢߍߓߊ߮ ߘߌ߫߸ ߏ߬ ߝߣߊ߫ ߛߋ߫ ߘߊ߫ ߞߵߊ߬ ߕߊ߫ ߤߊ߲ߞߟߌߣߊ߲ ߘߌ߫ ߓߌ߬ ߛߌ߬ߣߌ߲߬ߟߏ߲ ߓߋߟߋ߲ߠߊ ߞߊ߲߬ ߸ ߏ߬ ߡߍ߲ ߞߍ߫ ߘߊ߫ ߛߏ߬ߝߊ߬ߞߎ߲ ߡߏ߬ߤߊߡߍߘ ߛߊ߬ߦߌߘߎ߬ ߖߊ߲ߟߏ߫ ߓߟߏ߫ ߞߊ߬ߣߌ߲߬ :

<< ߣߊ߲߬ߕߌ߮ ߡߍ߲ ߣߐ߬ ߟߛߊ߬ߟߌ߬ߟߌ ߞߍ߫ ߟߊ߫ ߓߌ߬ ߸ߊ߬ߟߋ ߦߴߊ߲ ߓߊ߯ߙߊߢߐ߲߮ ߘߏ߫ ߟߋ߬ ߘߌ߫ ߞߌ߲ߘߌߦߊ߫ ߛߏ߫ ߞߣߐ߫ ߦߊ߲߬ ߸ ߣߵߏ߬ ߞߵߊ߬ ߣߊ߬ߕߊ ߞߊ߬ ߣߊ߬ ߊ߲ߠߎ߬ ߟߊ߫ ߛߊߟߌ߫ ߸ ߞߊ߬ ߞߊ߬ߙߊ߲߬ߠߊ߬ߘߋ߲ ߠߎ߫ ߝߣߊ߫ ߖߊ߲߭ ߓߌ߬ߟߊ߬ ߓߘߍ߬ ߞߍ ߟߎ߬ ߟߊ߫ ߸ ߏ߬ ߦߋ߫ ߞߏ߫ ߓߘߍ ߟߋ߬ ߘߌ߫.

ߏ߬ ߓߟߏߡߊ߬ ،ߊ߬ ߘߍ߬ߢߐ߲߮ ߣߊ߲߬ߕߌ߮ ߕߐ߭ ߟߎ߬ ߞߊ߫ ߞߊ߲߫ ߞߵߊ߬ߟߎ߬ ߢߡߊߟߴߊ߬ ߡߊ߬.

ߝߊߦߌߘߊ߫߸ߛߍߢߊ ߣߌ߫ ߢߊ߯ߟߋ߲ ߠߋ߬ ߦߴߊ߲ ߓߟߏ߫ ߞߵߊ߬ ߟߐ߬ ߊ߬ ߡߊ߬ ߸ ߊ߲ ߘߏ߲߬ ߦߴߊ߬ ߝߏ߬ ߟߊ߫ ߞߏߛߓߍ߫ >>

ߞߏ߲߬ߓߏ߫ ߗߍ߬ߙߑߣߏ ߌߘߌ߬ ߛߏ߸ ߞߌ߲ߘߌߦߊ߫ ߖߊ߯ߓߘߊ ߕߌ߲ߓߌߘߌ߲ߘߊ ߢߍߓߊ߮ ߟߋ߬ ߞߊ߲߫ ߕߋ߲߬.

 ߦߛߎߝ ߕߎ߬ߙߋ߸ߘߎ߰ߡߊ߬ߛߓߍ ߓߏߟߏ߲ߝߘߊ ߞߊ߬ߙߊ߲߬ߠߊ߬ߘߋ߲ ߘߏ߫ ߝߣߊ߫ ߞߵߊ߬ ߦߌ߬ߘߊ߬ ߞߏ߫ :

ߊ߬ߟߋ ߛߊ߲߬ ߃ ߟߋ߬ ߞߌ߲ߘߌߦߊ߫ ߖߊ߯ߓߘߊ ߟߊ߫ ߣߌ߲߬، ߓߊ߬ߙߌ߬߸ ߊ߬ ߕߎ߲߬ ߡߊ߫ ߘߍ߬ߙߌ߬ ߝߋߎ߫ ،ߣߊ߲߬ߕߌ߮ ߦߋ߫ ߛߌ߬ߣߌ߲߬ߟߏ߲ ߓߋߟߋ߲ߠߊ ߞߍ߫ ߞߊ߬ ߓߊ߲߫ ߞߊ߬ ߟߛߊ߬ߟߌ߬ߟߌ ߞߍ߫ ߊ߬ߟߋ ߢߣߊ߫ ߸ߒ߬ߓߊ߬ ߸ߏ߬ ߖߍ߬ߘߍ ߝߣߊ߫ ߕߊ߬ߡߌ߲߬ߣߍ߲ ߠߋ߬ ߛߌ߬ߟߡߊ߬ߦߊ ߘߌߦߊߘߏ߲߬ ߠߊ߫ ߒ ߘߐ߫>>.

ߊ߬ ߞߵߊ߬ ߘߍ߬ߢߐ߲߯ ߞߊ߬ߙߊ߲߬ߠߊ߬ߘߋ߲ ߠߎ߬ ߘߐߛߎ߫ ߛߌ߬ߟߡߊ߬ߦߊ ߡߊ߬:

<< ߒߠߋ ߘߌ߫ ߡߍ߲ ߝߐ߫ ߒ ߘߍ߬ߢߐ߲߮ ߠߎ߬ ߦߋ߫߸ ߊ߲ ߧߴߊ߲ ߘߐ߱ߘߏ߲߬ ߛߌ߬ߟߡߊ߬ߦߊ ߡߊ߬߸ ߊ߲ ߠߊ߫ ߓߊ߯ߙߘߊ ߡߊ߲߫ ߞߊ߲߫ ߞߵߊ߲ ߓߊ߬ߟߌ߬ ߒ߬ ߠߊ߫ ߘߌ߯ߣߊ߫ ߡߊ߬ ߸ ߓߊߏ߬ ߞߊ߬ߙߊ߲ ߓߊ߬ ߸ ߞߏ߫ ߜߘߍ߫ ߛߎ߯-ߎ-ߛߎ߮ ߸ߊ߬ ߓߍ߯ ߟߊߓߊ߲ߕߐ߫ ߊߟߊ߫ ߕߊ ߟߋ߬ ߡߊ߬ >>

 ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߞߌ߲ߘߌߦߊ߫