ߓߋߟߋ߲ߠߊ ߘߏ߫ ߟߋ߬ ߞߍ߫ ߘߊ߫ ߓߋߣߍ߲߫ ߞߊ߲ߕߌ߮ ߓߟߏ߫ ߓߌ߬ ߞߏߟߌ߲ߞߏߟߌ߲ ߕߟߋ߬ ߇ ߣߌ߲߬ ߡߊ߬߸ ߞߊ߬ ߞߎߡߊ߫ ߖߡߊ߬ߣߊ ߖߌ߬ߦߊ߬ߞߊ߲߬ߛߏ߬ߓߊ ߟߊ߫ ߕߡߊ߬ߖߌ ߓߐ߫ ߞߊ߲ߡߊ߬ ߓߍ߯ ߟߊߘߍ߬ߣߍ߲ ߘߐ߫߸ ߞߵߊ߬ ߓߍ߲߬ ߕߟߋ߬ߘߐ߬ߟߊ ߞߟߊߦߊ ߡߊ߬߸ ߡߍ߲ ߠߊߥߟߌ߬ߣߍ߲߫ ߕߍ߬ߘߍ߫ ߖߡߊ߬ߣߊ ߘߐߞߟߦߊ ߡߊ߬ ߣߊ߲߬ߕߌ߮ ߘߏ߫ ߟߎ߫ ߓߟߏ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߞߏ ߟߎ߬ ߓߘߊ߫ ߛߌ߰ ߞߟߊ߬ ߞߋߟߋ߲߫ ߞߊ߲߬ ߊ߬ߟߎ߬ ߕߊ߫ ߓߟߏ߫ ߟߊ߫.
ߓߌ߬ ߞߊ߯ߙߌ ߣߌ߲߬ ߡߊ߬߸ ߓߋߣߍ߲߫ ߞߊ߬ߝߏ߬ ߞߎ߲ߕߌ߮ ߞߊ߬ ߛߙߊ߬ߣߎ߲ ߕߊ߬ ߥߎ߬ߙߊ ߣߌ߲߬ ߝߍ߬߸ ߞߊ߬ ߘߏ߫ ߝߐ߫ ߕߟߋ߬ߘߐ߬ ߖߊ߲ߖߏ߲ ߞߊ߲߬ ߖߡߊ߬ߣߊ ߖߌ߬ߦߊ߬ߞߊ߲߬ߛߏ߬ߓߊ ߟߊ߫، ߊ߬ ߟߊ߫ ߞߎߡߊ ߣߌ߲߬ ߘߐ߫߸ ߊ߬ ߞߊ߬ ߣߊ߲߬ߕߌ߮ ߟߎ߬ ߟߊ߫ ߡߙߎߕߟߌ߫ ߞߏ ߝߐ߫߸ ߡߍ߲ ߞߍ߫ ߘߊ߫ ߕߏ߲ߕߌ߮ ߘߏ߫ ߟߎ߫ ߓߟߏ߫߸ ߊ߬ߟߋ ߞߵߏ߬ ߟߎ߬ ߡߍ߲ ߠߎ߬ ߟߊ߫ ߞߊ߬ߝߏ߬ ߖߊߛߏ߲ ߞߎ߲߭ ߠߎ߬ ߖߌ߰ ߡߊߙߊ߲ߛߊ߫ ߞߊ߲ ߣߌ߫ ߖߊ߲߬ߝߊ߬ ߞߊ߲ ߘߌ߫.
<<ߓߋߣߍ߲ߞߊ ߟߎ߬߸ ߒ ߝߊ߬ߛߏ߬ߘߋ߲߬ߢߐ߲߮ ߠߎ߬߹ ߒ ߧߋ߫ ߞߎߡߊ߫ ߟߴߊߟߎ߫ ߝߍ߬ ߟߋ߬ ߥߎ߬ߙߊ ߢߌ߲߬ ߠߊ߫߸ ߓߊߏ߬ ߖߊ߲߬ߖߏ߲߬ ߖߎ߰ߓߊ߫ ߟߋ߬ ߕߊ߬ߡߌ߲߬ ߘߊ߫ ߓߌ߬، ߞߊ߬ߕߎ߲߯߸ ߣߊ߲߬ߕߌ߰ ߞߙߎ ߘߏ߫ ߟߎ߫߸ ߡߊߙߊ߲ߛߊ߫ ߞߊ߲ ߦߋ߫ ߡߍ߲ ߠߎ߬ ߘߊ߫߸ ߏ߬ ߟߎ߫ ߟߋ߬ ߡߎߙߎ߲ߕߌ߫ ߘߊ߫ ߓߌ߬ ߞߵߊ߬ߟߎ߬ ߞߍ߫ ߖߡߊ߬ߣߊ ߛߌ߲߬ߝߏ߲߬ߘߊ ߟߎ߬ ߞߊ߲߬߸ ߞߊ߬ ߓߊߛߌ߯ߓߊߟߌߦߊ ߛߌ ߓߙߎ߬ߞߎ߬߸ ߞߏ߫ ߊ߬ߟߎ߬ ߦߋ߫ ߓߍ߯ߦߊ߫ ߞߏ ߘߊߝߘߌ߫ ߟߊ߫.>> ߞߊ߲ߕߌ߮ ߞߵߏ߬ ߟߋ ߝߐ߫.
ߊ߬ߟߋ ߟߊ߫ ߝߐߟߌ߫ ߘߐ߫߸ ߞߍߒߞߊ߲ߠߌ߲ ߣߌ߲߬ ߕߎ߲߬ ߘߌ߫ ߓߋߣߍ߲߫ ߓߌ߬ߟߊ߫ <<ߝߊ߬ߘߌ߬ ߘߐ߫ ߓߌ߬߸ ߡߍ߲ ߞߐߝߟߌ߫ ߖߎ߮ ߕߎ߲߬ ߕߍ߫ ߓߊ߲߫ ߡߊߜߙߏ߬ ߟߊ߫ ߛߌߣߌ߲߫.>> ߞߊ߬ ߖߡߊ߬ߣߊ ߟߊ߫ ߥߙߎߞߌ ߟߊߕߐߘߐ߲߫ ߊ߬ ߖߎ߬ ߟߊ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߡߍ߲ ߦߋ߫ ߖߡߊ߬ߣߊ ߞߊ߬ߝߏ߬ ߞߎ߲ߕߌ߮ ߘߌ߫߸ ߊ߬ ߣߌ߫ ߣߊ߲߬ߕߌ߮ ߟߎ߫ ߞߎ߲߬ߕߌ߰ ߛߊ߲ߘߐߕߊ ߘߌ߫߸ ߊ߬ ߝߣߊ߫ ߞߵߊ߬ ߟߐ߬ ߊ߬ ߟߐ߬ ߦߙߐ ߏ߬ ߟߋ ߘߐ߫:
<<ߊ߬ ߕߎ߲߬ ߓߘߊ߫ ߞߍ߫ ߒ ߞߊ߲߬ ߛߋ߲ߛߋߘߋ߲ ߘߌ߫߸ ߞߊ߬ ߒ ߠߊ߫ ߡߙߌߘߐ ߟߎ߬ ߕߊ߬ ߞߊ߬ ߛߋ߫ ߢߖߊߒߘߐ߫ ߞߏ ߣߌ߲߬ ߠߊߗߌߙߏ߲߫ ߠߊ߫߸ ߏ߬ ߡߍ߲ ߕߎ߲߬ ߘߴߊ߲ ߓߌ߬ߟߊ߫ ߛߎ߬ߣߎ߲ ߘߐ߫ ߞߊ߬ߣߌ߲߬.>> ߊ߬ ߞߵߏ߬ ߟߋ ߝߊ߬ߙߴߊ߬ ߟߊ߫ ߞߎߡߊ ߞߊ߲߬.
ߕߊߟߐ߲߫ ߞߊ߬ ߞߎߟߎ߲ߖߋߟߌ ߟߊߛߴߊ߬ߟߎ߬ ߟߊ߫ ߣߊ߲߬ߕߌ߮ ߟߎ߬ ߡߊ߬߸ ߡߍ߲ ߠߎ߬ ߞߍ߫ ߘߊ߫ ߝߊ߬ ߓߘߊ ߝߍ߬߸ ߡߍ߲ ߠߎ߬ ߞߵߊ߬ߟߎ߬ ߟߊ߫ ߖߋ߬ߓߌ߬ߦߊ߬ߟߌ ߕߊ߬߸ ߡߍ߲ ߞߵߊ߬ߟߎ߫ ߟߐ߬ ߊ߬ߟߎ߫ ߟߐ߬ ߦߌߟߊ߸ ߞߊ߬ ߛߋ߫ ߞߐߞߐߣߐ߲ߠߌ߲ ߞߍ߫ ߟߴߊ߬ ߢߊ ߡߊ߬.
ߊ߬ ߞߵߊ߬ ߝߐ߫ ߞߵߊ߬ ߟߊߕߍ߰߸ ߞߏ߫ <<ߞߏߖߎ߯ߞߍߟߊ ߢߌ߲߬ ߠߎ߬ ߕߍߣߊ߬ ߕߏ߫ ߟߊ߫ ߕߋ߲߬ ߜߊ߲ߛߊ߲߫߸ ߣߌ߫ ߞߏ߫ ߡߊ߫ ߟߊߕߐ߲߫ ߊ߬ߟߎ߬ ߟߊ߫.>> ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߕߙߐߦߊ ߞߊ߬ ߡߍ߲ ߠߎ߬ ߛߐ߬ߘߐ߲߬ ߡߙߎߕߟߌ߫ ߞߏ ߣߌ߲߬ ߘߐ߫߸ ߊ߬ ߦߴߏ߬ ߟߎ߫ ߡߊ߬ߤߌ߬ߣߊ߬ ߟߊߡߌ߬ߣߊ߬ ߟߊ߫ ߞߵߊ߬ߟߎ߬ ߞߐߡߊߓߌ߲ߓߌ߲߫߸ ߊ߬ ߣߌ߫ ߡߐ߱ ߡߍ߲ ߠߎ߬ ߝߣߊ߫ ߦߋ߫ ߡߙߎߕߌߓߊ߯ߕߐ ߢߌ߲߬ ߠߎ߬ ߓߟߏ߫߸ ߊ߬ ߞߵߊ߬ ߟߊ߫ ߞߐߡߊߓߌ߲ߓߌ߲ߠߌ߲ ߦߌ߬ߘߊ߫ ߏ߬ ߟߎ߬ ߝߣߊ߫ ߕߊ ߘߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߘߌ߫ ߞߊߘߊ߲ ߓߍ߯ ߞߍ߫߸ ߞߵߏ߬ ߟߎ߬ ߞߍ߲ߘߍ߫ ߜߋߙߋ߲ߜߋߙߋ߲ ߠߊߛߐ߬ߘߐ߲߬.
<<ߒ ߧߋ߫ ߓߍ߲߬ߒ߬ߛߋ߲߬ߡߊ߬ ߞߋߟߋ߲ ߣߌ߲߬ ߕߣߐ߬ߓߐ߬ ߟߊ߫߸ ߞߵߊߟߎ߫ ߞߎߟߎ߲ߖߋ߫߸ ߊߟߎ ߒ ߝߊ߬ߛߏ߲߬ߘߋ߲߬ߢߐ߲߮ ߠߎ߬߸ ߡߍ߲ ߠߎ߬ ߦߴߊ߬ ߞߣߐ߫ ߦߊ߲߬߸ ߊ߬ ߣߌ߫ ߞߐߞߊ߲߬߸ ߊߟߎ߫ ߟߊ߫ ߞߐߡߊߓߌ߲ߓߌ߲ߠߌ߲߫ ߓߊ߲ߓߊߟߌ ߟߎ߬ ߞߏߛߐ߲߬߸ ߞߟߊߓߎߘߏ߲ߠߌ߲߫ ߗߋߛߓߍ ߟߎ߬ ߞߏߛߐ߲߬ ߓߌ߬ ߕߋ߬ߟߋ ߞߎ߲߬ߕߊ߮ ߞߘߐ߫، ߏ߬ ߞߵߊ߲ ߦߌߟߡߊߘߌߦߊ߫ ߞߊ߬ ߕߊ߬ߡߌ߲߬ ߣߌ߫ ߞߎߘߊ߫ ߘߏ߲߬ ߠߴߊ߲ ߘߐ߫߸ ߞߊ߬ ߛߋ߫ ߞߍ߬ߟߍ ߣߌ߲߬ ߞߍ߫ ߟߊ߫.>> ߊ߬ ߞߵߏ߬ ߟߋ ߝߊ߬ߙߴߊ߬ ߟߊ߫ ߞߎߡߊ ߞߊ߲߬.
ߞߊ߬ߝߏ߬ ߞߎ߲ߕߌ߮ ߞߵߊ߬ ߟߊ߫ ߞߎߡߊ ߞߎ߲߬ߘߏ߲ ߞߍ߫ ߕߡߊ߬ߖߌ ߓߐ ߟߋ߬ ߘߌ߫ ߓߍ߯ ߘߐ߫߸ ߞߏ߫ ߓߍ߯ ߦߴߊ߬ ߟߊ߫ ߓߊ߯ߙߊ߫ ߞߍ߫ ߊ߬ ߢߊ ߡߊ߬: <<ߒ ߧߋ߫ ߕߡߊ߬ߖߌ ߓߐ߫ ߊߟߎ߫ ߘߐ߫߸ ߞߏ߫ ߞߏ ߟߎ߬ ߓߘߊ߫ ߛߌ߰ ߞߟߊ߬ ߞߋߟߋ߲߫ ߞߊ߲߬، ߊ߬ ߣߌ߫ ߒ ߧߴߊߟߎ߫ ߞߟߌ߫ ߟߊ߫ ߡߎ߲߬ ߡߊ߬߸ ߊߟߴߊߟߎ߫ ߟߊ߫ ߞߏ ߟߎ߬ ߞߍ߫ ߦߏ߫ ߊߟߎ߫ ߘߋ߬ߙߌ߬ߣߴߊ߬ߟߎ߬ ߞߍ߫ ߟߊ߫ ߢߊ ߡߍ߲ ߡߊ߬߸ ߞߵߊ߬ ߘߊߡߌ߬ߣߊ߫ ߓߌ߬ ߥߎ߬ߙߊ ߣߌ߲߬ ߡߎ߰ߡߍ ߟߊ߫، ߟߊ߬ߞߊ߲߬ߘߊ߬ߟߌ ߕߊ߬ߣߍ߲ ߞߵߊ߬ ߟߊ߫ ߖߊ߬ߡߊ ߟߊ߫ ߖߛߎ߬ߛߎߡߊ ߞߊ߲߬߸ ߢߊ ߘߌ߫ ߡߊߖߌ߰ ߏ߬ ߟߎ߫ ߝߍ߬ ߝߊ߲߭ ߓߍ߯ ߘߐ߫ ߡߎ߬ߕߎ߲߬ ߞߵߊ߬ߟߎ߬ ߘߐߖߊ߬ ߖߡߊ߬ߣߊ ߘߎ߰ߞߣߍ ߡߎ߰ߡߍ ߞߊ߲߬߸ ߖߐ߲߰ߛߊ߫ ߓߍ߯ ߟߊߘߍ߬ߣߍ߲ ߘߌ߫ ߛߴߊ߬ ߟߊ߫ ߖߌ߰ߣߌ߬ߦߟߍ ߟߎ߬ ߞߍ߫ ߟߴߊ߬ ߢߌ߬ߡߊ ߟߊ߫.>>
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.